لكل إنسان عالم خاص بيـه
أسرار بينه وبين نفسه
طموحات يحبب فكرة وجودها داخل قاموس أحلامه
إنجازات صغيرة لكن كبيرة هلبا في عينـه
قائمة من الفنون اللي يحبها
وقواعد يحاول يلتزم بيها

حاول تمنح نفسك عالم خاص بيك لأن حيـكون أفضلك من وضع (خشمك داخل عالم غيرك)
الطموحات مرات تكون مستحيلة لكن هذا الشيء مايسمحش انك تدخل وتعطي رأيك وهو في الأساس مافيش حد طالبه ولا مهتم بيه
وأصلًا رأيك مش حـيشكل فرق هلبا عند الشخص اللي أخر همه كلام الناس ..
لما بتحاول تخفف دمك وتتهزأ على النجاح البسيط متع الطرف الثاني حيـكون شكلك مقرف قدام الكل حتى لو مافيش حد رد عليـك .. يعني ياريت تتعلم تقول كلام مُحفز ولا تُسكت ..

الفنون تختلف من شخص لِـشخص
يعني لما تلقى حد يحب يكتب مش شرط تقوله (صنعة اللي ماعنده صنعة) ولا من الكلام السطحي هذا
لما حد يقول اني نحب
نغني
نعزف
أكيد هو ماقالش هكي إلا ما عارف كويس (حلال-حرام-عيب-مُباح)
يعني مش شرط تسرد عليـه قائمة مِن الحاجات اللي انت ماليكش دعوة فيها خالص .. خاصةً لو انت ماتعرفش الشخص معرفة شخصية .

أرجوكم حاولوا تعيشوا حياتكم وتبطّلوا عادة العيشة في حياة غيركم، تعلموا الكلام الخفيف على الروح، تعلموا تكونوا محتفظين بالأراء متاعكم وبطلوا الدكتاتورية في الحوار وفرض الرأي .. أرجوكم حاولوا تتعاملوا بطريقة سلِسة خاصةً مع الناس اللي ماتعرفوهمش.

نسريـنـهــ مُـراد

كل ما تسامحهم ، الغلطة الجاية تكون أسوأ من اللي قبلها ..

لو تخلي نفسك من غغير حدود ، نفسك ح تتمادى ..

وحدهة متصلة بعمك الهادي تقوله ف البيفي فيه عرس زحمة وزمزامات ، شوره ما عزموهاش ..

‏{أَلَا تُحِبُّونَ أَنْ يَغْفِرَ اللَّهُ لَكُمْ}

قم وصلي لربك .. تب، عسى أن تبيَّض صحيفتك وتبدأ من جديد.
_مروة عبد الحميد

•••

‏يَا قُرَّةَ العَينِ يَا أُنسَ الفُؤادِ وَيَا
رُوحَ الحَيَاةِ الَّتِي يَحيَا بهَا الجسَدُ
❤

#شاعر ✨📮

"من اعتاد أن يوزع الورد، فسيبقى شيء من العطر بيده.. ما دمت تفعل الخير، سيصلك أثره."

"لن يفهموك، فأنت تتحدث عن أمرٍ قطعت فيه آلاف الأميال تفكيرًا، ولم يمشوا فيه خطوة واحدة.. لن يشعروا بك، فأنت تشرح شعورًا جال في قلبك كلّ ليلة ملايين المرّات و لم يطرق قلبهم ليلة.. ليس ذنبهم، بل هي المسافة الهائلة بين التجربة والكلمات."