وعوفوا المراجعاات اللي تشوفونها بليلة الامتحان ، ضلوا على نفس المصدر اللي قريتوا عليه كل السنة

تريدون تراجعون اقروا وزارياات

صباح الخير يا حلوين شلونكم ان شاء الله بخير🥹

باجر اول يوم امتحان وزاري الكم و اريد اكول الكم كم شغله

طبيعي هسه انتوا متوترين و خايفين كلش هواي كلنا حسينا بهل شعور لان اول امتحان و الاسلاميه بوابة الامتحانات الوزاريه هذا الخوف بس هل مره صدكوا لان اول امتحان اتذكر العام هيج جنت بس وراها طبيعي ما متوتره

حاولوا ما تخلون الخوف يسيطر عليكم و اقروا زين و ان شاء الله تجي الاسئله واضحه و سهله عليكم لان ومثل ما كالت بنين بس تمشي وياكم الاسلاميه اعتبروا نفسكم خلصتوا وزاري مو لان هي صعبه و بس
بس حيصير الكم واهس تخلصون العربي وراها انكليزي و هيج

بالامتحان كذلك لا تخلون الخوف ببالكم يسبب تشتت مو طبيعي يمكن حتى العقل ما يسترجع معلومه بشكل صحيح ف اهدءوا و على كيفكم بهدوء حلو

انتبهوا و انتوا تقرون الاسئله خاف فايتكم فرع لو شي

واعتنوا بدفتركم خطكم خلوه واضح و مرتب على كد ما تكدرون يفضل تحلون الاسئله بالترتيب حتى تتجنبون سالفه ما منتبه لفرع لو شي

نجي لشغلتين مهمات

١-اذا صادفني فرع ما عرفت حله و ماكو ترك شاسوي
-اول شي برايي انطوه خمس دقايق فرصة تحاولون تحلونه ما انحل عوفوه كملوا حل البقيه و ارجعوه له بالاخير و لا تخلون بالكم يمه اني يبقى بالي يم سؤال الما اعرفه و ابقى متشتهه ف حاولوا لا تخلون هيج شي ياثر عليكم

٢-اذا هذا الفرع او السؤال ما انحل وياي و اني ببالي درجه اعلى

هنا انتوا اصحاب القرار بس رجاءا لا بسرعه تستسلمون مو اول ما اشوف سؤال غريب ااجل اصفن له احاول يمكن تعرفونه

و هم شغله بالنسبه لقرايتكم

اذا خلصتوا مراجعه ماده حلوا الكم نموذج نموذجين وزاريات من تخلصون

حتى لو شفهي اني جنت ما الحك ف احله شفهي احد يسالني و اجاوبه لان مال اسال نفسي ما اجاوب زين

المهم هل شي يعزز ثقتكم و يقلل من الخوف كلش هواي فاعتمدوها


وبالنهاية بالتوفيق الكم يارب 🥹🫰🏻
يارب تجون مجاوبين و فرحانين و تبشروني💘

هم اطلعتي ع مراجعات مال مدرسين بالليله الامتحان؟

انا ضليت على المصدر اللي قارية عليه طول السنة ، لان بس جنت اريد اكمل شكد ما اكدر من المادة واجمع شكد ما اكدر من المعلومات ماعدا مادتين
١/عربي : اعتمدت على الذهبية لان اعرفها كلش زينة ونفس المادة اللي قريت عليها السنة كاملة بس بشي مختصر
٢/الفيزياء : لان مادة هواي وضخمة ف اعتمدت على مراجعة استاذ حسن عبد الكاظم ك كلاميات علمود امشي بالمادة سريع وهي كاتب بيها كل الوزاريات وعندي بس يوم واحد ف جان الحل الوحيد اقرا بس هاي الملزمة واخذ شكد ما اكدر معلومات تساعدني بالامتحان ، وهي جانت تقريبا نفس الملزمة اللي قريت عليها طول السنة لان اللي مسويها نفس الاستاذ ف ما اختلفت عندي

ف يعني بالمختصر اذا شفتوا نفسكم قارين المادة وتريدون تقرون مراجعة علمود تختصرون الوقت اقروا على نفس الاستاذ اللي قريتوا عليه من بداية السنة علمود ما تتخربط عدكم المعلومات ويكون نفس الكلام والافكار 🤍🤍

واليوم حاولوا تكملون على وقت علمود تنامون ب ١١ وترتاحون قبل الامتحان اهم شي تنامون عدل علمود ما تروحون دايخين🤍

هاي كل المعاني اللي موجودة بالسلامية
ضبطوهن كلش زين وحاولوا تراجعوهن 🥹🤍🤍

❗عند كتابة الآية وكان من ضمن المطاليب كتابتها بالرسم القرآني انتبه للكلمات المحددة باللون الاخضر فقط.
❗كلمات قليلة حاول تحفظها حتى لا يصيبك الشك بوقت الامتحان .

