الحمدلله

لا اله الا الله

الله أكبر

لا حول ولا قوة الا بالله

سبحان الله وبحمده
سبحان الله العظيم

تصبحون على واقعع اجمل

أصبحنا وأصبح الملكك لله ..

خيرُ مايستعان به على الهموم كثرة الصَّلاةِ على النبى ﷺ💙

وين كنتوا ايام مخدتي غارقة دموع ومافش حد منكم قالي كنك ..!؟

- أنا الشخص اللي غلط هلبا ، واللي ممكن عنده سيئات هلبا ، أنا الشخص اللي ف يوم ضر أشخاص بدون قصد ، وأنا الشخص اللي عصي ربي ولو بكلمة غلط طلعت من فمه .. بس أنا اليوم هذاكا الشخص اللي قاعد يحاول إن يصلح من نفسه ، ويتصالح معاها ، أنا اليوم الشخص اللي قاعد يبذل ف جهد مش طبيعي بس باش ربي يسامحه قبل أي حد ،.💙

- حسرة

" الجزء الثاني "
راقد ع سرير هالمستشفى واقفين عليا صحابي الزوز وزوز تانيين مقعمزين جنبي ، بديت نصحصح من البنج ونحس في جسمي مكسر مع بعضه واحد منهم قال : ياولاد ناض ، وقفوا عليا كلهم ويكلموا فيا بس ماكنتش نسمع في حد ولا قادر نفهم حد ، يتحمدوا ع سلامتي ويحضنوا ف بعضهم لهدرجة حالتي خطيرة ولا هما زايدينها حبتين ؟ ، بعد دقيقتين يشاوروا ف بعض شن بيجيبولي هديه ، اشرت بصبعي لهاشم يلّي الفرحة واضحه ف عيونه قدملي قالي خيرك شن تحس ، بكلمات مقطعه : نبي سيارة ريموت ، وخر ورجع طبسلي وحواجبه مقرونات : نِضال خيرك شن تبي ؟ رديت : نبي سيارة ريمووت تفهم فيا ؟، شاف لشباب وقاللهم ناضوا يضحكوا ويتسهوكوا نتكلم في داخلي : ياريته قاعد راهو جابهالي ولا ياريتني قاعد صغير هو انا قاعد صغير لاكن هما يشوفوا للمضاهر اكثر ، تلفتت ع اليمين لان رقبتي وجعتني خطفت نظرة للسرير اللي فجنبي وشفت شاب راقد وجنبه بوه وأمه ، رجعت كيف ماكنت وابتسمت في داخلي : لو انت موجود راهو مقعمز جنبي وتقولي انت قوي ياسرك نوض زي ماكان يقولي لما كنت صغير باهي علاش هو جنبه بوه وانا لا ؟ هو يضحك من قلبه وانا لا ؟
جي الليل وانا قاعد متهتك روحوا صحابي لان مافيش مبيت غمضت عيوني ونقول ياريت نقدر نسمع صوتها باهي زعما سمعت بيا قالولها ؟ سمعت صوت جاي من ورا الستار الفاصل بيني وبين الشاب : حبيبتي امتى تبطلي تخافي عليا قلتلك مافي شي ، مكالمة انتهت بعد غراميات ، تنهدت بحسرة تكلم الشاب وقال : اسف لو ضايقتك لاكن اكيد زابط البنات كيف ، ضحكت وقتله : لالا ولو عادي مادورش ، حول الستار بيده وشافلي كنت نشوف للسقف قال: واضح عليك فاقد !
شفتله وقتله : كيف باين ؟ قالي : امبكري صحابك حايطين بيك ويضحكوا فيك بس انت ماكنتش تضحك من قلبك تساير فيهم بس ، قرنت حواجبي: كيف عرفت ترا ، تلفت للسقف وقالي : لأننا نشبهوا لبعض ، قلت : كيف فاش نشبهلك ؟، قالي : توا انت اكيد تقول في سرك هدا شن يقول معاه امه وبوه وحبيبته وانا ماعنديش هذوما كلهم كيف يشبهني ، قلتله : اي ، شبحلي و قالي : انت ممكن فاقد عيلتك وحبيبتك انا هادم عندي لاكن فاقد صحابي كلهم !! رديت : معناها اللي عندي ماعندكش واللي عندك ماعنديش ! رد الستار وقالي : واعره لما يموتوا كلهم ف الجبهه وماقدرتش تحضنهم وتبوسهم وتودعهم !
رديت عليه بحرقة : حال اهون من حال والحمدلله ع كل شي
- مشتاقلك يا غالي ، نبكي علي سباك تردا حالي ، في كل ساعة دوم يتهيالي وانت بعيد وموش داري بيا ، مشتاقلك يلي بعيد عليا !

هي ما تقتل لكن شينة ..

مشو الناس كلها بسبب كآبتي ملّو مني لأني مانشبهمش وأنا مليت مافيش حد فاهمني هربوا كلهم من حزني الا انا ماقدرتش نهرب مني !

هي انستوو

قوقل عجز ..

- فلاسيف..":)
- علاقتك مع ربك..🖤
- أحسن مافي علاقتك مع ربك إنه الوحيد العالم بنيتك من داخل شني مافيش أي إرهاق أو تفسير يمين ويسار أو أي تعبير أو تبرير،لإنه هو اللي يقدر يفهمك من غير ما تتكلم،لإنه ربي هو الوحيد اللي عارف اللخبطة وكل شيء خاش بعضه ف قلبك،أريح علاقة هي علاقتك مع ربي بس،لإنه ببساطة إحني ف وقت إبدت فيه المعاملة مع الناس فيها إرهاق أكثر مافيها راحة بشكل ما الكل عندهم سوء ظن غير طبيعي ف بعض،إبدت عادي الناس كلها إتمثل الصحبة والطيبة ونادراً ما تلقى الناس اللي تفعل فعل بهالحاجات ناس إتقدر وتتمنى الخير لغيرها وف ناس سبحان الله تلقاها تتمنالك كل الخير لكن بشرط الخير هذا مايخليكش أحسن منهم ف أي شيء،يعني حتى لو كنت إنتَ بجديات أحسن واحد ف هالدنيا ح تلقى كمشة من الناس جاياتك بسوء ظن فيك إلا ربك لأنه عالم بنيتك قبل ماتنطقها ولا إتقول حرف حتى،عارف شن ف ف قلبك من غير أي تفسير،يجازيك ع نيتك حتى لو درت فعل نتيجته كانت إدل ع عكس قولك،لإنه هو عارف إنتَ من داخلك شن قاصد بيه،ف ع خاطر هكي ردبالك إتعب روحك مع الناس وكثرة دوتهم ولا إتفسر ولا إتبرر ولا تتلفت لحد مدام أمورك واضحة مع اللي خلقك كمل..":)

3:33

أصبحنا وأصبح الملك لله ..

متحشم يلبس كمامة ، وهوَ لابس سيرية الاهل 🤮😂

سامحوني جمهور الاههلي عجبتني ..