و يقولوا:
عطوه العين قال وين الحاجب

ويقولوا :
وين يكبر الذيب يولي مبصره للكلاب .

ويقولوا :
العين ما تعلاش ع الحاجب .

ويقولو :
اللي تغدا بخوك تعشا بيك

ويقولوا:
ايد وحدة ما تصفقش

لكن تعطي كف مليح😂😂😂

ويقولوا :
كل شيء دواه الصبر الا قلة الصبر ماليهاش دواء .

ويقولوا :
الباب اللي يجيبلك ف الريح سده واستريح.

ان لم تكن ذئبا بما لا تشتهي السفن طلع البدر علينا 😂😂😂

ويقولوا :
لمكابره ف الشتي تقتل .

ويقولوا :
ضربة سيف ولا زكمة صيف .

ويقولوا:
خدى من اللحية حط في الشارب

ويقولوا :
هرب من الغولة طاح في سلال القلوب

ويقولوا :
رضينا بالهم والهم ما رضاش بينا

ويقولوا اجعلك يا مادي بين جاي وغادي.

ويقولوا :
كل صنعه تعلمك حداقه .

ويقولوا:
عطوه الكراع مد ايده للذراع

ويقولوا :
قليل الحظ يلقى العظم في الرية

ويقولوا :
ما أحرف م الثومه غير الكرَّات.

ويقولوا:
اصحاب السعد تحطبلهم الريح

ويقولوا:
الباب مفتوح والرزق على الله