سلطانة حيدر

سلطانة حيدر عز وفخر
مهيوبه وما زالت للدهر
يا دنيا الما صح بيها يصح
تنشاف الما جانت للنظر

يا دنيا والله عجيبه
هية الاميرة وحبيبه
تبدل إسمها غريبه

الحادي صاح وطلعت
مذبوح أخوها سمعت
من الخيمه تركض فرت

يدنيا شمالچ
يتمتي عمت الساده
تفر من خيمه
الخوتهة چانو قاده
تصد لحسينهة
مسوي الرمال وساده
—————————
يا دينا الخلت زينب تحوم
عاشوراء الما مر مثله يوم
يصير البيها الما صاير حرام
تركض تعثر وانوبه تگوم

عطْشانه وما بيها
حر الرمل يچويها
بس ما نهض واليها

ضامي ياندي الضامي
صاحتله ماهي خيامي
وين اليلم ايتامي

العطش ماذيها
وتصيح لحگو عليه
يهاشم گومو
التركض تره علويه
واذا ما گمتو
ياخوتي انه مسبيه
—————————
يا غربه الما رحمت بت علي
صعدت فوك الناگه بلا ولي
اول مره تمشي دون حسين
من سار الحادي صاحت هلي

ياهو النشد عن حالها
من ذبْحو أمالها
ياهو اليلم عيالها

تتلفت ومنتظره
حسره تجرها بحسره
رادتة يوگف مره

بقت منتظره
وضلت تفزع حيودها
بگلب مكسوره
ياهو اليوصل جودها
بحبل مچتوفه
ياهو اليحل گيودها
—————————
من فوگ الناگه وضلت تحن
صاحت يا خويه بهزلة وتون
هزله بلا هودج كلش صعب
صعبه الخطوه تخطيها بحزن

شيحمل دربهة بدونه
صاحت يخويه العونه
بالشام ينتظرونها

مرت عليه وصاحت
هزتها بس ما طاحت
يا خويه الحگ ناحت

مشت بعيونها
الغربه وتصيح حسيني
تصيح حسيني
وين السبايا ويني
يخويه بدونك
ياهو الذي يدليني


سيد سجاد الحيدري

يخوي سبونه
كوه خذونه
اجيت عليكم
لان ما تجونه

حدر الشيله جبت الماي
اشرب شفتك تروي

كعدت بصفك بجيتك
بدويه ونعت بدوي

الله يساعدك يحسين
يحسين الرمل يجوي

مصيبتكم مصيبه
وزينبكم غريبه

…………

الموت أجاكم
وبعيد خذاكم
إذا ما تجوني
اموتن وراكم

اجيتك خويا عوف النوم
آيدك بيدي خليها

عباتي اجت بيها النار
أجيتك كوم طفيها

طفالك عطشت وتركض
تركض بيها ما بيها

تسميني الاميره
ويسموني الاسيره



……….

أتكوم أريدك
تخلي إيدي بيدك
نروح ندور
طايح عضيدك


الكمر فوك النهر طايح
هاي الليله ما سهران

سهم غافي بوسط عينه
نايم شفته عل التربان

واليسكي العطاشى اليوم
ضل اعله النهر عطشان

هالليله طويله
طيحتكم ثجيله


…………..
عليك بجينه
نريد تجينه
حركوا خيمنه
بهيمه بقينه


من اعطش يضربوني
جا شيصير إذا انوحك

طلعت روحنه يحسين
من انت طلعت روحك

مصاويب وجروح كبار
بس أكبرهن جروحك



بت حامي الحميه
اخذوها سبيه

علي فتاح

كون الهلي يودون الطروش
ويدرون بتهم بين الوحوش
تمادو وياي وماكو رداد
وين السيوفة حدر الرموش

سل خزرتك بعيونهم سل
بس انت المضوگهم الذل
طلعن اجدامي واسمي للشام
ومن جنت يمكم ماطلع ضل

