انظر لوجه الله قد قطعت اعضاه
واويلتي ويلاه من شده المنظر
_____________________________

هذا اصبعه وهاي ريته وهذه خده وذاك ظهره
وذيج رجله وهذا جفه هذه الاكبر صار وذره
وصله وصله شلون المه صاح ابو اليمه يزهره
حته جبده مثل حمزه يمه ماكو وين ادوره

لو كنا اهل الفيل ما بعثر السجيل
قد ناح عزرائيل من قبضه تعذر
من شده المنظر
_____________________________

من اجه حسين ويلمه مد عباته وبيده يجمع
كل خليه بجسم الاكبر من يلمهه روحه تطلع
يدوي صوته جن يكله وينه جدك خله يسمع
كله حيله انهد عليه وبعد زينب راح ترجع

يا رازق الارواح خذني لكي ارتاح
لا ينفع الاصلاح في امهً تسخر
من شده المنظر
____________________________

وجه يوسف ايه الله شفت وجهه وكلت سوره
من جماله شما اركز فوك عينه يعله نوره
هاي سوره طه يمكن لو محمد بالي اشوره
ثاري الاكبر هذه نايم جنه كاعد من سروره

مذ رايت الوجه قلبي زال همهُ زال تعبي
كيف يرضا قلت ربي عن قاتل الاكبر
من شده المنظر
_________________________________

الي شافه وحز وريده عينه عميه وربه امرد
كلها تعرف هذه الاكبر اشبه الدنيا ب محمد
الي شافه بطيف مره كلبه يهده وروحه تبرد
ادري الي كلبه اجاله شكد حقير وكلبه اسود

هل هذه قلب قيس قد فاق قلب ابليس
لو كان هذا اريس من قتله تحجر
من شده المنظر
_______________________________

احلى ذكره ل بو الاكبر جان الاكبر من ينظره
من يشوفه يشوف جده يذكر البوسه البنحره
وذره وذره ليش الاكبر صار تدري راح افسره
لان ذكره باله جانت كطعوا جي هوه ذكره

لو قلت هذا الروح في كربلاء مذبوح
ما كان لي مسموح بل مزقوا اكثر
من شده المنظر
_____________________________
هيثم الدراجي

عشكك خلاني ابو فاضل ثاني
......
.
يابو سكنة عشكك انتة بي صرت هايم
باوعولي كلها كالت ياكمر هاشم
انة هوة هوة انة حارت الوادم
احسبني عباس انة اخيك هم الك خادم
حيدر كبرني حبك علمني
------------
الشمس يمك ماشفتها طافية كبالك
انتة الحسين انة مسلم مسلم بجالك
سجت الشوك بيها امشي اجي اتعنالك
الما يحبك يا حبيبي راح يتهالك
حبك نجاني مسلم سواني
------------
اية الحب ياحبيبي الك مكتوبة
جي سفيرك ماكو يمك روحي متعوبة
ما اجيلك لان كبلك روحي مسلوبة
كلبي عايش لان ميت لجل محبوبة
ميت والغالي ساكن دلالي
----------
خايف عليك لا تاذيت خفت من عدهة
اعضائي طاحت يا حبيبي وانتة ساكنهة
طحت من فوك كون عينك ماطحت منهة
باجر اعطش ماكو عينك واروئ من عدها.
حبك مولاية ما مات وياية
-----------

بعت روحي لجلك انتة وابد ما ابيعك
خلني اموتن ولا اشاهد تسعة اصابيعك
بوصلة تنشال مو بتابوت هيج تشييعك
مكطع اجزاء شلون مدفون كبر ميسعك
الموت هواية اهون من هاية

