يا ابا عبد الله الحسين

يعلى نداء الاربعين .. يا ابا عبد الله الحسين
نتعنه نمشي زائرين .. يا ابا عبد الله الحسين
رد الضعن كله ونين .. يا ابا عبد الله الحسين
نتلاگه وي ضعن الحسين .. يا ابا عبد الله الحسين

يا ابا عبد الله الحسين
—————————
من البحر حد النحر .. يا ابا عبد الله الحسين
تلكه الدرب كله صور .. يا ابا عبد الله الحسين
شوگ وحزن هاذ السفر .. يا ابا عبد الله الحسين
موعدنا عشرين بصفر .. يا ابا عبد الله الحسين

يا ابا عبد الله الحسين
—————————
كل خطوه نمشيهة بتعب .. يا ابا عبد الله الحسين
ومنبدل الخطوه بذهب .. يا ابا عبد الله الحسين
وبكربلاء نشوف العجب .. يا ابا عبد الله الحسين
رد الضعن بس انسلب.. يا ابا عبد الله الحسين

يا ابا عبد الله الحسين
—————————
نتئسه من نمشي الدرب .. يا ابا عبد الله الحسين
نمشي ولاكن مو غرب .. يا ابا عبد الله الحسين
ما ننحرم من الشرب .. يا ابا عبد الله الحسين
اه الضعن كسرة گلب .. يا ابا عبد الله الحسين

يا ابا عبد الله الحسين
—————————
ناده المنادي لو وصل .. يا ابا عبد الله الحسين
بكربلاء ضعن الله حل.. يا ابا عبد الله الحسين
ونصيح يارب العجل .. يا ابا عبد الله الحسين
ألطالب الثار الامل .. يا ابا عبد الله الحسين

يا ابا عبد الله الحسين
—————————

سجاد الحيدري

وأنه زينب بت اأمير
حايره ومحد بقالي

تالي بخرابه هيج انام
وعيوني للفركه تلالي

أثار صوط انه اعله متنيً
ماضلي كافل وأخو مالي

ماردن جفوف الكفلنيً
كدامي طايح يا دلالي

مابيه أعيشن وحدي مصيبه
شو كلها صاحت زينب غريبه
عن اخوتي لا مو قريبه
وشلون دنيه الدنيه عجيبه

انه زينب كربله مابيها ناصر
انه زينب تسحك بصده الحوافر
انه زينب خلص كل عمري اناطرً

__

ياهو يسمعني من اصيح
وأدم يشمتون بيه

حسيني عل غبره وحيد
وصوته مايرجع عليه

مابيه اجر النفس كوه
فوك الهزل تصعب عليه

مايرجع ابن امي ويردلي
تكتل ولتني المغربيه

من اسمع بصوت حرگوهة الخيام
بيه يفز موت موجعه ليتام
مايركد لحيل. لايكعد اولام
مكسوره وحدي ياكسرت الهام

انه زينب ياخللك من دون عباس
انه زينب ولحسين اعله رمح راس
انه زينب بلضعن يحدوها الرجاس
_



ما بجيت بصوت عالي
الضعن من حسين خالي

الدرب هيمه ومحد ألنه
حالي بعده لغربه حالي

الناس تحسبني غريبه
بيا وكت خويه يغالي

ماريد غير لخيمه ترجع
حرموني من شافو خيالي


گطعو گلبيً. ذوله العادي
حداي ضعني . مو خوش حادي
بت نبي عدهم تنسبي عادي
ابن امي وينه حسين انادي

انه زينب عل افراك اشلون بيه
انه جنت بنص هلي وهسه خليه
انه محد شاف ضلي وهاي هيه

__
حسين وين و وين اني
وين وداني زماني

اطشرو اهلي وأخوتي
وتفرهدت وردت حناني

ولا شفت من هل ضياع
ونار يمي وانه اتاني

انه اذا دورت محد
خوه ناصر ما اجاني


يردوني انذل وأنه العقيلهً
يسبون نسوان وأنه الجليله
من بعد عباس صرت الكفيله
ختموها وياي بناگه هزيله


صار شوفي ارماح لمن حاطت اسيوف
حال بيني وبين دمعي موادع وخوف
صار ولمابيه اكوله يسولفه الشوف
____


