اكفي القربة لفمها تطلع البنت ل امها

ويقولوا:
عيش بارد تموت بصحتك .

ويقولوا :
عقله ف رأسه ويعرف خلاصه.

ويقولوا:
ياداير يا لاقي .

يا خاش بين البصلة وقشرتها ما ينوبك الا صنتها

ويقولوا :
كل تأخيره فيها خيره .

لقو الفار يلم في قشيشه:

قالوله: خيرك راحل شن فيه
قاللهم: مولات الحوش جابت بنت

ويقولوا :
ابعد ع الشر وغنيله.

حوت ياكل حوت وقليل الجهد يموت

ويقولوا :
المتربي من عند ربي .

ويقولوا :
كلمة الحق سباقه .

يقولوا:
لو كان الشارع يربي راهو الحوش مهبي

ويقولوا :
ديير الخير وأنساه ودير الشر وتفكره .

يقولوا:
البس اللي يعجب الناس، وكول اللي يعجبك.

ويقولوا :
بيتعلم مشية الحمامه نسي مشيته .

ويقولوا :
الطبع يغلب التطبع .

ويقولوا :
ياشارب البن مرجوعك للماء.

ويقولوا :
يوم فروج ولا عشره دجاجه .

ويقولوا :
ألف خطوه ولا تنقيزه .

ويقولوا:
صاحب العلة ينخصوه مرافقه

ويقولوا :
مبهاك يا مرت بوي الاوله .