على سبيل الجوع🤤❤

الصاحب اللي ما يلتقى ف الكربه
منه تباعد خيرلك من قربه .

الصاحب اللي ما يلتقى في الشدة
هزة حواجب من بعيد تسده

مش اي بنت لازم تكون زي باقي البنات 👌🤝🏻

شطارتي ، لبسي ، أسلوبي ، ذوقي ، اخلاقي ، وأفعالي ،وكلامي ، ومني نتبع ومني مانتبعش ههادم كلهم حاجه تخصني .

حاول ما تعطيش رأيك ل حد الا لما يطلبه .

لما تجي بتتكلم قول كلمه باههيه ولا بلاااش بكل من كلامك

مش اي حد تلاقيه تفضفضله لان مش كل حد يستحق الثقه .

اني من النوع اللي مهما صارلي منك وكيف ماكان الموقف اللي درتهولي مستحيل تجي تكلمني وما نردش عليك لان ببساطه ما نعرفش نحرج وعلى طول نضحكلك وكان فتك وما رديتش عليك اعرف ان هالموقف اكثر موقف وجعني .

لما تولي من نص الطريق لانك عرفت الصح من الغلط ، خير من لما تكمل في الطريق الغلط

تعرفوهم الناس اللي لما تتعارك معاهم معادش يكلموك ، هما مش ما يبوش يكلموك هما معادش يقدروا يحطوا عينهم ف عينك لانهم ما توقعوش منك اللي درته .

البنت اللي مش مرتبطه مش معقده
والبنت اللي مش مقتنعه بالحب مش معقده
والبنت اللي لابسه خمار مش معقده
والبنت اللي ما اطلعش ف شعرها مش معقده
والبنت اللي ما تمكيجش مش معقده
والبنت اللي ما تشوفش للاولاد مش معقده
البنت ههده صاينه امالليها بس.

اني عندي من يطبطب عليا امي حية وبوي معاي لكن منحبش حد يشوفني واني نبكي او حد يجي يراضيني نراضي روحي بروحي ونمسح دموعي بروحي ونستند على روحي ونوقف لان حيجي يوم مش حيكون معاي حد الا روحي فحنكون جاهزة ل هداكا اليوم

لما تبي تولي مشهور بين الناس انشهر بفعلك للصح اللي نادر تلقها وما تنشهرش بالغلط اللي الكل يدير فيه

الناس اللي تقولوا سعدودهم ديما فرحانين ههادوكم مش فرحانين ههادوكم يدسوا ف قلبهم لين يجيهم انهيار عصبي وبعدين تو تقولوا حيي كيف صار ههكي وههما كل يوم يضحكوا .