بويه حيدر يمه فاطم
يمي متلمه الفواطم

حيره عدي أيتام المهم
بحالي ربي وحده عالم

ولعدو ليحدني منهم
عل درب مكروه ضالم

وانه انده كافلي انهض
كوم رد هاي الصوارم


ماردو اردود طايح العامود
عل ترب ميتن والخيم فرهود
ياصبري يامي مطرش الجود
ونار النار. ويلا يل احيود


انه اصد المن بعد يحسيني بعدك
جنت مثل الهوة لزينب هسه وحدك
خويه خلي الموت يمك خله سدك

___

جعفر فاضل
سجاد جبار

كأني بالزهراء بعد عودتها من اربعين الحسين عليه السلام
وحلول مصيبه ابيها تنعى ابا تراب وتبث احزانها في قلبه

يابو حسين تورم كلبي راح الوالد راح
جن الليله بزينب انه وجن الحسين الطاح
من مصيبه تجرني مصيبه يا كلب الزهراء
راح الينعه حسين بليله ومن وجه المصباح

وفرحه الوادم اتاني
يحيدر كلها الا اني
من مأتم لعد ثاني يبو تراب

جواب ماردلي واسئل    تروح جاياهو ليضل
وداع ماخله بيه          وداع ماردته يحصل

__


هاي اول مره بغربه اشعر راح اطول وياي
يهمس بذني وداع ودمعي كام يطيح هواي
يايبو حسين وشفت بعينك من يروح نضيع
جي نور الله الضلمه اخلافه تصبح ليه فياي

جبيره شلون اعديهة
يتيمه اصبح تواليهة
زهرتك لا تخليهة يبو تراب

راح ينكسر ضلعي         راح مايطفه شمعي
ليل شيخلصه دونه      نصير انه ويه دمعي

____

ياحيدر وشل كل حيلي بحيلك ليه اندار
مصاب لوالد يهجم بيتي وبجلماتي احتار
زينب صرت ابشام وكوفه ولشمات ادور
وضعي شلون لفوك لهزل ومكابلته النار

حيل فراكه وازاني
انعه حسين لوتاني
ماشي وين خلاني يبو تراب

صوت ضلو ضمايه     جروح يم لعبايه
صار بمصابه عاشر     الويل صاحو ورايه

_

كون بساعه موته موتي يكرب يابو تراب
جي شفت اخلافه يتانوني وعدهم دفعت باب
كل دين لله اليوم اينوحه ويبجيله القراءن
اليوم المسلم؟  من اشوفه تلكه بكلبه اصواب

بموته كربله صارت
سبيه و زينب حتارت
بعينه زهرته ماتت يبو تراب

مات شوكي وحنيني    مات كمره سنيني
يوم مابعده ثاني        ايام طلعت ونيني

جعفر فاضل

صلى الله عليك يا رسول الله

هالمصيبه رس اباليس الارض
انگلبت الامة على قتل النبي
محد بگده تئذة بكل زمن
بكل جرائه سممت اخر وصي

اه منك يا دهر
وشيقنعهة البشر
مو بشر هاذ وحي
وبرسول الله انغدر

عبدو اللات وهبل
ذوله شيطان وجهل
والله محد وحدة
ذوله مو خير العمل

هالمرة مو كلمة ونستر عليهة
هالمره امة سممت واليهة
النزل قران على صدره ينقتل
انگلبت على اعقابهة وماضيهة
—————————
دور التاريخ بصاحب الكتب
زبور والتوراة وانجيل وصحف
يا نبي گلوله يم راسه يهجر
يا نبي توصف عليه هاذ الوصف

اليعرج بگاع وسمه
وصاحب الله وكلمه
تطغه انذال البشر
عالرسول تسممه

لقه عليهم حجته
القران هاذ وعترته
استشهد وكلشي انگلب
وبده ابليس بعملته

استشهد وبان الرهط من الطهر
وانفتح باب المصايب والغدر
واندفع باب على بنته بيا بخت
وحرگو دياره قبل طبت الگبر
—————————
يا نبي مات وصبح موته جرح
من بعد موته تصير الملحمه
بعده فوگ المغتسل ينعه علي
دفعو الباب على بنته فاطمه

