دراما الخائب، الذي ألقى بنفسه إلى الشارع من شقة في الطابق العاشر، وأثناء سقوطه راح يرى عبر النوافذ؛ حيوات جيرانه الخاصة، المآسي المنزلية الصغيرة، علاقات الحب السرية، لحظات السعادة الخاطفة التي لم تصل أخبارها أبداً إلى الدرجات المشتركة، بحيث أنه في اللحظة التي تهشَّم فيها رأسه على رصيف الشارع، كان قد غيّر نظرته للعالم كلياً، وكان قد اقتنع بأنّ تلك الحياة التي هجرها إلى الأبد عن طريق الباب الخاطئ، كانت تستحق أن تُعاش!

#المتــمرد⁽🖤🌩₎⇣✿

لا تنسوا قراءه سورة الملك قبل النوم..

تصبحون على واقع أجمل

أصبحنا وأصبح الملك لله

صباحكم شيء جميل كنتم تتمنونه منذ سنوات 💛❤!

-لما ماتوصلكش الرسالة، فـهذه بروحها رسالة

-ولما مايردش عليك حد، فـهذا بروحه رد

ركز شوية وكل شي ليه معنى وهو في مكانه .👌🏻

كنت ماشية لأخر إمتحان فاينل زي العادة ركبت ف السيارة وطول طريق كنت ندعي يارب نجاوب وتجي الأسئلة ساهلة "بحكم مشيت ومش مكملة أغلب المنهج"..
وصلت لكلية العلوم "بحكم إمتحانا ديما فيها" تلاقيت مع صاحبتي قرينا عملي مع بعض وقعدنا نضحكو كيف نشوفو ف طالبات كلهم يقرو ف تحويلات وأحنا راس مالنا يلي موجود ف تجميعة وبس خشيت للإمتحان قريت معودات وقلت هذا جهدي بنحط لنعرفه ونطلع..
جت ورقة فاينل قعدت نحل ونمشي بعدين عديت الأسئلة يلي متأكدة منهم لقيت روحي فت النص وضمنت نجاحها نكدبش عليكم فرحت قريب هبلت
طلعت ولقيت صاحباتي الزوز يستنو فيا

روحنا للبشري طول وتلاقيت مع باقي قروب ، وصاحبتي جابتلنا عشاء عرس خوها وشرينا كذلك من "نرجس"
وحدة من صاحباتي مابتش تاكل ف الأول ع خاطر بتتلاقى مع حب عمرها "بس باعها ف النهاية ومجاش وقعمزت كلت معانا"ودرنا جو ..
لكن مع المدة هادي كلها كان قلبي ناخصني كان يقولي "إنك إنتَ هانشوفك اليوم وإنك ف الكلية"
ومع هذا قعدت نقول هذا وهم وخلاص
فات الوقت طلعت انا وصاحباتي لقدام الواجهة قعمزنا مع بعض وقعدت نصور فيهم فيديو

ماكنتش نعرف إني لما بنتلفت هانشوفك، ماحطيتش ف بالي بتخطم قدامي هكِ ، إنت علاش جيت اليوم ، بعد "عشرين يوم"
من شوفتك الأخيرة علاش جيت اليوم؟

رفعت صاحباتي لمكان متركن مش نقدر نشوفك وبعدها مشيت و قعمزنا ع الكراسي "مكان بعيد عليك" لكن شفتك فايت إنتَ وصحابك شاد هاتفك وتتصفح فيه وتكلم ف صاحبك يلي جنبك
لكن مرة هادي وجهك منور هلبة مش نفس المرة لفاتت سامن شششششوية ع فكرة..
لون عيونك لأول مرة نركز عليهم هكي حلوات + أول مرة نكتشف إنك من فئة الناس يلي عندهم ضحكة الشمس..
_ شكلك مرتاح هالمرة؟
_ قاعد متفكرني؟
_ جيت ع خاطر بتشوفني؟
_ لكن علاش مش راضي حتى تشوفلي بنص عين شن في أو بالأحرى شن درتلك أنا؟
هو صح قدرت تنهي كل شيء بينا.لكن معقولة قدرت تنهي اليامات يلي كنا فيها مع بعض؟

ستاحشتك راه وهلبة يلي إنتَ قدرت تنهيه ف رمشة عين أنا ماقدرتش ننهيه رغم إنه فات شهور و شهور ومع هذا قاعدة نحس ف روحي ف نفس النقطة كيف قدرت دير هذا كله؟
الشيء يلي خلاك تنسى أعطيني منه مش ننسى حتى أنا جديات نحكي مانبصرش..

نكلم فيك ريان ريان وين سارحة 🙄
اااه لا شيء غير سرحت شوي هي خلاص وقت بنكلم بابا
"تخيل هذا كله صار في 90 تانية واني مقعمزة ونشوفلك كيف فايت وتهدرز وجو مع صحابك"

اني نعرف ان القهوة بتحرك عليا اعصاب المعده لكن نشرب فيها..
اني ههكي بطبيعتي الحاجه اللي نحبها يا بنديرها يا بنديرها مهما كانت مؤلمه..

ويش اخبارك ما وصلني....!!!

زعما حالك كي حالي ولا متهني...!!

ولا متهني...!!!🤦‍♀

شكرا شكرا بجد 🖤🖤🔥

العفو ولو 💚❤