يا ياسيني
شلون التوبه بلايه ادموع
وكل حصرات الضايع مثلي
تفتح باب الدمعه بعيني

ثنين اسهام الشلعن گلبك
ما لاحني ودز ثالث
حته ارجعلك وتلاگيني

شفت الوان الحب باياتك
وانه بعالم باهت لونه
محد يترس عينه ويشبع
بس الشافك يملي عيونه

انه الجيت منقصى ذنوبي
شاهد عن ايات جروحك
انه المحد حبني بگدك
ومحد گدي متعب روحك


بيش اوصلك وانه جناحي
مبلل ريشه والجو صاحي
مدلي عيونك حته اوصلك
شاخت نيتي وبح صياحي


ياوجه الله الشامخ فوگي
شلون اتراب يلوح لسانك
وانه ايلوح المي عروگي


يا ياسيني
يمته الملگه بنظرة عينك
ابليه اسهام وحب تسگيني

يمته شويه شويه اندلك
مو مال ابقه متيه ديني

بيه ادموع اشگد مالاتك
بس ذنوبي اتيبس بيها
طلع صوتي الزحمه بگلبي
لخاطر غيرك ما عليها

انه الجيت ولابس ثوبي
اخجل ليش وسلبو ثوبك
ليش احبسها الصرخه بگلبي
وصوت الاكبر واصل صوبك


محد غيرك يجوي جروحي
بنار اخيامك طلع روحي
شدني وجرني بكل حروفك
وخليني اصرخ يامذبوحي

ياباب الله اكتاب الفقره
فت جلاده وناطر عينك
غير عيونك محد يقره

يا ياسيني
يمته اگطعلك من عافيتي
وخدم عندك كل سنيني

يمته اتعود اخجل منك
وتاخذ وكتي وبي تلهيني

موسى بطور الايمن ناره
ويم الشجرة اتكلم نوره
وانته النار بخيمة زينب
وراسك يم ارقيه ادوره

جنت اتأمل بس باهاتك
وشفت اسرار الحب بوتارك
ليش اليسمع نغمة صوتك
يحرگ كل اوراقه بنارك

سبيني وخل اتهنه مروتك
ورزقني اسمع نغمة صوتك
ابليني ابحبك يونس گلبي
وحده يضيع ويبقه بحوتك

ياعشك الله وسر القدره
ليش اجروف العلكم رطبه
وانته لهسه الشفه مفطره

يا ياسيني
يمته حسابك يمحي غيابي
وتقره عيونك سر تكويني

مد اجفوفك واخذ اسلالي
خضر زرعي ملاگه بطيني

ادخل گلبي وشوف ارزاقك
بسلة جودك غص محرابي
كل اجروحك نزلت بيدي
ابليه احساب ودگت بابي

هذا العندي شويه بضيمك
والعند الله اسرار اهواي
انه بمايك حاير عقلي
جان ايريدك ردت الماي


دم عبدالله منيدك لله
شاف بهامك تربه وصلله
باس اجفوفك باخر گطره
طار وصوتك صاح اسملله

يابيت الله  وذر مكنوني
فك احجاب الغفله بعيني
وخل اعميلك ذني عيوني

هيثم جعفر

سابگت الحرگ عل خيم ما لحگت اسبگنه
وازاني الهب يحسين مامش غطوه تفزعلك
عل تله ولگيت ادماك غطت طولك بصحره
خاف اليعبر بعينه يترس شوفه ويزعلك
كلشي بكربله اندلك
بس الماي جان اعمه
مثل العاشر بعيني
لا يخلص ولا ظلك

انه ادري الغفه عريان يتمنه البشر عميه
چم ليله ويرد اردود شوف الوادم يفتح
چا هو الشمر مو راح ماخذ راسك بجفه
ليش ابالي اشوفنه واكف بعده ويذبح
كلشي بكربله ايطيح
حته الوادم الماتت
صارت بالدرب عثره
بس الحافر مريح

مرت عل عبايه ألوان ما ترهم عله متوني
وشاركني الحرگ من شاف يمك سمرة لوحي
جنت اركض عليك النار گامت للخيم تركض
تاكل بيها من شافت يمك واكل ابروحي
غزر بالهب نوحي
بس الخيمه مالتنه
هم جانت تحب الله
ليش اچمل اجروحي

