لا سلاما على من استهلكونا حتى اهلكونا فلا دمتم بخير ولا سامحكم الله💔

؏ــشـت طفــوله كئيبهه طـفوله محصوره بــين لهموم ولـحزن وفقدان اب عمــود لحـوش فـ ؏ـمره سنتين نـشوف لعيال من ؏ـمري مشيين مع ابهاتهم وانــا نحاول نكون قـوي ومنهتمش ونسيت وبعد فتـره معينه رديت اجتاجته من جديـد ورديت انطويت؏ روحــي وڪان توفي امس. ونتمنا نسمع صوتهه ولو مرا صح امي عطتني لحب ولحـنان وربتني لڪن مهما رقيــت فـوق ابسط شي يكسر بيـڪ
الهم ارحم ابي واغفر له وطول ف عمر امي وعمر كل ام.....🖤🥀


عبدالسلام عبود..

- زي اليوم ، من 11 السنة فاتوا .. فقدتك .. وقتها كان عمري سبعة سنين .. نتذكر إني كنت واقفة ف زاوية الدار ونشبحلك وانا مش فاهمة شن قاعد يصير معاك ..؟ امي وعمي وخوي واختي ، متلقطين عليك .. كنت واقفة نتفرج من بعيد عليهم وهما يحاولو يفيقوك .. لكن ما فقتش .. منها انت رقدت وماعاش نضت ..
بعدها ب أيام ،؟ نسأل .. زعما تولي ، زعما نشوفك مرة تانية ،؟ الطفلة اللي عمرها سبعة سنين قعدت كل يوم تستنى فيك تفيق.. لكن ما فقتش ..
من 11 السنة فاتوا ، لتوا انت ما فقتش ، ومن 11 السنة فاتو لتوا انا للحظة ما نسيتكش ..
نعترفلك ، ب ان الدنيا شغلتني ع ان ندعيلك ، بس ف صلاتي وقبل النوم ما قصرتش ..
نعترفلك ان الدنيا ضربتني وهلبا ، وخلتني نعرف قيمتك كويس .. لان لطفلة اللي كان عمرها سبعة سنين كانت تشوف انها خسرت "بابا ، وحلوة ، وشكلاطة ، وألعاب ، وملاهي" ، اليوم هي عرفت ان خسارتها ، كانت ل سند ظهرها وقوتها ، عزها ، وفرحها ، وراحة بالها ..
اليوم انا ما عنديش شيء ،؟ ومافيش شيء قدر يغنيني عليك ، انا حرفيا فقيرة بيك ، انا ناقصة ، وانا مايلة ، من غيرك ، بس لو ف حاجة تخليني نكون العكس ف عيون الناس ، هي إني بنتك ،.

طول عمرك كنت أب مثالي ، ما عشتش معاك هلبا ؟ لكن يحكو عليك ، وطول عمري ح ندعيلك ، اي قصرت هلبا ؟ لكن وصيت عروقي تدعي ليك ،.

"ربي يرحمك ويغفرلك ، ويجعل مثواك الجنة يارب".💙-

تتلاقوا ف الجنة يارب 🤲🙏

😭💔ربي يرحمه ويصبرك على فراقه اني لو تخيلت الموقف نبكي لا بال اللي كان جزء من حياته💔

الآن لن يؤذيكما المطر، فسيكون كل منكما مأوي للاخر،بعد الأن لن تشعرا بالبرد،فسيكون كل منكما سكنا دافئا للآخر،،بعد الآن ، لن تشعرا بالوحدة، فسيكون كل منكما رفيقا للاخر،،
الآن أنتما جسدان،ولكن حياة واحدة تجمعكما.
اذهبا الآن الي بيتكما لتبدءا حياتكما الجديدة معا.
ندعو الله أن تكون جميع ايامكما في هذا العالم طويلة مباركة.
#خطبة_زفاف_قبائل_الأباتشي

وعلى سبيل الطمأنينة أن للمسلم أجراً "حتى الشوكة يشاكها" فما بالك بما تشعر💜.