لمولانا مسلم
كلمات الشاب حسين عواد

دخيلك يعباس ... دخيلك يعباس
_____________________

حي كافل زينب الشد ظهره
ارتجل خطاف الارواح بمهره
ظهر اخوو واسمه عين الزهره

الما يجي منهه هواي نار خيم عل ماي

ابن بدويه وربه بجف حيدر
الزلم يمه بلايه حس تتكتر
هوه خلاس الزلم من يحضر

السالفه وكل الراي برايتك يل سكاي
___________________

الذبله جلمه ما يشوف لسانه
والحروره اتكوم تجوي ردانه
الله غير ل خدمته سووانه

حي راعي الرايه وكمر هالوفايه

سبع بيت ام البنين ونوره
وكمر اخته وجبر للمكسوره
صار حصن حسين بلطف سوره

وعل نهر دك ثايه هوه حسين ومايه
____________________

السيف ما يخطي بيمين الكافل
الخيم صاحت هلا يابو فاضل
ايعيل سيف ويبتلي الما عايل

هلا ابجف الصنديد كلف والشافه يبيد

شمس ما يتكابل المر سيفه
موت الاحمر ما يرجع ضيفه
الله يتباهه ويكول ابكيفه

سيفه بالموت ايصيد ولخوته هلال العيد
_____________________

الفضل متفضل عليه الكافل
مثل حيدر ما يرد السائل
بكلشي يشبه والده وميجامل

هيه بس رفعة ايد بضربه وحده وميعيد

حته بالموت انغدر جن حيدر
اليوكف اكباله يضل يتعثر
خاله خاف ايكابله واتعذر

لخاله يبعث تهديد شما كتل منهم حيد
____________________


هو سالفة ال علي ورباطها
بيده كمطها ويفك اكماطها
الحرب مثل الكلب فت نياطها

سيفه عطشان الدم الكابله يتثلم

فتك اركاب الحرب بالصارم
بصولة العباس الله العالم
الموذر يمه ينعد سالم

اكباله جيش تهدم انطه جف ما مهتم


علي عبد الرزاق

هم سامع كمر ذبلان
هم سامع جرف عطشان
هم سامع عدل مذبوح
وكبر يمشي

كبر حالي بحبل مربوط
بهزل تمشي مشي مخربط
عليه فياي مالت روس
وجدم تنزف حجي مخيط
عفت شاطي وكمر عطشان
عليه انسد لذيذه الشط
ركض واكف ركض بي ماي
لو حرك رمش يفحط

هم شايف جذع غدار بفيايه عمود ودم
ما يهتز على العباس وخته منالقهر مريم

هم شايف هوه مخنوك
هم شايف عواج النوك
هم سامع لحد حافي
وكبر يمشي
__________

شوك الكاع اذا اطره
اترسه اجدام مال اطفال
بدمع اسكيه شابع طك
ما كاسر كلب جتال
بعباتي اليل شابع نوم
واني امشي وطر اتلال
وبجي التنجر تراجيها
الدمع بلل بديها احبال

هم شايف دمع ينشك من حمله ويصير اثنين
من خد اليتيمه يطيح ويغسل الطشت لحسين

هم طرت بخوك الخيل
هم طرت بناتك ليل
هم سامع حصيره اجفان
وكبر يمشي
________

الرمل مرتاح من طرتي
شو ذره عليه اتراب
ما يدري شعفت بردان
ما ضلن عليه اثياب
ياباب الهوه بهداي
علي ماكو ويسد الباب
شعاتب سوط بيه متون
شابع اخ من ارباب

هم ماشي بدرب تعبان ما شايف جدم للناس
من دسته سمعته يصيح دم تجري على العباس

هم دافن بديك اطفال
هم دافن عليها حبال
هم سامع دمع مدفون
وكبر يمشي
_______

وحي فراكك دمع نازل
مو بل الغار بل الهيمه
عش الطير ما يستر
ولا ينسج علي خيمه
يكلي اقري بسم الماي
ياماي الشفت ضيمه
دخليني يدمعي وروح
عاري حسين بل الهيمه

ياوحي الدمع خوله ترستها الخرابه اجروح
لتغيم علي بل الخد فيي الها الكبر بي روح

هم ماتو بديك اخوان
هم عندك بجن نسوان
هم سامع نحر مسحوك
وكبر يمشي

هيثم الدراجي

المات وبي ضلع مكسور
ميحس بالام جسمه
ما يحجي ولا كلمه
بس الزهره ناغتني
حيدر ضلعي لتلجمه

__________
عمرج دمعه مو شمعه
عد الله الشمع يصبر
ضلعج لو عرش بلقيس
برموشي الحسن ينطر

شيرجعه اليدور بيت ما بي باب
لا بسمار يمه ولا بشر يعصر
شيرجعه اليريد ايموت ما مرتاح
لو شيب طشت كدامه لو خنصر

