ممكن احل يحله 🎀

هذا الحل الصح طلاب!
السابق كان بيه خطا

نحجي شوي عن فترة المراجعه اللي تعتبر اهم فتره خلال السنه دراسيه كلها

اولا اني ما اتذكر هواي تفاصيل منها بس اللي ح اتذكره ح اكوله و اتمنى تستفادون

ما جانت افضل فتره بحياتي يعني البعض تكون عدهم هل فتره سلسله و سريعه لان يكونون ما عدهم تراكمات و مضبطين الماده كلش زين بالنسبه الي جان عندي تراكم بماده و كلش اثرت عليَّ و على مراجعتي لذلك يفضل تبدون بدون تراكمات حتى لو ماده وحده تاثر صدكوني

جنت اطول كلش هواي و اني اراجع لان بعض المواد مثل الرياضيات ما جنت احل وزارياته و بفتره المراجعه الطالب لازم يقره كل شي ف جانت هل شغله تاخذ مني وقت مثلا لو اني جنت قاريه الوزاريات من اليومي ما تطول وياي و الدليل العربي جنت قاريه كل وزارياته بحيث من اجيت اراجعه سهل و سلسل و اكو بيهن مريت مرور الكرام لان اعرفهن و ركزت على اللي اشرت عليها باليومي


هواي تعبتني هل فتره هواي بجيت و انهرت بيها نفسيتي كلش تعبت و جنت احس طاقتي دا تخلص بس جنت مصره استمر و ما استسلم و احس اكو امل اكو نتيجه اني تعبت هواي و سعيت مستحيل تروح هيج الله موجود و جانت اكو ناس تدعمني و تنطيني امل و هسه هيه موجوده بالقناه🥹🤍 صديقتي هي اكبر مني جانت تنطيني امل و ان مهما يكون خل ثقتي بالله كبيره حتى لو احس مو تمام المهم السعي

و صدك هل فتره اتذكر تعبت بيها اكثر من الامتحانات الوزاريه جنت احسب التايمر اذا مو فوك ١٥ ساعه دراسه اضوج و ابتعدت عن التسخيت و كل شي يلهيني بس جنت انطي لنفسي ريست و اكافى نفسي اذا انجزت و التزمت ويا قناة study with me جانوا يسون تحديات دراسه و احاول اكون وياهم

جنت امل كلش هواي من الماده يعني اوصل نص الماده و اريد انتقل للوراها و ظليت اكمز هواي و خطا هل شي راح تتشتت ركز على ماده وحده و كملها

اذا تريد تسوي جدول مراجعه خلي لك كم يوم اضافي خاف كل شي يصير و من اكول الكم خاف كل شي يصير توقعوا كل شي مثلا اني ما جنت حاطه و فد ماده اخذت مني وقت اكثر اني اكوم ازحف او اعوف الماده على نص و انتقل للي وراها ف هم راعوا شغله ان تحسبون حساب للماده و كونوا صادقين ويا نفسكم وانتوا تحطون وقت للماده اني رياضيات توقعت على مستواي اخلصه ب ٥ ايام بس اخذ مني ١٠ ايام رغم جنت كلش زينه بيه بس الافكار و الوزاريات و الامتحانات و نسخ وزاريه طولت وياهن

هسه خل احجي الكم عن ملاحظات ممكن تفيدكم بالمراجعه جنت اسويها و ساعدتني بيوم الامتحان هواااي

الاسئله اللي بيها افكار جنت مسويه دفتر خاص انقل بيها الافكار هايه و اكتبهن بيدي و احلهن هم و ااشر عليه و اكتب بستكر نوت فكره السؤال بتعبيري الخاص اشرح فكره بصوره قريبه لعقلي و فعلا هل شي فادني بيوم الامتحان بالرياضيات و العربي حيل قلل من وقت و بسرعه اتذكر الملاحظه

مثلا اكو سؤال اجانا بالقطوع المخروطيه و فكرته اجت لاول مره تطبيقي يمكن ٢٠٢١ هيج شي اني اول مره شفت هل سوال و حليته جان بالمراجعه و كتبته و كتب فكرته بالدفتر و اني اول ماده راجعتها هي رياضيات يعني قبل شهرين من الوزاري و بعد ما رجعت للسوال بس بسبب الحركه اللي سويتها و ميزت هل سؤال و فكرته تذكرته بالامتحان بينما اكو اشياء ما تذكرتها

Study with me سووه و اقروا بنظام ٥٠/١٠
و خلوا لكل شسن انجاز معين و خلو لليوم اهداف كلش حيصير الكم واهس تنجزون


ورا ما تخلصون كل فصل حلوا اسىله الفصل و امتحنوا نفسكم بكل فصل وحده بعدين امتحان شامل و اهم شي اسحبوا نسخ وزاريه لسنه بكامل ادوارها و امتحنوا نفسكم عبالك صدك وزاري و صححوا لنفسكم كلش هل حركه حتقلل التوتر لان حتتعودون على شكل الاسىله و حتشوفون الترك بالوزاري حتصير عندكم مرونه بالحل

تدرون بفضل هل حركه جنت اشوف الاسىله بالواقع شكلها اهون من النت🤣

لا تغيرون المصادر اللي درستوا عليها ابد و اذا لكيتوا نقص او خطا صححوه

و هل شي المفروض اذكره بالبدايه بس يلا اهم شي صحتكم اهتموا بيها كلش هواي الاكل الصحي الاكل الصحي!!! مهم جدا ها فتره اكو اشياء ما اكولها اني بالوضع العادي بس جبرت نفسي اكولها بذيج الفتره


و صدكتوا شكد ما تدرسون و تحاولون بهل فتره كله كله تتذكرونه بايام الوزاري شلون حيفيدكم لان هدف المراجعه تقللون وقت القرايه بيوم الوزاري

معليكم بفلان كم مراجعه كمل و علانه بدت بفلان شي و سويت هيج صدكوا بس تاثرون على نفسيكم

اكو ناس اعرفهم راجعوا اكثر بس ما طلعوا معدل و اكو راجعوا مراجعه وحده و طلعوا ف هي مو بعدد المراجعات كد ما تضبط انت مراجعه وحده بتضبيط تغنيك عن ٣ مراجعات تشربت ! و اذا زاد عندكم وقت لمراجعه ثانيه و ثالثه لا ضير بس كون بتضبيط


ومهما تحسون نفسكم تاخرتوا لا تفقدون الامل ابد و تعلموا تحاولون لاخر لحظه لاخر دقيقه


و بالتوفيق يارب💘

تذكروا دائما المطلوب هو السعي 🤍.

اريد حل هذا السؤال

🤍.

اكلج حياتي فدوه اريد ملزمه وزاريات هاشم الغرباوي Pdf
مال هاي السنه عادي تنشرين

للي رادوا وزاريات فيزياء هذا أكثر شي مضبوط

مال خالد الحيالي اوكي بس بيها اخطاء

حبيبتي اريد نسخ وزارية من 1996 أذا عندچ أو شخص من الموجودين بالقناة نزليلنه🥹