شن تقري ؟!!
تمريض
مهبوله انتي ؟ تعرفي مصيرك انك ح تخدمي مع رجاله من صبح ل ليل و اولادك وين بتخليهم ..

شن تقري ؟
طب
انتي تبي تقتلي روحك ولا شن؟؟ 7 سنين ومع حال بلاد هده ح يقعدو 10 سنين بيضيع عمرك وانتت ما اتخرجتي ..

شن تقري ؟
هندسه
شن امالا تبي تنزلي للشارع مع صاحب الاسمنت وعجانه يا بنت هدا تخصص اولاد مش تخصص بنات خلى الخبز لخبازه ..

شن تقري ؟
صيدله
على شنو التعب هدا وفي النهايه تبيعي حلوة حاره و فيكس ..

شن تقري ؟
طب اسنان
بتقري 5 سنه باش في النهايه تحطي يدك في فم شخص.. شنو القرف هدا.

شنو تقري ؟
تربيه / لغات / علوم عامه
الاساتذه مالييييين البلاد و هكي هكي راح يطلع جيل فاشل ..

شنو تقري؟
علم نفس
يا بنت مالك ومال المجانين يعني تعالجي مجنون.. لالا يضربك ب شي حاجه ويموتك.

شنو تقري ؟
قانون
يا بنت قانون شنو هدا مجال حساس وانتم عاطفيات و ناقصات عقل و دين..

شنو تقري ؟
اقتصاد
يابنت اقتصاد ?????? هو وين الاقتصاد اللي بتدرسيه والبلاد داخله ف حيط ??

شنو تقري ؟؟
والله انا اتزوجت ، وبطلت قرايه
اووو علاش هكي يا بنت الناس كنتي كملتي قرايتك ما في حد بينفعك غير قرايتك ..

#مجتمع_معاق_معيق_يعيق
#واااااااااااقع

واقع يمرض🤦🏻‍♀️

بيطرة
دكتورة حيوانات ييعع تبدي تعالجي في الحمير والبقر والخرفان.

ثم أشار على قلبه وقال:
باسمك اللهم على هذا القلب حتى يهدأ❤.

من رواية ما تخبئه لنا النجوم💙.

ما بين شوقين قلبي فيك يرتحل
يا قاب قوسين ما للشوق لا يصل

- ويشهد الله إننا مستاحشين :(
هاله الفيتوري ✍

- ف حاجات ما تنقالش باللسان ، لازم تنفهم بالعيون ،.
هاله الفيتوري ✍

- فالمواقف الصعبة اللي نكون مجبور فيها ان نختار بين الصح فعيوني والصح فعيون الناس ، اهني نختار الصح فعيوني انا ، انا ممكن نتقبل فكرة إني اخترت الاختيار الغلط ونرضى ، لكن صعب هلبا نتقبل فكرة ان ف حد اختارلي الغلط وانا مشيت عليه ، نلوم نفسي ، وناكلها ف روحي ، ولا نلوم حد ونسمع منه " ما ضربتكش ع ايدك " ، انا سيد قراراتي الصح والغلط ، نموت ع قرار غلط خديته ، ولا يجيني خبش صغير من قرار غلط اختاره حد تاني ،. :)💙
هاله الفيتوري ✍

- إنني اضعف من احارِب ، واقوى من ان استسلِم ، إنني من اولئِك التي كانت جميع انتصارتهم ، بقيادة البرود الذي بداخلِهم ، ذلك البرود الذي يقضي على اعدائهم ، دون بذل مجهود جسدي ، او نفسي ،.💙
هاله الفيتوري✍

- شكرا للناس اللي جابدة روحها من حياتي ، الناس اللي ما ادورش فيا ، وما تسألش عليا ، والناس اللي ما تحبش تخالطني واللي علاقتهم معاي سطحية ، والاهم انهم دايرين هذا كله ب ذوق ، واسلوب حلو ، بجديات نحبهم ، الناس هاذي ، لان خلوني نكسب راحتي ، ونحضن وحدتي ، من غير ما نتعب روحي ،. :)💙
هاله الفيتوري ✍

- لما "الاسف" يولي قلة ذوق ، ولما كلمة "نحبك" تبدا تدل ع الكره ، ولما "الهموم" تجي من كثر
الراحة ، انا وقتها ممكن نـولي زي قبل ،. :)💙
هاله الفيتوري✍

- "ربي ما تحرمناش من حاجة بكينا عليها فدعاءنا" ،.💙
هاله الفيتوري✍

- "ربي ما تحاسبنيش على سيء أعمالي ، بشوفتي لِ ضرر في عيلتي" ،.💙
هاله الفيتوري✍

- "ربي ما تصدمناش فالناس اللي تمكِن حبهم فقلوبنا" ،.💙
هاله الفيتوري✍