إستعد لموجات الحب التي ستغرقك

قالت ستسعد يا أعزّ ملاكِ
لو أنّ بدركَ دارَ في أفلاكي

فأجبتُها فلتَظهري لي أوّلًا
إنّي أرى المكياجَ لستُ أراكِ! ☺️

#عبدالله_زمزم

- فلاسيف..":)
- بعض الناس تتحول!! بعض الناس إتحولت من الشخصية الإجتماعية للشخصية الإنعزالية لما من قبل كانو يحبو يهدرزو مع الكل ف شيء مهم كان أو غير مهم!توا صار العكس توا تملكهم إحساس ال "معادش عندي جهد وطاقة" لا للهدرزة لا للنقاش ولا للسؤال حتى مع إنهم فاضيين؟فاضيين ووقتهم فاضي جداً..لكن يشوفو ف موضوع إنه يقعمزو يهدرزو مع حد موضوع رزين عليهم ع عقلهم أو قلبهم مش ح تفرق يشوفو إنه صار شيء صعب عليهم يسألو حد "شن حالك؟" ويقعد يحكيلهم ويشكيلهم ع حاله ساعتين أو أكثر!هالناس كانت تسأل ع الناس ديما كانت تسأل حتى ع الناس اللي ماتسألش عليها أما توا!توا معادش إيردو حتى ع اللي يجو يسألو عليهم ويجيهم شعور ال"معادش يبو" معادش يبو حد يسأل عليهم باش مايحسوش روحهم قصرو معاه والمفروض إنهم يقعدو يهدرزو معاه ولا يبو يحسو بتأنيب الضمير لما يتجاهلوه!وخلي إنقولو إنه هالتغيير هذا جاهم فجأة وممكن يقولو إنه مافيش سبب أو هما ف حد ذاتهم مايعرفوش السبب مع إنه ف أغلب الأحيان يكون ف سبب بس هما نفسهم متجاهلينه وعموماً ماعلينا هما اللي يعرفوه إهني إنهم مرتاحين نوعاً ما طول ماهما منعزلين وبعاد مرتاحين!بس برضو ف أشخاص قاعدة تتضايق منهم مع العلم إنه ضيقة هالأشخاص معادش ولت مهمة عند هالناس الإنعزالية يعني معادش يأثر فيهم أو يفرق إضايقت أو لا!الضيقة الوحيدة هي لما إتجي تعاتبهم وإتقوللهم "خيركم وليتو هكي علاش ماتسألوش؟"...يعني شوف وإتخيل معاي شوية إنه هالناس حطو روحهم ف دار ومش مخليين حد يخش لهالدار واللي ح يخش ح يتعب لإنهم ببساطة رافضين فكرة وجود حد داخل هالدار حدود هالدار إندارت باش تقعد إنتَ برا ويقعدو هما مرتاحين فيها!يعني مش ح يكون ف أي إهتمام من طرفهم ومش ح يهتمو لو حاولت إتقيس وتنقب معاهم أو إتعاقبهم بشيء باش تلفت إنتباههم ع العكس تماماً هما ممكن يكونو ف قمة السعادة لما يشوفوك إبديت إتوخر وتبعد أكثر وأكثر عن هالدار اللي لسبب ما ولت شيء مقدس عندهم وهلبا تفسيرات من هلبا ناس إتقول إنه هذا اللي عايشينه إكتئاب بس مافيش شيء يثبت فعلياً هالنظرية..":)!

أصبحنا وأصبح الملكك لله ..

