خودوا م الدنيا وعبوا واخنبوا وأكذبوا وديروا شن تبوا ف النهايه بتطلعوا م الدنيا فاضيين وبتتحاسبوا ع الذره سواء كانت خير ولا شر .

المفروض كلنا نحاولوا انقصوا من ذنوبنا متلا لما بتجي تكذب قول استغفر الله وقول الحق ولا لما بتجي تقرم قول استغفر الله واسكت ولا لما بتجي تخنب حاجه ولو كانت بسيطه قول استغفر الله وردها ف مكانها حاول تغير من نفسك وتقلل من الذنوب قد ما تقدر .

عندك علم انك لو كنت متلا ناوي انك تقيم الليل وبعدين خداك النوم أن ربي ح يكتبلك اجر قيام الليل يعني اي عمل خير كنت ناوي اديره وبعدين ربي ماسخرلكش ح تاخد اجر الشيء اللي كنت ناوي اديره لان الاعمال بالنيات

عود لسانك ان ديما يدعي لان فيه ساعات مستحيل يرد فيهم الدعاء يعني ادعي ف اي وقت ومهما كانت حالتك لان مستحيل ربي يرد عبده .

الوقت اللي يستجاب فيه الدعاء بين الاذان والإقامة

قال تعالى(لَئِنْ شَكَرْتُمْ لَأزِدَنَّكُمْ)
يعني انت كل ما تحمد ربي وتشكره وتقول الحمدلله ربي صدقني ح يزيدك وح يرزقك من حيث لا تعلم .

ماتقعدش طول النهار تتكلم على الدين انت امشي بالدين وطبقه وحني ح نتعلموا منك ؛
مثلا ما تقعدش طول النهار وانت ف قولت الكذب حرام انت لما تبدأ تقول ف الحق حتى لما يبدأ مش ف صالحك ههني الناس ح تتعلم منك ويطبقوا الدين .

في ناس تكذب وتعرف انها تكذب وتعرف انك تعرف انها تكذب ومع هذا قاعدة تكذب

بس يقعدوا خير من الناس الي تكذب وتصدق كذبتها وتبدا تحلف انها ما تكذبش

I need someone who understands me without talking💔

مرات لما تبدا متضايق وما تعرفش السبب ومع هذا تستمر الضيقة يلي في صدرك
برا خود تلفونك وانشد على اللي تحبهم واللي قراب منك لان القلوب عند بعضها ومرات الضيقة هادي لانه هوا متضايق او صايرتله حاجة.

كيف لقطعة شوكولا وزنها 50 غرام أن تزيد وزنك 2 كيلو؟؟

قال صلى الله عليه وسلم ( إنك لن تدع شيئاً لله عز وجل إلا بدلك الله به ما هو خير لك منه)
يعني لما تخلي حاجه لانها حرام ربي ح يعوضك ب حاجه خير منها زي متلا كنت بتفتح مشروع وطلع فيه حرام وفتت هالمشروع لان فيه حرام وانت ما تبيش تعصي رربي ههكي ربي ح يرزقك خير منه ب ههلبا .

صلى الله عليه وسلم 💚🍃

قول كلمة طيبه تفرَّح اللي قدامك وتخليه يبتسم
خير من تقول كلمه تخليه يكره نفسه وتوجعه وخطرها ناس زمان يقولوا الموجعه في القلب تقعد ديما .

فيه من كلامه مستكه وقرنفل ، وفيه من كلامه حار زي الفلفل