صليت الظهر من چان ماتقبل تجي الظلمه
ألا وياها چم ناگه مشروطه بذبح ناسك
انه ادري التحشم الشيخ ناس دور الستره
مو تحرگ خيم واتگول يحسين البگه براسك
تعبني وعلي حساسك
حته اليگطع الخنصر
وخرته وصحتله تموت
حافر لو غلط داسك

رافگني الصبر چم موت بس يمك شرد مني
مو حمل اتراجي شلون يوكف ساعه يم نحرك
كل طبره تريد سنين مو رمشة جفن ودموع
لميتك واديه اطيح ماي منل سحك صدرك
وشل گلبي وانتظرك
هلبت واحد ايلمك
شربت الحوافر شوف
ليش تغمض بنحرك

هيثم جعفر

طلعت راكضه وتلطم بل الاثنين
لحگ خيلهم راحت عله الحسين
يل المرجف زلمهم لم الزنود
اخيك بي نفس ما غمض العين

لحگ حسين عايش لا يذبحونه

تقبل واكفه وگلب اختك ايطيح
وظل حسين وحده بنص مساليح
عزيزك من امس ما شارب الماي
بس تراب شفته وعجت الريح

دارو ماي يمه وما يشربونه

عشر اخيول كلهن ما جزنه
ويه حسين راحت كل محنه
نفس الخيل بيده الشربن الماي
سحگن حيل صدره وجزرنه

وي الگاع اخيك ظل يگلبونه

هاي السالفه ما صارت اصير
حدر الخيل ساعه وساعه تطبير
حته الثوب ما ظل يبن السباع
بصدره الخيل طبعت بي بسامير

لاح الخيل ثغره الما يلوحونه

رد حسين وينك يبن اهلنه
رسم النور ما ظل كلشي منه
دمه الچان فايض بل قوارير
ابكل امچان صار وطشرنه

دم حسين اخيك واصل اضعونه

هيثم جعفر

يا حنين على الخدم
ارزقني مره زيارتك
ومسح ذنوب الكلب
يا رئوف برأفتك

ولو مره بحلم مرني وخذني الحضرتك طير
اريد انه انصلب يم كبتك وما رافك الغير

يا رازق جروح الخدم ارزقني جرح خيام
ورزقني اجيك الحضرتك وطلب اذن للشام
عليك الي تاهن بالفله والضيعن ليتام

يا علي ابن موسى الرضا

عمرك الخلص بجي
من علي الحد كربله
يعذبك الصيف وعلي
لو ذكرت انته الفله

اخذ هاي جفوفي وروحي انذرهن يامولاي
للباقي بغربته بالفله حاير بلا فياي

اصدق عشك بس بالدمع وانه اطلب اذن دموع
لكربله ونار الخيم و لباقي وحده ايلوع
وانته الكلت ابجي الحسين وصوتك يضل مسموع

يا علي ابن موسى الرضا

روحك التبجي على
عمتك باليل هدعش
وتلطم انته على ضلع
من يمر طاري النعش

لان جدك صبح نعشه حصيره وبصدره سهام
بقى بشمس الظهر واثلث ليالي بلايه هندام

كون العشك يشعل جمر روحي وتشب النيران
لحر الظهر ونوك وحبل وللغربت الصيوان
وانته الامير وانه العبد انذرني للعطشان

يا علي ابن موسى الرضا

عاشك وتبجي العطش
وحزنك بكلبك جرح
العذباك اكثر بعد
راس جدك ع رمح

على فوك الرمح راسه ويشاهد أسر خدره
بجت عينه على بنته جي بديه اثار جمره

لاجل السبي ابجي واون وانتَ التبجيني
الطم ضلع لعيد السبي بكل ليلي خليني
يا سيدي بذاك العطش وبناره جويني

يا علي ابن موسى الرضا

يامهيج كل حزن
هيج بروحي العشك
وكون كل ليله احترك
لسبي وذاك السحك


يمولاي الأسر صعبه على الما فارك اهلة
وعمتك مشت مابين الغرب من بعد ضلة

من طاح ابو فاضل صفت الغربه حدايه
وتدخل على سوك وقصر بلا كافل ورايه
غربه الحدو وبنت الولي تجرحهه الحجايه

