platinum🤍

Forwarded from إكسترا برادة..":) (ℕᎯⅅℰℛ Ŧʝ..𖤍)

- "غاري فيانير تشوك" هذا شخص عن نفسي إنتابع فيه نوعاً ما المهم للي مايعرفاش هذا زي ماإنقولو عنده ف جو علم النفس وع أساس من كثرة تجاربه اللي خاضهم وخلوه فاهم الحياة وفلسفتها ومزال يفهم قرر يساعد وينصح هلبا ناس ع تحسين حياتهم بشكل نفسي قبل مايكون بشكل مادي وإلخ وف نفس الوقت عنده شركة إعلام معاصر وإتصالات ويعتبر مدير أعمال ناجح بشكل يعتبر كبير وفيديواته معبية اليوتيوب والفيس للي يبي يدور ومايزبطاش وطبعاً يدير ف هالشي للفلوس برضو مش كل شي بلوشي لإنه حياتنا ف هالدنيا جانب من جوانبها الكاش باش إنكونو واقعيين يعني وعموماً خلي إنخشو ف الموضوع.
- ف واحد من الفيديوات اللي شايفهم لغاري كان لقاء ليه مع عدد من الناس ف سألاته وحدة "هل شعرت يوماً بأنك عالق؟" كان جوابه ع طول ب"لا" بدون أي تردد وقال السبب إنه مايحكمش ع روحه ف عاودت سألت ب "هل شعرت ولو لمرة أنك لم تعرف ما الذي عليكَ فعله؟" جوابه كان ب "كل يوم" قال كل يوم إنحس بإني مش عارف شن إندير بس نجمع اللي ف راسي وناخد القرار وقال بطريقة ما أني إنحب "الفشل" علاش أني إنحبه؟ببساطة لإني نتعلم منه كل يوم ف حياتي يكون عندي موضوع ومثلاً نختار قرار كان إمشي هالموضوع والقرار زي مانبي ف إنقول كنت متأكد من قراري ولو إمشي بطريقة غلط أو خلي إنقولو إنه فشلت أو خسرت ببساطة نتقبل هالخسارة ونتعلم منها ونتطور ونستمر..وختم نهاية دوته مع هالوحدة ب"ربما أنتِ أصلاً لستِ عالقة مكانك،بل قررتي أنكِ عالقة مكانكْ"..وبهكي إنختم اللقاء متعه..طبعاً للناس اللي حاسة روحها عالقة واللي تفهم وبتقرا المنشور أو بتمشي تحظر الفيديو ح تاخد كلامه بطريقة صح وك عبرة أو شيء يفيدها ف حياتها...وللناس اللي بتقول والخلاصة؟الخلاصة ي عزيزي هي إنه أكثر شيء ركز عليه "إنه مرات إنتَ اللي قررت تعلق مكانك رغم الظروف وكل شيء مجابهك إنك فشلت ف شيء أو ف حياتك ك كل وماإتعلمتش الدرس وكملت ورضيت بإنك توقف إهنايا عند هالنقطة وعودت عقلك ع مكانك الحالي حرفياً واللي المفروض تفهمه إنه هادي حياتك يعني لو ماوقفتشلهاش إنتَ مافيش حد ح يوقفلها غيرك وإنتَ نفسك اللي إتقرر فيها هل أني عالق ف مكاني؟أو أني مكمل رغم كل شيء صار وح يصير من فشل وإلخ؟"..":)

26 views𝓕𝓐𝓣𝓔𝓜𝓐, 18:01