تصبحون على واقعع اجمل

لا تنسوا قراءه سورة الملك قبل النوم..

صحيتي انتِ طلعتيني من الهم والنكد طلعتيني من الجو المش طبيعي ، شديتي ف يدي وقلتيلي شن فيها كان مريض ، انا معاك ، فرحت بيك لدرجة لا توصف ، القلب المتحجر حبّك ، العقل المريض مايفكر الا فيك ، وكنت معاك ع الحلوة والمرة ، نشوف فيك كأني شفت طفولتي الحلوة كنتِ هدية من ربي
لاكن تعالي جاي اسمعي
السطور هادم كلهم كذب ، وهم ، من كثر حبي ليك لين نشوف فيك تحبيني ، الصدق فايض من قلبي ، لين شفته ف قلبك ، كنت عبارة ع عِوَض يكسِّر الظهر ، تَوا انا اسف ل قلبي ووقتي وصحابي ودخاني ، وان شاء الله هادي اول وآخر قصة نعيشها ، اما تَوا بنمشي لصحابي ونسهر معاهم ونحكو ، وبنخدم أوقات مضعفه ، وبنسهر مع دخاني ونعوضه ، اما انتِ ربي يهنيك ويبعدك

صاحبنا امس جاني لحوشي وقالي
- مضايق وحاس روحي مخنوق ع خاطر امي وباتي يبو يمشو للحج وماحالفش الحظ ، خشيت لخدمة ثانيه وثالثة ضغطت ع روحي باش نرفعهم للعمرة وتوا شكلني بنبيع الافانتي .
رديت عليه بكل حنيّة
- صحيبي اول شي تعال نمشو للجامع نصلو وبعدها ربي يدير طريق .
مشينا وحني طالعين منه تلفتتله وقتله
- مابعد الضيق الا الفرج باْذن الله ربي يعاونك ماتبيعهاش سيارتك عندي مبلغ تو نعطيهولك وربي يتقبل منهم ويحفظهولك .
كان فرحان ومش مستوعب ومتحشم قالي شن بدير بيهم الفلوس هادم قبل ، قتله قبل ع اساس بناخد بيهم باقي الآتات لاكن ماعندي علاش نأتت .
روحنا وأعطيته المبلغ وبدون سابق إنذار باسلي راسي وسلم عليا بالاحضان قعد 5 دقايق وهو يشكر ويضم فيا لقلبه ويقولي مشعارف كيف بنرده جميلك هذا ، قتله ماترداش نيتك وصلت ، روح فرحان بيفرح هله ، رقدت ونا حاس روحي درت إنجاز وعيت الصبح ع رنت تليفوني واحد من الشباب وقالي إن صاحبنا " متع امس " اليوم الصبح وهو ماشي للكوشه طاحت قدامه قذيفة ، ظلمت قدامي وطلعت لحوشه ، لقيت الدنيا مقلوبه بالرجالة كبار صغار يكبرو قدمت بخطوات تقيلة ومش قادر نستوعب وصوت عياط النساوين يزيد ، طبست ع جثة صحيبي وقمته رفعناه وغسلوه ، الشضايا تنطروا ع وجهه ف كله دم ، وقت الجنازة مرو ساعات ونا قاعد مش فاهم بستله راسه اللي كان يخوف وقمناه حطيته في الدار اللي كلنا ليها ، واقف معاهم ونتلامح في دموع بوه ونتفكر فيه امس لما يقولي نبي نفرحهم ، عشت راجل ومتت راجل ياصاحبي الوفي ، ربي يغفرلك ويرحمك 💔

ياما قعمزت معاه فِ البحر وهو ينصح فيا " طلعها من قلبك يانضال خلاص راهي عرض راجل تاني "
" لوح عليك الدخان يرا "
" معش تكشخ ع اي حد وتمالك أعصابك "
" نطلعوا بسيارتك يانضال باش ينعجبوا بينا سيارتي لو شافوها يهربوا قبل لايشوفونا "
" تخيل انا معبي راني عطيت لنضال تذكرة للعمرة باش ينسى همومه وارقيلة الألف جني ومحمد عطيته بلايستيشن فور ورفعته لتركيا ياخد لبس اما هاشم راهو عطيته يصين حوشه وفلوس باش يشري لمرته مكياج "

يارب اغفرلة وأرحمه..

استودعتك اللهم احلامي وامالي وما في قلبي وانت سبحانك الذي لا تضيع ودائعه 💜

سلاما على من ترك الدنيا لاجل الآخرة

*(سلام عليكم طبتم فادخلوها خالدين)*

السلام إلى اولئك الذين سمعوا الكثير من الكلام السيء عنا ورأو الكثير من عيوبنا ولازالوا معنا حتى يومنا هذا إنكم نادرون هذا وإن لم تكونوا منافقين ..

لدَي القدرة على فعل كل شيء ، ليس لدي الفرصه لفعل أي شيء ..

وحده سألتني، ؟
قتلي،بوك وين
قلتلها متوفي ، ضحكت وقتلي دمك خفيف تسنيم. 😖💔

تبقى يوما واحدا على ظهور اولئك الحمقى المحتفلين بذلك اليوم الذي يسمونه عيد الحب..

‏إيّاكَ أن تقع في حُب أشخاصٍ مِثلي ، الأشخاص الوَحيدون ، نحنُ أهلُ القوه واللآمبآلآة ؛ مهمآ أحببنآكَ لن يُهمنآ فرآقك عليكَ السلآم للأبد بلآ رجوع!❤

لو كانت الدنيا سهلة لما كان الصبر أحد ابواب الجنة..

هاهو الفايبر ايضا قد احتفل بالفلانتاين..

أنضمولها

انا مش مميزة بقناتي كم k ولا باللستة متاعي ولا بالناس اللي يعرفوني، انا مميزة بأني سنقل في وقت الارتباط حضارة ، انا مميزة بشعري اللي مايطلعش م الحجاب فالوقت اللي قعد موضة العصر ، انا مميزة بأخلاقي بتربيتي في وقت اللي أغلب الناس تفتقر للأخلاق والأدب ، مميزة بتمسكي بصلاتي والقرب من ربي، مميزة بكوني مانتأثرش بأي حضارة عابرة، مميزة ومختلفة بطريقة تفكيري، مميزة بأسلوبي، مميزة بأني نأخذ كل المواضيع بإيجابية، ومميزة لأني نقابل السيئه بالحسنه، مميزة بوسعة بالي أوقات واجد، مميزة بحبكم ليا انا مميزة بيكم.

حبييت