كنت ماشية لأخر إمتحان فاينل زي العادة ركبت ف السيارة وطول طريق كنت ندعي يارب نجاوب وتجي الأسئلة ساهلة "بحكم مشيت ومش مكملة أغلب المنهج"..
وصلت لكلية العلوم "بحكم إمتحانا ديما فيها" تلاقيت مع صاحبتي قرينا عملي مع بعض وقعدنا نضحكو كيف نشوفو ف طالبات كلهم يقرو ف تحويلات وأحنا راس مالنا يلي موجود ف تجميعة وبس خشيت للإمتحان قريت معودات وقلت هذا جهدي بنحط لنعرفه ونطلع..
جت ورقة فاينل قعدت نحل ونمشي بعدين عديت الأسئلة يلي متأكدة منهم لقيت روحي فت النص وضمنت نجاحها نكدبش عليكم فرحت قريب هبلت
طلعت ولقيت صاحباتي الزوز يستنو فيا

روحنا للبشري طول وتلاقيت مع باقي قروب ، وصاحبتي جابتلنا عشاء عرس خوها وشرينا كذلك من "نرجس"
وحدة من صاحباتي مابتش تاكل ف الأول ع خاطر بتتلاقى مع حب عمرها "بس باعها ف النهاية ومجاش وقعمزت كلت معانا"ودرنا جو ..
لكن مع المدة هادي كلها كان قلبي ناخصني كان يقولي "إنك إنتَ هانشوفك اليوم وإنك ف الكلية"
ومع هذا قعدت نقول هذا وهم وخلاص
فات الوقت طلعت انا وصاحباتي لقدام الواجهة قعمزنا مع بعض وقعدت نصور فيهم فيديو

ماكنتش نعرف إني لما بنتلفت هانشوفك، ماحطيتش ف بالي بتخطم قدامي هكِ ، إنت علاش جيت اليوم ، بعد "عشرين يوم"
من شوفتك الأخيرة علاش جيت اليوم؟

رفعت صاحباتي لمكان متركن مش نقدر نشوفك وبعدها مشيت و قعمزنا ع الكراسي "مكان بعيد عليك" لكن شفتك فايت إنتَ وصحابك شاد هاتفك وتتصفح فيه وتكلم ف صاحبك يلي جنبك
لكن مرة هادي وجهك منور هلبة مش نفس المرة لفاتت سامن شششششوية ع فكرة..
لون عيونك لأول مرة نركز عليهم هكي حلوات + أول مرة نكتشف إنك من فئة الناس يلي عندهم ضحكة الشمس..
_ شكلك مرتاح هالمرة؟
_ قاعد متفكرني؟
_ جيت ع خاطر بتشوفني؟
_ لكن علاش مش راضي حتى تشوفلي بنص عين شن في أو بالأحرى شن درتلك أنا؟
هو صح قدرت تنهي كل شيء بينا.لكن معقولة قدرت تنهي اليامات يلي كنا فيها مع بعض؟

ستاحشتك راه وهلبة يلي إنتَ قدرت تنهيه ف رمشة عين أنا ماقدرتش ننهيه رغم إنه فات شهور و شهور ومع هذا قاعدة نحس ف روحي ف نفس النقطة كيف قدرت دير هذا كله؟
الشيء يلي خلاك تنسى أعطيني منه مش ننسى حتى أنا جديات نحكي مانبصرش..

نكلم فيك ريان ريان وين سارحة 🙄
اااه لا شيء غير سرحت شوي هي خلاص وقت بنكلم بابا
"تخيل هذا كله صار في 90 تانية واني مقعمزة ونشوفلك كيف فايت وتهدرز وجو مع صحابك"

اني نعرف ان القهوة بتحرك عليا اعصاب المعده لكن نشرب فيها..
اني ههكي بطبيعتي الحاجه اللي نحبها يا بنديرها يا بنديرها مهما كانت مؤلمه..

ويش اخبارك ما وصلني....!!!

زعما حالك كي حالي ولا متهني...!!

ولا متهني...!!!🤦‍♀

شكرا شكرا بجد 🖤🖤🔥

العفو ولو 💚❤

مهرجان هاربين للثلج والجليد ..الصين

في كل عام تستضيف مدينة هاربين شمال شرق الصين مهرجان هاربين للثلج و الجليد , حيث يضم هذا المهرجان أجمل المنحوتات المصنوعة من الثلج و الجليد في العديد من الاشكال الرائعة و الفريدة. و يتم افتتاح المهرجان في 5 يناير من كل عام و الذي يتوقع استمراره إلى نهاية شهر فبراير ,  و يأتي نحو مليون سائح تقريبا من جميع البلدان لحضور هذا  المهرجان التقليدي لدولة الصين, و تتمثل  إحدى الفعاليات الثقافية التي يتم تنظيمها باقامت حفل زفاف جماعي للأزواج من جميع البلدان و سط أجواء من الفرح و البرودة :). و  يتم اقامت التماثيل الثلجية على هيئة معابد و كنائس و مبان و أشخاص يتم اضائتها بالالون المختلفة في الليل, و يمكن لجميع الزوار الصعود إلى المنحوتات الثلجية و اللعب على بعض الهياكل و التقاط الصور التذكارية هناك.