➨➨➨ባራኪ🍫🍫🍫
.
.
አንቺ ዳቦ ሆነሽ ለበረከት ቀርበሽ፣
እኔ ቄስ ብሆን የነፍስ አባት ቆራሽ፣.
.
"ክቡርነትዎ አባ ቄሱ፣
በረከቱ ላይ ይቀድሱ፣
ቀድሰውም ይቁረሱ፣
ቆርሰውም
ለምእመናኑ ያዳርሱ፣"
.
.
ብባል ወስነው ቢፈርዱብኝ፣
መቁረሱ ግዴታ  ቢሆንብኝ፣
.
.
በመስቀሉ ባርኬ ቀድሼሽ፣
ሶስት ቦታ ከፍዬ ቆርሼሽ፣
እንዲህ ነበር የማከፋፍልሽ ፣
.
.
አንደኛው ለራስ ለቆራሹ፣
ሁለተኛው ለቄስ ለቀዳሹ፣
ሶስተኛው
ለነፍስ አባት
በፀሎቱ ምእመናንን ላስታዋሹ፣
.
.
እልና ሁለመናሽን እከተዋለሁ ከኪሴ፣
ማንም እጅ አትገቢም አንቺ ነሽ  የራሴ፣
.
.
ባንቺ የመጣ አልፈራም  ኩነኔ፣
ገሀነም ልውረድ እንጂ
ምንጊዜም ነሽ የኔ!!!

ከእንድርያስ ቤት 🧙🏿‍♀

ሠላም ናቲ ነኝ ቀኑ ሀሙስ ሰአቱ  04 : 00 ነበር ብዙ ግዜ አርፍጄ የመነሳት ልምድ አለኝ እናም ከሞት ታናሽ ወንድም ከሆነው ከእንቅልፍ ጋር ስንብት አርጌ የዚችን ሩጫ የሚያልቅባት አለም ላይ እኔም በሩጫዋ ምህዋር መሯሯጥ ግድ  ስለሆነ እኔም ከአልጋዬ በፍጥነት በመነሳት ፌቴን ታጠብኩና ልብስ ቀያይሬ ለመውጣት ስሰነዳ አንድ ሔኖክ የተባለ ጓደኛዬ ደወለና ``አንድ ማማክርህ ጉዳይ አለ በፍጥነት ሠፈር ያለው አይናለም ካፌ እንድትመጣ " ሲል ቀጠን ያለ ትዕዛዝ አስተላለፈልኝ ሔኖክ ማለት እጅግ ትሑት እና ሴት ልጅ ግን እንደ ሞት ሚፈራ ልጅ ነው ።
የተዋወቅነው ፑል ቤት ነው በባህርዩ ትሑት ስለሆነ የሰዉ ፍቅር ያለዉ ጥሩ ልጅ ነው ፑል ቤት የሰጠችኝ ስጦታ ብል ማካበድ አይሆንም   ።

እኔ ሔና እያልኩ ነው ምጠራው እናም ወደ ነገሬ ስመለስ ከቀጠረኝ ቦታ ደረስኩ እሱም ጥግ ላይ ያቺ ሁሌ የሚያዘወትራት ነጭ ቲሸርቱን ከጥቁር ሱሪ ጋር በሸራ ጫማ አድርጎ  Sprite እየጠጣ ፍርሀት እና ጭንቀት በተሞላበት ስሜት እግሩን እያንቀጠቀጠ በግራ እጁ መዳፉን ጠረጴዛው ላይ አስቀምጦ በጣቱ Keyboard እንደመምታት ጠረጴዛው ላይ ድምፅ ይሰማል . .ካ ካ ካ የሚል ከዛም ጠገ አልኩና ሞቅ ያለ ሠላምታ ተለዋወጥንና ተቀመጥኩ ከዛም ስለ ህይወት ስለ ስራ አውራን ።

