⁣💌 وصلتك رسالة جديدة
⏱ وقت الرسالة: 2024/09/09 - 12:04:04 AM
----
ما شاء الله
رغم اني م نعرفكش ولكن فرحتلك من كل قلبي ♥️♥️♥️♥️♥️♥️تستاهلي كل خير
وانا على مشارف نهاية السنة تانية
ادعيلي نفرح و ننجح من الدور الاول 🥹♥️
----

- تبرع لإستمرار عمل بوت صارحني 🎁

الحمد لله على حُبكم وفرحتكم ليا 😔♥️♥️، وعساني نشوفكم جميعاً عايشين شعور النجاح زيني ♥️.
وفقكِ الله وبلغكِ مُناكِ♥️♥️.

⁣💌 وصلتك رسالة جديدة
⏱ وقت الرسالة: 2024/09/09 - 09:10:10 PM
----
الف الف مبارك دكتورة 💜💜💜💜
عطينا نصائح ف تنظيم الوقت وحاجات درتيهم فرقوا معاك نصيحة لسنة اولى 😁
----

- تبرع لإستمرار عمل بوت صارحني 🎁

خاطري نجاوبكم ع السؤال هادا جداً :

خليكم حاطين في بالكم إنه كل سنة ليها ظروفها وجوها الخاص لكل طالب فينا ، وممكن شوية حاجات غيرتها في تانية ومشيت بيها ، وهادي كانت سبب كبير في إنه مُعدلي قعد أحسن بهلبا ، والأهم نفسيتي أحسن بهلباا ، حنبداها من الأهم :

1/نفصل حياتي الدراسية كلياً عن الشخصية ، صعبة شوية لكن قدرت نديرها ♥️.
2/نسمع لمحاضرات دكتور المادة ولو كان مايفهمش ومايشرحش كويس ، لأنه صدقوني ح يقول ع الأشياء اللي مفروض تركزوا عليها ، وفعلا ح تجي في الامتحان كلها ♥️.
3/اختيار بيئة داعمة وناس تبث فيكم طاقة ايجابية ، وتبعدوا عن العكس♥️.
4/الاستمرارية بحيث كل يوم نقرا ولو ساعتين بس ♥️.
5/اختاروا يوم off بس كل أسبوعين متلا ، اشحنوا فيه طاقة وارجعوا بقوة من جديد♥️.
6/خودوا المنهج اللي تتريحوله انتو ، مش اللي تتريحله الدفعة ♥️.
7/الأسئلة أهم شيء تقروه في آخر يومين قبل الامتحان ♥️.
8/ حددوا أيام معينة لشيت ما ، متلا أسبوع لشيت طويل ، وهالأسبوع قسموه بالطريقة اللي تمشي معاكم من حيث سماع لدكاترة ومروركم وحفظكم للشيت ♥️.
9/آخر حاجة فهمتها موخر هلبا ، اللي هي حضور المحاضرات موضوع فاشل للأسف ، وتضييع وقت 😂.
10/ديروا قروب مع زُملائكم وتناقشوا فيه واقروا مع بعض ، لأنه القراية الجماعية تفيد هلبااا هلباا ، غير هكي تولد روح المنافسة الحلوة ♥️.

اسمعوا عارفة الرسالة الطويلة😂، لكن اقروها ح تستفادوا صدقوني♥️.

⁣💌 وصلتك رسالة جديدة
⏱ وقت الرسالة: 2024/09/09 - 09:49:07 PM
----
السلام عليكم دكتورة مُبارك النجاح و يا ربّ دائماً م الناجحين 💗

دكتورة انا كيف بادية سنة ثانية فِ جامعة البيضاء و بنسأل ع دكاترة نقرا معاهم اناتومي و فسيو لأني ضايعه فيهم غير خنفور و السيد عماره و ناجي اسكندر

و شكراً مُقدماً 💗
----

- تبرع لإستمرار عمل بوت صارحني 🎁

وعليكم السلام ، الله يبارك في عُمرك يارب ♥️.

الأناتومي في هلبا دكاترة إبداع الحق زي ، خالد ميلاد و محمد نور و المريمي وسامح غازي ، وشيت النيورو دكتور اسمه الزيني إبداع♥️♥️.

الفسيو برضو في هلبا دكاترة وانتِ وشن يمشي معاك ، في عبد البارئ مروان و خالد بوصبع و أحمد العربي ♥️.

ح نجمع قنوات وبوتات استفدت منهم في أولى وتانية ونزلهن هنا ان شاء الله♥️.

