#Ҳукумат_қарори

❗️ “Энг яхши метролог” танловини ўтказиш тартиби белгиланди

Ҳукумат қарори (143-сон, 04.04.2026 й.) билан “Энг яхши метролог” мукофоти билан тақдирлаш тартиби тўғрисида”ги низом тасдиқланди.

🔰 Ушбу Низом Ўзбекистон Республикасида “Энг яхши метролог” танловини ўтказиш тартибини белгилайди.

📝 Низомга кўра, “Энг яхши метролог” мукофоти учун танлов қуйидаги номинациялар бўйича ўтказилади:

▫️ илмий метрология йўналишидаги энг яхши метролог;
▫️ амалий метрология йўналишидаги энг яхши метролог;
▫️ энг яхши ёш метролог.

Ҳужжатнинг расмий тўлиқ матни:
https://lex.uz/docs/8119026

Каналга уланиш👇👇👇
https://t.me/lexuzofficial

#Президент_Фармони

❗️ Янги ишланмаларга асосланган “спин-офф” корхоналари ташкил этилади

“Мамлакатда янги ишланмалар асосида ишлаб чиқаришни ташкил этиш тизимини жорий қилиш ҳамда илм-фанни қўллаб-қувватлашнинг қўшимча чора-тадбирлари тўғрисида”ги Президент Фармони (ПФ–54-сон, 04.04.2026 й.) қабул қилинди.

🏛 Фармонга кўра, олий таълим ва илмий муассасалар муассислигида янги ишланмаларга асосланган “спин-офф” корхоналари ташкил этилади.

Ҳужжатнинг расмий тўлиқ матни:
https://lex.uz/docs/8120285

Каналга уланиш👇👇👇
https://t.me/lexuzofficial

#Президент_қарори

❗️ Тадбиркорларга мол ва қўй гўштини импорт қилишда субсидия ажратилади

“Аҳолини асосий турдаги озиқ-овқат маҳсулотлари билан таъминлашни қўллаб-қувватлашнинг қўшимча чора-тадбирлари тўғрисида”ги Президент қарори (ПҚ–130-сон, 07.04.2026 й.) қабул қилинди.

💸 Қарорга кўра, гўшт маҳсулотлари нархлари барқарорлигини таъминлашга қаратилган қуйидаги йўналишларда Ўзбекистон Республикаси республика бюджетидан вақтинчалик субсидиялар ажратилиши белгиланди:

🔹 2026 йил 1 апрелдан 2026 йил 1 августга қадар тадбиркорларга мол ва қўй гўштини импорт қилишда, уларни ҳаво транспортида ташиш харажатларининг 50 фоизи, бироқ ҳар бир килограмм гўшт учун 0,8 АҚШ долларидан ошмаган миқдорда;

🔹 2026 йил 1 апрелдан 2026 йил 31 декабрга қадар хорижий давлатлардан ҳаво транспорти орқали импорт қилинган наслдор қорамол қийматининг 10 фоизи, бироқ ҳар бир бош қорамол учун 4 млн сўмдан ошмаган миқдорда.

Ҳужжатнинг расмий тўлиқ матни:
https://lex.uz/docs/8122460

Каналга уланиш👇👇👇
https://t.me/lexuzofficial

#Президент_қарори

❗️ Қуролли Кучлар тизимида “Маънавият қалқони” республика китобхонлик танлови ўтказилади

“Қуролли Кучлар тизимида республика китобхонлик танловини ташкил этиш чора-тадбирлари тўғрисида”ги Президент қарори (ПҚ–128-сон, 07.04.2026 й.) қабул қилинди.

🔰 Қарорга кўра, 2026 йилдан бошлаб ҳар йили қуйидагилар ўртасида алоҳида-алоҳида “Маънавият қалқони” республика китобхонлик танлови 4 босқичда ўтказилади:

▫️ муддатли ҳарбий хизматчилар;
▫️ контракт бўйича ҳарбий хизматчилар;
▫️ олий ҳарбий ва олий ҳарбийлаштирилган таълим муассасалари курсантлари (курсантлар);
▫️ ҳарбий-академик лицейлар ўқувчилари (ўқувчилар).

Ҳужжатнинг расмий тўлиқ матни:
https://lex.uz/docs/8122315

Каналга уланиш👇👇👇
https://t.me/lexuzofficial

#Президент_Фармони

❗️ “Менинг боғим” лойиҳаларини ташкил этиш жараёнлари такомиллаштирилади

“Менинг боғим” лойиҳаларини шакллантириш ва амалга оширишда жамоатчилик ҳамда халқ вакиллари иштирокини кенгайтиришга оид чора-тадбирлар тўғрисида”ги Президент Фармони (ПФ–56-сон, 07.04.2026 й.) қабул қилинди.