ከዛም "ለምን ፈለከኝ" ብዪ ጠየኩት እሱም ለመናገር የፈለገውን ነገር ለመናገር ፍርሀት እንዳራደው ከፊቱ ይነበባል ሔና ብዬ እግሩን በእጄ መታ ሳረገው እንደመደንገጥ አለና በሀሳብ ከነጎደበት ተመለሰ እናም ንገረኝ እንጂ አልኩት እሱም እየውልህ ናቲ ከባድ ችግር ተፈጥሯል እናም ጨንቆኛል እንድታማክረኝ ነው የጠራውህ
ሔርሜላን ታቃታለህ አለኝ አዋን አልኩት ሔርሜላ ማለት ሔና በጣም የሚወዳት ልጅ ናት ሔርሜላ እድሜዋ ወደ 21 የሚጠጋ አይኗ በጣም የሚያምር የጥርሶ ንጣት እምነበረድ የመሠለ ኩራት የሚታይባት የሀይለኛ በቀጡ ቤተሰብ ውስጥ ያደገች ሴት ናት እናም ሔና ከእስዋ ፍቅር እንዲያዘው እና እንዴት የራሱ እንደምያረጋት እንዳማክረው ነው የፈለገኝ ሔና ሴት እንደሚፈራ ከላይ ነግሬያችኋለሁ እኔም ካነበብኳቸው ልብወለድ መፅሀፍት እና ከፊልም ላይ ከቃረምኰችው ልምዶች ሴት ልጅን እንዴት እንደሚያጠምድ በዝርዝር ልነግረው ስል ቆይ አለ እጁን አንስቶ🤚 ምነው አልኩት እንደሱ አይደለም ናቲ አለኝ እና ምንድን ነው አልኩት ትላንት ታች ሠፈር ያለው  እንድርያስ ጋር ሄጄ ነበር አለ እኔም በድንገጤ ከተቀመጥኩባት የላስቲክ ወንበር በፍጥነት ተነሳው "ቆይ ናቲ ልንገርህ" ብሎ እጄን ያዘኝ  ከዛ ልስማው ብዬ ተመልሼ ተቀመጥኩ ያስደን ገጠኝ ነገረ የአያ እንድርያስ ነው አዎ እንድርያስ እንድርያስ ሠፈራችን ዉስጥ አለ የተባለ ጠንቋይ ነው ጥንቋላን እርሱ ይጠንቁላት የሰፈሩን ሠው ብር የጨረሰ ስራ ፣  ሚስት ፣  ገንዘብ እሰጣለው እያለ በክፉ መንፈስ እየተበትትበ የሕብረተሰቡን ኪስ ያራቆት ሰው ነው ።
ውይ አንተ ብዬ አውራው😁 አንቱ ይሁን ለእርሳቸው አባብዬ በእርሶ መጀን 🙇‍♂ እናም ይህ ምስኪኑ አፍቃሪው ጓደኛዬ ፍቅሩን ሔርሜላን ለማግኘት ወደ እሳቸው ደጅ አቅንቷል የእሳቸው ድጅ ማለት  ዲያቢሎስ ከነ ጭፍሮቹ የሚተራመስበት ከደጁ በስተጀርባ ቤት ውስጥ ደግሞ አያ እንድርያስ ረከቦታቸውን ዘርግተው እጣን በፍም እሳት እያንበለበሉ ጨሌያቸውን በእጃቸው ይዘው ሚቆጥሩበት ከሴጣን ጋር ሚሰበሰቡበት ነው እናም ሔና እንዲ ሲል ይነግርኝ ጀመረ" እሳቸው ጋር ሄጄ ነበርና ስለ ሔርሜላ ነገርኳቸው እናም እሳቸው " አለና ዝም አለ ምነው ምን አሉህ አልኩት እ ናቲ . .ፀ ፀ  ፀጉሯን አምጣ ቆርጠህ አሉኝ " አለ እንደ መንተባተብ  እና ምነው ውስድላቸዋ አልኩት እሱም  "  ናቲ ደሞ ሔርሜላ መላጣ👩‍🦲 እንደሆነች ታቃለህ አይደል"  አለኝ

😂አንዳንዴ ሕይወት እንዲ ናት እንግዲ ምንወደውን ነገር ለማግኘት ማንፈልገውን ነገር ለማድረግ እንገደዳለን ምንም እንኳ ሔና ማይፈልገውን ነገር ቢያረግም ሌላ ችግር አጋጥሞታል ።

ብቻ የዛሬ ውሎዬ ይሄን ይመስላል🤚 . . .

