فيه اللي نعرفا نيته ، حتا من عند التبحيته

معتز جواد:

جيبت غالي ما توحلها

 غير العين عصر قاتلها

بكايات ايداون داهن..........ماتنهاهن ........يرجن فيه الليل وجاهن

#بوسته

خلوهن المجروحات ..........في داهن ايداون بالبكا

#بوسته

خطم صوب قديم عليا
طبس قال اعشمتو فينا💔🔥.

" راه القسـوه هـي الخـراب



الصـوب ايريـد اكبـود ارطـاب 🔥

حتى واللوعه حراااقه
مبروكين عزيز افراقه

💔.

تحسابني عانيت وين رحلت
تصدق وحق الله.... ماعدلت.

ماعنيت
اوحتي بعد عديت ماحسيت
بلعكس منك ياغلاء افتكيت
كذاب من قايل  عليك زعلت
ولاقلت نامرايف ولاشاكيت
دغري انسيتك سيرتك بدلت
.
اقدرت انهونه
غلاك ياغالي بعد ع هالخونه
عشنا بلا هلنا اللي...... ربونا
يبال انتا خنتنى ....واهملت
اللي يصوني يعلم الله نصونه
ربيت روحي عالوفاء مازلت.

ماعدلت 🙋‍♀

#جديد
مايوجعك شي حال يابوعجيلة
ليام طيحن مامن زعيم قبالة .🕊
.
#الشاعر_محمد_اللافي .🔥✋🏻
#الرباع_يوسف_بوشناف .🔥✋🏻

نحسابك الا مشغول تنشد عني …!
ألقيتك هني فـِ غيبتي متهني
- ألقيتك رايق نحسابك الا فـِ غيبتي تضايق
نحسـاب مَ تصبر بـلاي دقـايق ، ثاريتـني واهـمه وخايـب ضني 💔.
- ألقيتك زاهي لقيت خاطرك ممُنون حالك باهي ، نحسـابك الا فـِ غيبتـي واللهِ رهين شوق تاعب طلتي متمني .
نحسااابك الا مشغوول تنشدد عنيي …….!💔💔💔

اليوم غير افطنت ..
ناس واجده مخدوع فيهم كنت
وراهم مشيت
اليوم غير افطنت
طيابة نيتي
وحق  من  خلقني  خربتلي بيتي
واخذ   الدنيا    كلها    بعفويتي
ومحال صاحب في زماني خنت
  ياما  سقيت  الناس  من  حنيتي
وياما  اللي فاقد  حنان  حضنت
  مزروع  كل  الخير في انسانيتي
وديما  نسامح  من  عليهم  هنت
نجري وهامل في الحياة عافيتي
نين كبدتي ذابت خلاص سحنت
مالصغر متعود علي تربيتي
مامن سوايا   واجدات  دفنت
بالله لو  ريتو اليوم قضيتي
وكيف دمعتي طاحت وما بينت
جتني  اخيانه  قربت ناحيتي
من  ناس  فيهم  كل شي أمنت
❤️‍🔥

حن العين علي غاليها
♕♡حن عزوز على ابناخيها

إللي يعرف مقدار العين ..
♕♡ عيوني ياخذهن لأثنين ..

مو كيف لوالي .🕊
2023 .❤️✋🏻
#الشاعر_محمد_اللافي .🔥✋🏻

رحم الله الأديب طه حسين حين قال :

إذا أعوزتكم اللغة فعليكم ببدو برقة .

و في مركز أبحاث اللغة العربية في القاهرة عدت لهجة برقة أقرب لهجة من العربية الفصحى .. !

#ع_الفاهق

بين الزعل قاعد وبين الكيف
وبين نقص في حقي وفي مرياضي .🔥🍂
.
#الشاعر_محمد_اللافي .🔥🕊