ياكطرة يتيمه برمش زينب شط
ياظلي الجبير الصار عكبج خط
ياحالي وحلالي وحيلي المربط
خسرتج

لا تعتب على المعذور
همسة لانها حاجتني
لا توصل علي لمتني
نزلت دمعه وصتني
حيدر ضلعي لتلجمه
___________
كل باب الخلك مسدود
بس بابج عكس خلكه
عل حايط طبكته اصير
مو يم الضلع طبكه

شيفهمه الجذع بسماره مو جتال
لا محسن يعرفه ولا حصل ملكه
شيطيب الكحل بالعين عد عميان
الما عنده ستر جلمة علي تخنكه

ياونين الموت بكلب ميت قهر
يالخانك علي موتج وكاسر ظهر
يابالي ودلالي وجرحي المحير
خسرتج

شغسل يا ضلع مكسور
كلشي بظهرج امهشم
يلجم حته مي زمزم
أنت أنه مالت هم
حيدر ضلعي لتلجمه
_________\_
عمر محسن عمر مكلوب
بده مخلص كبل وكته
الهوه عافه وشهك بسمار
ترس ريته وشبع سكته

شصبر ياالزجيه الباب ما ينشال
انه خيبر قلعته وهذا ما شلته
شصبر والنحول البيج ويه الباب
ما يرهم عليج شلون جارعته

يالجمة المكسور نام بلا جبر
ياحسرة الدفان ظل ابلا كبر
ياخلي وخليلي وخلوة العمر
خسرتج

لو طال الغسل مجبور
عل مثلج صعب هجره
يحفر بل كلب حفره
فزت وأنت الزهره
حيدر ضلعي لتلجمه
_______
علي بنار الكلب شمروك
ثلثك ماي بس محروك
الهوه بيدك تغسل بيه
أثكله الثوب عالمخنوك

شحمل والجفه جتال ما ينشاف
علي بظله السعف مرتاحه العثوك
شحمل والرمش ماظل طبك بيه
لا يعصر صفنتي ولا علي مطبوك


ياحزني الغميج الماله كد وحد
ياجفن العزيزه الونه لون اسود
ياكوني وسكوني وركني المدد
خسرتج

لا تقهر علي المشتاك
لهله امتاني البشاره
يعشك حته بسماره
مالت مني محتاره
حيدر ضلعي لتلجمه

الخادم هيثم الدراجي

يامولاي يابو الرضا
يامولاي طالب رضا

---؛-------
يامعدن التنزيل
ياصاحب التأويل
ياحامل التوراة
ياراهب الانجيل

العالم العادل
الصادق العامل
طامورة الحق
وكاشف الباطل

ياسجن وطامورة سندي
تمنع عنك دمعة خدي
مو بس انه ازورك حافي
حافي يزورك حته المهدي

معجزاتك شوفتني بنية العابد تعب
واليتعب الروح لله يلكه كدامه العجب
والذهب مثلك بكبره ينفرش كون الذهب

يامولاي يابو الرضا
يامولاي طالب رضا
-----؛؛؛------
يادوحة العصمه
ياشجره الرحمه
يامهبط الوحي
ياموضع الحكمه

الطامح الزاهر
الواعظ الشاكر
الصابر المسجون
العابد الناصر

حته بنعشك راسم صوره
ستر الله وهينه الطاموره
بنت الشافت خيره الغربه
شافت غربه الما مكسوره

بالسلاسل ذكرتني زينب شطابع بديها
الحبل ياكل جلدها والشمر يصرخ عليها
والحده بزينب زجرها لو سمع اخ بجيها

يامولاي يابو الرضا
يامولاي طالب رضا

-------------

ياهمسة التهليل
ياملتقى الترتيل
ياصفوة التسبيح
يامستقر جبريل

الرافد الزاخر
العارف الباحر
الكاظم العافي
والمرشد الناذر

من كد صومك صاير وركه
والشافك ثوب انطي حكه
يامولاي السندي شخله
كل يوم يرفسك باالخنكه

جم رطل هو حديدك وانته زادك بس تمر
الكمر هايم بنورك وانته عود مناالسمر
ماكو مثلك من يصلي يطبك الفجر بفجر
يامولاي يابو الرضا
يامولاي طالب رضا
-------------