گالو ابابه وأن
ضلوع مكسوره ومتن
ومات محسن فاطمه
وانفتح باب الحزن

وحيدر بهاذ الزمن
حاير بهاي المحن
والوصايه تقيده
والمصايب رتلن

حيدر بهاي المصايب منفجع
بالرسول وبالجنين وبالضلع
حيدر حتركت دياره والسبب
رادو يطفون نور الله الشرع
—————————
يندفع بابه بعد قتل النبي
حيدر الهاي المصايب يستعد
حرفو دين الله ما رادو علي
وما خذو بال قل هو ولا بالحمد

الله الي منصب علي
وراده للامه ولي
لاكن اطماع البشر
عافت النص الجلي

حيدر بنص المله
ينطي ادله وعادله
لاكن الباطل طغه
بالخليقه الجاهله

يشكي يم گبر الرسول من المحن
حيدر دموع على عينه بيا زمن
من بعد هاذ الصراع ويه الدهر
من بعد قتل الرسول يرتلن

سجاد الحيدري

محرم فاطمه

هل محرم فاطمه وانه الحزن لوني
منكسر لم الحسن ودموعي بعيوني
والليالي الفاطميه موطن احزاني
هاي ايام البراءة وخل يلوموني

هاية ليلي اللوعه
تبدي بدفع باب
والباب سلاب
ياهو الوگف باعتابهة

هاية ليلي اللوعه
وخانگهة بسمار
ومحترگه بالنار
ومات اليطيب صوابهة

هضمهة نفسه السم أبوهة رد هضمهة
عمرهة بربيع ايامهة وخلص عمرهة
شكبرهة رزية ودخلت الدار شكبرهة
—————————
اطلب الرحمه وعفوهة من لياليهة
هية باب حسين ابنهة وكلشي بيديهة
والحرك باب الزجيه ثبت صوابه
ما دره باب الله دار الزهرة والبيهة

بيت النبوه الطاهر
من الله نوره
ترتيله سوره
نمس بعمل شيطاني

بيت النبوه الطاهر
حيدر وليه
بذيچ المسيه
نمدت ايداي الجاني

عجيبة تدور الدنيه اي والله عجيبة
مصيبة دخلت بيت حيدر هالمصيبة
سليبة اول حرمه مكسوره وسليبة
—————————
رحمة مثل ام الحسن بالدنيا ما عدنه
نصبر بيا فاطمه وفاطمه تدركنه
لاكن بحال اليتامه التمت عليهة
ألحسن وحسين يمهة وزينب بونه

مكسورة تكسر خاطر
بدموع العيون
ومورمه متون
حته النفس ياذيهة

مكسورة تكسر خاطر
تنزف دمه جروح
كسر الضلع نوح
عاشور ملتم بيهة

عذابه ضلع مكسور وشيحمل عذابه
خرابه دار من الحرگ صاير خرابه
مصابه حيدر منكسر يوجع مصابه
—————————
هاذ حزني وهضمتي ودموعي بالخدي
وكل مصايبهم أليمة بفاطمه تبدي
وثار هاشم حار بعده ليوم موعوده
ناخذ الثار العضيم بطلعة المهدي

باب انفتح بمصابه
باب وفتح باب
وانوع المصاب
هاشم كضت بصوابهة

باب انفتح بمصابه
والتهضم كسور
من يوم عاشور
ليمت يرد طلابهة

مصايب من عاشور انواع المصايب
ترايب مو گدر الهواشم عالترايب
غرايب الفواطم للسبي طلعن غرايب

سجاد الحيدري

اصحاب الكساء

اصحاب الكساء الخمسه
فعل الله قدرته وشمسه
محال الله الوسيله وترسى
يم العرش مذكورين

محمد نوره نور الباري
وخلق نور العلي وساري
وفتق من نوره كوثر جاري
نبع منه الحسن وحسين

حلقة وصل بأهل الكساء
الأنسية فاطم خير النساء
الله جعلها غايه وسيله
محور أمامه ويه الأنبياء