هذا الملف كلش حلو اعتمدت عليه قبل الامتحان🫱🏻‍🫲🏼

ادزلكم بعد ؟ خلولي 🔥 اذا تريدون ادزلكم بعد

النَـسخ الوزاريـة للأسلاميـة

هواي داشوف يكولون التكبر والرجولة مهمات ف راجعوهن على السريع قبل الامتحان 🔥

وبالتوفيق يارب الكم ،وترجعون فرحانين اليوم 🤍🤍

صباح الخير يا حلوين

الاسئله مال اسلاميه شفتها
كلها مكرره و واضحه ماكو شي جاي لاول مره

اللي قاري وزاريات يجاوب
صار لي سنه و ناسيه الماده من شفتها تذكرت شكد هذني مكررات من شفتهن فرحت لان هاي الاسئله بالذات حتى اللي قاري على السريع اكيد مار بيهن

بشروني عود @iwadaqbot

ااي صح الاسئلة الجاية كلها احسها ركزنا عليها بالسادس من كد ما مكروة وزاري ف يارب تكونون مجاوبين زين
بشرونا انا وودوقة 😭

@i_baneenbot

عاشت ايدهم اللي امتحنوا و جابوا
ارتاحوا و ركزوا على العربي
يفضل لحد يشوف اجوبه احسن اوكي اني جنت ما اكدر الزم نفسي الا اتاكد بس خلص بس تقهرون نفسكم اذا لكيتوا خطا توكلوا على الله و ركزوا على العربي

اما اللي اجلوا حظ اوفر الكم يارب ولا تعتبرونها النهاية خلص اجلتوا انتهت و راحت لا تظلون تفكرون و تقهرون بنفسكم ركزوا على ماده الجايه

العربي كلش رايد له تركيز اذا تبقون مشتتين حتى اللي تعرفونه راح تحلونه خطا ف خلص خلصت الاسلاميه هسه ركزوا على اللي وراها 🥹🫰🏻

هواي كاعد يدزولي انو عادي ما كتبنا نصا ؟ كلش عادي كلش المهم انطيتوا الفكرة الرئيسية انا العام هم اكو كم فرع عندي حسيت ما كتبتهن نصا واكو نقص كلمات واجتني درجة كاملة ماعليكم لان الاسلامية تصحيحهم كلش زين واغلب الدرجات تجي ١٠٠ ف لاتخافون ، ناموا كم ساعة هسة وكعدوا اقروا عربي وعوفوا كلشي لان العربي يحتاجله تركيز واريدكم ابطال بي 👏🏻👏🏻🤍

طلاب بالنسبه للقواعد

من تراجعون على الذهبيه وياها ركزوا على الابيات اللي بيها افكار او انتوا ماشرين عليها أثناء دراستكم

واذا مسوين دفتركم الخاص بعد احس تراجعون عليه اني راجعت على دفتري و الملازم اللي اشترت عليها الابيات
و نصيحه مني اكو نماذج حتنشر و أن كل سنه جاي منها و من هل كلام
العام اني حليت النماذج و ما احجي الكم كضيتها ابجي و خرب واهسي و فككرت ااجل العربي كد ما جانت النماذج بيها افكار بحيث بين كل ١٠ اسئله بس ٥ صح حرفيا ضيعت وقت عليها و ما اجت هيج افكار ابد و اكول شلون اني الوزاريات حليتهم كلهن صح شلون هيج دا يصير


ف نصيحه اذا تريدون تراجعون و تختبرون نفسكم اختبروها بنسخ وزاريه دا احجي عن القواعد أما الادب مال أ. عقيل الزبيدي كافيه و حتى اسئله الادب مالتة بالنماذج ما جانت بيها صعوبه تكدرون تختبرون نفسكم بيها بس الادب دا احجي
و حبايب تأكدوا من الملزمه اتذكر العام بالقصه يمكن مدري شنو جان عقيل عنده نقص ابو الوزاري جان كاتب زياده عن ملزمته اتذكر من دورت وراه لكيته بالنسخ الجديدة لدفعه٢٠٢٥ عدل على النقوصات بس هم تأكدوا حتى تخلصون من الشك و القلق

بالتوفيق 🫶🏻🫶🏻

ودق ممكن اذا الذهبيه عند احد يدزها🥲