كلام قديم طلعلي في ذكريات الفيسبوك .
كتبته بتاريخ 18/مايو/2019

الحُب بـ مفهوم تاني :
تعرف آني نحبك لدرجة انه نقدر ناكل معاك مكرونه ف وقت عشانا فالحوش محشي .
نحبك ل درجة نقـدر نتفرج معاك عَ مباراة فوقت يجي مسلسلي الي نتابع فيه .
نحبك لدرجة نقدر نسمع معاك لِ وليد التلاوي واني نحب أدهم نابلسي .
نحبك لـدرجة نقدر نسيب لمة صاحباتي ونقعد وجهي فوجهك ونتعاركو .
نحبك لدرجة نقدر نتفرج معاك عَ فيلم تاريخي ونسيب الفيلم الرومانسي .
نحبك لـدرجة نقدر نقسم معاك التويكس طرف طرف .
نحبك لدرجة نخليك تاكل معاي الشبس .
نحبك لدرجة نقدر نشرب معاك عصير فراوله ونسيب القهوة .
نحبك لدرجة نقدر انوض من الساعة السبعة الصبح لانك عازم صحابك .
نحبك لدرجة نقدر نفيق فالليل باش نقليلك دحية فوقت ميتة تعب .
نحبك لدرجة نقدر نسيب داري وسريري وحوشنا ونرضا نعيش معاك ف دار فحوش اماليك .
نحبك لدرجة نقدر نضم الحوش وندير الغدي ونرد بالي مع الصغار ف نفس الوقت .
نحبك لدرجة نقدر مَ نشريش لبسة العيد لما يبدا معندكش فلوس .
نحبك لدرجة نقدر نتحمل وجع الجياب باش نولي ام صغارك .
نحبك لدرجة نقدر انوض نديرلك فطورك الصبح .
نحبك لدرجة نقدر نحددلك الزبون متعك .
نحبك لدرجة نقدر نخش للمطبخ ونطيب .
نحبك لدرجة نقدر نتحمل انك ادخن فالحوش .
نحبك لدرجة نقدر نسيطر عصابي لما تبزع الشاهي عَ الصالون الجديد لِ ماليناش شهر شارينه .
نحبك لدرجة نقدر مَ نفتحش نت يوم كامل لانك معاي .
نحبك لدرجة نقدر ناكل معاك رز بلاو واني نكرهه .
نحبك لدرجة نقدر نسيب روايتي وانوض نديرلك م تاكل .
نحبك لدرجة نقدر نتحمل نفخ اختك وتناشيب امك وبرادة صغار خوك .
نحبك لدرجة نقدر نديرلك شاهِي معدل ‏، لا خفيف ‏لا تقيل .
نحبك لدرجة نقدر مَ نحرقش البيتزا .
نحبك لدرجة نقدر نوتيلك عزومة ل عشرة من صحابك فوقت اني مكنتش نعرف نقلي دحيه .
نحبك لدرجة نقدر نخلي دبلتك ف ايدي طول الوقت مع اني منحبش الخواتم .
نحبك لدرجة نقدر نسمعلك وانت تحكيلي ؏ انواع السيارات ل اني اصلاً مش فاهمه منهم شي .
نحبك لدرجة نقدر نقولك آنت احلا منْ تيم حسن .
نحبك لدرجة نقدر انوض فرمضان بكري باش نديرلك فطورك .
نحبك لدرجة نرضا انك تاخد الباطنيه كلها فالليل .
نحبك لدرجة نقدر ندير فياق الساعة سته باش انوضك .
نحبك لدرجة نقدر ندير معاكْ الحاجات لِ اني فالعاده مستحيل نديرها .

-نُـورا نصر .

نوروها ياعيلة ..

فيه الـي يحكي في قصته بأغاني دافن فيهم التفاصيل، شخص تاني في مكان بعيد يحكي فيها في لوحات لما يفوت من قدامهم شخص عادي مش حايفهم الخبايا المدسوسة وراء لخبطة الألوان والأشكال الهندسية، فيه الي يعبر على وجعه بدواوين شعر، وفيه الي يحكيلنا على الحياة من نظرته في روايات خيالية التراجيـديا فيها عنصر أساسي، فيه من أختار الهروب من الأرض لبـاقي الكواكب وأختار الفضاء كوجهة أزلية، وشخص ما سلم في صُوته وأختار الكتابة، فيه من أختار الطب كمهنة إنسانية يداوي بيها في قلبه قبل الناس، وتاني أختـار التاريخ برغبة جامحة للسفر في الأزمان البعيدة على توا ..

هذا عازف بيانو، وهادي حبيبة الكمان، هديكا روائية وهذاكا شاعر ..


قرت اللغات باش تنمي ثقافات البلدان التانية في قلوب الصغار، قري التقنية في محاولة ناجحة أنه يغير أسلوب الحياة كله بنظام الزيرو ون ..

قررت مـاتكملش قراية، فتحت حوش طلعت منه أجيال ينرفع بيهم الرأس، وُهب حياته لخوته بعد ما مات بوه وخدم عليهم على حساب مستقبله باش لما يكبر يقول بفخر أني خو فلان ومايستحقش في وجودهم لحد ..

الشهادة والحالة المادية مش مقياس، الإنسانية فن، كل واحد منا يحكي في قصة كونه إنسان من منظوره الشخصي، كلنـا زي بعض، بأختلاف القضايا، بأختلاف الأماكن، بأختلاف الأسماء، نقعدوا كلنا مدرجين تحت بند "الإنسانية" ..


لأنك إنسان؛ مارس هالشئ ..


- نُورا نصر

أثِقُ بي جدا ، فأنا شديد التحمل ،وهذا يكفي ..

"كان ينتظر إنصاف الحياة، فأنصفَتْهُ إلى نصفين."

‏واستَقْبَلَتْ قَمَرَ السّماءِ بوَجْهِها
‏فأرَتْنيَ القَمَرَينِ في وقْتٍ مَعَا.

‏❣️"توفي صديقي قبل سنوات!
تفاجأت اليوم باتصال من رقمه، فإذا بابنه الصغير يطلبني دراجة!
قلت: أبشر لكن هل تعرفني؟
قال: لا، لكني وجدت صورة لأبي ومعه شخص، مسجل خلفها هذا الرقم ومكتوب: إن احتجتم لشيء وكنت غائبا فاطلبوا منه، فإنه أنا ولكن في مكان آخر"

صداقة تشترى بماء العين❤️

‏العالم رديءوجودُك في الحياة ضرورة كونيه “

جميل الثّغر إن يكتم الضّحك يأثم🤍

نحن الفرص الضائعة نحن اللذين لا نتكرر🤍