فاطمه يا اجمل صوره
فاطمه ذكر الله ونوره
فاطمه بالنص مذكوره
قبل لا يخلق الافلاك

فاطمه سبحانه الابدع
فاطمه يا سر مستودع
فاطمه يا كوثر ينبع
بسمچ ترتل الاملاك
—————————
فاقت كل عقل يقراهة
يا ليلة قدر وضحاهة
سبحانه الذي سواهة
ذكرهة يحير الاوصاف

اسمهة رحمة ويذكرونه
صعب مصتصعب يعرفنه
يسر السر خفي مكنونه
عرش ما يمكن وينشاف

تسبيحة الله وي كل صلاة
ركن العباده وطعم الحياة
بيهة ابتدي وبيهة اموت
ميزهة الله بكلْ الصفات

فاطمه الظاهر من صور
فاطمه للفاطر مضهر
فاطمه يا اجمل كوثر
نابع من عرش مكنون

فاطمه من نور الواحد
فاطمه يا دين العابد
فاطمه مشهود وشاهد
ويشهد الهة كل الكون
—————————
صديقة وزكية وكبرى
انسية البتول الزهرة
ريحانة محمد حرة
الهة الزمن كله يدور

مشكاة الولاية الطاهر
مضهر دري نور الضاهر
يا زهرة سماء الزاهر
يا نور انخلق من نور

كوكب نبوة وضي الامام
برزخ ولاية ومنهة السلام
أم ابيها وبعلة علي
الهة المعاني وكل الكلام

فاطمة ستر الله المرخى
فاطمه العروة الوثقى
فاطمه برهان التقوى
هية السيده العضمة

فاطمه جبريل ينادي
فاطمه مرضاة الهادي
فاطمه حق الميعادِ
ومنهة نطلب الرحمة
—————————
يا مهبط وحي وتنزيله
يا قوة علي وترتيله
يا سر وصعب تأويله
كل الخلق بيهة احتار

يا أمّ الائمة البضعة
يا سر الارض والسبعة
يا نور الضياء ونبعة
من المصطفى المختار

هية الشفاعة وهية الحساب
هية الرحيمة وهية الثواب
هية البيان وسبعة المثاني
هية المعاني بأم الكتاب

فاطمه يا روح النعمه
فاطمه يا معنى الرحمه
فاطمه مأمن للخدمه
للخدمه تصير كساء

فاطمه يا موطن روحي
فاطمه بلسم لجروحي
فاطمه يا فرحي ونوحي
وانه دخيل الزهراء

سجاد الحيدري

بدة مصاب الفواطم من ضلع مكسور
لحزن صاحب حسين وفز كلب مفطور
علي كلبه لوسيع بمشيتج مطرور
شكو باب اعله بيته اخلافج بتنور

لمحسن ويه اخوته ماكعد ساعه
بدفع لباب مالحك عله وداعه
فتح عينه ويه موته ولعمر باعه


بدفع لباب مايتفسر صاير
صعبه شلون بسمار بضلع داير
راح تروح و يتيتم ابو محمد
صعبه شلون. لجمه بخاطره وحاير

_____

مشت عنه ام حسن راحت ابلا توديع
بدة هلال الدمع وحسين راح يضيع
خبر موت الزجيه حيدر من ايشيع
مصايب من ابوها لكسرة بي تفجيع


علي صاير كبرها وحسن ينعها
وزينب بل دمع معروف طروها
حسين بزغرة ضل يتناشغ ويها

هضيمه لبيت بعدج مايدخلونه
مضلمه الدار وعودج راحن عيونه
وصل للموت ماينفع بعد عمرة
هدال اعليج هل هدلهن اموتنه

_______

شلون يطيب جرحج ولوكت بس نوح
مشيب راس حيدر عل كبر مطروح
وتشيع سكته وجن دفن بل روح
يتمتي لوكت ولزمن ضل مجروح

هذا مصاب زينب ونو ياشيعه
حيدر صار وحده ونكرو لبيعه
ضايع راحو اهله وهضمته لضيعه

وحيد شلون ضل بغربته لكرار
يدير لعين وين بكل كتر يحتار
صار لنوح سلوه وبيه يتسله
ضل مكسور كلبه ومنفجع بلصار

__________

محرم ثاني صار ابصطرت ام حسين
ومحسن لاله صوت ولا تشوفه العين
حزن طاف عله اهلها ودار من سنين
كسر كلش جبير بودام امجبرين