                
                                 ✍ናትናኤል

✍️ልጅ አባቱን😂"ፕሬዜዳንት ማለት ምን ማለት ነው?" ብሎ ይጠይቃል።

✍️አባት:- "ፕሬዜዳንት ማለት መሪ ማለት ነው።
አሁን ለምሳሌ እኔ የዚህ ቤት ፕሬዜዳንት ነኝ።" ብሎ ይመልስለታል።
✍️ልጅ ጥያቄውን አላቆመም።
✍️ልጅ:- "እናቴስ ምንድን ናት?"
✍️አባት:- "እናትህ ገንዘብ ሚኒስቴር ናት።"
✍️ልጅ:- "አያቴስ?"
✍️አባት:-" አያትህ ሰላይ ናት።"
✍️ልጅ አሁንም ጥያቄውን ቀጠለ "እኔስ ምንድን ነኝ?"
✍️አባት:- "አንተ ህዝብ ነህ።" ብሎ ይመልስለታል።

በሌላ ጊዜ አባት ስራ ሄዶ መኖሪያ ቤታቸው ሌላ ሰው ይመጣል።
ከዛም ልጅ ተደብቆ አባቱ መስሪያቤት ይደውልና ምን ቢል ጥሩ ነው?
፡
፡
"ሄሎ አባዬ! ትሰማኛለህ? እቤታችን ሌላ ፕሬዝዳንት መጥቷል

✍️ገንዘብ ሚኒስቴር ሽር ጉድ እያለ ነው፣ ✍️ሰላይ ያንቀላፋል
✍️ህዝብ ግን ተጨንቋል🤪😂

ብቸኝነት በህይወት ውስጥ በጣም ጠቃሚ ከሆኑ ገጠመኞች አንዱ ነው።ነገር ግን ሰዎች አብዛኛውን ጊዜ ብቻቸውን መሆንን ይፈራል፣ለዚህም ነው የመንጋውን ህይወት የሚመርጡት፤ቂም በሚመስል ጨዋማ እና በሰከረ ህይወት ውስጥ ይሞታሉ።ይህንን በመካድ ግለሰባዊነትን ያጠፋሉ፤ብቸኝነት መታደል ነው፤ብቻህን የመሆን እድል ባገኘህ ጊዜ ተጠቀምበት።ከብቸኝነት ለማምለጥ አትሞክር፣ብቸኝነት ቀስ በቀስ እራስህን እንድታውቅ ያደርግሀል፣ከራስ ካልተነጋገርግና እራስህ ውስጥ ካልሞትክ ህይወትህን ታጣለህ!በእውነት እራስህን የምታገኘው በብቸኝነት ውስጥ ነው።

የሰው ልጅ ከሞተ በኋላ😑

➵ በ3ኛ ቀን ጥፍሩ መነቃቀል ይጀምራል
➵ በ4ኛ ቀን ጸጉሩ ይራገፍና ጭንቅላቱ ባዶ ይቀራል
➵ በ5ኛ ቀን አእምሮው እንደ ቅቤ መቅለጥ ይጀምራል
➵ በ6ኛ ቀን ቆዳው ጠቁሮ መላላጥ ይጀምራል
➵ በ7ኛ ቀን የውስጥ አካሉ ሁሉ ይበሰብስና እጅግ በጣም መሽተት ይጀምራል!
➵ በ60ኛ ቀን ሥጋ ሁሉ ሸሽቶት ብዙ አጥንቶች ብቻቸውን ይቀራሉ 🙏
እና ታዲያ ይህን እያወቅን
👉ከኩራት
👉 ከስግብግብነት
👉 ከክፋት
👉 ከጥላቻ
👉 ከራስ ወዳድነት
👉 ከተንኮል ... ምን እናተርፋለን? ለምን?
በነገሮች ሁሉ ትሁት_እንሁን
ይህቺ የምናያት ህይወት እኮ ከንቱ ናት። ከዚህ ዓለም ስንለይ ወደ ዘላለም ህይወት ወይም ወደ ዘላለም ሞት መሄድ ምርጫችን ነው! ደግሞም ይህ እውነታ አይካድም።
❣️ ፈጣሪአችንን እንውደድ፥ እንፍራም
❣️ እርስ በርሳችን እንዋደድ
❣️ ለሌሎች መልካም እንሁን
❣️ አንቅና
❣️ ሁሌም ደግነትን እናድርግ፤ ጉዳት የለውምና
❣️ ያንተ ያልሆነውን ነገር ከሌሎች አትቀማ! 


