وقال العقل دعه ولا تزره
وقال القلب فلتذهب إليه
حديث العقل موضوع ولكن
حديث القلب متفق عليه

- ما بكيتش وقت سيبنا ، لكن بكيت لما وعيت في الصبح ومسكت تلفوني عشان نرن عليك ونسيت إن خلاص انتَ مش ليا ، بكيت لما سكرت باب داري عشان نتريح شوي لكن حاصرتني الذكريات قي كل زاويه وما فيش مهرب منها ، بكيت لما شفت صحباتي وتجاهلن سؤالهن المعتاد على اخباري انا وياك وسألن عليا هل انا كويسه وتمام ولا ، بكيت لما حد قالي ضحكتك سمحه لإن انا مش متعوده حد يقولي كلام زي هكي غيرك ، بكيت لما مرضت لإني ننسى في الدواء وانتَ كنت مُنبهي ، بكيت لما اضايقت في يوم من الايام وما لقيتش من يقرا عليا المعوذات عشان نهدا ونرقد ، ماكنش وجع غيابك يبكي فيا لكن بكيت لما حسيت فجأه ب الفراغ اللي سيبته وراك ، انا توا وقت نفرح ما نلقكش عشان نشاركك فرحتي ف نبكي ، ولما نزعل ما نلقش من يفهم كلامي ولا يخفف عليا ف نبكي ، وفي اوقات فراغي ما نلقش من يحول الكساد معاي ف نبكي ، وفي عز إنشغالي ما نلقش من يسرق وقتي عشان يطمن عليا ف نبكي ، قعدت نبكي لما نبحت في ماما لما تحن عليا لأن انا مازالت ما تعودت على قسوتك معاي ، انا ما جربتش الخذلان بالطريقه البشعه هذي ، عشان هكي قاعده نبكي على روحي ونبكي على احلامي اللي ضاعن ، نبكي لأنك احتليت مكانة الشخص الاول وما كنتش الاخير زي ما وعدتني ، نبكي من وعودنا اللي مشن هكي ، نبكي عشان معش قعدت حنون عليا زي قبل ، نبكي عشان خاطري نرد انا زي زمان !! .

ديما نبكي ،بكيت لان مافيش مره وعيت الصبح ومسكت تلفوني بش نرن على حد ، بكيت لان ما فيش ذكريات حلوة بيني وبين حد مميز ، بكيت لان مافيش حد مرتبطه بيه بش يسألوني صاحباتي على جوي اني واياه ، بكيت لان مافيش مره حد قالي ضحكتك سمحه ، بكيت لان لما نمرض مافيش حد كان ينبه فيا على وقت الدواء ، بكيت لان مافيش مره اضايقت ولقيت من يقرأ عليا المعوذات ، بكيت لان مافيش حد مالي وقتي بش نحس بالفراغ لما يغيب ، بكيت لان ماعمريش لقيت حد نشاركه فرحي ، بكيت لان مافيش مره لقيت حد يفهم كلامي ولا حد يخفف عليا ، بكيت لان مافيش مره لقيت حد ينحيلي الكساد ، بكيت لان مافيش مره حد اتصل بيا ف وقت انشغالي بش يطمن عليا ويسرق من وقتي ، بكيت لان تعودت على ماما بس اللي تحن عليا ماتعودتش على حد غيرها يحن عليا ، انا ماجربتش الثقه بش نجرب الخذلان ، اني ماعمريش حلمت بش نبكي على حلمي لما يضيع ، بكيت لان مافيش حد وعدني بأنه ح يقعد معاي للأخير ، بكيت لان مافيش حد وعدني ف يوم من الايام ب حاجه حلوه ، بكيت لان مافيش حد كان معاي حنون ، بكيت لان اني ماكانش عندي شيء حلو زمان باش نتمنى تولي ايامي الحلوه...

مقاومةة شعوركك اتجاهه شخصص مرايفلهه واعرهه ولله!

كل ما نزيد نكبر ونفهم نستغرب من روحي في الحاجات اللي كنت نحبها والحاجات اللي كنت نكرهها والحاجات اللي كانت تأثر في نفسيتي، بدت معاش تهمني، و حاليا أبسط حاجة تفرحني و أقوى الصدمات والمواقف بدت معاش تأثر فيا وتخليني نتضايق ولا ننغم بديت عادي معاش مدورة هيا اصلا هكي بتمشي تضايقت ولا لا...

أصلا عادي..

+1

مبكري نكلم ف صاحبتي ف الامتحان قالتلي الابله شن تبي قلتلها 2 أكمل خدت مني الورقه
زعما زعلت ؟؟

رايكم❤

هياا عااد مكسدة

ما فش أحسن من أنك ترقد وتقعد بايعها وعارف أن مافش لا رسالة لا استوري لا فويس لا مكالمةة أن ح تجيك ، وتقعد مقتنع أن كله وهم وكل السنين كيف بععض وكلهم يتغيروا بعد يحصلوا مصلحتهم فيك او في غيرك ..!!


صباح الخير بتوقيتي ناايض شابع نوم :)

- قعد الواحد يتحشم يقول انا مصقع حسبي الله في ابليسكم خربتوا سمعة الكلمه 😭.

بديت نصكر في فمي وخلاص😢💔

الناس اللي لما تتحشم تغطي في وجهها بيديها انتو احلى ناس والله🤤❤

ابتسامه

‏لله أشكو وقوفي عند مغسلةٍ
في بطنها كل يومٍ ألف ماعونِ

ما أنتهي من غسيل القدر هانئةً
إلا وفوجٌ من الأطباقِ يأتيني

😭😭💔

-من يللي عنده امتحان نصفي وشاد التيلي يراجي في رسائل صارحني

- أنا🖐🏻🤦🏻‍♀️💔

ولعل ما ترنوا إليه حياتنا
بعض من الطاعات و القرآن

يوم جديد فلا هو بصباح خيِّر ولا هي بشمسٍ مشرقه..