غريبة زينب
غريبة زينب

ميرزا كرم زكي

آللهم عجل لوليك الفرج

بسم حيدر.. انتخه يونس.. وابد ما عافه الوحده
اللقع باب.. وذبحها الجن.. عليُ ما تصعب الشده
اهو مرجف.. للعرب كلها.. وطلع عباس من عنده

يا فارس مضرها ويا كرار
تحرك بالكتيبه وسيفك نار
يا زلمه اليلاكي جف يمناك
وانته بيدك رعبهم ذو الفقار

علي.. بس واحد علي
علي.. من الله ولي ..غيره جذب

علي.. العين الناضره
علي.. بيده الاخره .. وغيره جذب

علي.. كاسر جم ظهر
علي.. اسخرله الدهر ..وغيره جذب

اشهد ان عليًُ والي الله

بدر فاطم.. ونفس طه... وهو مقسم السمه بيده
رعب نازل.. على الحومه.. ولحرب هيه فقط عيده
علي العالي.. دخل مغضب.. ودرعه فاير على جيده

يا ليث الحريبه ويا فرقان
يا عجاز الله كله يارحمان
لو ما انته موسى يضل محتار
باليد الي للصارت والثعبان

علي.. الموسى حظر
علي.. بكل شده ضهر .. بيده الكون

علي.. اركعله فرض
علي.. قاسمها الارض.. بيده الكون

علي.. مرجفه الزلم
علي.. خالقه النجم.. بيده الكون

اشهد ان عليًُ ولي الله

علي عيونه.. نجم تلمع.. خلقهن الله بس للحب
هوه الباطن.. هوه الضاهر.. وهو الناقذ نبي من جب
نقذ ادم.. وحيه الموته.. بأذن ربه وحنينه يصب

يا عالي ويقلدك بس عباس
بالحب وللمراجل وللحساس
ويا رب اليتامه ويا رزاق
يا محي ومعذب ذيج الناس

علي.. قادر مقتدر
علي.. السر البل بحر.. سر الله

علي.. ابراهيم اله
علي.. حرزه الشايله.. سر الله

علي.. الأحه ماله اثر
علي.. احله من اللكمر.. سر الله

اشهد ان عليًُ ولي الله

وطن كلبه.. يلم فقره.. واليحبه طاهر بكلشي
انه طيره.. واحبه بس.. لأن هوه فقط عشي
انولد بسمه.. ضوه بضلمه.. ومن اموتن يمي و بنعشي

ناقذها السفينه داحي الباب
بخزراته يموتها الأصّلاب
وعيسى من حياها الموته هناك
ناده يا حبيبي يابو تراب

علي.. رافع جم نبي
علي.. عبده انه وابي.. رب ليتام

علي.. حبي الأزلي
علي.. عبدً للعلي.. ورب اليتام

علي.. من الله عله
علي.. روحي بس اله.. رب ليتام

اشهد ان عليًُ ولي الله

ميرزا كرم زكي

آللهم عجل لوليك الفرج

لسان حال عبدالله الانصاري

ضيف اعله بابك وصل
وعيونه شافت خدر
ما عدها غير الركض
والحادي ينطر چان
والداعي فوگ الرمح
مر اعله ضيفه وجزه
تقره الكهف شفته
وتقره الخيم دخان

غض عينه من هول الصور
منظر صعب يعمي النظر
ع التله خدر الله احتمن
وطفله احتمت يم النحر

والعوجيه اتحضرت
يمه بقت ما وخرت
هوا انفره وهي نفرت
بالحمله الاوله منل خيل

والامضه مرعوبه شفت
مجروحه اذنها وتلتفت
لا والي يمها ولا اخت
وجعب الرمح يدفع حيل
اويلاه اويلاه.    اويلاه
......
الچان بغرامك سمع
ناصر ألا وانتفض
ليش ابتلاءه سبب
يمنع نصرته وياك
كل خطوه اشوفك جنت
عايفلي اشاره وامل
رايدني بيك ألتحق
وانقل اخبر ملگاك

بيا حيل اشوفك عالرمح
وعينك جزت لچم الذبح
يم الخيم طرفك غمض
وانه التفت من تنفتح

ثاري الخيم بيها مره
بنار وزلم متحاصره
يمها عليل وحايره
لا تطلع وهم ينچتل

من وصلت النار الجتف
مجبوره طلعت يم صلف
حرمه وعليل بنص الف
گادوهم ابنفس الحبل
اويلاه اويلاه.  اويلاه
.......
هذا الحصل ما حصل
ولا مثله صار بنبي
حبل الحقيقه گصر
وحبل السبايه اهواي
قمة جحود البشر
تربط طفل وي مره
كاتلها جان العطش
وتبدي يمهم ماي