💰 Фармонга кўра, “Очиқ бюджет” ахборот порталидаги танловда ғолиб бўлмаган камида 1 та “Менинг боғим” лойиҳасини депутатлар томонидан тегишли сайлов округидаги сайловчилар манфаатлари ва ҳудуднинг экологик ҳолатидан келиб чиқиб, ғолиб деб эълон қилиш амалиёти йўлга қўйилади.

Ҳужжатнинг расмий тўлиқ матни:
https://lex.uz/docs/8122796

Каналга уланиш👇👇👇
https://t.me/lexuzofficial

#Президент_қарори

❗️ Муддатли ҳарбий хизматчилар ва ҳарбий хизматни ўтаган ёшларга имтиёз ва кафолатлар берилади

“Ўзбекистон Республикаси Қуролли Кучлари сафида муддатли ҳарбий хизматни ўташ нуфузи ва жозибадорлигини ошириш бўйича навбатдаги чора-тадбирлар тўғрисида”ги Президент қарори (ПҚ–134-сон, 07.04.2026 й.) қабул қилинди.

🔰 Қарорга кўра, Ўзбекистон Республикаси Қуролли Кучлари сафига муддатли ҳарбий хизматни ўташ учун чақирилган фуқаролар учун қуйидаги имтиёз ва кафолатлар берилади:

⌛️ 2026/2027 ўқув йилидан бошлаб:

🔹 муддатли ҳарбий хизматни ўтаётган аскарларга хизматни ўташ даврида олий таълим ташкилотлари бакалавриатининг масофавий таълим шаклига абитуриент сифатида рўйхатдан ўтиш, кириш имтиҳонларида иштирок этиш ва натижасига кўра ўқишга киришга рухсат берилади. Бунда олий таълим ташкилотларига тўлов-контракт асосида ўқишга қабул қилинган аскарларга қонунчиликда белгиланган тартибда имтиёзли таълим кредити ажратилади.

Ҳужжатнинг расмий тўлиқ матни:
https://lex.uz/docs/8124852

Каналга уланиш👇👇👇
https://t.me/lexuzofficial

#Ҳукумат_қарори

❗️ Солиқ назорати тадбирини видеотасвирга олиш тартиби белгиланди

Вазирлар Маҳкамаси қарори (154-сон, 09.04.2026 й.) билан Ҳукуматнинг айрим қарорларига ўзгартириш ва қўшимчалар киритилди, шунингдек, баъзилари ўз кучини йўқотган деб ҳисобланди.

📄 Низомга кўра, солиқ органи томонидан ўтказиладиган назорат тадбирларида қуйидагилар видеотасвирга олинади:

▫️ солиқ солиш объектларини ҳисобга олиш;
▫️ хронометражни кўздан кечириш;
▫️ солиқ тўловчи ишчи ва ходимларининг ҳақиқий сони ҳамда солиқ ҳисоботидаги акс эттирилган ишчи ва ходимлар сонига мувофиқлигини текшириш;
▫️ назорат касса техникаси ва ҳисоб-китоб терминалларини қўллаш;
▫️ савдо ва хизмат кўрсатиш қоидаларига риоя этилиши ва бошқалар.

Ҳужжатнинг расмий тўлиқ матни:
https://lex.uz/docs/8125883

Каналга уланиш👇👇👇
https://t.me/lexuzofficial

#Ҳукумат_қарори

❗️ “Янги Ўзбекистон бунёдкорлари” танловини ўтказиш тартиби белгиланди

Ҳукумат қарори (152-сон, 08.04.2026 й.) билан “Янги Ўзбекистон бунёдкорлари” касбий маҳорат миллий танловини ташкил этиш ва ўтказиш тартиби тўғрисида”ги низом тасдиқланди.

⏳ Низомга кўра, 16 ёшга тўлган ва 30 ёшдан ошмаган техникум ўқувчилари, ёшлар, талабалар ҳамда банд бўлмаган аҳоли ўртасида Ўзбекистон Республикаси Президенти соврини учун “Янги Ўзбекистон бунёдкорлари” касбий маҳорат миллий танлови ўтказилади.