بعد ماكال يمه وعافته امه
حسين بزغرة صار وصاحبه همة
تيتم من حنين لوالده ليمه

صار ودار ولمحسن يدفنونه
كلشي بعيد كبرج مايوجدونه
ضيم ويل ولحسرات كسرنه
جرح بسمار ماضنهم يداوونه

______________

من تابوت رد ياخذ بعد تابوت
بعد دفن لنبي لزهرة رد زاتوت
بعد ذاكه لمجافه مايرد بل صوت
جانت كلشي عده وهل خذاها لموت

بعد كل لسوالف ماتجي وترجع
تكابل ويه زينب سووا المدمع
حزن بيته وعياله وكلبه المكطع

بل تشيع حيدر مايعرفونه
راح لحيل منه وثكل امتونه
مامعلوم دار لحزن وين ندار
طيحت ماي طاح ومايشيلونه

جعفر فاضل

مختنك علي مختنك
ودموعه طاحت من قهر
وبصوت عالي ونايحه

مختنك علي مختنك
وبگلبه ضل ينزف الام
صارت ابيته الصايحه

علي دخلو الداره
علي كشفو اسراره
علي محد يدري شبي

علي ميت بهضمه
علي خلسوله حرمه
علي دفعو بابه عليه

علي الدنيه ابأمانه وعاشت بكتره
شلون بيا وجه ليش انطعن ضهره
المعيش حياة الناس بافضاله
نكرو فضله كله وكتلو الزهره
—————————
مختنك علي مختنك
الجانت بروحه اؤنس
ومحليه كل ايامه

مختنك علي مختنك
سلبوهة منه ومنكسر
وضلت وحيده ايتامه

علي عكست حياته
علي يباوع مماته
علي حسره بكلمة ليش

علي ميت حبيبه
علي ميت طبيبه
علي اه بگلبه تعيش

علي موطن امان وكله حنيه
من الزهرة يشتمه هوة الريه
كلش مختنك لمن دفع بابه
سلبو منه زهره وبابه مدميه
—————————
مختنك علي مختنك
من بعد ما مات النبي
انگلبو عليه چتاله

مختنك علي مختنك
مصيوب حيدر بالگلب
ضلت يتامه عياله

علي عكست ايامه
علي كثرن اسهامه
علي شبو داره بنار

علي هتكو حرمته
علي كسروله مرته
علي موصه وضل محتار

علي حيل الله كله وبيده فقاره
علي خيبر يقلعه يكسره بسماره
سلبو منه حيله وما بعد يكدر
علي كسرو ضلع مرته وصبر ثاره
—————————
مختنك علي مختنك
الجان للفقره ابو
هسة تيتم حاله

مختنك علي مختنك
الدخلو الداره ضلم
سلبو حنان اطفاله

علي يباوع عليهم
علي موته بجيهم
علي دمعه بنص العين

علي تيتم عجيبه
علي عنده مصيبه
علي تيه دربه منين

علي جان الأبو للما اهل عنده
علي هسة يتيم وحزنه ميهده
يتيم ويه اليتامه وعايش بغربه
علي جته المصايب وحده وي وحده

سجاد الحيدري

بفراش موت وسولفت وتكلي اسمعيني
عصرت لباب ودفعته ودموع البعيني
ماتوصل لحافر فرس صاير عله حسيني
ولمحسن اسمع جنً صرخ للخيمه وديني

يزنيب راح اموت شلون
وبيج لغربه يشموتون
راح الكسرة بيه تعيش
هلج بلغربه يندفنون

زينب زينب زينب راس حسينج فوك رماح
زينب زينب زينب واليحدي ضعونج ذباح
زينب زينب زينب صوت لخوة يموت صياح

__

راح امشي بس عندج ولي وحماي بلخيمه
عندج كفيل اسمه لكمر يضويلج الهيمه
لومر عطش بيج وتعب ندهي عله لغيمه
يطي لسهم عينه وبعد جفينه ابو الشيمه

ضلعي يطيب بس لماي
عنكم مو جريب هواي
لعصرة اضيع بين سهام
لطف يروح شام الجاي

زينب زينب زينب الغربه بعينج كلشي تصير
زينب زينب زينب يمه وداع افراك اجبير
زينب زينب زينب كلبج وحده الراح يحير
_