لا بل عقل لا بل الوعي
اشرف خدر بيد الدعي
من راس اخوها وللنهر
زينب ركض راحت سعي

يم راس اخوها اتوزرت
بل رايه يمه وكبرت
مسحت لحيته تعذرت
ما قصرت يل عباس

ما تنتظر هاي النوگ
دام الغرب عدها حلوگ
راح اختك اطر السوگ
وعل فرجه تلتم الناس
اويلاه اويلاه اويلاه
.......
كل ديره عايف خبر
لو عني عاشگ سأل
خل يوصل لكربله
يلگاني فوگ انتظر
دافع ثمن مهرتي
ومخلي عدهم سبب
وموصي بيه انسگي
ماي ولسانك جمر

چم حافر بجفك روه
ليش انسه اويمك نوه
يطحن صدر ساگيها امس
لحد ما ضلع صدرك سوه

عشره ولا حافر جزه
كل سحگه گلبي يفززه
هذا عشگ لو معجزه
حته الطفل هم انطاه

ياگلبك اشايل تعب
بنفسك حرت لو بالهب
بثيابك اشاف السلب
وخله الصدر ما غطاه
اويلاه اويلاه اويلاه
........
هيثم جعفر

بيه مشه مثل العمر
ما ينسي حزنك نذر
التربه باست كصتك
مطبور وتصلي القدر


بس انت احسك ياعلي مثل اسمي ما مره انساك
واصل بحبك مرحلة بحزني اعله غيرك والگاك
ماضل هوه ما مر علي بس بعده يخنگ فرگاك
لو ترجع انت يا علي لو تاخذ الدنيه وياك

سامحني ها يابوالگمر
باجيك كل دمع بنهر
اعذرني عايش سيدي
المفروض اموت من القهر


اليتنگب ويبجي استحه باجيلك بلايه نگاب
اكبر فخر باجي لعلي وجرحي لمصابك ما طاب
تارس عيوني لوحدك شمعه وضوت بالسرداب
بصفي النهر وتيممت جي عاشكك يابوتراب


ايتام بيديهم ورد
يحسبولك طال البعد
ورگه يجي ورگه مشه
البستان خلص ماترد


الجوع كافر سيدي ما ترجعلنه مروتك
تدري اليتامه تيتمت من موت اهلها وا موتك
ومن جاعو لحد ما شبع من الدمع تابوتك
تبجي المناره الاذنت جي ماكو نبرة صوتك


مخنوگلك حته الهوه
والشمس تبجيلك ضوه
اركض من اوصل حضرتك
ركضت مريض اعله الدوه



بالبيت عدنه صوره الك قبلة وعليها نصلي
ابجي اعله غيرك ياعلي لا عيني ما تسمحلي
باجي لمصابك من جنت جناز رايح بهلي
عفت الفرح لهل الفرح ما اريده لا يوصلي

دمعاتي بعيوني تحز
من ونتي الميت يفز
طيحت عيني من البجي
وشديتك بجفني حرز


جذبو من گالو متت ياحيدر انت مسافر
باجر ترد وانطر تجي وباجر يذبني لباجر
يمتد حزن گلبي دمع من جرحك وللعاشر
من راس الحسين برمح بس جسمه جوه الحافر


من زينب تصيح علي
ضليت وحدي بلا ولي
يخنگني يابويه البعد
تمنيت اموتن وي هلي

مرتضى عباس

الحزن واجب علي رايح يهل ودام
وبدت غربه عقيلتكم بني هاشم
يهل صايم تذكر طبره الصايم علي

ياهو الكم بعد غرب ابو الفقره
حبيب الزهره رايح رايد الزهره
يهل صيام افطروا بدمعه يم كبره

اللي ثالث مصيبه مصيبه مصيبه
صفت زينب غريبه غريبه غريبه
علي راح اشيجيبه اشيجيبه اشيجيبه

علي راح علي راح
.............

