ТЕЛЕГРАМ.

Термулишар борган сари,
Шайдо бўлиб қолган бари,
Бош кўтармас ёшу қари,
Бебаҳо  бу телеграм,
Бедаво бу телеграм.

Севаман деб йигит ёзар,
Ой қиз эса ,,лайкни''босар,
Ҳис,туйғусиз севги -бозор,
Беҳаё бу телеграм,
Бедаво бу телеграм.

Лайкиларни юрак дермиш,
Ёқмаса гар бирак дермиш,
Китоб нечун керак дермиш,
Зўр даҳо бу телеграм,
Бедаво бу телеграм.

Бу бурчакда хотин ,,сет''да,
У бурчакда эри ,,нет''да,
Болалар ҳам интернетда
Не савдо бу телеграм,
Бедаво бу телеграм.

Секрет ,,ник''да қиз,чечалар,
Ёзишмоқда тун кечалар,
Ажрашмоқда не,нечалар,
Бир бало бу телеграм,
Бедаво бу телеграм.

Қизлар қўйиб сурат,расм,
,,Лайк''йиғишга қилар жазм
Қандоқ қилиб қилай ҳазм,
Бемаъно бу телеграм,
Бедаво бу телеграм.

Асрагин эй ўзинг Ёра,
Бу дардингга борми чора,
Сингиб борар бора,бора,
Бедаво бу телеграм,
Бедаво бу телеграм.

Ўзгармоқда ҳаёт- шитоб,
Дўстлар менга қилманг хитоб,
Очилмасдан хомуш ,,Китоб''
Бевафо бу телеграм,
Бедаво бу телеграм.

Ўн саккизда энди ёшинг,
Етар бунга куч бардошинг,
Телефондан кўтар бошинг.
Бир рўё бу телеграм,
Бедаво бу телеграм.

✍️Xurshid Karim

Sevgi… bu tuyg‘uni hamma ham bir xil his qilmaydi.
Chunki sevgi har bir insonning qalbida o‘z ohangi, o‘z og‘rig‘i, o‘z shirinligi bilan yashaydi.

Sevgida qadrlash bor — bir-birining borligidan minnatdor bo‘lish.
Sog‘inish bor — yo‘qligida yurakning bo‘shab qolishi.
Qizg‘onish bor — yo‘qotib qo‘yishdan qo‘rqqan qalbning bezovtaligi.
Kechish va kechira bilish bor — sevgini saqlab qolish uchun egilayotgan g‘urur.
Avaylash, asrash bor — qo‘rqoq qo‘llar bilan emas, mehr bilan tegish.
Ba’zan og‘riq, ba’zan azob ham bo‘ladi — chunki sevgan qalb osonlikcha befarq bo‘la olmaydi.

Lekin bitta haqiqat bor:
chin sevgi hech qachon voz kechmaydi.

Haqiqiy sevgan inson har qanday vaziyatda, har qanday sinovda baribir yonma-yon bo‘ladi.
Chunki u sevishini tark etish bilan o‘zining bir bo‘lagidan voz kechgan bo‘ladi.

Sevgi — bu ikki qalbning bir-biriga yetib borishi, bir-birini topgach esa birga yashashga ahdni qalb bilan berishi.
Shuning uchun haqiqiy sevgi — ikki inson yaratgan eng nozik, eng qadrli, eng pok mo‘’jiza. ❤️