18?😞

‏أنا لا أعيش يومي أنا أنجو منه فقط يا للتعاسة

- ضعيف النظر ، أكتر واحد مركز ، ما تستهينش بحد ، ولا تنغر بحد ..

- تشبه النفاق هلبا ..
الظاهر منك جميل هلبا ، واللي وراء الظاهر مقرف ما ينذكرش ..
أنا واعي كويس ، ل فكرة إن كلنا عندنا عيوب ، لكن اللي شفته ما كانش عيوب ..
العيوب تترمم ، لكن الأساس لا ، وهذا أساسك أنت ..
أنا ما نبيش نكون حبيب مثالي ، راضي ببشاعة الصورة اللي أنت فيها ، أنا نستاهل نحب شخص طبيعي ..
فيه الشر عادي .. لكن الخير مش غايب ، فيه الظلام عادي .. لكن النور مش غايب ..
أنا راضي نعاني شهور وسنين معاه ، لكن نكون ضامن إن نهاية هالتعب راحة ..

أنا شخص عنده عمر واحد ، والحب أشكاله هلبا ..
أنا حياتي أساس بنعيشها ، والحب إضافة للي بنعيشه ..

وطالما الحب إضافة .. يا تكون موجبة يا متكونش ..


هالة بن سليمان ..

خليكك متفكر أنكك تقدر تقول لا لأي شيء ولأي حد لأن هذه حياتكك وانتت حر فيهاا ، خليك متفكر انك تقدر تطلع من اي مكان ومن أي تقعميزه مش مرتاحلها و مش مرتاح فيها ، خليكك متفكر أنك تقدر تسكرر ههاتفك وتحذف جميع مواقع التواصل من غير ما تبرر ل حد ، فيه ههلبا حاجات تقدر اديرهمم من غيرر ما تحس بالذنب وانت حر بما انهمم ف حدود الدين والأدب ..

- قالق من روحي ، ووضع بلادي مش عاجبني .. ناهيك على الناس اللي في حياتي ، لكن؟ مش مهمين ، وعليهم ما نبيش نهدرز ..
عارف كلنا في مركب واحد ، باهي كان خطرلي نعوم ؟
لو متت ما تفرقش ، ما تخافوش ، ما نتوهمش .. تلقائيا احني ميتين ..
الفرق بيننا وبين المدفونين ، ان احني في الدور التاني .. !
الشبه بيننا وبين اللي عايشين ، حركة وصوت وجوع وعطش ..

شكرا ل محاولتك إنك تفرحني ، طريق الشط مليحة ، وبحر مصراتة والخمس ملاح ، تيبستي بعيدة ، لكن لا بأس .. مفكر نمشي .. نكذب علاش ؟ ..
لكن مرواحة الحوش مش عاجبتني ، مع إن منظر الحياش الطايحة برا يضايق أكتر ..

تعالى نرقصوا على صوت الرصاص ، مع عكسة سامينسا في هروب الضيء ..
ومش ناسي موضوع العوم .. يجي يوم .. ونصفرلك من شط مالطة .. ان شاء الله تسمعني وما يكونش صوت المولد مغطي عليك ..

اسف سامحني قالق من روحي ، والعيشة ولت ماعاش تنطاق ..

- هالة بن سليمان..

قال أحدهم : زوجتي الغالية تكره الحشرات والحيوانات بأكملها !
ولكم أرتفعت صرختها المدوية في أرجاء الحي كله
لرؤيتها صرصاراً !
أو لأن قطة جارنا اقتحمت منزلنا !!

كنت كلما تشاجرنا وخاصمتني 🖤
أجد من الصراصير أو قطة الجيران التي أكتريها
من ابنهم المشاغب حجة لتركض إلى أحضاني ..
وكان الأمر ينجح في كل مرة ههههه ..

ترجتني كثيراً أن أقوم بتأجيل سفري
لأن الحمل يتعبها ،، ولأنها تحس بانقباضة في صدرها
... رغم إلحاحها الشديد سافرت ..

• ️في الحقيقة لم تكن الرحلة بتلك القيمة المهمة ..
لكنني أردت اللهو خصوصاً أن تلك السكرتيرة الحسناء
الفاتنة ستذهب معنا ..

عدت بعد أسبوع ،، لم تكلمني فيه ،، سوى مرة واحدة
لتطمئن على وصولي سالماً ..

أعلم أنها غاضبة مني ..
لكن لا بأس بعض الحشرات ستحل الأمر ..
إلا أنني صدمت بمعرفة اجهاضها ،، وأننا خسرنا أول
مولود ،، كنا سنرزق به ..

حزنت جداً وأحسست بتأنيب الضمير ..
ظننتها ستخاصمني للأبد ،، لكنها لم تلمني ..!
حتى لم تقل شيئاً ،، ولا حتى كلمة واحدة ..
ظلت تتصرف بعفوية ..

حين أنزلت سكرتيرة الشركة صوراً لنا في نزهة سوية
ظننت أن الحرب ستقام ..!
لكنها أخبرتني أنني أبدو وسيماً في الصور ..

أما اليوم فقد كان مختلفاً جداً ،، ونحن نتناول الطعام
.. مر صرصور بجوارنا ،، ركضت إلى النافذة لأغلقها
قبل أن تبدأ بالصراخ وجمع الجيران حولنا ..
لكنني وقفت مصدوماً في مكاني ..!!

