رد من البوت 🙈شكرا للطالبه اللي ترد على اسالتكم لأن اني ناسيه ادعوا الها🥹🫶🏻

اكتبلكمم المقدمة والخاتمة اللي اعتمدتها من الثالث متوسط وخلتني دائما اخذ بالإنشاء درجة كاملة؟ خلولي 🔥 علمود اعرف

🥹والله دا ادعي الكم


كل شي حتتذكرون صدكوني بس شيلوا الخوف و القلق

اكيد مراجعين و مضبطين ماكو داعي للخوف ترا الاسئله تجي سهله و واضحه يادوب سؤال واحد بيه فكره و اصلا يتجاوب توكلوا على الله و شيلوا الخوف


و بالنسبه لحل الاسئله طلاب حلوها بالتسلسل احسن حتى سالفه الترك ما تدوخكم او تنسون فرع

صراحه بالنسبه الي حليت كل القواعد خبصت منه بحيث فرغت عقلي للحفظيات و على كيفي احاول استذكرهن و طولت حتى بيها لان كلت ما وراي شي على كيفي استذكر و احل وراها انشاء 🫰🏻بعد بكيفكم شلون تحبون💘

و طلاب حتى لو ما ملحكين تلمون الماده ناموا ولو ساعه العربي يحتاج تركيز مو طبيعي خصوصا القواعد رايد واحد باله صافي ف من تحلون بدقه ولا تستعجلون اقروا البيت الشعوي للنهايه و كذلك السؤال فهموا شنو يريد منكم يلا تحلون

الحمدُ لله الذي لولاه لما جرى قلمٌ ولا تكلم لسان والصلاة والسلام على نبينا محمد (ص) الذي كان افصح الناس لساناً واوضحهم عليمنا وبيانا والذي كان يحث ويسعى على تحقيق هذا الموضوع المهم في المجتمع وهو موضوع () ، تكتبون هنا اسم الموضوع وتخلون نقطة وتبلشون تكتبون كلامكم اللي يخص الموضوع مثلا الوطن ، العلم ، الطموح وغيرها وانتبهوا حاولوا تخلون حركات وتعدلون خطكم كلش وتكتبون اذا تكدرون ٤ صفحات وبين سطر وسطر مو تخلوهن سطر ورة سطر ، وبالنهاية كتبوا هيج خاتمة من يمكم مثلا
في النهاية احب ان اختم هذا الموضوع بحديث نبوي شريف او اية قرأنية او تكتبون شعر ، كلش يحبون الختم ب هيج اشياء وكتبوا الذي يبين اهمية هذا الموضوع في المجتمع .
🤍🤍🤍

هاي المقدمة والخاتمة كلش حلوة وبسيطة وابد ما تبين وتكدرون هم تخلون المقدمة بيها كلمات بعد من تعبيركم بحيث تبين كأنوا جاية وي الموضوع

وخلي انزللكم اهم الاشياء اللي سويتهم بأمتحان العربي بالقاعة


١_بلشت بالقواعد وضليت اتونس بالحل لان هاي اخر مرة احل عربي بحياتي كلها ف تونست وحبيت ابدع بأخر مرة هاي اهم شي 🔥

٢_رتبوا ورقتكم وسوو مخططات بالقواعد يعني مثلا تكتبون مخطط بي الكلمة واعرابها ، كلش اهل العربي يحبون هاي السوالف ف حاولوا ترتبون الدفتر ، اتذكر اللي واكفة علينا كالت للبنات شوفوا البنية شلون مرتبة دفترها بحيث يفتح النفس ، لان حتى لو عدكم خطأ يحطولكم صح خليها ببالكم 🔥

٣_خلصوا وبلشوا بالادب وبكل هدوء سؤال سؤال واذا تحسون نفسكم ناسين شي ترا مو نهاية العالم عادي شوية شوية تتذكرون ، اتذكروا انتوا بشر ف طبيعي تنسون بس مو طبيعي من تستسلمون وتعوفون الورقة ، خليكم اقوياء وثابتين بمكانكم بدون خوف ولا شي عبروا للوراها وخلصوا الادب وخلوا الاشياء اللي ما تتذكرونها بعدين نرجعلها


