صباح الخير يا حلوين

الاسئله مال اسلاميه شفتها
كلها مكرره و واضحه ماكو شي جاي لاول مره

اللي قاري وزاريات يجاوب
صار لي سنه و ناسيه الماده من شفتها تذكرت شكد هذني مكررات من شفتهن فرحت لان هاي الاسئله بالذات حتى اللي قاري على السريع اكيد مار بيهن

بشروني عود @iwadaqbot

ااي صح الاسئلة الجاية كلها احسها ركزنا عليها بالسادس من كد ما مكروة وزاري ف يارب تكونون مجاوبين زين
بشرونا انا وودوقة 😭

@i_baneenbot

عاشت ايدهم اللي امتحنوا و جابوا
ارتاحوا و ركزوا على العربي
يفضل لحد يشوف اجوبه احسن اوكي اني جنت ما اكدر الزم نفسي الا اتاكد بس خلص بس تقهرون نفسكم اذا لكيتوا خطا توكلوا على الله و ركزوا على العربي

اما اللي اجلوا حظ اوفر الكم يارب ولا تعتبرونها النهاية خلص اجلتوا انتهت و راحت لا تظلون تفكرون و تقهرون بنفسكم ركزوا على ماده الجايه

العربي كلش رايد له تركيز اذا تبقون مشتتين حتى اللي تعرفونه راح تحلونه خطا ف خلص خلصت الاسلاميه هسه ركزوا على اللي وراها 🥹🫰🏻

هواي كاعد يدزولي انو عادي ما كتبنا نصا ؟ كلش عادي كلش المهم انطيتوا الفكرة الرئيسية انا العام هم اكو كم فرع عندي حسيت ما كتبتهن نصا واكو نقص كلمات واجتني درجة كاملة ماعليكم لان الاسلامية تصحيحهم كلش زين واغلب الدرجات تجي ١٠٠ ف لاتخافون ، ناموا كم ساعة هسة وكعدوا اقروا عربي وعوفوا كلشي لان العربي يحتاجله تركيز واريدكم ابطال بي 👏🏻👏🏻🤍

طلاب بالنسبه للقواعد

من تراجعون على الذهبيه وياها ركزوا على الابيات اللي بيها افكار او انتوا ماشرين عليها أثناء دراستكم

واذا مسوين دفتركم الخاص بعد احس تراجعون عليه اني راجعت على دفتري و الملازم اللي اشترت عليها الابيات
و نصيحه مني اكو نماذج حتنشر و أن كل سنه جاي منها و من هل كلام
العام اني حليت النماذج و ما احجي الكم كضيتها ابجي و خرب واهسي و فككرت ااجل العربي كد ما جانت النماذج بيها افكار بحيث بين كل ١٠ اسئله بس ٥ صح حرفيا ضيعت وقت عليها و ما اجت هيج افكار ابد و اكول شلون اني الوزاريات حليتهم كلهن صح شلون هيج دا يصير


ف نصيحه اذا تريدون تراجعون و تختبرون نفسكم اختبروها بنسخ وزاريه دا احجي عن القواعد أما الادب مال أ. عقيل الزبيدي كافيه و حتى اسئله الادب مالتة بالنماذج ما جانت بيها صعوبه تكدرون تختبرون نفسكم بيها بس الادب دا احجي
و حبايب تأكدوا من الملزمه اتذكر العام بالقصه يمكن مدري شنو جان عقيل عنده نقص ابو الوزاري جان كاتب زياده عن ملزمته اتذكر من دورت وراه لكيته بالنسخ الجديدة لدفعه٢٠٢٥ عدل على النقوصات بس هم تأكدوا حتى تخلصون من الشك و القلق

بالتوفيق 🫶🏻🫶🏻

ودق ممكن اذا الذهبيه عند احد يدزها🥲

ودق بس سؤال ع التعجب ع الطريقه غير المباشره بكيفي استعمل أي صيغه لو كل الصيغ

ودق ع سؤال التعجب اي يصير اذا ماحدد بصيغ متعدده
من يريد أكثر من صيغه يذكر بالوزاري مستوفي جميع الطرق
او يكول طريقتين
من مايحدد يعني طريقة وحده فقط

