الدايره بجف علي... تزغر
لا فتى الا هوه ... حيدر
سيد المتقين

ازهد الزاهدين .... كمره
الله ضم بعلي .... سره
سيد العارفين

بسم السلطان علي ابا الحسن

الكائن الاول مذ كان الازل
نادي علياً فعلي اسرع حل
علم الاملاك تعضيم الاله
سجدت خلف علي خير العمل

علي علي .... قاتل الكفر علي
حامل السر علي

علي علي .... بسط الارض علي
نبض النبض علي

نابض بالحب دوم يا كاع اتلمك
هيبه بين الناس الله مخلي اسمك
بس الله وطه والزهراء تفهمك

____________________

يا اميري العشك........ طافك
الله مالك مثل ........ عافك
بيتة سواة الك

عل ارض والفلك ........حاكم
واليعارض يرد ....... نادم
اليضدك هلك

بسم السلطان علي ابا الحسن

عن هواءً نطق مولاي محال
وكلام الغير مضمونً سجال
اذ لموسى كان مولاي الكليم
ف اذا قال علي الله قال

علي علي .... سر السر علي
قائد الغر علي

علي علي......رب الحب علي
حب الرب علي

رادك دون الناس سيد عل كونين
واحد من سواك منك ماكو ثنين
من اوصافة انطاك ربك يابو حسين

____________________

هيبه المقتدر .... كبره
يغبش اعله الورد .... عطره
واصل لمرحله

اعقد الاسئله ..... حلها
ما تضاهي الزلم .... كلها
هيبته بكربله

بسم السلطان علي ابا الحسن

فهو الطوفان ان حل يبيد
ولهُ زينباً قد ذلت يزيد
عندما قالت يبن الطلقاء
نحن سادات الامم يبن العبيد

علي علي ..... طاعن الرمح علي
صاحب الفتح علي

علي علي ..... فالق الرأس علي
شدهُ البأس علي

لا حاجز بينه وبين الله دخيله
يا كاع تحمله ويا مهره تشيله
يارب ارزقنا من حيدر حيله
___________________

حكي لو بل وصف حاير
ما يوصفك قلم شاعر
حتى لو بالغت
بل وصف قصرت ثاري
وبل عشك ما طفت ناري
بسمك اتجننت

بسم السلطان علي ابا الحسن

علي ما بيني وبين الله وسيط
ولهُ في قلبِ عشقاً يستشيط
حاطَ قلبي عشقهُ عين الصواب
عشق كل الناس ادنى ان يحيط

علي علي سيد الشمس علي
حاكم الانس علي

علي علي صاحب الحق علي
مْثل الصدق علي

شمس الله بيمناك من تريد تدير
كل هاي الافلاك بسمك من تسير
ربك من علاك جي غيرك ميصير
_____________________

يسجد لكبتك .... كلبي
وينزف بحضرتك .... حبي
ي امير المؤمنين

قبله الخائفين .... عينك
الله خله الهوه .... حسينك
ريه العاشكين

بسم السلطان علي ابا الحسن

جاء حيدر قيل في اقوالها
اذ زلزلت واخرجت اثقالها
لا تلوماً غداً غضب الله
ف علياً قيل في زلزالها

علي علي .... سيد العرب علي
موضع العجب علي

علي علي ..... كهف الحلم علي
باب العلم علي

ما ينحد حيدر لا حد ولا كد
لا ريب ولا شك لا كلبي تردد
ممسوس بذاته سبحان الاوحد
_______________

ليا مراحل وصل .... ميثم
اكبر من العشك ..... واعلم
يا مراحل وصل

ما شفت بالعشك .... حاير
مثل ميثم قبل ..... عابر
يسكي جذع النخل

بسم السلطان علي ابا الحسن

ورشيد الهجري ذاق الجرح حب
يا علي عشقاً ترا ام جوف جب
سبع سماواتًُ عشق والارضيين
كلها في ذكرك عشقاً تشب

علي علي .... غيث الورى علي
صبح الدجى علي

علي علي ..... شمسا طيل علي ( اسمه عند اهل السماء)
حمحا ميل علي ( اسمه عند اهل الارض)

بكل لهجه مذكور مكتوبه اسمائك
ضكنه وياك الحب ما خف اعطائك
اجمل ما بالموت قل حيدر جاءك

حسن الدراجي
حسين عواد

حسين حسين يبن فاطمة
_______
حار الرمل ياسيدي بصدرك يبات
وشفافك الذبن عطش يم الفرات
والله حرام اعلة الورد حافرها فات

