.. في موضوع نبي نصارحك بيه وحاولت أكتر من مرة بس ما قدرتش .. الموضوع طويل شوي وإن شاء الله ما يكون صح لأنه بجد انصدمت ... سمعت حاجة عليك ومعجبتنيش وأكيد ما صدقتش ، خايف نقولك تزعل مني وكان ماقلتلكش تلومني. ... قلت خليني نسألك باش نتأكد ويكون كل شي واضح وهكي مانضلمكش وما نخسروش بعضنا لكن والله ما تزعلش مني وإعتبر الشي هدا من باب إني نعزك وعلى خاطر العشره اللي بيناتنا .. سمعت إنك تحب الشاهي اكثر من القهوة ... صح الكلام هذا وﻻ كذبه ... عارفك انصدمت . أبعتها لاصحابك ورعشهم.

خبئ جروحك إن أردت شفائها
إن الجروح إذا بدت لا تطهر

مثل إنجليزي:
Put your self in my shoes.

أي:
ضع نفسك في مكاني.

- ما بكيتش وقت سيبنا ، لكن بكيت لما وعيت في الصبح ومسكت تلفوني عشان نرن عليك ونسيت إن خلاص انتَ مش ليا ، بكيت لما سكرت باب داري عشان نتريح شوي لكن حاصرتني الذكريات قي كل زاويه وما فيش مهرب منها ، بكيت لما شفت صحباتي وتجاهلن سؤالهن المعتاد على اخباري انا وياك وسألن عليا هل انا كويسه وتمام ولا ، بكيت لما حد قالي ضحكتك سمحه لإن انا مش متعوده حد يقولي كلام زي هكي غيرك ، بكيت لما مرضت لإني ننسى في الدواء وانتَ كنت مُنبهي ، بكيت لما اضايقت في يوم من الايام وما لقيتش من يقرا عليا المعوذات عشان نهدا ونرقد ، ماكنش وجع غيابك يبكي فيا لكن بكيت لما حسيت فجأه ب الفراغ اللي سيبته وراك ، انا توا وقت نفرح ما نلقكش عشان نشاركك فرحتي ف نبكي ، ولما نزعل ما نلقش من يفهم كلامي ولا يخفف عليا ف نبكي ، وفي اوقات فراغي ما نلقش من يحول الكساد معاي ف نبكي ، وفي عز إنشغالي ما نلقش من يسرق وقتي عشان يطمن عليا ف نبكي ، قعدت نبكي لما نبحت في ماما لما تحن عليا لأن انا مازالت ما تعودت على قسوتك معاي ، انا ما جربتش الخذلان بالطريقه البشعه هذي ، عشان هكي قاعده نبكي على روحي ونبكي على احلامي اللي ضاعن ، نبكي لأنك احتليت مكانة الشخص الاول وما كنتش الاخير زي ما وعدتني ، نبكي من وعودنا اللي مشن هكي ، نبكي عشان معش قعدت حنون عليا زي قبل ، نبكي عشان خاطري نرد انا زي زمان !! .

ديما نبكي ،بكيت لان مافيش مره وعيت الصبح ومسكت تلفوني بش نرن على حد ، بكيت لان ما فيش ذكريات حلوة بيني وبين حد مميز ، بكيت لان مافيش حد مرتبطه بيه بش يسألوني صاحباتي على جوي اني واياه ، بكيت لان مافيش مره حد قالي ضحكتك سمحه ، بكيت لان لما نمرض مافيش حد كان ينبه فيا على وقت الدواء ، بكيت لان مافيش مره اضايقت ولقيت من يقرأ عليا المعوذات ، بكيت لان مافيش حد مالي وقتي بش نحس بالفراغ لما يغيب ، بكيت لان ماعمريش لقيت حد نشاركه فرحي ، بكيت لان مافيش مره لقيت حد يفهم كلامي ولا حد يخفف عليا ، بكيت لان مافيش مره لقيت حد ينحيلي الكساد ، بكيت لان مافيش مره حد اتصل بيا ف وقت انشغالي بش يطمن عليا ويسرق من وقتي ، بكيت لان تعودت على ماما بس اللي تحن عليا ماتعودتش على حد غيرها يحن عليا ، انا ماجربتش الثقه بش نجرب الخذلان ، اني ماعمريش حلمت بش نبكي على حلمي لما يضيع ، بكيت لان مافيش حد وعدني بأنه ح يقعد معاي للأخير ، بكيت لان مافيش حد وعدني ف يوم من الايام ب حاجه حلوه ، بكيت لان مافيش حد كان معاي حنون ، بكيت لان اني ماكانش عندي شيء حلو زمان باش نتمنى تولي ايامي الحلوه...
𝓯𝓪𝓽𝓮𝓶𝓪

عند سؤالهم عن حالنا
نُجيب بالحمد لله فيضنون أننا بخير .
يبدو أنهم نسو أننا نحمَدُ الله على كلِّ حال💔.

كتاب المتمرد .