ياملتحي الدمعه
يامعبر السبعه
ياناعي بالثبور
يابلسم البضعه

الكاسر المكسور
الساعي والمشكور
لحجة الحسين
والداعي بالثغور

ياموسى شفرقك عن موسى
هارون اهناك الي ايبوسه
وانته المصلح بس هارونك
بقتلك هام ودك ناقوسه

النبي هارون يخجل من اسم هارونه
موسى غركان بمنيته والنجا فرعونه
لو دره جا نادى ربه وحيدر يسمونه

يامولاي يابو الرضا
يامولاي طالب رضا
----------------
ياعارف التنسيب
ياداحض التكذيب
يااقرب الاصلاب
ياسادس الترتيب

الزاهد الناقي
القارئ الراقي
الباكي للكفوف
وعاشق الساقي

الما يكدر يتنفس نسمه
شلون يصلي وبايد جسمه
حته المحبس طاح منيده
من كد ضعفه الغير رسمه

والهدم كبرن دخيله وصار عود منالوجع
الله يعلم من يصلي بل صلاة شكد وكع
والهوه اليدخل بكلشي ما دخل يمه نمنع
يامولاي يابو الرضا
يامولاي طالب رضا


هيثم الدراجي

الخادم حيدر شايع

هاي الغربة
وجهين الهه
تطلع مره بنوك اخوانك
وتطلع مره بنوك الكطعو روس اخوانك
اهنا يبدي الما بادي بحربه
هاي الغربة

هاي الغربة
تغير لونك
تطلع ٦ اشهر من اهلك
وترد اهلك ميعرفونك
من تخفك اي رايه تهزك
بيش تذكرك
من اتشوف اي بير تعوفة
خاف
يطلعك انت وسرك
طالع سرك
وخيالك من يطلع صعبه
هاي الغربة

من تتقدم خطوة وترجع
يعني بضهرك عايف كلشي

من تمشي وتستغرب مشيك
يعني اول مره بلا كافل جدمك يمشي

اتخيب امالك
جنك غافي ولمن تصحى
متغير حالك مو حالك

بمكفاك تبين اثارك
يبين ضلك خارج دارك
من كلبك لعيونك نارك
من تتكدر موش اكدارك
لا راية ولا خيمة ولافي
والشام بلا هودج رايح تمشي بدربة
هاي الغربة

دمعك اكثر من خطواتك
تحاول تتذكر تسميتك ويه اخوانك
وتحاول تمسح دمعاتك
فوك الناكة وتبقى تحاول تنسه الحاضر
وتعيش بماضيك ساعه
بس يمنعنك لجماتك

من تريد اتعيش بخيمة
وتقبل حتى بحلم الخيمة
تحلم تحلم تلكة حسينك
وتفتح عينك تلكة الراس

ومن تريد اتحس خوانك
يمك ويحيطون امجانك
بس اطيح ابجفك دمعة
من رمحة ويبجي العباس

ماتلكة الغطاك بحبه
هاي الغربة

اليسأل عن حالك تبجيله
ماتكدر تحجي شتحجيلة ؟
المسبي يجتفونه ويه احلامه
المسبي شما يتقدم خطوه يتغير شي من ايامه
المسبي يعوف بضهره اخوانه ومايعرف شي بالكدامة
المسبي اي شي بي في يذكرة بفي اخيامه
المسبي يضل يترقب شامه
والجاي يثكل بجدامة
المسبي اي احجاية تهز كلبة
هاي الغربة

كلشي يصير
ما تتوقع شي ميصير
تقدير العالي يضل ماضي
بالشام يضيع التقدير
من هسه اتعلم بالشام شلون تحير

انسه الترحيب انسه الاهلن
بالشام انسه الملكة الحار
راح يلاكونك بحجار

من راح يشوفون دموعك يحتفلون
لو يدرون انت شجان اسمك لو يدرون

اي يدرون
جدك سيد هاي الأمة ولجدك مايهتمون
اي يدرون

يدرون شكد عالي بقدرك
وع الكاع بخربة يكعدونك

يتعمدون بحذف القابك
بالشام المسبي يسمونك

وبين اهوال الشام ويومه
خوانك مطبوعين بعينك
شيطلعهم من عيونك

العين الماتعمه بفركاهم
راح تضل تلم بالغربة
هاي الغربة

يا شهم يا فارس انت ويا شبه فصل الخريف
ومن تطب تصير كلها
وجوه صفرة
الكاع حمرة
الجيش صخرة
انباك عمرة