Ҳужжатнинг расмий тўлиқ матни:
https://lex.uz/docs/8126334

Каналга уланиш👇👇👇
https://t.me/lexuzofficial

#Рўйхатдан_ўтказилди

❗️ Ҳарбий хавфсизлик ва мудофаа университетининг Ҳарбий тиббиёт институтида тўлов-контракт асосида ўқитиш тартиби белгиланди

Адлия вазирлиги Ўзбекистон Республикаси Ҳарбий хавфсизлик ва мудофаа университетининг Ҳарбий тиббиёт институтида ўқишга оид идоравий ҳужжатни давлат рўйхатидан ўтказди (рўйхат рақами 3808, 08.04.2026 й.).

🔰 Мазкур ҳужжат билан Институтда мутахассисларни қайта тайёрлаш ва уларнинг малакасини ошириш, шунингдек Институтнинг магистратура ва клиник ординатурасида тўлов-контракт асосида ўқитишни ташкил этиш тартиби белгиланмоқда.

Ҳужжатнинг расмий тўлиқ матни:
https://lex.uz/docs/-8126063

Каналга уланиш👇👇👇
https://t.me/lexuzofficial

#Ҳукумат_қарори

❗️ Нуфузли хорижий олий таълим ташкилотларида илмий даража олган мутахассисларга ипотека кредити берилади

Ҳукумат қарори (159-сон, 09.04.2026 й.) билан “Нуфузли халқаро рейтинг ташкилотларининг рўйхатига киритилган хорижий олий таълим ташкилотларида илмий даража олган ёш мутахассисларга уй-жой сотиб олиш учун ипотека кредити ажратиш тартиби тўғрисида”ги низом тасдиқланди.

💸 Низомга кўра, Ўзбекистон ҳудудида бирламчи уй-жой бозоридан уй-жой сотиб олиш учун БҲМнинг 2 150 бараваригача 10 йил муддатга ҳар ойда қайтариш шарти билан кредит ажратилади.

📉 Кредит тижорат банки ҳисобидан йиллик 14 фоиз ставкада ажратилади.

Ҳужжатнинг расмий тўлиқ матни:
https://lex.uz/docs/8128846

Каналга уланиш👇👇👇
https://t.me/lexuzofficial

#Ҳукумат_қарори

❗️ Хорижий давлатларда илмий даража олганлик тўғрисидаги ҳужжатларни тан олиш тартиби белгиланди

Ҳукумат қарори (161-сон, 09.04.2026 й.) “Хорижий давлатларда илмий даража олганлик тўғрисидаги ҳужжатларни тан олиш бўйича давлат хизматини кўрсатиш”нинг маъмурий регламенти тасдиқланди.

🔰 Хорижий давлатлар аттестация органлари ёки хорижий давлатлар қонунчилигига мувофиқ тегишли олий таълим ташкилотлари томонидан талабгорларга берилган илмий даражалар ҳақидаги ҳужжатлар ваколатли орган томонидан экспертизадан ўтказилган ҳолда ёки илмий экспертизасиз тўғридан-тўғри тан олинади ва нострификация қилинади.

Ҳужжатнинг расмий тўлиқ матни:
https://lex.uz/docs/8128883

Каналга уланиш👇👇👇
https://t.me/lexuzofficial

#Ҳукумат_қарори

❗️ Интеллектуал фаолият бўйича танловлар ташкил этилади

Ҳукумат қарори (160-сон, 09.04.2026 й.) билан “Интеллектуал фаолият бўйича танловларни ўтказиш тартиби тўғрисида”ги низом тасдиқланди.

🔰 Ушбу Низом интеллектуал фаолият бўйича танловларни ташкил этиш, ўтказиш, танлов иштирокчиларини баҳолаш ва ғолибларини тақдирлаш тартибини белгилайди.

🖼 Низомга кўра, танлов қуйидаги номинациялар бўйича ташкил этилади:

▫️ “Энг яхши ихтиро”;
▫️ “Энг яхши фойдали модель”;
▫️ “Энг яхши саноат намунаси”;
▫️ “Энг яхши электрон ҳисоблаш машинаси учун яратилган дастур ва маълумотлар базаси”;
▫️ “Энг яхши селекция ютуғи”.

Ҳужжатнинг расмий тўлиқ матни:
https://lex.uz/docs/8128863

Каналга уланиш👇👇👇
https://t.me/lexuzofficial

#Президент_Фармони

❗️ “U 10 – Ўзбекистоннинг глобал илғор университетлари” дастури жорий этилади

“Олий таълим, фан ва инновациялар тизимини такомиллаштиришнинг қўшимча чора-тадбирлари тўғрисида”ги Президент Фармони (ПФ–58-сон, 10.04.2026 й.) қабул қилинди.