اشوفاً روحي من هسه على الهزله
واصعد وانزل بهضمه على التله
بده هسه السبي من راح ابو الحمله علي

من هسه اشوفاً مرجب النوك
واشوف حسين صدره الليله مسحوك
وجتال الخويه ابناكتي يسوك

وبدت غربه رقيه رقيه رقيه
وهزايل ال اميه اميه اميه
ونعي امنا الزجيه الزجيه الزجيه

علي راح علي راح
..........

بعدك بوية تذبح كلمة شلونك
دمع عينك جوابك من يسئلونك
تحس بس للبواجي انخلقت عيونك


ضلمة البيت بعدك يا ضوة شموعة
مثل لوعتك مصابك ما ضكت لوعة
اليصبري اعلى دمعي بوجنتة دموعة

كبر نوحي ونحيبي نحيبي نحيبي
ابوي انت وحبيبي حبيبي حبيبي
جرح كلبي وطبيبي طبيبي طبيبي
.......
النفس بعدك سهم من يوصل لريتي
شيرد عافيتي بعدك وانتة عافيتي
اذا هاي البداية شلون تاليتي

توة الحيل بية والحزن توة
اعلى شيلة جفني بعدك حيلي ما يكوة
بعد مابيني بين الموت بس خطوة


يفي روحي وضواها ضواها ضواها
الحزن بعدك لفاها لفاها لفاها
دمع تشهك هواها هواها هواها
.......
علي مروتك دخيلك ضاكت الوسعة
صرت ام الحزن من هسة والدمعة
نعيت اعليك بس ياهو العلي ينعى

لارض للشام باجر بوية يسبونة
يصيح الحادي باجر من يدخلونة
هاية بت علي وين اليطلبونة

هل جبناها اسيرة اسيرة اسيرة
من ديرة اعلى ديرة اعلى ديرة اعلى ديرة
عكب ما جنت اميرة اميرة اميرة



حسين عواد
حسن الدراجي

هاقد اتى جرح الزمان وقد نعى جبريلُ
بدم السراط بضربةً وله ُبكى الأنجيلُ
جرح الزمان بحيدره ام كربلاء تسيلُ

علي بويه يصيح حسين لاترحل
يكله بزينب اختي جن مشت للتل
لحسن مسموم بعدك ولغصن يذبل
لهوة يتيه بريتي اخلافك شيندل

ردلي وكلشي ماريد يتيم اخلافك العيد
ترحل ولجرح ماي عطش بل صحرة يفياي

يا بويه اكعد يا بو تراب
هاي النومه بضلعي صواب
جتنه الزهره تصيح عليك
وايتامك تبجي اعله الباب
~~~~

هذا لفراق بنا اتى في حمله الثقيلُ
محراب ذا ام كربلاء فيها الحسين قتيلُ
في جرحُ راسك مأتم تنعاه أل عقيلُ

حسن يبجي الحسين وللولي يناضر
يصيح بصوت بويه يعور الخاطر
فركتك ماهي هينة لثارك امناطر
بس ثار لحسين يطول جم باجر

خبر موتك عمر موت لثار الله يرد صوت
غربه اخلافك انصير ليفكد ولاده يحير

بويه شلون بزينب لو
شافت نعشك من شالو
بيه مصاب لزهرة يدور
ولهسه لباب الدفعو

~~~~

ماحال زينب بالاسى هل وحدها تبكيهُ
نظرت الى عينُ علي ومفارقٌ تبديهُ
الم الجفاء وجرحه من غيرهُ يشفيهُ

زينب يمه صاحت رايحه اتيتم
لشام يريد واحد لللعزة محزم
باجر كلشي يكضي وكلشي مايسلم
جرحنه جبير يمه ونزف غربه ودم

