اكلكم شو انا اللي خفت🥲

لاتخافون ما يصير بس اللي كاتبه رب العالمين صلوا صلاة الفجر ونامواا 🤍

طبعا ما ادري تمنيت لو وزارة التربيه حددت الموعد بالمضبوط مثل ما صار ويانا
لان ردت اكتب هل رساله قبل يوم النتيجه
ما ادري خاف باجر النتائج كلت خل احجي الكم

شكد ما تكدرون ادعوا شكد ما تكدرون و لا تياسون من رحمة الله و لا تكولون لا مستحيل اني كذا اني ما جاوبت كذا ما تدرون شنو يصير والله مثل المعجزات 🥹

والله لو تشوفون بيوم النتائج و قبلها جنت يائسه و بدا اللوم و الخوف و كمت اكول لو ماجله دور ثاني فرصه اعيد اذا مو خوش درجات و اني ليش جازفت
بس ما تدرون الخير وين

اتذكر طلاب احد مدرسين نزلت نتائجهم قبلنا بيوم و شفت الفيزياء٩٩ و ٩٨ و هم شطار و من الاواىل على العراق كلت هذوله ما جابوا ١٠٠ بالفيزياء اني اللي راح اجيب؟
ليش ما اجلتها هذوله ما مساعدين ابد بالتصحيح مبين و نسيت ان اني جاوبت فيزياء ما عندي مشكله بيها و كلت لو اجلتها هسه تكسر معدلي
لو هم الكيمياء اللي اساسها عندي بيها اخطاء و خفت اوصل ٩٣ بيها
بس بعدين كلت هذا التفكير لا راح يقدم ولا ياخر ولا البجي هذا
صلوا و ادعوا شكد ما تكدرون ابد لا تسكتون عن الدعاء و ناموا انصحكم حتى تخلصون من التوتر هذا و سلموها بيد الله
سواء النتيجه رضتكم او لا والله بيها الخير والله اتمنى تتذكرون كلامي هذا وقت النتيجه
احنا ما نعرف الخير صح احنا مخيرين وليس مسيرين ولكن العلم عند الله و كل شي يصير بيه نفع يمكن درس و اختبار من الله يمكن الله يعوضكم بشي يسوى تعب السادس باضعاف و تكولون الحمدلله صار هيج
ف اريد اكول الكم هواي اعرف نتيجة ما رضتهم و هسه همه مرتاحين و يحمدون الله على مكان اللي هم بيه و يمكن اكثر من اللي حققوا اللي رادوه

ف شنو تكون النتيجه احمدوا الله و بنفس راضيه 🤍


و تسالوني تجي درجات اكثر من توقعاتنا؟

اي نعم تجي بس يعتمد شنو نوع التوقعات مو كلش عاليه
مثلا العربي بسبب النقطه اللي صار أشكال عليها خفت لا تصير خربطه ف كلت يمكن٩٨

مثلا اكو طلاب الحل كله صح ناتج خطا مرات يمشونه

الشرحيات مو كلش يحاسبون المهم الفكره رئيسيه موجوده و هيج تقريبا

و ان شاء الله تبشروني بيوم نتائجكم و افرح بيكم ابطال و دعيت الكم من كل كلبي يارب المعدل اللي يرضيكم🤍

بشروا 🥹
@iwadaqbot

@i_baneenbot

﴿‏وَإِن يَمْسَسْكَ اللَّهُ بِضُرٍّ فَلاَ كَاشِفَ لَهُ إِلاَّ هُوَ وَإِن يَمْسَسْكَ بِخَيْرٍ فَهُوَ عَلَى كُلِّ شَيْءٍ قَدِيرٌ﴾.