٤_كتبوا الانشاء ورتبوا الخط هاي اهم وكتبوا العنوان مو تنسونه لان يمكن عليه درجتين والانشاء فرصتكم علمود تخلون عقلكم يرست ويروح منه التوتر ومن ترجعون للادب حتلكون نفسكم تتذكرون شوية شوية 🤍🤍🤍
وهايهية سلموا الدفتر وانتم واثقين من نفسكم ١٠٠٪؜. انو سويتوا اللي عليكم وواثقين من رب العالمين مراح يضيع تعبكم

مرحبا طلاب إن شاء الله تكونون بخير ،
أنا أول مرة أنشر بالقناة وحبيت أحجيلكم عن موضوع جدًا جدًا مهم ،
الموضوع يخص طبعًا اسئلة الأدب وانا راح أحجيلكم عن تجربتي بيها ،
مرات داخل الإمتحان تحل كلشي لكن يوكف عندك فد فرع عليه ٣ درجات بالأدب او هيج فرع صغير ،
فأبدًا أبدًا لا تتركون شيء فارغ ، بسنتنا اجة سؤال كلش صعب كان عن الشاعر محمود درويش وكان ولا مرة جاي وزاري ، فأنا بوقتها إحتاريت شنو أسوي ،وحرامات أأجل علمود فرع ٣ درجات وانا القواعد كلها جاوبتها ، فأنا شنو سويت ؟ رحت تذكرت كل الاسئلة اللي أنا اعرفها عن الشاعر وكتبت الأجوبة مالتها لان تعرفون اغلب كلام الادب يتشابه فكتبت تقريبا ٣ اسطر او أربعة على الرغم هو كان جوابه سطر ونص بس ،
لكن بعدين من اجت النتائج درجتي بالعربي ٩٩ والدرجة هاي اللي راحت للإنشاء ،
فمقصدي خصوصًا باسئلة الأدب لا تتركون شيءٍ فارغ لإن أقل شيء إذا ما ينطيك ٣ من ٣ ينطيك ٢ ،
وأنا حاليًا طب عام مرحلة رابعة وأتمنى لكم جميعًا التوفيق والنجاح وإن شاء الله درجات تفرحكم وتنسيكم كل التعب 🤍

شلونكم طلاب بشرونا🥹🫰🏻

هلو طلاب شلونكم 💘 طبعا سمعت انو شوي الاسئلة أليــوم مطوله وحقكم تضوجون ؏َ الوضع خاصة بعد فتره طويله شخص يتجهز لهذا الامتحان
بس اهم شــي يكون عندكم الجانب إلـي متخلي شــي ياثر على شــي لتخلون حاليا العربي ياثر على باقي المواد
بالنسبة للي اجلوا ف هي مو نهاية دنيا كلش هــواية اجلوا وطلعوا معدلات اعلى حَــتىٰ من اهل دور اول عندكم وقت كلش هــواية تقرون وتضبطوها مره ثانية مُـهــم سويتوا إلـي عليكم 💘💘
إلـي جاوبوا عاشت ايدكم وحتى لو دتحسون نفسكم مخربطين شــويَه ماكو احد يطلع من عربي يكول ١٠٠ حيبقى خايف ليكون مخربط بعدين ينصدم انو درجته حتكون عاليه وهوايه خربطت وعادي اجت درجتي عاليه 👍🏻
لتخافون ان شاء اللّٰـه يتساهلون ودائما الدرجة تجي اعلى ولتحلون اسئلة أصــلاً مالها داعي ركزوا ؏َ باقي الماده واليوم اتوقع لازم تقرون انشاء وادب حَــتىٰ تخلصون منه وتحسون دتنجزون🏃🏼‍♀️ وبالتوفيق للجميع💘💘

