platinum🤍

معنى أن تموت وأنت حي،
هوا أن ترى أمك تبكي💔.

66 views𝓷𝓸𝓼𝓲𝓫𝓪, 19:53

Forwarded from Sugar (إســــراء`‘)

" الـــــم "
علاش مش كلنا نطورو روحنا ، نحطو يدينا فِ يدين بعض ، ونأسسو جمعيات ، ونساعدو الناس المحتاجة ، يكون عندنا اسم ف المجتمع الداخلي والخارجي ، علاش مانرفعوش راس امهاتنا وآبائنا ، ونرفعوا راس دولتنا الحبيبة ، علاش مانتعاونوش باش نوصلو لأهدافنا ، علاش مانقروش المجال يلّي نحلمو بيه مِنن صغرنا ، نفيدو الدولة ونستفيدوا ،

علاش ليبي يقتل فِ ليبي ، اني حالياً تَوا يشهد عليا ربي نكتب فِ البوست هذا تحت ضرب قوي ، وقذائف جراد تتنطر يمين ويسار ، علاش مايقدروش يديرو شي يفيدو بيه الناس ويستفيدو هما ، وضع مزري ، قعدنا لاجئين فِ بلادنا

، مايفرقش العمر ، ماتقولوش عمرها 15 سنة وجايه تحكي ع البلاد والسياسه ، شنو لو اني صغيرة معناها مالياش الاحقية نتكلم ، اني فرد من أفراد المجتمع زيني زيكم ، بالعكس هدا وقتنا حني ياسر انتم خديتوا حصتكم جي دورنا
اني فتحت عيوني ع الحرب والضرب والعنف ، حني يلّي مفروض نحكو مش انتم ، حني يلّي نشوفو فِ كل شي قدامنا ، قتل ، نهب سرقه ، خطف ، ومانقدروش نتكلمو ، خوفاً من ولاد الحرام ، اني حَـ نحكي تَوا ع الالم يلّي يحسّو بيه معظم الشباب الليبين ، تعرفو الناس يلّي ف أعمارنا ف الدول الاخرى مايعرفوش شن معناها سياسة ، وحني هدرزتنا كلها علاها ،

علاش عقولكم مايطّوروش ، علاش انتم جهل هكي ، خاشين ع 2020 وقاعدين بالتأخر هذا ،

صدقوني ليبيا فاها عقول مثقفة ، فاها ناس تبي الخير ، عندنا ناس اللهم بارك دماغاتهم ، علاش مانستفيدوش منهم ، علاش قاعدين نقتلو ونخنبو ، جديات تَوا يلّي يبي يحقق حلمه يطلع من ليبيا ، هكي بدينا ، انت جبت كذا ف شهادة ثانوية كيف بتقعد تكمل هنايا ف ليبيا اطلع برا ، هكي بدينا نفكرو ، ارتقوا تعلموا تحضروا ، تعبنا ، والله تعبنا !!!!!!

الناس يلّي عندهم قنوات ياريت يديرو اعادة توجيه باش الناس كلهم يشوفوها ، ورسالتي توصل لاعلى نقطة بالك نديرو حل ونديرو شي كويس للدولة حتى لو جهود بسيطة من الشباب، وشكراً رفاقي♥️

8 views𝓷𝓸𝓼𝓲𝓫𝓪, 19:55