اععي ليبيا شينه شن هالعيشه ياربي امتى نهجوو
شن هالعيله شن هالحوش الخارب ليش ماعندناش زي البنات
ليش ماعنديش سياره ليش جبتوني ياريت ماجيت ولدكم عليك عيشه سودة معاكم
و و و و .....الخ

باهي تعالولي شوي ليبيا اللي مش عاجبتكم احسن من بلادات واجد رغم الحرب اللي صايره وكل شي إلا أنه نحنو ع بعضنا والحمد لله البلاد بالشويه قاعده تسقم ونحنا اللي مفروض نبنوها ونقيموها مش اللي يقعد فالح اشويه ويطلع دكتور ينفع ولا مهندس شاطر يمشي يخدم برا ويسيبها خالطه بعد كلكم حلمكم تطلعو وتسيبوها من بيبنيها !!؟
قصدي خلونا نفكرو بعقل اشويه
توا مثلا انت تذمر ع عيلتك وعيشتك انت قول الحمد لله انسيت انه في ناس مش لاقيه تأكل انت ناسي اني في ناس ماعندهمش سقف يحميهم م المطر والعواصف والعجاج و غيره
باهي ياسيدي قول الحمد لله أقل شي ع نعمه الصحه مانك مريض بسرطان يقطع في احشائك ولا مريض زهايمر مش عارف دنيته وين ماشية
أحمد ربي ع نعمه انك "تمشي للتوليت" حشاكم في ناس مرضى مايقدروش يمشوله "ربي يشفيهم"
ماتشوفش اللي فوقك ديما شووف للي أقل منك ديما خليك مركز ع تفاصيل الصغيره عشان ربي مايحرمكش منها ماتنساش كل يوم تحمد ربي ع كل شي حياتك كلها ميزات غير انت مش شايفها

ماتقعدش تابع وكان لقيت الناس كلها تحكي هكي ع البلاد والعيشه تجي تحكي زيهم ربي ليش عطاك عقل عشان تفكر بروحك ماتكونش تبع في غيرك نحنا مفروض توا ناس واعيين وفاهمين الدنيا كيف ماشية مفروض شغلنا الشاغل توا هوا انه انتعلمو احسن تعليم بش نبنو بلاد وكل اللي كان خاطرنا فيه انديروه لأولادنا
ليش ماكلنا نكونو ايد وحده ونخلو ليبيا احسن دوله ليش مانوروهم نحنا جيل الإلكترونيات والنت كيف يصلح البلاد كيف يفكر بطريقه راقيه جيل آخر همه طبقات المجتمع
وهمه الأول والأخير يعيش احسن عيشه بمجهوده وتعبه وتميزه خلونا نفكرو صح ونبنوها ♡♡'


روان الزوي

ـ ﻛﻞ ﺷﻲ ﻳﺼﻴﺮ ﻣﻌﺎﻧﺎ ﻟﻴﻪ ﺣﻜﻤﺔﺓ ..
ﺣﺘﻜﺘﺸﻒ ﺍﻟﺸﻲ ﻫﺎﺩﺍ ﻟﻤّﺎ ﺗﻜﻮﻥ ﺣﺎﺩﻕ ، ﻭﺗﺘﻌﻠﻢ ﻣﻦ ﺃﻱ ﻣﺼﻴﺒﺔ ﺍﻭ ﻃﻴﺤﺔﺓ ﺗﺼﻴﺮﻟﻚ 🖤.