هلو يا حلوين شلونكم🥹

بس اكو شغله دائما تصير بالعربي
مرات الجواب مالتكم يكون صح بس ما مذكور بالاجوبه النموذجيه ف لا تعتبرونه خطا
العربي اكو اسىله بيه تتقبل اكثر من جواب
مثل ما صار النا العام مثلا و هواي صارت بالسنين السابقه ف عادي المهم صح مو مهم موجود بالاجوبه اللي يصححون اساتذه خبرة

و كذلك بالنسبه للادب لا تفكرون لازم الجواب ينكتب نصا المهم شي قريب عليه او من محتواه ينطون عليه درجه كامله
لا تعترون هيج اشياء خطا هواي دا يكولون لي خاف نتنقص لا ما تتنقصون صدكوا 🥹🫰🏻

@i_baneenbot
طلاب بشروني ؟؟ 🔥🔥🔥

شنو صعبة ؟؟؟؟

@iwadaqbot ها طلاب شنو الوضع

مساء الخير طلاب
اول شي حظ اوفر للي اجلوا و لا تعبرونها نهاية الدنيا عادي يعني الدنيا ما راح توكف على انكليزي صح درجه الدور الاول عزيزه بس طالما مو الدرجه اللي ترضيكم حقكم تضحون علمودها

لا تفكرون بسلبيه ولا تخلون هل شي بداية تسحبكم للتكاسل و تاجيل كل الامتحانات بالعكس خلوها نقطه قوه الكم توكفون منها

العام رجعت منهاره من الكيمياء لان طلع عندي خطا ما كدرت اقره لحد الساعه٢ الظهر و الفيزياء كدمها بس يوم و هنه١٠ افصل و اني وصلت للنهاية و طاقتي خلصت انوب عندي خطا بالكيمياء حسيت تدمرت و كلت ها هي خل ااجل الفيزياء خرب معدلي و حسيت الدنيا سودة بوجهي
بس طردت كل هل افكار من راسي و صليت و دعيت ان الله يعوضني عن الكيمياء و فعلا 🩷

و كولوا الحمدلله الصعوبه بالانكليزي لان همه مو كل المواد يجيبوها صعبه ماده وحده بس يجيبوها صعبه

على اقل الانكليزي يتنقص الواحد درجتين او درجه على الحطا بينما لو ضاميها لغير ماده اقل شي يطير ٥

لا تستلمون بس لان اجه الانكليزي هيج

الاسىله الوزاريه مو كلها حتجي صعبه بس لان الانكليزي اجه صعب لا ينوعون بيها

و طلاب ياريت تفهمون شغله هذا اسلوب ابو الوزاري حتى يفرق بين الطلاب و هل شي معروف على مدار سنوات كل سنه تصير ضجه على ماده قبل سنتين عربي و فيزياء و الانكليزي اجه بيها شي لاول مره
و قبلها اجت اسىله الرياضيات صعبه
و العام اجت الفيزياء صعبه

ف لا تقيسون من ماده حتى لو جانت الاسلاميه سهله مي والعربي شفتوه زين مو معناها كلها حتكون زينه هم

بالنسبه للقطعه الخارجيه من جنت احل عنها جنت اشوف يحبون يجيبون اسىله تعتمد على معنى و فهم الطالب بحيث لازم واحد يكون متمرس الله يذكرهن بالخير مدرساتي من الاول متوسط قطع الانكليزي بهد صعوبه بحيث مال وزاري شفتها تافهه
فهاي نصيحه للي راح يمتحنون دور ثاني
اسىله الانكليزي تكررت هواي و كذلك الحال بهواي مواد ف صاروا يحبون يجددون و ينوعون بس صدكوا ما يطلعون من الماده
الانكليزي ممكن بس القطعه الخارجيه و صدكوني يساعدون بيها
وحتى قطع الكتاب العام اكو نقطه زيدت من عندي هواي و عادي

و الادب و الانشاء نفس الحال
والاختيارات او الاسقاطات كل سنه دا يجيبون شي لاول مره معناها يا طالب احفظ معاني الكتاب


