يقولوا:
لو كان الشارع يربي راهو الحوش مهبي

ويقولوا :
ديير الخير وأنساه ودير الشر وتفكره .

يقولوا:
البس اللي يعجب الناس، وكول اللي يعجبك.

ويقولوا :
بيتعلم مشية الحمامه نسي مشيته .

ويقولوا :
الطبع يغلب التطبع .

ويقولوا :
ياشارب البن مرجوعك للماء.

ويقولوا :
يوم فروج ولا عشره دجاجه .

ويقولوا :
ألف خطوه ولا تنقيزه .

ويقولوا:
صاحب العلة ينخصوه مرافقه

ويقولوا :
مبهاك يا مرت بوي الاوله .

ويقولوا:
الخانب شكاك
والاجرب حكّاك .

ويقولوا:
الجمل ما يشبحش في عوج رقبته

ويقولوا :
بيكحلها زاد عماها .

ويقولوا : يافرحه ماتمت زي من جاه وليد ومات.

ويقولوا:
يا عباك على بن ضو

ويقولوا:
توصيه ما خير فيه

ويقولوا:
راجيني يا علي بعشاك لين يجيبوا الزيت من غريان .

ويقولوا :
كان مش عيسى موسى.

ويقولوا:
بعد ما شاب خش الكتاب

ويقولوا :
اللي قال خالتي قال يما .

ويقولوا:
قبقاب وعباء جديدة