መልካም ቀን 🤗🤗🤗

ውሎዬ እና ትዝብቴ🍀

ዛሬ እንደ ድንገት ሆኖ ያለወትሮ ከለሊቱ 12 : 00 ከእንቅልፌ ነቃሁ በእርግጥ ከዚ በፊት በጊዜ የመነሳት ልምድ የለኝም እናም 2 ቀን ከምግብ እንደራቀ አዞ አፌን ከፍቼ አዛጋሁና ከአልጋዬ ላይ እንደሆንኩ ተንጠራራው አልጋዬም . . ሲ ጥ ጢ ጥ   ብላ ጮኸች አልጋዬ ሜትር ከ70 ስትሆን ሙሉ ቁመቴን አትይዝም ነብሱን ይማረውና የአጎቴ እንዳለ አልጋ ነበረች አጎቴ እንዳለ ብዙ ግዜ ቀይ ኮፍያ በአይጥማ ከለር ቲሸርት እና ጨርቅ ሱሪ ያዘወትራል ወጣ ሲል ደግሞ 3 መንግሥት ያየችዋን ላለማጋነን ወደ 10 ሚጠጋ ኪስ ያላት ጥቁር ሱፍ ጣል እያረገ በአንበሳ ጫማ ለብሶ ሰፈር ካላች ደቃቃ ግሮሠር ይሰየማል መጠጥ ነብሱ ነው ዜግነታዊ ግዴታ ያለበት ይመስል ሳይጠጣ አያደርም አይ አጎቴ ። በቃ ይቺ አልጋ የአጎቴ ውርስ ማስታወሻ ናት . .ስመለስ ከሀሳቤ ከዛም ሰአቱ ገና እንደሆነ ስረዳ ተመልሼ ለማሸለብ ብሞክርም እንቅልፍ ሊወስደኝ አልቻለም ከዛም እዛው አልጋዬ ላይ ቁጭ አልኩና ስልኬን ከራስጌ አንስቼ ዳታ በማብራት አለም እንዴት አደራች የሚለውን ለማወቅ ወደ ፌስቡክ አመራሁ እዛ ላይ ደህና የረባ ነገር አላገኘሁም ከዛም ወደ ቴሌግራም አቀናሁ ከቴሌግራም መንደር ጮማ ወሬ ያለ ይመስላል ከቴሌግራም  ቻናሎች ላይ አንድ ፅሁፍ አይኔ ላይ ገባ ትኩረቴንም ወሰደ ከዛም ወደ ቻናሉ በቶሎ ገባሁ ከዛም ስለ ሞት የተፃፈ ትምሕርት አዘል ሾርኒ ነገር ነበር ያ ፅሁፍ እንዲህ ይል ነበር ።


<< በምትሞትበት ጊዜ  በመጀመሪያ  ስምህ ይቀየራል  ስምህም ሬሳ ይባላል እከሌ/እከሊት ሳይሆን ሬሳዉ አልወጣም ወይ ትባላለህ።

የቅርብ ሰዉ እንኳን ቢሆን ከጎንህ ሊሆን ይፈራል"  ወደ  መቃብር ስፍራ ወስደዉ አጣድፈዉ ከቀበሩህ በሗላ  ብቻህን ጥለዉህ ለመሔድ ይቸኩላሉ።

