من يلي رسخ فيكم وفهِّمكم إن الزواج علاج نفسي او مادي او أي حاجة من العلاجات
زوجوه تو تبرا
زوجوه تو يصير منه وبلا بلا بلا...

ياريت تفيقوا ي سطول وتفهموا إن الزواج مش لعبة باش تحطه تحت احتمالات متع تو بالك وتو يمكن
لأن بعدين حتوحل ف طلاق وتمرميد ومشاكل
لذلك خافوا يوم ترجعوا فيه ل ربي .

‏"أما ذو الأصل، فشريف حتى حين يعادي."‏ ❤️

امي ديما تقولي
ماتدخليش بين الخوت راك تطلعي برانيه
وردي بالك تتكلمي بالشين والا بالملام فالفرح والا فالعزي
وردي بالك توعدي بنادم بشي وانتي فرحانه
وردي يالك تردي على بنادم عزيز عليك وانتي زعلانه
وعماتك قدام الناس هما الصح ولو غالطات
وخالاتك لو غلطو فيك قدام الناس ماتنسي اني امك
وبوك ماتحكيش قدامه هذيك ماهي بنت فلان وبنت فلانه
وخوك احترمي مش تخافي منه
واختك اختك يطول الزمان وتلقاها
وماتسلميش على حد كبير وانتي مقعمزه
وماتلعبيش بالمقص
وماتكسريش خاطر عيل مد يده يبي منك حاجه
وكل شي يطيح الا قدر الرجاله
وصاحبتك تبيعي عليها روحك لو تستاهل
وبنت عمك لو غلطت فيك لحم ني وعدي
وبنت خالتك ماتزعليهاش لما اطيح عليك الميانه
والبنت اللي ماتحترم اهلها وامها وبوها ماترافقيها
والبنت اللي تجي وتقولك قالو عليك قوليلها مايتكلموش قدامك لو فيك خير
وخالك تبصريش معاه الا في حدود المعقول
وعمك قدام بوك ماتجبدي بالخايب
وانتي امشي صح تلقي الدنيا ماشيه في طوعك
وماتمشيش غلط راهو الدنيا طرقها هلبا وتوهي
وماتجرحي حد وتقولي كنت نبصر معاك راهو بالبصاره بنت عم الحق
واللي يغلط فيك ماتغلطي في لانه هنا يبان فرق التربيه
ولما تبي من حد كبير حاجه امشيله ماتناديه
وماتمديش اليبرا لحد اين كان
وماتقوليش انا وانا خل الناس تجبد افعالك
واللي تقولك انتي زي بنتي قوليلها انتي زي امي مرات كلمه تجبر خاطر
واللي ينصحك وسط الناس ماتاخدي بنصيحته
واللي ينصحك بروحك اسمعي منه وماتقاطعي
واللي يقولك توا يدور الزمان وتجيني قوليله ع قد فعلي نبي الدنيا توريني
.

اني توا بنقعمز مع امي بنتحاسب اني وياها باش تعطيني الفلوس اللي جابوهملي الناس في سبوعي.

حتي ولت صغيره ع رقبتي شبه بتخنقني لكن قاعده عالقه ف رقبتي لين نموت 😂😂😂😂😂😂

محلاهااا🥺❤️

الهدايا ↗️↗️↗️↗️↗️↗️↗️❤️

الدلع ↗️↗️↗️↗️

زمان طبعا

ضحكت

قريتها بصوته

جاور من يهوّن عليكَ الدنيا ، لا من تَهون عليه " 💙