مرحبا حبيبي سلون افرق بالترخيم من ينطيه الي يعني مثل فاطمه تصير افاطمُ. اعرف الاعراب مالته
بس شلون افرقه ع المبني لان المبني هو ٣ حالات الضم والالف والواو واكو نكره مقصوده وهنا فاطمه اسم علم وهم ضمه

اخر سؤال ع قناة هي سأله ومجاوبة روحها
ماكو شي اسمه مبني يشبه ترخيم بس بالحكم
المبني أو المعرب مالهم علاقة بالترخيم اي اسم نحذف حرفه الاخير ترخيم
فرق إعرابه اذا مضموم نكول منادى مرخم مبني ع ضم
اذا غير حركه نكول منادى مرخم مبني ع ضم ع الحرف المحذوف للترخيم

بس هو مايحتاج أحد يدوخ بي يعتبره حاله بوحده وهو اصلا هيج وحكمه مبني وسببه لأن مرخم كعدت اراجع وياها 😂

وهي كايلة فاطمه اسم علم اي صح وهنا يكون مبني اسم مفرد افاطمه
وحذف حرفه صار افاطمُ ترخيم

رد من البوت 🙈شكرا للطالبه اللي ترد على اسالتكم لأن اني ناسيه ادعوا الها🥹🫶🏻

اكتبلكمم المقدمة والخاتمة اللي اعتمدتها من الثالث متوسط وخلتني دائما اخذ بالإنشاء درجة كاملة؟ خلولي 🔥 علمود اعرف

🥹والله دا ادعي الكم


كل شي حتتذكرون صدكوني بس شيلوا الخوف و القلق

اكيد مراجعين و مضبطين ماكو داعي للخوف ترا الاسئله تجي سهله و واضحه يادوب سؤال واحد بيه فكره و اصلا يتجاوب توكلوا على الله و شيلوا الخوف


و بالنسبه لحل الاسئله طلاب حلوها بالتسلسل احسن حتى سالفه الترك ما تدوخكم او تنسون فرع

صراحه بالنسبه الي حليت كل القواعد خبصت منه بحيث فرغت عقلي للحفظيات و على كيفي احاول استذكرهن و طولت حتى بيها لان كلت ما وراي شي على كيفي استذكر و احل وراها انشاء 🫰🏻بعد بكيفكم شلون تحبون💘

و طلاب حتى لو ما ملحكين تلمون الماده ناموا ولو ساعه العربي يحتاج تركيز مو طبيعي خصوصا القواعد رايد واحد باله صافي ف من تحلون بدقه ولا تستعجلون اقروا البيت الشعوي للنهايه و كذلك السؤال فهموا شنو يريد منكم يلا تحلون

الحمدُ لله الذي لولاه لما جرى قلمٌ ولا تكلم لسان والصلاة والسلام على نبينا محمد (ص) الذي كان افصح الناس لساناً واوضحهم عليمنا وبيانا والذي كان يحث ويسعى على تحقيق هذا الموضوع المهم في المجتمع وهو موضوع () ، تكتبون هنا اسم الموضوع وتخلون نقطة وتبلشون تكتبون كلامكم اللي يخص الموضوع مثلا الوطن ، العلم ، الطموح وغيرها وانتبهوا حاولوا تخلون حركات وتعدلون خطكم كلش وتكتبون اذا تكدرون ٤ صفحات وبين سطر وسطر مو تخلوهن سطر ورة سطر ، وبالنهاية كتبوا هيج خاتمة من يمكم مثلا
في النهاية احب ان اختم هذا الموضوع بحديث نبوي شريف او اية قرأنية او تكتبون شعر ، كلش يحبون الختم ب هيج اشياء وكتبوا الذي يبين اهمية هذا الموضوع في المجتمع .
🤍🤍🤍

