ويقولوا :
ضربة سيف ولا زكمة صيف .

ويقولوا:
خدى من اللحية حط في الشارب

ويقولوا :
هرب من الغولة طاح في سلال القلوب

ويقولوا :
رضينا بالهم والهم ما رضاش بينا

ويقولوا اجعلك يا مادي بين جاي وغادي.

ويقولوا :
كل صنعه تعلمك حداقه .

ويقولوا:
عطوه الكراع مد ايده للذراع

ويقولوا :
قليل الحظ يلقى العظم في الرية

ويقولوا :
ما أحرف م الثومه غير الكرَّات.

ويقولوا:
اصحاب السعد تحطبلهم الريح

ويقولوا:
الباب مفتوح والرزق على الله

ويقولوا:
يافالح ف امه وخواته ياسعد المرا اللي جاته .

ويقولوا :
اللي عند ربي موش بعيد

ويقولوا:
الراجل سعده في اقدامه

ويقولوا:
اللي خلف البنات ما مات

جاور حسود ولا تجاور معيان

وهادي كانت شوية امثال من تراثنا الغني عن التعريف .
ونتمني تستفيدو منها كان قريتوها.

علاش معش سمعنا ب أمثال جديدة ؟
كان عالشيابين راهو موجودين ف كل مكان

وهذا مثل مني اني
شيابين زمان مش زي شيابين توا😂😂😂

شن معناه

منعرفش لكن مرات على الناس المسكسكة ولا حاجة هكي😂😂😂