يحسابني بنموت بنموت كان نساني🤞
مسكين ما يحساب نقدر نوالف تاني 👍🏻❤

حلم حلم نفرح حلم ..ويصير وضع احسن
حزن الم آه وندم ..جروحي شو كبرن
يالله المهم تنطيني هم ..يا دنيتي شكراً

غابوا ناس ومنهم فكه ..غيبة ليهود على مكه .

بعض تحف العالم Johnson Tsang

بعد يبقي في الناس وفا
سعتا توا اندير غلا


#Eyome 😢

لا تنسوا قراءه سورة الملك قبل النوم..

أحلام سعيده وواقع اجمل ..

الخميس

31 أكتوير 2019

اصبحنا وأصبح الملك لله

نوفمبر...❤️

حين وصف الله تعالىٰ نساء الجنّة قال: "فِيهِنَّ قَاصِرَاتُ الطَّرْفِ"، أي: لا ينظرن إلّا إلىٰ أزواجهن، ثمّ وصف حسنهن وجمالهن فقال: "كَأَنَّهُنَّ اليَاقُوتُ وَالمَرْجَانُ"، قدّم صفة العفّة والحياء علىٰ صفة الحُسن والجمال؛ لأنّه لا قيمة لجمال المرأة بلا عفاف وحياء 💙🌿

استقالة وزير التعليم الدكتور عثمان عبد الجليل

نشوف في بوستات اليومين اللي فاتوا على الوزير سب وشتم وكيف يفصل معلمين وكيف وهو شن دار وما الى ذلك

طبعاً انا متابع نوعاً ما عمل وزير التعليم والوزارة بصفة عامة
قال من اول يوم حطوه فيه انه يبي يرتقي بجودة التعليم في ليبيا
شن دار في هذا الصدد ؟
الاجابة كالتالي : وزير التعليم دار رقابة محكمة على الغش في سنوات الشهادة ، هذا حيخلي اي طالب يفكر انه يخش الجامعة يقرا اول باول لانه مايفكرش انه حيغش وهذا جانب كويس يخلي اللي ناوي فعلاً يقرا هو اللي ينجح واللي ممشيها بلعب يقعد ، علاش ركز على الشهادة بالذات ، ضبط امتحانات الشهادة وبالاخص الشهادة الثانوية ، هي الشهادة اللي ممكن الطالب يخدم بيها بعد التخرج من الثانوي ونشوفوا توا فيه ناس تخدم بشهادة ثانوية ، حاجة ثانية اللي هي انه الطالب باش يطلع للجامعة لازم يكون مستواه مستوى طالب جامعي ، بدل التكدس للطلبة في الجامعات بدون فائدة ويزيد الطين البلة وينقص من جودة التعليم بسبب زيادة الطلبة ، زي ماشفنا في السنوات اللي فاتوا كل الطلبة ينجحوا امتياز ، حاجة ثالثة واخيرة التعليم الاساسي مش مركز عليه زي الثانوي لانه الشخص مستحيل توا يخدم بشهادة اعدادية والمرحلة الاساسية هذه في العالم كله اليابان وامريكا وروسيا مافيش رسوب ، مرحلة اساسية الطالب اجباري يقراها وبمجرد تكملتها يعتبر اجتاز المرحلة هذه

توا نجو للمعلمين ، داروا اختبارات مستوى لجميع المدرسين النتائج كانت كارثية ، نسبة النجاح للمدرسين في مرحلة التعليم الثانوي في مادة الكيمياء 5% تخيلوا اللي نجحوا يعني اجتازوا الامتحان فقط ولو ب 50% هما نسبة 5% يعني اللي يقري في صغارنا شخص نفسه غير مدرك بالمنهج اللي يقري فيه ، ماعنداش مهارات التدريس ، والوزارة ماقالتش المدرسين هادم كلهم نفصلوهم ، بالعكس حتديرلهم دورات تدريبية تزيد من كفائتهم لين يوصلوا للمستوى اللي نقدروا نسلمولهم ابنائنا وحنى مرتاحين

ولما دار الوزير قرار الفصل متاع المدرسين اللي ماعندهمش بيانات اي اللي هما مايقروش ومايمشوش للمدارس ، كل الشعب ناض عليه على سبب واحد

انه فيه بعض المدرسين المنخرطين في عملهم بشكل كويس ولكن تم فصلهم

هنا الخطأ مش من وزير التعليم ، الخطأ من المراقبين على المدارس اللي جابوا التقارير على مدارسهم اللي هما ادرى بيها من وزير التعليم
و وزير التعليم نفسه قال عندهم الناس هذه ليوم 30/11 باش يسوو اوضاعهم ويجو للوزارة ، والموضوع مش حياخد منهم 5 دقايق حسب وصفه
الجانب الايجابي اللي ماشافلاش الشعب انه اللي تم فصلهم يستهلكوا مانسبته 1 مليار من ميزانية الدولة في السنة الواحدة اللي هما 152000 موظف ، وهذا حمل كبير على عاتق ميزانية الدولة ، بتقولي خنبة ومش عارف شنو صاير ، نقولك هذا مش دور وزير التعليم اللي ناوي بكل صدق يصلح الوزارة في نظري ، واللي لفت نظري انه خو الوزير نفسه طلع اسمه مع الاشخاص المفصولين والوزير طلع واعترف على المباشر

اخيراً وليس اخراً انا شخصياً نشوف انه وزير التعليم اكثر وزير يقوم بواجبه في كل الوزارات الموجودة الآن ، ويحاول جاداً الارتقاء بمستوى التعليم في ليبيا ، وانا شخصياً داعم ليه في قراراته الصائبة هذه
#منقول

-

‏لكَ الثُلثان من قلبي وثُلثا ثُلثه الباقي
‏وثُلثا ثُلثُ ما بقي وباقي الثُلثُ والباقي.

عليه خذينا رفع الراس ..عليه خذينا
عليه خذينا ماسع يا عيين تواطينا