هاي المقدمة والخاتمة كلش حلوة وبسيطة وابد ما تبين وتكدرون هم تخلون المقدمة بيها كلمات بعد من تعبيركم بحيث تبين كأنوا جاية وي الموضوع

وخلي انزللكم اهم الاشياء اللي سويتهم بأمتحان العربي بالقاعة


١_بلشت بالقواعد وضليت اتونس بالحل لان هاي اخر مرة احل عربي بحياتي كلها ف تونست وحبيت ابدع بأخر مرة هاي اهم شي 🔥

٢_رتبوا ورقتكم وسوو مخططات بالقواعد يعني مثلا تكتبون مخطط بي الكلمة واعرابها ، كلش اهل العربي يحبون هاي السوالف ف حاولوا ترتبون الدفتر ، اتذكر اللي واكفة علينا كالت للبنات شوفوا البنية شلون مرتبة دفترها بحيث يفتح النفس ، لان حتى لو عدكم خطأ يحطولكم صح خليها ببالكم 🔥

٣_خلصوا وبلشوا بالادب وبكل هدوء سؤال سؤال واذا تحسون نفسكم ناسين شي ترا مو نهاية العالم عادي شوية شوية تتذكرون ، اتذكروا انتوا بشر ف طبيعي تنسون بس مو طبيعي من تستسلمون وتعوفون الورقة ، خليكم اقوياء وثابتين بمكانكم بدون خوف ولا شي عبروا للوراها وخلصوا الادب وخلوا الاشياء اللي ما تتذكرونها بعدين نرجعلها


٤_كتبوا الانشاء ورتبوا الخط هاي اهم وكتبوا العنوان مو تنسونه لان يمكن عليه درجتين والانشاء فرصتكم علمود تخلون عقلكم يرست ويروح منه التوتر ومن ترجعون للادب حتلكون نفسكم تتذكرون شوية شوية 🤍🤍🤍
وهايهية سلموا الدفتر وانتم واثقين من نفسكم ١٠٠٪؜. انو سويتوا اللي عليكم وواثقين من رب العالمين مراح يضيع تعبكم

مرحبا طلاب إن شاء الله تكونون بخير ،
أنا أول مرة أنشر بالقناة وحبيت أحجيلكم عن موضوع جدًا جدًا مهم ،
الموضوع يخص طبعًا اسئلة الأدب وانا راح أحجيلكم عن تجربتي بيها ،
مرات داخل الإمتحان تحل كلشي لكن يوكف عندك فد فرع عليه ٣ درجات بالأدب او هيج فرع صغير ،
فأبدًا أبدًا لا تتركون شيء فارغ ، بسنتنا اجة سؤال كلش صعب كان عن الشاعر محمود درويش وكان ولا مرة جاي وزاري ، فأنا بوقتها إحتاريت شنو أسوي ،وحرامات أأجل علمود فرع ٣ درجات وانا القواعد كلها جاوبتها ، فأنا شنو سويت ؟ رحت تذكرت كل الاسئلة اللي أنا اعرفها عن الشاعر وكتبت الأجوبة مالتها لان تعرفون اغلب كلام الادب يتشابه فكتبت تقريبا ٣ اسطر او أربعة على الرغم هو كان جوابه سطر ونص بس ،
لكن بعدين من اجت النتائج درجتي بالعربي ٩٩ والدرجة هاي اللي راحت للإنشاء ،
فمقصدي خصوصًا باسئلة الأدب لا تتركون شيءٍ فارغ لإن أقل شيء إذا ما ينطيك ٣ من ٣ ينطيك ٢ ،
وأنا حاليًا طب عام مرحلة رابعة وأتمنى لكم جميعًا التوفيق والنجاح وإن شاء الله درجات تفرحكم وتنسيكم كل التعب 🤍

شلونكم طلاب بشرونا🥹🫰🏻