  ላይጠቅምህ አብሬህ ካልሔድኩ እያለ የሚያለቅሱልህ እንኳን ቢኖር ቀብሮህ ቶሎ ይሸሻል። ቀብረዉህ እደተመለሱ  ንብረት ካለህ ለመከፋፈል ይጣደፋሉ። ከሳምንት በሗላ ጭራሹኑ ከምድር ያልኖርክ እስኪመስል ድረስ በአብዛኞቹ ትረሳለህ።

የቅርብ ወዳጆችህ እንኳን ቢሆኑ ሀዘኑ በልባቸዉ ጥቂት ወራት ያክል ቢቆይ ነዉ በቃ ምድር ላይ የነበረህ ቆይታ በዚህ መልኩ ይጠናቀቃል። ፍራሽህ አፈር ትራስህ ደሞ ድንጋይ ይሆናል😌 ይሔዉ ነዉ።

ያኔ ማንም ምንም አይጠቅምህም መልካም ስራህ ብቻ🙌

በዚች አለም ላይ እድለኛ ሠዉ ማለት በህይወት እያለ ወደ ፈጣሪዉ የተመለሠ ሰዉ ነዉ 🙌" ))

ይህ ፅሁፍ ለኔ ፅሁፍ ብቻ አልነበረም ከተኛሁበት የሀጢያት አለም ከተዘፈቁበት ከንቱ ስራ ከተተበተብኝ መጥፎ ልማድ ጎትቶ ለማውጣት የሚቃጣ ግሩም ፅሁፍ ነበር:: ምን ያክሎቻችን ነን እዚች ምድር ላይ ለራሳችን እራሳችን ብቻ እንዳለነው የምናቀው በዚች ጊዜያዊ የኪራይ ቤት በሆነችው አለም ላይ ዝንተ አለም ምንኖር ይመስል አንዳንዶቻችን ከአቅማችን በላይ ከበቂ በላይ የሆነ ሀብት እናካብታለን አንዳንዶቻችን ደግሞ እግዚአር ያቃል እያልን ይቺ አጭር እድሜያችን እስታልቅ ምንም ነገር ሳንሰራ ቀጠሮ አክባሪ የሆነው ሞት መልኣከ ሞትን ልኮ ይወስድናል እናም ባለችን እድሜ እንደእየምታችን እያመሰገንን ለዘላለማያዊ ቤታችን የሚጠቅም በጎ ስራ ሰርተን እንድናልፍ መሆን አለበት ::

እንዲህ እንዲህ እያለ ሰአቱ 01፡00 ሆነ ቀኑ ቅዳሜ ነው ለምን ቤተክርስቲያን አልሄድም ብዬ አሰብኩ እዉነት ለመናገር ቅዳሜ ጠዋት ቤተክርስቲያን የመሄድ ልምድ የለኝም እናም ደንገት ይህን ሀሳብ ከአምሮዩ ደጃፍ የጣለልኝ ለልቤ ያሳሳበልኝ የቅድሙን ጽሁፍ የፃፈውን ግለሰብ እያደነኩ እንደው እስኪ ከእርሱ ከፍጣሪዬ ጋር ትንሽ ልነጋገር ፀሎት ላርግ ብዬ ለመሔድ መሰናዳት ጀመርኩ ልብሴን ለባብሼ ነጠላ ከግራ ትከሻዬ ጣል አረኩና ልወጣ ስል አንድ ወዳጄ ትዝ አለኝ እዮብ  . .   እዮብ ሠፈር ዉስጥ የተዋወኩት አንድ ጓደኛዬ ነው እዮብ ወንደላጤ ነው እናም በቅርቡ ነው የላጤነት ህይወትን የጀመረው እናም የእዮባ ቤትን ላየ ላጤነትን በደንብ ሚገልፅ ባለ ትዳር መሆንን ሚያስናፍቅ ለመኖር ማትመች ዘረክረክ ያለች አንድ አንድ እግር ካልሲ በየቦታው ሚገኝበት የቤቱ እቃማ በጣት ምትቆጠር ናት እንደው የሆነ ቀን እዮብ ለምን የቤት እቃ አትገዛም አልጋ ፣ ሶፋ  ፣  መጋረጃ ነገር ብዬ ሀሳቤን ሠንዘርኩለት እሱም መለሰ ናቲ ይኸውልህ ለላጤ ሚያስፈልገው የቤት ዕቃ  3 ነገር ብቻ ነው አለ በኵራት እሺ ምንድን ነው እስኪ ልስማው አልኩት እሱም
አንደኛ :- ፍራሽ
  ሁለተኛ :- PC ከኢንተርኔት ጋር
     ሦስተኛ :- ፖፖ    ነው ወዳጄ አለኝ እኔም እንደዛ ቀን ስቄ አላቅም ከዛም እሱ  " ምነው " አለኝ እኔም አይ ሦስተኛው አስቆኝ አልኩት " ምን ፖፖ "  ብሎ ድግሞ ጠራው  አዎ  እሱ አልኩት  "ይሄማ ትልቅ ጥቅም አለው ለኔ" አለ  እንዴት ብዬ ስጠይቀው  "ባክህ ማታ ሆነ ቀን አከራዬ ሽንት ቤት ስመላለስ እንዳይዙኝ ነው የ3 ወር ቤት ኪራዬን አከፍልም ብለው እንዳይዘንዙኝ እዝች ላይ ነው ምመስጠው" አለኝ በጣም ሳቅኩኝም አዘንኩም