من يدخل نزال ينزل شكم راس
من كد ما شجاع بعلي من ينقاس
الضدة شاف ركضة وسمع بس عباس
ما لحك حتى يذب ثوبة
.........،
يا كمر يا نور انت وبل حرب مثل الضلام
لو عدوك شمس تلبد
خوف منك
موت جنك
بعد عنك
شهم لنك

مولاي بصفاتك زلمة ابد ما صار
يل شايل صفات وهيبة الكرار
من تدخل سهم لا ترد لا تندار
وبضهرك موتة مخليها
......
يا صعب يا اسد انت مخوف الزلمة اليدوس
ابطن لبوة وما تهمة
خاف اكثر
صار اصفر
رجف الاشتر
خوف يعثر

ترة الرجفت مالك فقط خزرة عين
حكة يخاف فارس منة ماكو ثنين
اذا طب للقتال الجيش يشرد وين
ودخيلك فكنة يحلفونة

...........
يا نهر يا ساقي انت ومن فتت نيتك تجيب
الماي مو نيتك تحارب
فتت راية
الماي غاية
فقط هاية
النهر ماية

من طبيت نيتك فقط ردت الماي
ما ردت القتال وكلها تدري بهاي
لو نيتك تحارب ولحسن مولاي
جا شلت الطف ودكيتة
.........
يا غضب يا نار انت بوكت غيضك ما يرد
الزلمة الملاكيك سيفة
الموت جاسة
انكطع راسة
ضاع ساسة
الفرس داسة

التضربة التخزرة والتخطفة يموت
ولراكب فرس رد راكب بتابوت
من تطب يصيح الجيش كلة بصوت
خل نشرد لا يوصل لينة

الشاعر حسين عواد

سيدة الالم ياسيد المعرفه ما غمضت من نادى الك جبريل

تهدمت والله اركان الهدى
نادى جبرائيل بقطار السما


-------
تسمع مشي جدم الوجع زينب طلع منها الكلب مارد
صوت القلق مشي الدمع هم ينسمع فوك الجلد بالخد
حته الوكت عاف الفرض عاف الركض وبساعته
تعبد
يارب علي سالم علي بداعت علي يارب
دونه صعب امشي صعب وكتي صعب يارب
الرد الشمس كبل الشمس شك الشمس يارب


ولاكن ليلة القدر قد قدرت
وجنة المعبود له تحضرت ونادت السماء

تهدمت والله اركان الهدى
نادى جبرائيل بقطار السما
------------
غاص بعلي حوت الاجل عز وجل مشتاق اله مولاه
جاه وجه ما همته ولا زادته وحده الاسم
بي جاه
راعي اليتم راسه نفلق بأخر رمق اقسم فزت
بالله
حته الكمر واخت الكمر بجه الكمر حاله
ورب كعبته الشك كعبته هز كعبته حاله
براسه اليتم شاف اليتم اذى اليتم حاله


بينما السماء قد فتحت ابوابها
حل عويل القوم بين احبابها وسمع النداء

تهدمت والله اركان الهدى
نادى جبرائيل بقطار السما
-----------
بحر العلم مو بالعصا بسيف العصا شك هامته
الفاجر
هذا السفر زاد الكسر بأام الخدر من سمعت
مسافر
هونك علي بزينب كضه صبر الرضا وعدها بعد
عاشر
يابا الحسن بيك الحسن ينعه الحسن روحه
وحسين الك يبجي الك طلعت الك روحه
حته الخلك ماله خلك عاف الخلك روحه

والقوم بين باكيا عليه وجزوعا
تغير حال السماء وصبت دموعا فنادى جبريل

تهدمت والله اركان الهدى
نادى جبرائيل بقطار السما
------------
سار الفلك نوح بتشر اعظم بشر نعشه اجه
بفلكه
ضاك الهجر قلب الكمر حيل نهطر من لجمة
الفركه
ماكو بعد والد أبد يفكد ولد بس ضلت الخنكه

يابا الفضل مات الفضل حضر فضل باجر
لتل الصبر ضم الصبر عندك صبر باجر
ياابن علي حكه علي رادك علي باجر