فضل الزوي

أقروها للأخير مش ح تندموا

أني منراقبش فيك :
بس خفت عليك تصقعي لمـا شفتك لابسة بلوزتك البيضة الدانتيل الِي شرتيها في أخر مشية لـيك لـ تونس ، تعصبت لما شفتك تهدرزي مع صاحب التاكسي وتضحكي ، ولمـا شريتي شيت الرياضة"3" والولد ل فالمكتبه مَ باش يأخد منك فلوس مشيت بعدك حطيتله الفلوس ؏ الدرج وين م كنتِ انتِ واقفه باش يحسابك انتِ ، الساعة 1:34 لما رن تليفونك شفتك مبتسمه من الي اتصل بيك ؟
شفتك واخده عصير وقهوة وانتِ مَ تحبيش تشربي عصير فالصبح ، لحقتك للمكتبة وعرفت انك تقري مع زميليك محمود ، علاش من امتا انتِ تقري مع الي اسمه محمود هدا
وشن علاقتك بيه من الاساس ؟
يوم تنين من شهر تلاته الي فات م سمعتيش فيروز الصبح زي كل مرة علاش !!
انِي مَ يهمونيش أخبارك ، لاكن انتِ كانت عندك نوضه الساعة سبعة لان يوم التلاتاء عندك هلبا محاضرات وديما ليلة الاتنين
ترقدي بكري ، علاش الاتنين ل فات نزلتي ستوري فالانستا الساعة أربعة الفجر ؟ مكانش عندك امتحان ، علاش ساهرة؟
يوم الاربعاء الي قبل ل فات الساعة 2:17 الظهر كنتِ منزلة بوست أنه راسك يوجع فيك ، تعرفي علاش وجعك ؟ لانك من لما طلعتي من محاضرة البرمجة وانتِ مقعمزة فالشمس ، انِي قداش مره مقايلك م تقعديش فاها ؟
راهو اني منلحقش فيك ، لاكن يوم السبت امتع اول امس مع المغرب لوحتي الـكلينكس متعك فالطريق وانتِ نازلة من التاكسي كيف تلوحيه مش زعميتك صديقة البيئة ؟
السروال الجينز ل لبستيه يوم عشرة من الشهر الِ فات معاش
نبي نشوفك لابستيه ضيق هلبا !
فعيد ميلاد صاحبتك كنتِ حاطه ميك أب هلبا وتضحكي
بصوت عالي معاش نبيها تتعاود الحركة هادي !
يوم 16 من الشهر ل قبل ل فات شربتي زوز مقات قهوة
واني مش قايلك مق فاليوم غيره لاء ؟
ويوم امتحان الفيزياء فالسيمستر ل فات شفت عندك شعرات
طالعات من الجيهة الايسار علاش مدخلتيشي ، ركزي في الجديد وانتِ زي المسبوهة !!
الساعة 9:23 فالليل ليلة رأس السنه كنت معلقه فقروب فالفيس انكّ متحمسه للسنه الجديدة ، علاش تعلقي مش اني منبه عليك م تعليقش فقروبات مختلطه ؟؟
انِي نسيتك ومَ نفكرش فيك ومَ نراقبش فيك ره ، لكن راك تنسي ترفعي معاك ألتك الحاسبة غدوا لـإامتحان و راك تنسي تأخدي شوكلاته الصبح باش تركزي ، والبسي جاكيتك الاصفر
مش تقولي انه يجيب فالحظ .
" أنـي مِش ناسيك ، ت أنِي نـاسي روحي ومتفكرك "
- نُورا نصٰـر .

أمر سيئ للغاية أن تكون من الأشخاص الذين يملكون ذاكرة تدخر كل شيء...
مهما مر الزمن ستبقى تسرد عليك تلك التفاصيل بحذافيرها وكأنها حدثت منذ برهة..!!

سيء جدا💔

خشولههم يستااههلوا

لما تشوفو شخص يدير في الغلط سوا بنت خاشة في علاقات او لبسها مش مستور او ولد يشرب او اي حاجة مخالفة للشرع
((قولو اللهم عافنا مما ابتليت به كثيرا من خلقك))
(اللهم يا مقلب القلوب ثبت قلبي على دينك)
لانه عدم معرفة الصواب نوع من الابتلاء اللهم عافنا💔

@Ourdreams_bot
تبادل

ويا دنيا خودي ما تبي
لكن عند صحابي صبي🤚🏻💔

اللهم انت ربي لا اله الا انت
خلقتني وانا عبدك
وانا على عهدك ووعدك ما استطعت
أعوذ بك من شر ما صنعت
أبوء لك بنعمتك علي
وأبوء بذنبي فأغفرلي
فإنه لا يغفر الذنوب الا انت ..

11:11