يالتطوي كاع الله وتطرها
طر عالغريبة وليلة مرها
بنتك ترة ياقالع الباب
عل باب توكف مو كدرها

عن شدتي تنشدني كلها
مو والدج كل شدة حلها
احضر بعد ضليت احتار
الوادم التنشد شكلها

حد خلي للماعرفو الحد
وسد الابواب الصعب تنسد
للشام بوية بمهرتك غير
ومن الهضم خل كلبي يبرد

ناخيتك وعندك دخيلة
شيلة الحمل من ضهري شيلة
بنتك ترة من دخلت الشام
مسبية ماعادت عقيلة

يابوية موجودات للحين
من كربلة بية نياشين
لوتدري بية شعفت عل كاع
جثة غريبة عفت الحسين

كرار اياد
اللهم عجل لوليك المنتقم الفرج

غمها الاگلوب الخايفة من اليجي
يم علي دام الراي والمستقر

بطارف عباته تمسكينه ولمَن
هب الهوى معاكس ولا مسنه ضرّ

نوّخنه يمة وما نسّدر بعد
حُب علي امتاع وهذا الاسمه سفر

يا من هوه الشوفنه وجه الصبح
لن عاشگ المعشوگ لذتة السهر

اعطش تشّهد لأسمه وكت الفرض
خو للشهادة الثالثة اعطش بحر

سلمان مو بس حَب علي وانتهت
لا چان فوگ اثاره يتّبعة اثر

دين الله ربحه بيا(علي)شتعترض؟
واصل الولاية تميزك اعله البشر

تريحك ثرها ديار أهل لا فتى
وديار غير إلا علي چن سقر

اني انتمائي وكل وجودي إله
شيعي واضل وعنادي من الگمر

ما ارتد ولا رد شبر ليورة
لو عرف حبه يريد حزة نحر



اسعد الله ايامكم وارواحكم بولادة وولاية علي بن ابي طالب صلوات الله عليه🤍

يامولاي يابو الرضا
يامولاي طالب رضا

---؛-------
يامعدن التنزيل
ياصاحب التأويل
ياحامل التوراة
ياراهب الانجيل

العالم العادل
الصادق العامل
طامورة الحق
وكاشف الباطل

ياسجن وطامورة سندي
تمنع عنك دمعة خدي
مو بس انه ازورك حافي
حافي يزورك حته المهدي

معجزاتك شوفتني بنية العابد تعب
واليتعب الروح لله يلكه كدامه العجب
والذهب مثلك بكبره ينفرش كون الذهب

يامولاي يابو الرضا
يامولاي طالب رضا
-----؛؛؛------
يادوحة العصمه
ياشجره الرحمه
يامهبط الوحي
ياموضع الحكمه

الطامح الزاهر
الواعظ الشاكر
الصابر المسجون
العابد الناصر

حته بنعشك راسم صوره
ستر الله وهينه الطاموره
بنت الشافت خيره الغربه
شافت غربه الما مكسوره

بالسلاسل ذكرتني زينب شطابع بديها
الحبل ياكل جلدها والشمر يصرخ عليها
والحده بزينب زجرها لو سمع اخ بجيها

يامولاي يابو الرضا
يامولاي طالب رضا

-------------

ياهمسة التهليل
ياملتقى الترتيل
ياصفوة التسبيح
يامستقر جبريل

الرافد الزاخر
العارف الباحر
الكاظم العافي
والمرشد الناذر

من كد صومك صاير وركه
والشافك ثوب انطي حكه
يامولاي السندي شخله
كل يوم يرفسك باالخنكه

جم رطل هو حديدك وانته زادك بس تمر
الكمر هايم بنورك وانته عود مناالسمر
ماكو مثلك من يصلي يطبك الفجر بفجر
يامولاي يابو الرضا
يامولاي طالب رضا
-------------

ياملتحي الدمعه
يامعبر السبعه
ياناعي بالثبور
يابلسم البضعه

الكاسر المكسور
الساعي والمشكور
لحجة الحسين
والداعي بالثغور

ياموسى شفرقك عن موسى
هارون اهناك الي ايبوسه
وانته المصلح بس هارونك
بقتلك هام ودك ناقوسه