كلش هواي مسجات والله
وكلش انقهر من اسولف كومة وادز المسج والكاكم حاظرين البوت بسبب التأخير ، عذروني دائما لان اكيد انا ما ابخل على احد بمعلومة بس احاول ارد شكد ما اكدر🤍

هواي طلاب كاعد يراسلوني ويكولون احنا بعدنا ما مبلشين نقرا للدور الثاني ، طلاب بعد بلشوا ادرسوا مايصير هيج تضلون كاعدين وامس شفت انو يمكن الوزارة حددت الامتحانات نهاية الثامن ف بعد لاتضيعون الوقت وحاولوا تستغلون كل ثانية باليوم لان بس هذا الشهر ووراها ترتاحون وتحققون حلمكم ف بس تعبوا نفسكم هذا الشهر 🤍

مرحبا طلاب إن شاء الله تكونون بخير ،
حبيت أحجيلكم عن الدور الثاني بسبب عندي تجربة وياه سابقة وشلون يصير توزيع الوقت والمواد ،
شوفوا طلاب بداية الأمر لازم تخلون ببالكم هاي الفترة هي نفس فترة المراجعة اللي قبل الدور الأول ، فتكعدون تشوفون كم يوم عدكم وكم مادة عدكم وتقسمون المواد على الأيام ، سواء صارتلكم مراجعة مراجعتين كلش زين ، خصوصًا إذا المادة قارينها بمراجعة الدور الأول فراح تصيرلكم كأنما مراجعة ثانية هسة ،
وحاولوا تسوون ملخصات تستفادون منها بليلة الإمتحان لإن شكد ما اكول عن الملخصات مهمة هي قليلة بحقها خصوصًا بالدور الثاني ،
أتذكر قبل سنوات أجلت إسلامية وكيمياء وفيزياء دور ثاني ، وكانت أصعبة ليلة هي ليلة إمتحان الفيزياء لإن جان فقط نص يوم الها ، يعني اليوم امتحنت كيمياء باجر عندي فيزياء ، فهنا فادتني الملخصات ، كعدت اقرا بس النظري والمسائل قريت فقط القوانين والمسائل اللي بيها افكار غريبة جنت مأشرها بفترة المراجعة فقريتهن هم على السريع وبس بعيوني بدون ورقة وقلم لان ما تلحك 😂 ،
والحمد لله صارت سوالف وذكريات جميلة وهسة مرحلة رابعة كلية طب فشدوا حيلكم ومهما كنتم مأجلين مواد هذا ما يعتبر عائق كدامكم 🤍

مرحباً طلاب السادس كيف الحال ان شاء الله بخير 🥹
اني نفر جديد بالقناة
إسمي رقية
ومخلصة سادس اهم شيء 🦋
معدلي 99 بدون إضافة
راح انزل الكم كل شيء استفاديت من عندة وساعدني وملاحظاتي الخاصة هم 💘🥹

راح انزل الكم ملخصات عربي ( قواعد ) فادوني بليلة الامتحان للدفعتين 2025 د2 ودفعة 2026

اعلى شي الفيزياء ف خلي احجيلكم شوية عنها

اولا/ على منو درستي الفيزياء ؟
على الاستاذ حسن عبد الكاظم لان جان يفهمنا كلشي حرفيا ، بحيث انا بالوزاري نسيت فرع كلامي وكعدت فهمته وعبرت من يمي وطلع كلامي صح لان هو يدرس على اساس الشخص يفهم بعدين يحفظ ف كلش ساعدتني هاي الطريقة

انا العملي ( المسائل ) حسن عبد الكاظم هواي عنده طرق يخلي الطالب ما ينسى القوانين .

انتم اكيد ماعدكم وقت ف اللي يريد بس نجاح ركزوا على اول ٣ افصل درخوهن درخ ، ونشاطات الكتاب هم درخوهن والباقي حاولوا تقرون شكد ما تكدرون من الكتاب.
والفيزياء حيل سهلة لاتخلون خوفكم يسيطر عليكم فهموها فهم ولاتحفظون شي اذا ما فاهمينه لان حتنسونه .

انا جان عندي يوم واحد قبل الامتحان ف قريت بس الفصل الرابع والخامس والسادس والسابع والتاسع والعاشر

الاول والثاني والثالث والثامن عفتهن لان جنت حافظتهن هواي ( ممتحنين بيهن شهريات ونصف السنة وقريتهن بالمراجعة وجان اكو يوميات ) ف خليتهن ووثقت بنفسي حتذكر
واتمنالكم كل التوفيق🤍