اريدكم تصيرون ابطال و تركزون على اللي جاي و تذكروا

((وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ ﴾🩷

مرحبا طلاب إن شاء الله تكونون بخير ،
اللي إمتحنوا إنكليزي عاشت إيدكم وأبطال واللي أجلوا أيضًا عاشت إيدكم لإن دائمًا إسأل نفسك شنو كان سبب التأجيل ؟ كان السبب هو خوفك وحكمتك وإصرارك إنو تاخذ أعلى الدرجات وما ترضى بأي درجة ،
صدكوني هذا بحد ذاته إنجاز وهذا التفكير يستحق رفع القبعة لكم ، أنا من جنت بالسادس أجلت ٣ مواد دور ثاني ومن ضمنها فيزياء وكيمياء ، هل صارت نهاية العالم ؟ لا ، إمتحنت دور ثاني وعبرنا وهسة كلية طب ورب العالمين صدكوني راح يعوضكم عن كل ذرة تعب بذلتوها طول هالفترة ،
فصدكوني بمجرد شعوركم بهاي المسؤولية وتفكيركم بهذا الشكل وبهذه الحكمة ، أنتم أبطال ورفعة راس ،
الآن إنسوا كلشي وأماكم مهمة الأحياء شدوا حيلكم وكولوا يا الله وتوكلوا على رب العالمين ،
الأحياء دائمًا تجي سهلة ودرجتها مضمونة ، ولا ترهقون نفسكم بالتفكير الزائد وبعدلي ٤ مواد وتشتتون عقلكم ، دائمًا خلي تفكيركم هو خطوة بعدها خطوة وهذا النظام طبقوه دائمًا في حياتكم مو بس بالدراسة علمود ما ترهقون عقلكم وعلمود تكون كفاءته وتركيزه عالي وبدون تشتت ، فكروا فقط بالأحياء وكأنه آخر إمتحان ولا تنسون هاي الجملة أبدًا ( خطوة بعدها خطوة )🤍

هذا الملف رغم تأخري هو خلى ايماني قوي و مهما تاخرت أو ما كملت مراجعه الماده قبل الامتحان ما استسلم 🥹🤍🤍🤍

هلو طلاب شلونكم هواي دا يكتبون لي دا نحس ننسى و خايفين
كلش طبيعي هل شعور بالاحياء
صدكوا بس تشوفون الاسئله و تبدون تحلون انتوا تلقائيا تستذكرون كل شي حتى لو ما لحكتوا تراجعون كل الماده حتتذكرون حتى اليومي بس يحتاج واحد باله صافي و مركز
حتشوفون مهما تكون الاسئله تكدرون تجاوبونها خصوصا الاحياء

و ممكن بأجر تواجهكم شغله الاسئله مطوله بس هذا طبيعي بالاحياء و بقية المواد الجايه

واحلى فقره خاف ناسين بعد اكو ترك سؤال خلصتوا من المواد اللي ما بيها ترك
هل شي يساعدكم بشكل مو طبيعي🎉💘💘💘

هلو شلونكم ؟
بشروني ؟ @i_baneenbot

شفت كل المساجات وحرد عليهن إن شاء الله

اريدكم بعد تنسون الرياضيات وما تفكرون بي وتكولون سوينا اللي علينا وهايهية ، بلشوا اقروا كيمياء وشدوا حيلكم بيها وانا حكون وياكم وانززلكم اشياء مهمة واساعدكم بكلشي تحتاجونه.

ما اريدكم تضوجون وتفكرون تأجلون المواد البقية لان خلوا ببالكم اللي كاتبه رب العالمين يصير واكو ناس اجلت ٣ و ٤ ومن طلعت النتائج طلعن اللي ممتحنيهن ١٠٠ و ٩٩ وتشجعوا يدرسون للدور الثاني وحصلوا المعدل اللي يريدونه ف ابد لاتخلون التفكير ياكلكم صيروا اقوياء❤️