🔰 Фармонга кўра, “U 10 – Ўзбекистоннинг глобал илғор университетлари” дастури жорий этилади ва унинг доирасида олий таълим ташкилотларига миллий тадқиқот университети мақомини бериш йўлга қўйилади.

🏛 Миллий тадқиқот университети мақоми давлат илмий дастурлари доирасида Инновацион ривожланиш агентлиги томонидан илмий кластер ташкил этиш лойиҳаси бўйича ўтказиладиган танловда ғолиб бўлган 10 та олий таълим ташкилотига берилади.

Ҳужжатнинг расмий тўлиқ матни:
https://lex.uz/docs/8129755

Каналга уланиш👇👇👇
https://t.me/lexuzofficial

#Президент_қарори

❗️ Тошкент давлат аграр университети фаолияти такомиллаштирилади

“Тошкент давлат аграр университети фаолиятини такомиллаштиришга оид қўшимча чора-тадбирлар тўғрисида”ги Президент қарори (ПҚ–135-сон, 11.04.2026 й.) қабул қилинди.

🔰 Қарорга кўра, 2026/2027 ўқув йилидан бошлаб:

🔸 аграр олий таълим муассасаларида белгиланган рўйхатда келтирилган таълим йўналишлари бўйича кадрлар тайёрлаш тизими 3 йиллик таълим дастурлари асосида йўлга қўйилади. Бунда ўқув жараёнларида назарий ва амалий машғулотлар улуши:

▫️ 1-курсда – 60 фоиз назарий ва 40 фоиз амалий;
▫️ 2-курсда – 50 фоиз назарий ва 50 фоиз амалий;
▫️ 3-курсда – 30 фоиз назарий ва 70 фоиз амалий бўлиши назарда тутилади.

Ҳужжатнинг расмий тўлиқ матни:
https://lex.uz/docs/8130293

Каналга уланиш👇👇👇
https://t.me/lexuzofficial

#Рўйхатдан_ўтказилди

❗️ Бухгалтерлар учун муҳим янгилик!

Адлия вазирлиги “Молиявий ҳисоботларни тайёрлаш асослари: ҳисоб сиёсати ва ҳисоб баҳолари” (2-сонли МҲМС) бўйича идоравий ҳужжатни давлат рўйхатидан ўтказди (рўйхат рақами 3810, 11.04.2026 й.).

🔰 Мазкур ҳужжат юридик шахслар (бундан жамоат аҳамиятига эга ташкилотлар ва буджет ташкилотлари мустасно) томонидан молиявий ҳисоботларни тайёрлаш асослари ҳамда қуйидаги асосий масалаларни тартибга солади:

▫️ ҳисоб сиёсатини танлаш ва қўллаш;
▫️ ҳисоб сиёсати ва ҳисоб баҳоларидаги ўзгаришлар;
▫️ олдинги давр хатоларини тузатиш.

Ҳужжатнинг расмий тўлиқ матни:
https://lex.uz/docs/-8130039

Каналга уланиш👇👇👇
https://t.me/lexuzofficial

#Ҳукумат_қарори

❗️ Бино ва иншоотларни қуриш юзасидан хусусий қурилиш назоратини амалга ошириш тартиби белгиланди

Ҳукумат қарори (167-сон, 13.04.2026 й.) билан “Якка тартибдаги уй-жойлар ҳамда кичик ҳажмдаги нотурар бино ва иншоотларни қуриш ҳамда реконструкция қилиш ишлари юзасидан хусусий қурилиш назоратини амалга ошириш тартиби тўғрисида”ги низом тасдиқланди.

📝 Хусусий қурилиш назорати объектнинг қурувчиси ва назоратчи ўртасида тузиладиган шартнома асосида амалга оширилади.

☑️ Хусусий қурилиш назорати буюртмачининг (мулкдор) ихтиёри билан амалга оширилади.

⏳ Объектларда 1 ойда камида 1 марта хусусий қурилиш назорати амалга оширилади.

Ҳужжатнинг расмий тўлиқ матни:
https://lex.uz/docs/8130622

Каналга уланиш👇👇👇
https://t.me/lexuzofficial

#Президент_қарори

❗️ Электрон тижорат соҳасини ривожлантириш учун шарт-шароитлар яратилади

“Ўзбекистон Республикасида электрон тижорат соҳасини янада ривожлантириш учун қулай шарт-шароитлар яратишга доир чора-тадбирлар тўғрисида”ги Президент қарори (ПҚ–136-сон, 13.04.2026 й.) қабул қилинди.