زوجتي تطارد الصرصور بفردة حذاء وتقتله ..
لم تكتفي بذلك بل حملته وقامت برميه ..
ثم اغتسلت وعادت لتكمل طعامها ..!

في الغد حين عدت من العمل كانت قطة الجيران
تصول وتجول في البيت على مرأى من زوجتي
دون أي رد فعل ..

الآن فهمت أن زوجتي انطفأت ..
وأن المرأة التي تمسكت بيدي مترجية ألا أسافر ..
قد اختفت منذ الليلة التي وقعت بها ولم تجدني
بجانبها لأسعفها .. فكان ابننا هو القربان ..

الآن عرفت أنني لو أحضرت أسداً إلى البيت
لن تركض لحضني لتحتمي بي ..
بل ستتجاهله أو تركض خلفه بحذاء ..
لا أستغرب حتى إن قامت برميه بالرصاص ..

فقدت حقي باسنادها منذ اللحظة التي أحتاجتني حقاً
فلم تجدني .. لأني كنت أتودد لأخرى ..

كنا في سوق أمونيا، بعيوني نفتش في المكان ونراجع في الحاجات الي كانوا ناقصين باش نطيبله أكثر أكلة يحبها، وقفنا قدام مرأة كبيرة في السن كانت تبيع في الفواكه ..
أفوكادو، فراولة، تفاح، كيوي ..
ببسمة طيبة وبلغة إنجليزية مخلطة بلكنة إغريقية واضحة قالتله خود باش تحلّي ، ضحك وضغط على ايدي الي كانت في إيدي وبإنجليزية متمكنة: عندي هيا ..

- نُورا نصـر

خلوا الناس ل ناسهم ، وألهوا بالناس اللي تتمناكم ناسها ..

اللي معاديك مش شرط يكونن عدوك ، وعدوكك مش شرط يكون معاديك ..

اني شخصـين ..
واحد اهني ، وواحد نسكر فالدار عليه كل يوم قبل م نطلـع ، واحد يحب الناس وواحد يكره ترابهم ، واحـد واقف وتاني راقد ، نحكـي على الحيـاة من منطلق الأول والتاني يتأمل فيا زي الأبله ويضحك بصوت عالي ، الضحكة تتحول ل تنهيدة تتحـول لـبكي ولما يسألوني خـيرك نقوللهم دموع الفرحة ، يتلفت عليا وبنظرات قاسية يحكيلي قداشني ممثلة فاشـلة في فـيلم البشرية الفاضية من كل شئ عـدا القهـر والفقر ، يـرقدوا اتنينهم كل فجر واحد ينتحـب على الوقت والبلاد والتاني دموعه سخان مكتومات ، اني واني مختلفين نقطة التشابه الوحيدة الي جمعتنا " الكره " ..

نُورا نصر ..

مرات فيه مواقف تصعب تقول لا لإن النتيجه مش حتكون كويسه

لما تبدأ مش غلط ف حق حد ععادي كيف ماكانتت تقدر تقولل لا ..

اللي مخليني صابرهة ع التيلي إنه مافيشي رسائل من مجاهيل يقابلوا فيا كل صبح 🙂🤷🏻‍♀️

تصير مرات تبدي مش غالطه في حق حد وهوا نفس الشي هكي يشوف فروحه

تعرفوا علاش ندسوا على امالينا كل شيء ، تعرفوا علاش حني بعاد عليهم ؟!، تعرفوا علاش نبعدوا عليهم بأي طريقه زي الطلوع ههلبا والتأخير لما نطلعوا من الحوش ؟! ، تعرفوا علااش نهربوا ل مواقع التواصل على طول ونفوتوا ف ساعاتت طوالل ععليهم ؟!، على خاطر الوقت اللي نفوتوا فيه ف الحوش عباره على إنتقاد لأي حاجه نديروا فيها ، زي مثلا شن مدايرر لشعرك ؟!، شن هذا اللي لابسه خيرهه ههكي ؟!، شن هذا اللي تتفرج عليه ؟! ، خليك مقعمزز قدام الزفت هذا ليل نهار باهي ، خيركك تدوي ههكي ، أعرف مع مني تدوي ، معادش تاكل من برا ، ياسر طول النهار تهدرز على أصحابكك ، ف مني تكلم !؟، خليك طول النهار برا الحوش ، اصلا الحوش تقول فندق خش امتى ما تبي وأطلع أمتى ما تبي ، خليك هكي ما تسمع كلام حد باههي، تستاهل هذا كله من فعايلك ، تي والله ماهو صاير منك ، انتم جيل فاشل ، واطي صوتك ، زيد علي صوتك زييد ، واطي صوت الهاتف، أرقد ياسرك ، ياسركك نوم نوض ، خيرك نايض ل توا ، ما تصاحباش الولد هذا ، خيرك ضاعف ، علااش سامن ، شن مداير من فايدهه ..
ولما تجي تقعمز بروحكك يقولولكك خيركك ؟!
ععادي اشكروا صغارككم حتى على حاجات بسيطه ، ما تقللوش من قيمتهم ، أعطوهم دافع إنهم يعيشوا ، أعطوهم أمل وما تحطمولهمش معنوياتهم ، أعطوهم نصايح بالطريقه اللي هما يحبوها ، خلوكم قرااب من صغاركم ما تخلوهمش يحتاجوا حد تاني يعبوا بيه يومهم ..

لكل صداع "قهوهة" ..

لكل مشكلة "وردهة"

لكل هم "صاحب"..