لما تجي بتتكلم قول كلمه باههيه ولا بلاااش بكل من كلامك

مش اي حد تلاقيه تفضفضله لان مش كل حد يستحق الثقه .

اني من النوع اللي مهما صارلي منك وكيف ماكان الموقف اللي درتهولي مستحيل تجي تكلمني وما نردش عليك لان ببساطه ما نعرفش نحرج وعلى طول نضحكلك وكان فتك وما رديتش عليك اعرف ان هالموقف اكثر موقف وجعني .

لما تولي من نص الطريق لانك عرفت الصح من الغلط ، خير من لما تكمل في الطريق الغلط

تعرفوهم الناس اللي لما تتعارك معاهم معادش يكلموك ، هما مش ما يبوش يكلموك هما معادش يقدروا يحطوا عينهم ف عينك لانهم ما توقعوش منك اللي درته .

البنت اللي مش مرتبطه مش معقده
والبنت اللي مش مقتنعه بالحب مش معقده
والبنت اللي لابسه خمار مش معقده
والبنت اللي ما اطلعش ف شعرها مش معقده
والبنت اللي ما تمكيجش مش معقده
والبنت اللي ما تشوفش للاولاد مش معقده
البنت ههده صاينه امالليها بس.

اني عندي من يطبطب عليا امي حية وبوي معاي لكن منحبش حد يشوفني واني نبكي او حد يجي يراضيني نراضي روحي بروحي ونمسح دموعي بروحي ونستند على روحي ونوقف لان حيجي يوم مش حيكون معاي حد الا روحي فحنكون جاهزة ل هداكا اليوم

لما تبي تولي مشهور بين الناس انشهر بفعلك للصح اللي نادر تلقها وما تنشهرش بالغلط اللي الكل يدير فيه

الناس اللي تقولوا سعدودهم ديما فرحانين ههادوكم مش فرحانين ههادوكم يدسوا ف قلبهم لين يجيهم انهيار عصبي وبعدين تو تقولوا حيي كيف صار ههكي وههما كل يوم يضحكوا .

لما تكون مختلف ديما يطلعوك الغلط حتى لو ان الاختلاف كان انك انت تدير في الصح وهما متعودين على عكسه

شعب مريض لدرجة ان يطلعو عليك كلام انت بروحك اول مرة تسمعه على روحك

ما تديرش روحك طيب وبتجي تسندني لاني حنباعد ايدك ونوقف بروحي

ياربي سامحني على صلة الرحم اللي قطعتها مع اقاربي اللي يفتنوا ويقلبوا ف الكلام

المشكله مش ف الناس اللي تعاود ف الكلام ،المشكله ف الناس اللي تقلب ف الكلام وبعدين تعاوده ههادم حسبي الله ونعم الوكيل فيهم .

اخي العزيز اختي العزيزة.
اما بعد:
عندما تريد نقل كلامنا فمن فضلك وكرمك انقله كاملا وصحيحا.
وعذرا على الازعاج.

لان نقولوا الحمدلله يحسابوا حالنا باههي مايحسابوش "الحمدلله على كل حال".

-لا تحكم على الكتاب من عنوانه

-ان لم نحكم عليه من عنوانه فلماذا وضع هذا العنوان

ان البيوت اذا البنات نزلنها
مثل السماء تزينت بنجومها

هن الحياة اذا الشرور تلاطمت
والى الفؤاد تسللت بهمومها
❤❤❤

اني مش متحمله وجهه وههو يبيني نتحمل وجهة نضره .