اععي ليبيا شينه شن هالعيشه ياربي امتى نهجوو
شن هالعيله شن هالحوش الخارب ليش ماعندناش زي البنات
ليش ماعنديش سياره ليش جبتوني ياريت ماجيت ولدكم عليك عيشه سودة معاكم
و و و و .....الخ

باهي تعالولي شوي ليبيا اللي مش عاجبتكم احسن من بلادات واجد رغم الحرب اللي صايره وكل شي إلا أنه نحنو ع بعضنا والحمد لله البلاد بالشويه قاعده تسقم ونحنا اللي مفروض نبنوها ونقيموها مش اللي يقعد فالح اشويه ويطلع دكتور ينفع ولا مهندس شاطر يمشي يخدم برا ويسيبها خالطه بعد كلكم حلمكم تطلعو وتسيبوها من بيبنيها !!؟
قصدي خلونا نفكرو بعقل اشويه
توا مثلا انت تذمر ع عيلتك وعيشتك انت قول الحمد لله انسيت انه في ناس مش لاقيه تأكل انت ناسي اني في ناس ماعندهمش سقف يحميهم م المطر والعواصف والعجاج و غيره
باهي ياسيدي قول الحمد لله أقل شي ع نعمه الصحه مانك مريض بسرطان يقطع في احشائك ولا مريض زهايمر مش عارف دنيته وين ماشية
أحمد ربي ع نعمه انك "تمشي للتوليت" حشاكم في ناس مرضى مايقدروش يمشوله "ربي يشفيهم"
ماتشوفش اللي فوقك ديما شووف للي أقل منك ديما خليك مركز ع تفاصيل الصغيره عشان ربي مايحرمكش منها ماتنساش كل يوم تحمد ربي ع كل شي حياتك كلها ميزات غير انت مش شايفها

ماتقعدش تابع وكان لقيت الناس كلها تحكي هكي ع البلاد والعيشه تجي تحكي زيهم ربي ليش عطاك عقل عشان تفكر بروحك ماتكونش تبع في غيرك نحنا مفروض توا ناس واعيين وفاهمين الدنيا كيف ماشية مفروض شغلنا الشاغل توا هوا انه انتعلمو احسن تعليم بش نبنو بلاد وكل اللي كان خاطرنا فيه انديروه لأولادنا
ليش ماكلنا نكونو ايد وحده ونخلو ليبيا احسن دوله ليش مانوروهم نحنا جيل الإلكترونيات والنت كيف يصلح البلاد كيف يفكر بطريقه راقيه جيل آخر همه طبقات المجتمع
وهمه الأول والأخير يعيش احسن عيشه بمجهوده وتعبه وتميزه خلونا نفكرو صح ونبنوها ♡♡'

أقروها للأخير مش ح تندموا

أني منراقبش فيك :
بس خفت عليك تصقعي لمـا شفتك لابسة بلوزتك البيضة الدانتيل الِي شرتيها في أخر مشية لـيك لـ تونس ، تعصبت لما شفتك تهدرزي مع صاحب التاكسي وتضحكي ، ولمـا شريتي شيت الرياضة"3" والولد ل فالمكتبه مَ باش يأخد منك فلوس مشيت بعدك حطيتله الفلوس ؏ الدرج وين م كنتِ انتِ واقفه باش يحسابك انتِ ، الساعة 1:34 لما رن تليفونك شفتك مبتسمه من الي اتصل بيك ؟
شفتك واخده عصير وقهوة وانتِ مَ تحبيش تشربي عصير فالصبح ، لحقتك للمكتبة وعرفت انك تقري مع زميليك محمود ، علاش من امتا انتِ تقري مع الي اسمه محمود هدا
وشن علاقتك بيه من الاساس ؟
يوم تنين من شهر تلاته الي فات م سمعتيش فيروز الصبح زي كل مرة علاش !!
انِي مَ يهمونيش أخبارك ، لاكن انتِ كانت عندك نوضه الساعة سبعة لان يوم التلاتاء عندك هلبا محاضرات وديما ليلة الاتنين
ترقدي بكري ، علاش الاتنين ل فات نزلتي ستوري فالانستا الساعة أربعة الفجر ؟ مكانش عندك امتحان ، علاش ساهرة؟
يوم الاربعاء الي قبل ل فات الساعة 2:17 الظهر كنتِ منزلة بوست أنه راسك يوجع فيك ، تعرفي علاش وجعك ؟ لانك من لما طلعتي من محاضرة البرمجة وانتِ مقعمزة فالشمس ، انِي قداش مره مقايلك م تقعديش فاها ؟
راهو اني منلحقش فيك ، لاكن يوم السبت امتع اول امس مع المغرب لوحتي الـكلينكس متعك فالطريق وانتِ نازلة من التاكسي كيف تلوحيه مش زعميتك صديقة البيئة ؟
السروال الجينز ل لبستيه يوم عشرة من الشهر الِ فات معاش
نبي نشوفك لابستيه ضيق هلبا !
فعيد ميلاد صاحبتك كنتِ حاطه ميك أب هلبا وتضحكي
بصوت عالي معاش نبيها تتعاود الحركة هادي !
يوم 16 من الشهر ل قبل ل فات شربتي زوز مقات قهوة
واني مش قايلك مق فاليوم غيره لاء ؟
ويوم امتحان الفيزياء فالسيمستر ل فات شفت عندك شعرات
طالعات من الجيهة الايسار علاش مدخلتيشي ، ركزي في الجديد وانتِ زي المسبوهة !!
الساعة 9:23 فالليل ليلة رأس السنه كنت معلقه فقروب فالفيس انكّ متحمسه للسنه الجديدة ، علاش تعلقي مش اني منبه عليك م تعليقش فقروبات مختلطه ؟؟
انِي نسيتك ومَ نفكرش فيك ومَ نراقبش فيك ره ، لكن راك تنسي ترفعي معاك ألتك الحاسبة غدوا لـإامتحان و راك تنسي تأخدي شوكلاته الصبح باش تركزي ، والبسي جاكيتك الاصفر
مش تقولي انه يجيب فالحظ .
" أنـي مِش ناسيك ، ت أنِي نـاسي روحي ومتفكرك "
- نُورا نصٰـر .

ههيا ما كدبتش لما قالت ل اماليها بنطلع مع صاحبتي وطلعت على خاطر حبيبها
لان ممكن صاحبتها ارجل من حبيبها .