النبي هارون يخجل من اسم هارونه
موسى غركان بمنيته والنجا فرعونه
لو دره جا نادى ربه وحيدر يسمونه

يامولاي يابو الرضا
يامولاي طالب رضا
----------------
ياعارف التنسيب
ياداحض التكذيب
يااقرب الاصلاب
ياسادس الترتيب

الزاهد الناقي
القارئ الراقي
الباكي للكفوف
وعاشق الساقي

الما يكدر يتنفس نسمه
شلون يصلي وبايد جسمه
حته المحبس طاح منيده
من كد ضعفه الغير رسمه

والهدم كبرن دخيله وصار عود منالوجع
الله يعلم من يصلي بل صلاة شكد وكع
والهوه اليدخل بكلشي ما دخل يمه نمنع
يامولاي يابو الرضا
يامولاي طالب رضا


هيثم جعفر

ال موسى ابن جعفر

طامع بحبكم سادتي
يا ال موسى ابن جعفر
كل ما ذبل گلبي الضمي
ابنظرة وحده گلبي يزهر

عايش برحمتكم عبد
واستجدي منكم كرامه
غير انتو آل المصطفى
عطف وسلامة وشهامه

جوهر أمامه بعد امام .. بأبوابهم الگة السلام
باسمائهم گلبي ينطق
عند العبد طاعه ولاء .. ولذت انه باكناف الرجاء
سلمت تسليمي مطلق

ديني الامامي عز وفخر
زينة ولاية واجمل صور
الخله واحد يمكم شرك
دين الله لولاكم ما ظهر

شيعي ولائي حيدري
شيعي وديني جعفري
—————————
كاظم الغيظ برحمتة
يعفي على عبده ذنوبه
وإبنه الرضا منه الرضا
رئفه وأنيس بهبوبة

والقاسم إيمانه ظهر
طبع العطاء عاده عنده
معصومتة الكلهة كرم
فاطمه المعصومة بعده

ابوابهم باب السماء .. وباسمائهم يحلة الدعاء
واعتابهم موطن الي
والحيرة المن اتجه .. اليا باب يلتف الوجه
بكل خطوة اگولن يا علي

اكضي طريقي شوگ ومحن
واللهفة كلهة بگبه وصحن
ساداتي ديني وحرزي ويقين
بيتي وملاذي واجمل وطن

شيعي ولائي حيدري
شيعي وديني جعفري
—————————
يالذاتكم فوق البشر
ذاتي عبد كل حياتي
ابوابكم رحمة ولطف
انتم وسيلة نجاتي

اسمائكم قول وفعل
كلمن صفاته ومقامه
واتمسكت بيكم لان
انتم اصل هالأمامة

وبصحن اسد بغداد اطوف .. معصومه لو يم الرؤف
القاسم جميل بأثرهم
والزارهم مره بعمر .. يزورونه همة بالگبر
حي اليموت على حبهم

والما اجاكم كلش بعيد
وجهت وجهي ويمكم اريد
اطمع قربكم طول العمر
المات على حبكم ميت شهيد
—————————
يا ألبيت المصطفى
يا بني هاشم يساده
يا رحمة الله على البشر
يا سر عطاءه وداده

فتحت بيكم ناظري
واعمل بنية وبصيرة
انتم تحبون العبد
وهاذا اني روحي أسيره

حبل الله همة والوصال .. الهم اشد أيدي بحبال
وكل خطوه اخطي بدربهم
الگة الدرب كله حنين .. كل خطوه الگاهة حسين
وبأسمه عشگي وكل عشكهم

ساده وهواشهم واصل الولاء
وكل خطوه تاخذني الكربلاء
كل صرخه هتفت بأسم الحسين
من كل زياره وبكل عزاء

سيد سجاد الحيدري

دخيلك يا موسى ابن جعفر (عليه السلام)

