- في ناس مش مستوعبين فكرة إنهم ماعاش يهموك بعد ما طلعو من حياتك ، قاعد عندهم هاجس غبي يقوللهم إنك مش قادر تقدم خطوة من بعدهم ، و موقف حياتك ومستنيهم ، مش قادرين يستوعبو فكرة إن الشخص هذا اللي ضروه قادر يكمل حياته طبيعي ، ينجح ، ويفرح وقلبه سليم ، متخيلين إنهم ممكن يشكلو فرق كبير ، أو يكونو محور حياة ، والغائب المنتظر ، ما يعرفوش إنهم عدم ،.


"هالة الفيتوري "

الحمدلله فتت مرحلة إني نطفي المنبه ونرقد ، خشيت ل مرحله نرقد ععادي والمنبه يرنن ..

- ﴿ وَمَا كَانَ رَبُّكَ لِيُهْلِكَ
الْقُرَىٰ بِظُلْمٍ وَأَهْلُهَا مُصْلِحُونَ ﴾..🖤

انني نحبكك صح لكن يا صاحبتي مستحيل نهدرز عليكك صوت 😂🤦🏻‍♀️

ما تدويش على جبر الخواطر وانت ما وصلتش للمرحله اههيا ..

تصدقوا وله محسبتش ان فيه ولاد فاتحين تلي
...

مره فيه وحده اسمها اسماء دارت حادت كل اسم تلوح ف جيه

تمنيت الدنيا مع بابا 💔.

يارب تكون جنتك معاه ..

"الأسلوب ضروري وجوده في الحياة"


"حلوة الصورة؟"
_مشناه تصويرك أنتِ شايفه الناس كيف بدت تصور توا!.

_تصويرك حلو بس مع المُمارسة حيولي أحلى.

"شن رايك في جسمي؟"

_جسمك سمين خيره هكِ اللطف!

_الدهون الزايده هادي حتسببلك أمراض وأحني نخافوا عليك.

"ريتي وجهي كيف بدي؟"

_وجهك معبي حب منظره مقزز.

_في غسول وكريم نستعمل فيه حنعطيك اَسمائهم لو تحبي.


"أنا اِنخطبت"

_معقولة فلان الحلو والفلوس هداكا خطبك أنتِ؟

_تستاهلي كل خير حبيبتي.

"لبستي حلوه؟"

_خيره لبسك شلافطي وتخلطي في الألوان مع بعضهم هكِ؟

_هي كل قطعة بروحها حلوه، تقدري تركيبهم بطريقة ثانية.

لــ بنت بورخيص.

00:00

@om_ai_maa
+10؟؟!

العبايه ب 100 دينار والسروال المشرك ب 45 دينار هكي الغالي للغالي والرخيص للرخيص اقريها يا مزيته لين ايتم شحن تليفونك 🙂

ههي بحبحوا ..

المركز اليوم مش عارف كيف يصارحنا اليوم

لاله آههمم صارحونا..

في مرة كنت مقعمزة في وسط هلبا بنات، كانوا يحكوا على حاجة تستهويني، وكنت نشارك فيهم فالكلام بشغف، بما انهم يهدرزوا على حاجة اني نحبها هلبا فطبيعي جدًا منقدرش ندس الحُب الي الناس ديما متعودين عليه يفيض من ملامحي، كنت نتجاذب في أطراف الحديث بطريقتي المعتادة، نشـرح والدهشة مرسومة على وجوه الي مقابليني، غالبًا في جلساتي مع أشخاص منعرفهمش هلبا نكون ساكتة ومُستمعة، بس هالمرة لما تكلمت الكل سكت والكل قعد يراقب فيـا، وحدة من البنات والي كانت تشبحلي بنظرة آعجاب واضحة قاطعتني : عندك علم انك لما تتكلمي الواحد في خاطره يبدا يقول يارب معاش تسكت!
تحشمت بطريقة واضحة هلبا..
بعد م تمت التقعميزة وتعشينا، خشت نفس البنت، تخطت المقعمزين كلهم، جت فجنبي وبكل لطافة قالتلي، عادي تخليني نتأملك!

موقف تقريبًا ليه خمسة شهور، بس م نسيتش فيه ولا تفصـيل، ببساطة لآن خلق فيا شعور حُلو، هالشئ يبرهن انه ديما الحاجة القنينة م تتنساش سواء من ناسنا القراب أو من العابرين في حياتنا.


- نورا نصر ..

مّني أنا بأسمي أحمد حاب نطلق مبادرة بسيطة ننشر من خلالها ولو جزء صغير لـلَّم الشمل والحب ..

لو كنت حاب تشاركني فيها دير نسخ لكلماتي في صفحتك وحطها بأسمك ..

في قلبي كامل الّحب والأمتنان لجميع أهالي الشرق اللي ماكانش ليهم أي يد في الخراب اللي صار، ومن قلبي السماح لـمن غلط وجراته الدنيا بالكلام للإساءة في حق أخواته من أي مدينة، جميعنا عشنا على نفس الأرض وترعرعنا في نفس البلاد، وتضررنا نفس الضرر، جميعنا لنا نفس الدم، انا نبي نبدأ من نفسي ونعيش في تصالح وسلام مع جميع البشر، هكي وصانا ديننا الحنيف، خلونا مانحققوش امنيات الظّلام، ونكونوا يد وحدة، وقلوبنا ديما على بعض، في الاخير مهما صار و مهما حيصير بيقعد في قلوبنا الخير، الحرب بيجيها يوم و بـتكمل، و كل واحد فينا بيسلم على جاره و صاحبه و زميله اللي مش من نفس منطقته، و كلنا حـنكونوا خوت و نعيشوا في سلام، ره الدنيا وحده و الموت هلبا قريب، انت خوي و انتِ اختي، دمك هو دمي، هويتك هي هويتي، انت ليبيا، انتِ ليبيا، انا ليبيا، و بينا مع بعضنا تتصلح ليبيا .

حط إيدك في إيدي نبنوها، قلبي على قلبك بلادنا نعمروها .

بأسمي ..