ከዛም እዮባ መጥቶ ተያይዘን ሠፈራችን ወዳለው ቅዱስ ሚካኤል ቤተክርስቲያን ሄድን ከዛም ከ15 ደቂቃ የእግር ጉዞ በኋላ ደረስን ከዛም ከትከሻዬ ላይ አጣጥፌ ያስቀመጥኳትን ነጠላ ለበስኩና ወደ በሩ ተጠግቼ
   " ሠላም ለኪ ቅድስት ቤተክርስቲያን " ብዬ ተሳልሜ ወደ ውስጥ ገባው ግን እየገባው ሳለው አንድ የታዘብኩትን ነገር ጀባ ልባላችሁ ከቤተክርስቲያኑ በር አከባቢ የእኔ ቢጤዎች ተደርድረው ሚወረወርላቸውን ሳንቲም ይጠብቃሉ ነገር ግን አብዛኛዎቹ ሙሉ ጤነኛ ናቸው ።
  የ10ኛ  ክፍል ተማሪ እያለው የ civic አስተማሪያችን እንዲ ብሎ ነበር "መንገድ ላይ ተቀምጠው ብር ለሚለምኑ ሠዎች ብር ስሰጡ አካል የጎደለውን ተንቀሳቅሶ መስራት የሚችለውን ሰው ለይታችሁ ስጡ ሚሰራ እጅ እግር እያለው ለሚለምን ብር መስጠት መግደል ነው" ይለን ነበር እኔ ግን አልስማማም እጅ እግር ኖሮት ስንት በውስጥ ህመም የሚሰቃይ ይኖራል ብቻ ካለን ላይ ለተቸገር በአቅም ማርዳትን ልምድ ማድረግ አለብን ። ከዛም ከቤተክርስቲያን ከእዮባ ጋር ተያይዘን ወጣን ወደ ሠፈር መሄጃ አከባቢ ካለች እማማ ባፈና ቁርስ ቤት . ገብትን እየተጨዋወትን ቁርስ በላን ።

ለዛሬ ከውሎዬ ላይ ያካፈልኳችሁ ይህን ይመስል ነበር     

ይቀጥላል . . .

ሠናይ ጊዜ 🤚


                   ✍ናትናኤል

አንዳንድ ሰዋች መሞታቸውን ዘንግተዋል

ልባቸውን በክፉ ነገሮች ሞልተው ለሰዋች ቅንጣት ታክል የሚራራ ልብ የሌላቸው ሰዋች እየተበራከቱ ነው። ብሩም ዝናውም አላፊ እንደሆነ አልተገነዘቡም ከሱም በላይ ግን ህይወት ግዜአዊ እንደሆነች እረስተዋል።

ዝም ባልክ ቁጥር ማዳመጥ ትጀምራለህ

መኖር ማለት ከመሞት ያልራቀ ህይወት ነው።

ችግሩ መሳሳት ሳይሆን ከስህተት አለመማር ነው