اتريض ياعلي شلون تعيش اخلافك ام عون
ابوهة وكلشي بل دار بعدك راح تحتار

زينب صاحت بويه لوين
بعدك يغدي بغربه حسين
غربه ومانحمل لفراك
موتك شفته اكبال لعين

~~~~

بيت النبوه صابهم يوم الرحيل مصابُ
فغدت بدار نوائبً عنها مضو الاحبابُ
فالجرح فيهم قد مضى من بعد جرح البابُ

دار اخلاف حيدر صعب ماتنطب
وداع لخير من حسين شو كرب
لدنيه تنوح كامت ولسمه تنحب
ياكسرت لخاطر عطش بينه نصب

ابو لفقرة مشه وراح ودمع لفقرة هل طاح
اليدك بيبانهم نام بعد ياهو للايتام

يوم لفركه وموتك دار
مغرب رايح يل كرار
خير الله ورايح لبعيد
لخافت منة لودام صار

~

ولبابُ جرحك ياعلي ولموت ليس سبيلُ
ودم الزكيه ينزفُ أيات جرح طويلُ
حان لفراق ايا علي وقد اقتربت رحيلُ

ليوم لزهرة ونت بلسمه بحسرة
هضيمه تصيح حيدر رايح لكبرة
باب وضلعي هين لاجن الطبرة
ماتشفه لعيون ولاتكف عبرة

تيتم كلشي شبساع علي منهم مشه وضاع
هنيالك يل اتراب شبكت القالع الباب

وانته الدنيه احتارت بيك
كامت تنعه لزهرة عليك
فزت بيهة جروح لشوك
ما ترتاح اله بطاريك
~~~~

جعفر فاضل

ولي الله امير المؤمنين | سجاد العلياوي | هيئة مجانين الحسين
https://youtube.com/watch?v=7n_seGuhoyE&feature=share

عن الصحابي الجليل عبدالله ابن خباب الارت


انا المعذب... انا المتيم... انا بن خباب الارت
..........
لو گطعوني وينثر وي الهوا لساني
ما ينكر المولا علي ولا يتبع جاني
ان تسألوني فأنا عامل علي وعاشگ
عبدالله والهادي افتخر هوه الي سماني

لا تنتظر مني.            يا مارق اتبره
ثوب العله عيالي.      من چسوة الزهره

جرد حسامك  ونزع لثامك  عبدلله امامك  ولتفت
راضي بقضائه. ناطر لقائه. ذبت بولائه. وبي همت


ما ابدي عالزهره عشگ والعتره عنواني
حسبي الزجيه وسلمت بس الها وجداني
.......

محبوبي حيدر واليحب هانت علي روحه
بيه ظفر سيفك لچن نحرك علي ايلوحه
ما تدري بالحب الوصي ما تلچم اجروحه
روح المتيم لو بقت كل ليله مذبوحه

لاخر رمق بيه.         ما انكر افضاله
ماكو وصي مثله.       يگدر عله افعاله     

بدر وقبائل  ذات السلاسل ماظل منازل بي رمق
عمرو وجحوده مرحب يهوده ثابت وجوده ومتفق

تايه جنت لاكن علي بعيونه دلاني
جر گلبي لعنان السمه وعبدالله سواني
........

انه ابن من عذب لحد ما شوهو ظهره
سادس بشر قر ونصر وسلم لبو الزهره
ان كان لله وصي حيدر وصي واسرى
ويه النبي وقاب ودنه حد نقطة القدره

اعظم نبأ حيدر.       بي نزلت السوره
ميت گبل سيفك.    بعيونه وبنوره

عم اختلافك. فارغ غلافك اسأل عفافك والنسب
شك بزنيمك باجر خصيمك الله ولهيمك بس لهب

ساعة وتطوف بجنتي عد الله ولداني
ديني اكتمل بأل النبي وزاد بعلي ايماني
..........

من مكه هاجر ولدي وانه بعلي مهاجر
عابر حياتي وكل عمر لعيونه شي عابر
گلبي علي وروحي علي وكلشي علي بيه
حته النفس حته الهوا هم بي علي حاضر

باب العلم حيدر.           حصن الله بمتونه
ابط النبي انكشفت.      كل هذا لعيونه

ناقش ضميرك  حدد مصيرك حيدر اميرك لو خصم
راجع كلامك صب اهتمامك يمه وغرامك شي مهم

حيدر خلود وعترته وباقي شي فاني
روحي رضت بيه وثگل عد الله ميزاني
.......

لو احترگ مو مره الف ونحز الف مره
اني وحرمتي ما امس حيدر علي بشعره
هو المشه بدمه علي مو بيده يامارق
ولو بيده يتبره حلم من عنده يتبره

تذبحني لو بقه.          لامر الله ما عارض
بالحالتين اني.          شيعي وصرت رافض

من زغري احبه ويحبني گلبه كلما اطلبه ينتخي
بلسانه حلوه عبدالله تگوه لو گلي هوه بيا اخي

كلمة حبيبي وياخي بلسانه شي ثاني
هي غزل بس بيها جو من الله روحاني

هيثم جعفر