أقرووها منقوولة 🙂😹...

مرة امي نصبتها عركة مع بوي قالتله والله ماعاد امعيدتها في حوش العيلة عيدي كله ياكلوا فيه السلفات وفروخهم .... والله عندها حق نهار امزقح نرفعوا خروف امربرب انروحوا بالراس والرجلين بس .. القلايا والشوا كله ياخدوا فيه من خروفنا عارفينا نهزوا في روسنا وعيلة نمشوا الستر الستر ونقولوا ياربي الحيط... أول مرة نعيدوا بروحنا 😍 بوي وقتها كان في الجامع وأني رابطة محرمتي وامشمرة سروالي انسيق في الجنان وانكبر... نسمع في أمي تعيط لقيتها تتصارع هي والخروف ينطلق منها يجي منطلص برا الحوش والله مانعرف كيف طلعت نجري وراه والسروال امشمر نسمع غر في أمي تقولي إجري ياجويرية نهارنا أححرف من بوك ... ضربتلي يبرة في الوريد طيرت الشبشب وبديت نجري حفيانة... تي خيرها الدنيا امنفضة مافيش حد يجري معاي.. توا كلكم طلعتوا اتصلوا وتعرفوا ربي؟؟ تي إمالا مني يلي كان قالب الشارع بالسبان والطياح تحت الحيوط؟؟ لقيت زوز أفارقة قعدوا يجروا معاي قعدت نتخايل غير في بوي كيف بيطلق أمي وكيف أني بنتشرد بعد الطلاق سبقت الأفارقة يقابلنا واحد ليبي يحساب الأفارقة يجروا في جرتي أني نجري ورا الخروف والأفارقة يجروا وراي والليبي يجري ورا الأفارقة شدني ونشد معاك شديناه ✌ من الفرحة قريب حددت الكل ودرتلهم حضن جماعي😍وصلوهولي للحوش ربي يحفظهم وين مايكونوا.. لقيت أمي ترعش مع بعضها لين ركبها السكر ... ماتخافيش يمة راك جايبة راجلة 💪روح بوي انعيد عليه والنفس مقطوع .. تي خيره وجهك أحمر وداهشة ؟؟ مافي شي يابوي هادي أعراض الفدة من العيشة الحرفة

مُتَوقِّدٌ مُتَرَقرِقٌ عجباً له
نارٌ وماءٌ كيف يجتمعانِ.. 💔

يبيها حمرة وجرايا ومتاكلش الشعير😂

يقولوا ناس زمان:
الزين خشم وعين 👃👁

ويقولوا :
خود الورده وشمها وخود البنت على صنة امها .

ويقولوا :
واحد مشنوق وواحد باله ف الحلوى.🍭

اكفي القربة لفمها تطلع البنت ل امها

ويقولوا:
عيش بارد تموت بصحتك .

ويقولوا :
عقله ف رأسه ويعرف خلاصه.

ويقولوا:
ياداير يا لاقي .

يا خاش بين البصلة وقشرتها ما ينوبك الا صنتها

ويقولوا :
كل تأخيره فيها خيره .

لقو الفار يلم في قشيشه:

قالوله: خيرك راحل شن فيه
قاللهم: مولات الحوش جابت بنت

ويقولوا :
ابعد ع الشر وغنيله.

حوت ياكل حوت وقليل الجهد يموت

ويقولوا :
المتربي من عند ربي .

ويقولوا :
كلمة الحق سباقه .

يقولوا:
لو كان الشارع يربي راهو الحوش مهبي

ويقولوا :
ديير الخير وأنساه ودير الشر وتفكره .

يقولوا:
البس اللي يعجب الناس، وكول اللي يعجبك.