عل هزل بت حيدر تصير
ويا جرحها بفكدك جبير
كون نجزع بل لطم لا مو حرام

كون يسحك صدري ويدوس
مونفس نفديلك نفوس
انة فدوة لكل جسد جوه الخيام

اريد مصابك يضل بروحي
نواعي التنعة تهيج اجروحي
طريق النعمة تقدسة اجدامي
بكبر عاشورك سوادي وونوحي


____________
تتعثر اجدامي من اطب لكربلة
اذكر غربتك ولسبي ويل عائلة
ومناغة عبدالله وسهم من حرملة

نار وصط اخيامك تطوف
كون تكدر بيهة وتشوف
زينب تصحيك يخوية احضر الي

بكل وكت تنعاك البتول
تذكر بصدرك الخيول
تلطم وتنحب تنادي ياعلي

تنادي الشعية الغريب الضامي
الك جم راية ترف جدامي
نطبر هامة بصبح عاشورك
الك كل خادم نشوفه دامي


____
وحدك غريب ويل هوى يابو علي
ولعسكر ليمك وصل يدبي دبي
وناصر تريد اا بنينوى ياسيدي


كلهة غربة وضدك تصير
ياجرح لبصدرك جبير
خولي يرفع راسك برمحة غدة

زينب اعلة تلة تصيح
ربي هذة حسينك ذبيح
ولشمر يم هامتة ومتوسدة


السواد لبينة لطم وقراية
نواسي الخدر نجي مشاية
الك نعمية عيون الخدام
وعلة كل ناصب ترف الراية
________
راح ابدي اعاتب كل نهر وي لغروب
وبكد عطش خدر علي لازم يتوب
يا ماي ما عندك عذر كلبي يلوب

الماي جان بعازتة اطفال
تالي جفهم حصتة احبال
ومفطرات اشفافهم مثل الحجار

عل رمل حفاي يمشون
لتاذو بمعتهم ام عون
ذكرو الخيمات من شب بيهة نار

اون للعاشر واواسي ايتامه
الدموع بعيني تطفي اخيامه
اعلة صدري اجفوفي تدك حزانة
وتدك عل هامة لكثر ضلامه
________
هلال الحزن خلة السمة حمرة تصير
نشرت قميصك فاطمة وبجه الامير
واحنة لعشك بينة فضح حبك جبير

بركضت طوريج مولاي
نركض وي المهدي حفاي
نطوف وصط لصحن ونادي غريب

بالي يمّ السهم يحسين
كسر ظهرك ونطفت عين
ياجرح كلبك لمايمة طبيب

اريد اوفيلك واجي اعلة اعتابك
ذنوب لبية تطيح ابابك
اسلم روحي الك يحسيني
وعوف الدنية بنعاوي احبابك


جعفر فاضل

يحسين بمجالسنه
صحنه بيك موتنه
مو صيحه جذب بهداي
لا صيحه خدم مولاي
هاذي من مناحرنه
صحنه بيك موتنه
....
الك كل الحزن وال اه
يارب البجي البينه
ميهمنه اليجي وينعاك
بس اسمك يبجينه
اليحبك ويه كل حسين
كلبه يديرله بعينه
عمرنه شوكت حبيناك
ما نمشي بجناسينه
ابهذا الحزن أمنه
صحنه بيك موتنه
.........................................
يموت البينه يم طاريك
ما تتراكض ادموعه
الله يحب المخليك
انت براس موضوعه
بأجر بالقيامه يصيح
وين الاطم اضلوعه
ينشد على الدمعه اعليك
جان يسابك شموعه
بهذا الأمر واعدنه
صحنه بيك موتنه
.........................................
نفرح لو حزنه يطول
بلكت تبرد اجروحك
تفكر بينه ويسحكوك
جا متفكر بروحك
مذبوح اعله مود نعيش
بس مابينه مذبوحك
حته اب موت منوافيك
شويه الحزنك انوحك
يا صاحب مبادئنه
صحنه بيك موتنه
.........................................
خلينه الدمع نيشان
خاطر ما نضيع اجروح
المن الله ثار يريد
غير الخاطرك مجروح
وادم بالغنه ترتاح
واحنه الراحه عدنه انوح
كلمن عده خل ميكول
بس العاشكك مفضوح
حمام ومجلسك عشنه
صحنه بيك موتنه

.........................................
يلومونه الي مايدرون
الله الحزنك شقدم
من شاف الشمر فوكاك
بجالك الدنيه بدم
يناس اشويه ارحمونه
تره الله البادي بالمئتم
قبلنه وقبل كل الناس
جان بهل حزن مهتم
الله يحب شعائرنه
صحنه بيك موتنه
...
علي محسن الدراجي