ما برد جفي على اللطم
ابقه انهضم لهاي المصايب استمع
جرح الهواشم مستمر
كلما يمر في بالي بيهم انفجع

موسى الكاظم عاش الغربه وغربته شجون
يتئسى بضعن الرايلحه ويهمل عيون
باقي الوحده وضعنه تغرب ضل بالسجون

اهمل دمعتي دمعي جاري
البس سوادي وانكساري
الكاظم أمامي والمصابة
للمهدي لهفة انتظاري

ذريه حسين وطبعهم غرام
صار الغريب وعايش بضلام

سابع امام ومن نسل امام
موسى ابن جعفر سيدي السلام
—————————
في لوح امهم فاطمه
العالمه مذكور اسم سابع حجج
نوراً على نور نفتق
منه استبق مولود والصادق بهج

موسى الكاظم باب الرحمه رحيم العباد
عاصر امة جهلت حقه جان الهة رشاد
لا يم اهلة ولا يم ناسه غريب البلاد

غربة هواشم بغربته
من غربته ويواسي عمته
وبسجنه يتذكر مصايب
وعلى الذبح طاحت دمعته

مسجون من الجامعة جريح
وتهون عليه كلمة الذيبح
سابع امام ومن نسل امام
موسى ابن جعفر سيدي السلام
—————————
حزني بده من العهد
بالذر وعد الطم وابچي الفاجعة
سم وذبح لا مو هين
گلبي يون من السبي والجامعة

موسى الكاظم بيده گيوده وينزف جروح
ما راحم سجانه بحاله بغربته ينوح
ليش بنص سجنه يسمونه وتطلعله روح

الكاظم وحيد وموته محنه
وين الهواشم التدفنه
ضل عالجسر وبموته غربه
من نعشه محد يتدنه

الكاظم شهيد وعالجسر طريح
أسوه بحسين العلترب ذبيح

سابع امام ومن نسل امام
موسى ابن جعفر سيدي السلام
—————————
هاشم وعادتها القتل
عهد وصل من الله هاي المكرمه
والقتل حب الواصلة
ويضحي اله دين الله هيجي افهمه

موسى الكاظم ضحة بروحه كريم الوصال
وغربة ضعنه الذيج الغربه الفگدت دلال
هاشم يا هاشم غربتها تهد الجبال

هاشم جرح منتظره قائم
وتتكسر اغماد الصوارم
منتظرة مهدي ياخذ الثار
بهاي الارض وجه الله دائم

صرخه ينادي وبگلب حزين
لبيك ثار الله يا حسين

سابع امام ومن نسل امام
موسى ابن جعفر سيدي السلام

سيد سجاد الحيدري

ياتيها بيها نعفت
بيا طور ادور  تجي
والنيه صحرة محب
بذنوب عشگه انحبس

اندله مجره العطش
بس عيني عالعلگمي
من لاح جف الگمر
جم مره گاطع نفس

يالكامل الما نقص
من منظرك بالسهم
قمة جمال الزلم
بينته من انغرس

يالبيك روح القدس
وزع صفاتك شعر
بذن اليخدمك صدگ
كل مره دعبل همس

تايه واخذني الوكت
والبيه ما ينحجي
لا جمعه ناسي الفرج
ولا ذنبي يوم السبت

تايه واخذني الوكت
يالكاشف ليوشعك
وجه السكينه وعصا
الثعبان بيدك شلت

عينك على اليلتفت
الدنيه تركض ركض
وانه بميول الرمح
ميل العگارب ملت

يا ابا الفضل دورت
بالصدفه مالك اثر
كلشي اجتهاد وعلم
محد مثيلك درس

كلشي عله بالي اجه
الماي يعكس صور
بس انته عالمشرعه
گابلته حيدر عكس

محلاها لذة الحبس
والضايع منالعمر
لو عشگي جان السبب
هنياله گلبي انحبس

ضايع واريد الوصل
سلمان بيه انولد
شته بربيعه وعبر
كل صيف يندل فصل

ناطر رسول السهم
للمثلي ينزل گمر
يقره ايه عالمشرعه
ويزيح بيه الحمل

تسمحلي ياابا الفضل
انته وجنود العشگ
لا تعبر الضيعك
مو ثوبي وادي النمل

هيثم جعفر

على بركه مولانا قمر بني هاشم عليه السلام

ما منطي كلبي لواحد ولا مهتم
وما ريد احب غيرك وبعدين اندم
قبل امي احبك من جنت بس تراب
لا ماي بيه ولا عظام ولا دم