📂 Қарорга кўра, 2026 йил 1 июлдан 2028 йил 1 июлгача ҳуқуқий эксперимент тариқасида резидентлар ва норезидентлар томонидан жисмоний шахсларнинг шахсий эҳтиёжлари учун мўлжалланган товарларни махсус электрон савдо платформалари орқали чакана сотиш учун уларни вақтинча сақлашга мўлжалланган янги турдаги эркин омбор – бонд омбори ташкил этилади.

Ҳужжатнинг расмий тўлиқ матни:
https://lex.uz/docs/8131421

Каналга уланиш👇👇👇
https://t.me/lexuzofficial

#Қонун

❗️ Дала четларида қишлоқ хўжалиги маҳсулотларини етиштириш тизими такомиллаштирилади

Қонун (ЎРҚ–1128-сон, 13.04.2026 й.) билан айрим қонун ҳужжатларига қўшимча ва ўзгартиришлар киритилди.

📙 Маъмурий жавобгарлик тўғрисидаги кодексга киритилган қўшимчаларга кўра:

🍀 иккиламчи ижарага олган ижарачилар томонидан қишлоқ хўжалигига мўлжалланган ер участкаларининг дала четларидаги канал, суғориш ва коллектор-дренаж тармоқлари атрофидаги қонунчиликка мувофиқ қишлоқ хўжалиги маҳсулотларини етиштириш белгиланган майдонларида ва муддатларда мақбул экин экилмаганлиги, –

➖ БҲМнинг 1 бараваридан 3 бараваригача миқдорда жарима солишга сабаб бўлиши белгиланди.

Ҳужжатнинг расмий тўлиқ матни:
https://lex.uz/docs/8131412

Каналга уланиш👇👇👇
https://t.me/lexuzofficial

#Рўйхатдан_ўтказилди

❗️ Эндиликда маданий бойликларнинг ҳам қиймати пайдо бўлади

Адлия вазирлиги Ўзбекистон Республикасининг Ягона миллий баҳолаш стандартига қўшимчалар киритиш тўғрисидаги идоравий норматив-ҳуқуқий ҳужжатни давлат рўйхатидан ўтказди (рўйхат рақами 3487-3, 11.04.2026 й.).

🔰 Унга кўра, 16-сон “Маданий бойликлар қийматини баҳолаш” Миллий баҳолаш стандарти қабул қилинди.

📝 Хусусан, маданий бойликлар, яъни моддий дунёнинг миллий, тарихий, бадиий, илмий-маърифий, маънавий-ахлоқий ва бошқа маданий аҳамиятга эга бўлган кўчар бойликлар, жумладан тасвирий ва амалий санъат асарлари баҳоланади.

Ҳужжатнинг расмий тўлиқ матни:
https://lex.uz/docs/-8133163

Каналга уланиш👇👇👇
https://t.me/lexuzofficial

#Президент_қарори

❗️ Фаррух Зокиров ижоди кенг тарғиб қилинади

“Ўзбекистон Республикаси халқ артисти Фаррух Зокиров ижодини кенг тарғиб қилиш ҳамда ёш авлодга муносиб етказиш тўғрисида”ги Президент қарори (ПҚ–137-сон, 15.04.2026 й.) қабул қилинди.

🏛 Қарорга кўра, Тошкент шаҳри Яшнобод туманидаги 7-сонли болалар мусиқа ва санъат мактабига (Мактаб) Фаррух Зокиров номи берилади.

📝 Мактабда:

🔹 “Ялла” номидаги болалар ансамбли фаолияти ташкил этилади;

🔹 Ёшлар ижодий лабораторияси ҳамда “устоз-шогирд” анъаналари асосида эстрада йўналиши бўйича ижрочилик маҳорат мактаблари ташкил этилади;

🔹 Мактаб бадиий-педагогик кенгаши қарори билан ташкил этилган маҳорат мактабининг устоз-ижодкорлари Давлат бюджети ҳисобидан ҳар ойда меҳнатга ҳақ тўлаш энг кам миқдорининг 5 баравари миқдорида рағбатлантириб борилади.

Ҳужжатнинг расмий тўлиқ матни:
https://lex.uz/docs/8137765

Каналга уланиш👇👇👇
https://t.me/lexuzofficial