⁣💌 وصلتك رسالة جديدة
⏱ وقت الرسالة: 2024/09/09 - 10:51:14 PM
----
مبارك نجاحك طموحتنا الغالية🥹🤍🖇.
وربي يفرحك دائما ويرزقك من حيث لا تحتسبين ويباركلك في وقتك ❤️❤️❤️.
----

- تبرع لإستمرار عمل بوت صارحني 🎁

الله يبارك فيك يا طموحة 🥹، ربي يرزقك أضعاف مادعوتِ لي به♥️♥️.

⁣💌 وصلتك رسالة جديدة
⏱ وقت الرسالة: 2024/09/10 - 06:30:58 AM
----
الف مبروك ويارب نعيش هالشعور لانه سنة هذي تعبت فيها هلبا 😭😔
----

- تبرع لإستمرار عمل بوت صارحني 🎁

بإذن الله ح تعيشيه شوية وقت وصبر واجتهاد بس ♥️!!!

⁣💌 وصلتك رسالة جديدة
⏱ وقت الرسالة: 2024/09/10 - 02:27:32 PM
----
السلام عليكم ورحمة الله وبركاته مبارك إلك دكتورة ♥️أنا من زمان بقناتك وجداا فرحتلك ما شاء الله عنك وقناتك لطيفة جدا متابعيتك من الاردن💙💙
----

- تبرع لإستمرار عمل بوت صارحني 🎁

وعليكم السلام ، الله يبارك في عُمرك نورتي♥️.

⁣💌 وصلتك رسالة جديدة
⏱ وقت الرسالة: 2024/09/09 - 09:21:58 PM
----
دكتورة نصيحة لطالبة فقدت الامل من قراية ومعادش تبي تقرا وكان عندها توقف بكل او تغير تخصص تاني وتتخرج بسرعه انسانه ماتتحمل ضغظ كان مستواي كويس بداية سنة وعقلي كويس بس للاسف بدي استيعابي بطئ ولما نجي نقرا حاجه ثقيلة ع صدري مانقدرش نقرا ونفسيتي زي زفت كملت امتحانات ومتاكده عنده دور تاني ف مادتين يمكن وقررت نغير تخصص طبعا نقرا سنة تانية شوفت ضغظ اللى صار وكره اللى صارلي ف سنة تانية امالا ف ثالثه شن يصير فيا بجد كرهته تخصص اللى خشيتله عن قناعة وكلهم رافضين وف اشخاص كانو حتى حاسديني ع تخصصي مافهمتش شن صارلي وربي كرهت روحي وكرهت قراية بكل💔💔
----

- تبرع لإستمرار عمل بوت صارحني 🎁

في مرة نقالي كلام مستحيل ننساه ، لما بتشوفي إنجازاتك ماتشوفيهاش من وين انتِ واقفة ، شوفي للمسافة اللي قطعتيها طول السنين اللي فاتت ، فلو كانت السنة الدراسية 7 شهور متلا ، مستحيلة السنة كلها ح يكون عندك نفس الشغف و الحماس .

ماتستسليميش طريقنا صح صعب وهلبا ، لكن تفكري كويس مش ح يكمل فيه إلا القوي والطموح ، فلو انتِ هكي كملي ، فترة وتعدي ♥️♥️♥️.

وأنا اللي كنت نحسابكم بديروا skip للرسالة 😭♥️♥️♥️.

⁣أي شيء بخصوص الدراسة ♥️🍃!!

⁣💌 وصلتك رسالة جديدة
⏱ وقت الرسالة: 2024/09/22 - 08:12:21 PM
----
قنوات لطب الاسنان
----

- تبرع لإستمرار عمل بوت صارحني 🎁

⁣💌 وصلتك رسالة جديدة
⏱ وقت الرسالة: 2024/09/22 - 08:50:25 PM
----
السلام عليكم
اللي يبي قنوات أسنان
https://t.me/+GAabWErpGmg1Mzlk
هدي قناة دكتور من الشرق ف وقت امتحان الهستو دارلهم مراجعه
https://t.me/biology0102
و هدي قناته الرسميه الدكتور الشبلي ديما ينزل للأسنان و ينزل ع المنصه شروحات و هو دكتور ماشاء الله عليه
و عندك د. القرقوري غني عن التعريف 😔🖤
https://t.me/+jh34IYk9CaE0ZDA0

https://t.me/amalnabil004

@Amalnabilbot

و في القنوات هدينا
و ربي يوفق الجميع 🖤✨️
----

- تبرع لإستمرار عمل بوت صارحني 🎁

⁣💌 وصلتك رسالة جديدة
⏱ وقت الرسالة: 2024/09/22 - 08:13:01 PM
----
امتحاناتي سنة اولي الاسبوع الجاي
وانحس ف روحي خايفه نبيك تحفزيني لانه قناتك بصراحه ناخد منها ف طاقه إيجابية ديما
----

- تبرع لإستمرار عمل بوت صارحني 🎁