من ياجرح ريجج نشف وجروحج هوايه
من هسه جن بيدج حبل والفربه حدايه
من كثر ماحزنج نشف صار الوجع مايه
اوصيج اذا كلشي نكضه لا توكع الرايه

يكضي لطيف يجيج لشام
يمه لموت مدري شضام
لوداع يصير بس شوغات
حزنج ويه حزني اولام

زينب زينب زينب صبري ضعونج ويه لموت
زينب زينب زينب حسين يروح ويرجع صوت
زينب زينب زينب كلشي يشح حته الزاتوت
_


ذكريني وي ليل اهدعش بل وحشه اذكريني
نكعد وكلج عل كسر وعل الطف تكليلي
موبيدي لو طال الهجر من ضيمج احجيلي
متغيرة يايمه ام حسن والباب هد حيلي

انه زينب ييمه يضيع
صبري وياج بل توديع
من الدمعه يبدي لموت
كسري وكسر روحي يشيع

زينب زينب زينب تراب يكاود مو جف ايد
زينب زينب زينب شفتي فوك بين لغربه وحيد
زينب زينب زينب شيناديج وصوته ابعيد
____


راحت يناس ام الحسن وزينبهة محتارة
غفله ومشت ويه الهوة لمارجعت اخبارة
يمه ويه فكدج ياصبر يادمعي الختارة
لوحلت وصارت صدك حيدر هدم دارة


ليصبرني اعله فكدج موت
وياج انشال بل تابوت
جلمت يمه مني تروح
انادي شلون وبيا صوت


زينب زينب زينب بعدج يمه تعيش شلون
زينب زينب زينب بعدج ضاك اعليه لكون
زينب زينب زينب يمه تموت بغربه ام عون
____
جعفر فاضل

هاهيه أخر لحظات ترى زينب أمها فاطمه وتسمع صوتها تأخذها وتبكي وتوصيها
السلام على ناحله ألجسم
السلام على مكسوره الضلع



باخر يوم وباخر لحظة وباخر فتحت رمش العيني
كلهم ملتمين بكربي ومن كل صوب اهلي محوطيني
ومو يم الموت اصلاً بالي شاغل كل تفكيري حسيني

صيحولي زينب ارد اوصيها
اعله الراح من بعدي يمر بيها
اوصيج يمه خيول عدوانه
تدوس اعله صدره لا تخليها

والحارك كلب الزهره
شلون الخيل ترك صدره
والنحره اترف من الماي
شلون السيف يحز نحره

————————

كلما اسمع چلمت يمه دموعي افرشها باب عيوني
الله يعين كلوب اولادي من يعيشون الدنيه بدوني
شلون اتحمل ما اجاوبهم من اسمع يمه يصيحوني


بهيدة ييمه من تشيعوني
يوجعني ضلعي لا تلجموني
اذكر كبل جنت انه اشيلنكم
هلمره ميته انتم تشيلوني


بكدما فكدي متعبكم
تعبانه انه اكثر منكم
ميته وما اهم الحالي
ادعي من الله يصبركم

———————

مرفوعه اعله امتون اعزازي رفعوني ونزلت دمعتهم
متجدم حيدر تابوتي يعاين لولادي وغربتهم
مكسور الخاطر صدلهم لين محدبين بمشيتهم


بجف كاضني وجف كاض ضلوعه
وبتراب كبري نخبطن دموعه
ووسدني بيدة وكالي حجايه
مشلوعه روحي الليله مشلوعه


دموعه اعله الخد منثوره
ومن دمعه بلحدي حروره
واخر شي كاله بدفني
ما قصرتي ومشكوره

————————-


شيردهم للبيت بدوني وبي فارغ يلكونه امجاني
حيدر الله يساعد كلبك من تطب وما تلكاني
بكدما متأذي من فراكي فركاك انه اكثر اذاني

متعوده كل مصباح اصدلكم
اول صبح هذا انه مو يمكم
النوم لجفنكم لحضه ما واصل
ادري الوداع هواي عذبكم

يل ماخذ كلبي وعقلي
يا حزني ويا تالي اهلي
يحسين من اول ليلة
يمه اشتاكيت تكلي

محمد شلش