منو مولاك.... علي مولاي

هميت بيك وراحه احس هذه الهم
والراد احب غيرك صدكت يتحلم
شغله طهاره السالفه وقصداً هاي
ال امه مثل امي ولا يتعلم

منو مولاك ... علي مولاي

الما سلم لعينك وتم ما أسلم
والما تبره احسابه مثل ألاسلم
تعلوم حبك والله لا مو تعلوم
انته الهوه وغصباً عليهم تنشم

منو مولاك.... علي مولاي

اسمك الواضح واسم غيرك مبهم
الكل جوه نزلت وانته اسمك نجّم
محد يسبكك وانته تاريخ الفوك
معناها انته الأولون و اقدم

منو مولاك .... علي مولاي

تبقه انته الاجمل والاعز والافخم
وأخطر لسان انطق وحب وتكلم
ما شوف شي خلفك ابد مو وياك
انته العظيم وفقط ربك الاعظم

منو مولاك .... علي مولاي

بطاريك أهيم وانتعش واتنعم
وبطاري غيرك انغث واتسمم
اسمك الماي واسم غيرك حنظل
وبسمك اتشكر وأحمد واتختم

منو مولاك ..... علي مولاي

سبحان من ابسمه اسمه استخدم
سبحان من خلاه شديد وارحم
الناس استطابت زمزم وما يدرون
مر الولايه عذوبه أشد من زمزم

منو مولاك ..... علي مولاي

سيفك صمد لا كسر لا يتثلم
وكلمات أمن الماي اترف وانعم
بيك استجار اليحيي ويميت الناس
بثيت روح بلايه مس لمريم

منو مولاك ..... علي مولاي

والطير بيدك شاء ربك ينلم
وعجزت عقل العقل وكال أعلم
معروف لا مهجول لا يعني شلون
وكفت عقلي اشوكت يمته اتفهم

منو مولاك .... علي مولاي

حاشاك كائن يوم تزغر تهرم
بيك الله يسقي وبيك يوم ألاطعم
بيك الله قاتل شاء أن يظهر بيك
واختار اسمك لأن اسمك معجم

منو مولاك ..... علي مولاي

من فتره اكو اشكالات جوه ألماتم
من حقهم يحيرون وحدك عالم
انطيهم الحق مولاي جاي يتعبون
ولهسه ما حلوا لغز من ميثم

منو مولاك ..... علي مولاي

بظاهر كلامك جم عقل يتحجم
وانه اعتقادي بواضحك يترجم
شنهو الاسرار اشكد جواهر جواك
وشكد علل حليت من هذا الفم

منو مولاك .... علي مولاي

جم مره ادوخ بعالمك جم وجم
جم خطبه بيهن من الاسرار الكم
كلهن جواهر وانه احسب مرات
خطبه واحس الخطبه منك منجم

منو مولاك.... علي مولاي

محتار والله شلون مثلك ينذم
لا تنرسم لا تنحد ولا تهزم
لا تندرك لا تنجهل لا مقروء
نور وضياء والكون دونك يعتم

منو مولاك .... علي مولاي

يا هوه المدينه هب عليّ
يم حضن ابوي اخذ ادي
شوكي شمس سبكها في

يا هوه التخنكني انته
دمعي ليهم ما اخذته
مو تمر وتشاهد العين

صبحي اكضي ابجي سكته
ولليلي اكضيه بوحشته
وتسمع انحب بويه يحسين

طفله وصغيره .. مشتاكه انه
واحضن اخوتي وانسه التعب
واسمع يابويه .. اخر طّلبّتي
ويطفه بدليل شوكت الهب


يا هوه المدينه هب علي
.........................

