شن الي قاعد يصير مع الناس بالضبط 😐

اكثر شي يقهر في الوقت هذا ان
الحرام بدي عيب
والعيب بدي مباح و عادي.
وكل واحد منكم مسؤول على الحاجة هادي

واكثر شي يقهر في الوقت هذا ان
التكلم في امور الدين اصبح تشدد و التزام ومعقد عقليا
والتكلم في امور الدنيا والحرام و الفسق والدعارة بدي حضارة وتقافة !!!

"ناس تاكل الحرام وخايفة من الفقر
و ناس و اكلها الفقر وخايفة من الحرام"
وهيا هكي ..

ناس تبي الجنة وتربح اخرتها
وناس هما الدنيا وخاسرة اخرتها
جهنم وبئس المصير
وهي هكي

Mood :

السلام عليكم
يا معشر قومي believer
عندي الكلمتين نبي نقولهم ليكم
الفترة هادي امتحانات ونستأذنكم في عدم النشر
بس مرة مرة انزللكم شي ان شاء الله كان عشت لو ما صار شي لاقدر الله في القريب العاجل
المهم كتبتلكم الرساله هادي لاني نبي نهرب من المنهج الي ما عرفت راسه من رجليه وعلى اساس بنفتح النت وندور كيف نقرا لقيت نفسي نكتبلكم في الرساله هادي مع انهم كلمتين 😂🤣

اصلا شي معروف وقت الامتحانات الافلام والمسلسلات المليحة تطلع فجاءه 🙂

في بعض الاحيان تتمنى انك ماوصلتش لسن العشرين
فقط تتمنى تكون ولد صغير في عمر 7 سنين وكل همه يلعب ومافيش شي يشغل تفكيره غير اللعب
نذكر زمان بحلول وصولي للعشرة سنوات تغير تفكيري ومعش نفكر زي صحابي او الي كنت نلعب معاهم خف احتكاكي بيهم لدرجة اني قعدت نلعب بروحي ونقعد بروحي وندير الي في راسي وشن يرضي نفسيتي والي نرتاحله و تغيلوا كان عندي طموح وانا في 10 سنوات 🙂
تخيلوها بس لانه اغلب الناس الي قابلتها في حياتي حتى الي عمره 40 مزال مش عارف طموحه وشن يدير في حياته المهم
طموحي كان اني نغير العالم بصورة صحيحة بعيدا عن كل الغباء الموجود حياة يتساوه فيها القوي والضعيف مش حياة القوي يأكل الضعيف
زي الي صاير توا بالضبط
حلم كبيير عن ولد في العشرة من عمره
كبرت ومزال الحلم الطفولي معاي
كبرت وعرفت اننا بعاد عن ديننا اكثر من اللازم
كبرت وعرفت اننا ضعاف ايمان
صدقا احني ضعاف ايمان وفعلا والي يقول انه ايمانه قوي منافق
لو كان ثلت الي قالو ايمانهم قوي مكانش هذا حالنا
وفوق من هكي كبرت وكبرت المسؤولية الي عليا
حتي اني لم اتزوج وانا حاليا بسن 25 سنة
لاني نخاف نتزوج حرفيا
مش لاني مش قادر او شي بالعكس تماما
نخاف نتزوج لاني نفكر كيف بنربي صغاري في الوقت هذا نخاف اني مانقدرش نربيهم تربية صح
نخاف المجتمع يطغى على تفكيرهم ويفسدهم وماعنديش قدرة نوريهم الصح
ممكن توا كلكم يستغرب بس حرفيا كذالك هذا الي نشوف فيه
نشوف في ناس لما يقعمز في مجمع يقول انا مربي صغاري احسن تربية والمشكلة تلقى صغارة صياع وسكارة قبل حتى سنهم
ولا الي صغارة فاسدين ولما يقلوله على صغارة يقولك ماعندي مابنديرلهم ولا ماعنداش جهد ليهم
( كم نستحقر الناس هادي )
بالمختصر هذا ليش مانبيش زواج الحيوانات الي هما حرفيا يتزوجوا على خاطر نشوة مدتها 3 دقائق قالك يقعد ساعة على من تكذبوا 😐
ومانيش اسف على كلامي لانه شي يقهر ويقزز في نفس الوقت
بالمختصر ولانه شحني 2% حاليا والضي هارب من امس وتوا الساعة 6:55 دقيقة صباحا نقدر نقول انه اولياء امورنا الحكام والطواغيت والملوك وكل حد بعد عهود الخلافات الاسلامية
عملاء وخونا كلهم على بعض والي مش مصدق يشوف التاريخ الصح الي مالعبوش فيه المستشرقين
وحسبنا الله ونعم الوكيل في كل من اوصلنا لهذا الوضع المشمئز
يتبع كان عطانا الله عمر وشحنت تلفوني
وجي الضي والنت بيش توصلكم رسالتي هادي
ونقدر نقول ان رسالتي هادي طالعة حرفيا من قلبي
تحياتي #العربي

سوف اكون حسيبكم عند قاضي القضاء وخالقنا جميعا لكل شخص ساهم ولو بتربية خاطئة لصغارة
جميعكم بدون استتناء

3 ايام من غير ضي
منورين يا اولياء امورنا 🙂

الاسم ايموجي الابتسامة الصفراء 🙂
الوظيفة : عنده قدرة خارقة للاستفزاز والشك في انك درت غلطة كبيرة 🙂😂
.

🖤
حاليا نقدر نقول اني من لما عرفت الاغنية ادمنتها لليوم 🙂

@libyax


Mood:

مشكلة لما تستنى في غلطة من حد
.
ويولي كويس معاك 🙂🌚

إن الله إذا أراد أمرًا ، أزال العواقب وأتمه ، اللُهُم تمام الأمور ، اللهُم البشائر والتياسير🖤