بينما بنو طالب به فجعت
رأت العباس زينب فوقعت فعلا النداء

تهدمت والله اركان الهدى
نادى جبرائيل بقطار السما
--------
راح النعش يم موطنه كلشي نحنه وهلا نطق لحده
كاس الابن ظل منتظر بيد الفقر واتبده من
وحده
الرد الشمس راح ومشه ربي حشه ماكو علي
ايرده
ورب النخل جاثي النخل حته النخل كلبه
من حنطه بس حن نطه شكد حنطه كلبه
حته الحمد لجله الحمد يقره الحمد كلبه

حينها وجد الحسن قبره محفور
ولحده مثقوب فلطمت الصدور فزاد الصياح

تهدمت والله اركان الهدى
نادى جبرائيل بقطار السما

هيثم الدراجي

انا ولد فاطمه ذات التقى
وانا ابن الصفا
وانا فخر الورى
ولدت في المحل البعيد المرتقى

انه قتال العرب وانه حامل اللوه
انه ابو الحسنين اسد ومني عباس الضوه
انه قالع خيبره والله سخرلي الهوه

انه الظاهر
انه الباطن
انه المحيي
انا المميت

انه حيدر ابو الاسباع خالس الكاع سيد النور
انه ادره الراح والجاي ملك عالماي علم مفجور

انه حيدره
____________________
وانا ابنة خديجة الكبرى
وانا ابنة من دنى فتدلى
وكان من ربه قاب قوسين
او ادنى

انه سيدة النساء وانه سر المصطفى
انه انوار السماء الكون من دوني انطفى
وانه خاتون القيامه انا فاطم وكفى

انه الزهراء
انه الحسناء
انه التشفع
وانه الخمصاء

انه فاطم ام ابوها اليخدموها املاك السماء
انه نور الله الاكبر انه الكوثر خيرة النساء

انه فاطمه
__________________

انا المثاني والقرآن الحكيم
وانا النبأ العظيم
وانا الحبل المتين
وانا علي مكلم اصحاب الرقيم

انه ابن المحصنات وحافظ دروب السمه
وانه حل المعظلات وانه ماي اعله الضمه
وانه طوفان العزيز وسوره الله المحكمه

الجنه بيدي
هيه والنار
سيفي فقار
وانا الثأر

انه سر الله المنان وانه سلطان وانه البيت
وانه سيد والي اسماء بيدي احياء بيدي الميت

انه حيدره
______________________
وانا خاطبني من السماء راحيل
وخدمتني الملائكة جيلاً بعد جيل
وانا الكوكب الذي يلمع
وانا الشفيع المشفع

انه بنت الصالحات انه النعمه الدائمه
انه سورة الالٰه وانه البره العالمه
انه حلال الشدد فقط قل بفاطمه

بحر مسجور
بيت معمور
الشرف انه
وانا النور

انه من اسرار الحياة وانه النجاة للراغبين
وانه مني انهار الماء وانا الشفاء ام الحسين

انه فاطمه
_______________

وانا كسفينه نوح من ركبها نجا
ف انا نور الورى
وانا ولى زلفى
واشتق اسمي من العلي الاعلى


انه علم الانبياء وانه سيد عل بشر
وانه وي موسه جنت وانه فالق البحر
وانه فلتت الزمان وللضمه ذكري نهر

اسد الله
عين الله
هيبه الله
اذن الله

سيفي وكت الحرب طوفان قاتل الجان انه كرار
انه سر العلي المكنون سيد الكون سر الاسرار

انه حيدره
_______________

انا ابنة من انزل عليه القرأن
وانا ابنة رسول الملك الديان
وانا يعتق الله من احبني من النيران

انه فاطم هذا اسمي جاي من رب السمه
اسمي مشتق من الفاطر وصار اسمي فاطمه
انه كوثر بالجنان وانه اروي امن الضمه

سر الله
نور الله
انه فاطم
رحمة الله

لجلي تاب الله اعلى ادم والى العالم رحمه ذكري
انه المن بحري يغرفون ما يخسرون علم بحري

انه فاطمه
____________



المفاخره والملاطفه بين سادتي علي وفاطمه ع
تبيان عظمتهم مأثوره عن ابن شاذان

حسن الدراجي
علي عبد الرزاق