يا هوه اليالي مضلمه
بلايه كمر ضلمه السمه
كلبي الامير الحب ضمه

يا هوه روحي بجتهم
وانه مشتاكها وردتهم
وما بقى بصبري لاهلنه

ماكو منهم كل مراسيل
وانه يخنكني صفه اليل
وما اريد اگطع الضنه

هسه يجوني... ويرد ضعنه
وأمي واخوتي يلفي الضعن
وفجئه بمنامي... دم وسبايه
وعماتي ويه غربه مشن

يا هوه المدينه هب علي

.................

فز الحلم على الخيام
ونار بخيم شفت المنام
وصارت فياي امن السهام

يا هوه لا ضم عليه
اهلي وصلتهم منيه
ادري من شفت الضعن راح

من شفت عمتي سبيه
والرايه موو هاشميه
كلت ابوي من للمهر طاح

يا هوه غربه ... واتخيله حاله
تبجي خواته منه نسبن
ما عنده ناصر ... وصعبت وكفته
توسد  ترابه بلايه جفن

يا هوه المدينه هب علي

......................

ياهوه احجيلي ع لجره
صح ابويه على ثره
ومن الخيم طلعت مره

وصلت اخواني المنايه
وعمتي ما عدها رايه
الما ممشت من غير كافل

موتي كرب وي ضعنهم
وذبحت الغربه وطنهم
بلايه ابوي ولا محامل


ياهوه اهلي ... وعرفهم انه
امدللين و غربه الدرب
ماتت ضنوني ... ونشفت عيوني
من شفت اهلي ردو غرب

يا هوه المدينه هب علي

كرم زكي


اللهم عجل لوليك الفرج

تبدي رحلة حياتي
وتمضي بيه السنين
عمري كله انادي
يا حبيبي حسين

يجري دمعي من اذكره
بدمعي ابقه اهيم
مره دمعه الفرحته
لو مصابه الأليم

كلمه سر الحياة
يا حسين النجاة
ابقه اهيم واهيم
سيد الامنيات

كلمه بثتلي روح
يا حسين وانوح
بلمحة جرح المصاب
شفته عشت الجروح

يا حسين مولاي يا حسين مولاي
—————————
غارگ انه بذنوبي
وهوة مدالي ايد
عيشاني برحمته
بفيه عايش سعيد

هوة مو بس وسيله
هوة غايه وصال
سيدي وكلشي بيده
بلا شريك ومحال

شما نطقت الحروف
بس حروفه أروف
واتجاهي حسين
ابقه اطوف واطوف

دربي خدمه وعزاء
وانفجع بالبكاء
بيه جرحة چبير
لطمي دين ولاء

يا حسين مولاي يا حسين مولاي
—————————
اني ما عندي غيره
وهوة مالك عبيد
ما تركني بجفائي
من هويت البعيد

اصبح بروحي موطن
وانه لاجئ دخيل
وچد بگلبي عشگه
وحبه صار السبيل

يا سبيل اليتيه
يا شفيع وجيه
اندب بيا حسين
ماكو مثله شبيه

كلشي بيه يصيح
يمه اصيراً جريح
عندي هوة الطبيب
بس طبيبي ذبيح

يا حسين مولاي يا حسين مولاي
—————————
شما ازيد بكلامي
يبقه عندي القصور
يا وصف يم مقامه
سيد الحب غيور

مو خياري اختياره
عايش بفي ودود
رايي بيده وقراي
هوة سيد الوجود

ما تشوفه العيون
ما تحمله الذهون
بالبصيره اشوف
شكد صعب بس حنون

يا رحيم العباد
يا حبيب الفؤاد
يا ملك عالجميع
هوة سيد البلاد

يا حسين مولاي يا حسين مولاي
—————————