👌 भरघोस ऑफरसह आलंय पतंजलीचं सीमकार्ड

LetsUp I Update

बीएसएनएलसोबत भागीदारी करत योग गुरु रामदेव बाबा यांच्या पतंजली कंपनीने 'स्वदेशी समृद्धी सिम कार्ड' लाँच केले आहे. या सिमद्वारे केवळ डेटा आणि कॉलिंग सुविधाच नाही, तर वैद्यकीय सुविधा देणंही आमचे ध्येय आहे, असे रामदेव बाबांनी सांगितले.

👉 जाणून घ्या सिम कार्डची वैशिष्ट्ये :

▫ पतंजलीच्या कर्मचाऱ्यांना ओळखपत्र दाखवून सिम मिळणार

▪ 144 रुपयांच्या रिचार्जमध्ये 2GB डेटा आणि अनलिमिटेड कॉलिंग सुविधा

▫ पंतजलीच्या वस्तूंवर दहा टक्के सूट

▪ सिमधारकांना अडीच लाख रुपयांचा वैद्यकीय विमा आणि पाच लाख रुपयांचा जीवन विमा

▫ विम्याची रक्कम फक्त रस्ते अपघातातील व्यक्तींनाच मिळणार

For Breaking News on Telegram Join LetsUp Channel, To Join Click : t.me/letsup

💥 बारावीच्या निकालाची तारीख जाहीर

Letsup I Breaking

महाराष्ट्र राज्य माध्यमिक व उच्च माध्यमिक शिक्षण मंडळामार्फत फेब्रुवारी-मार्च महिन्यात घेण्यात आलेल्या बारावीच्या परीक्षेचा निकाल उद्या दिनांक 30 मे 2018 रोजी दुपारी 1 वाजता जाहीर होणार आहे. खालील बोर्ड वेबसाईटवर देखील निकाल उपलब्ध करुन देणार आहे. शिवाय SMS द्वारे मोबाईलवरही निकाल मिळू शकेल.

▫ www.mahresult.nic.in

▪ www.result.mkcl.org

▫ www.maharashtraeducation.com

▪ www.knowyourresult.com

▫ www.hscresult.mkcl.org

For Breaking News on Telegram Join LetsUp Channel, To Join Click : t.me/letsup

_*LetsUp News Updates*_

● नवी दिल्ली - 10 लाख बँक कर्मचारी आजपासून दोन दिवस संपावर, ग्राहकांनी गैरसोय होऊ नये म्हणून यूपीआय, इंटरनेट बँकिंग वापरावे, असे बँकांनी केले आवाहन

● नवी दिल्ली - कथुआ बलात्कार प्रकरणातील पीडितेची माहिती उघड करणाऱ्या बातम्या हटवण्याचे दिल्ली हायकोर्टाचे आदेश

● जकार्ता - पंतप्रधान नरेंद्र मोदी इंडोनेशियामध्ये दाखल, मलेशिया, सिंगापूर आणि इंडोनेशियाच्या पाच दिवसांच्या दौऱ्यावर

● मुंबई - गोंदिया –भंडारा लोकसभा मतदारसंघातील 49 ठिकाणी आज पुन्हा मतदान घेतले जाणार, ईव्हीएम-व्हीव्हीपॅटच्या घोळामुळे केंद्रीय निवडणूक आयोगाने घेतला निर्णय

● मुंबई - राज्यातील शहरी भागातील 600 चौरस फुटापर्यंतच्या बेकायदा निवासी अथवा वाढीव बांधकामांना नियमित करण्यासाठी आकारण्यात येणारी दंडाची रक्कम पूर्णपणे माफ करण्याचा राज्य मंत्रिमंडळाचा निर्णय

● पुणे- राज्य माध्यमिक आणि उच्च माध्यमिक शिक्षण मंडळाच्या वतीने फेब्रुवारी-मार्च 2018 दरम्यान घेण्यात आलेल्या इयत्ता बारावीच्या परीक्षेचा निकाल आज दुपारी एक वाजता ऑनलाइन जाहीर होणार

● पुणे - 1 जून पासून राज्यात पुन्हा शेतकरी आंदोलन, किसान सभा राज्यभरातील तहसील कार्यालयांना घेराव घालणार

● फोर्ड मोटर्सने आपल्या इकोस्पोर्ट या लोकप्रिय मॉडेलचे एस आणि सिग्नेचर एडिशन या नावाने दोन नवीन व्हेरियंट ग्राहकांना केले सादर

● मुंबई - आयपीएल दरम्यान झालेल्या दुखापतीमुळे भारतीय संघाचा यष्टीरक्षक वृद्धीमान सहा अफगाणिस्तानविरुद्ध होणाऱ्या एकमेव कसोटी सामन्यास मुकणार

● मुंबई - अभिनय बेर्डेनेचा दुसरा चित्रपट 'अशी ही आशिकी' लवकरच येणार, या चित्रपटासाठी हिरोईन म्हणून हेमल इंगळेची निवड

For Breaking News on Telegram Join LetsUp Channel, To Join Click : t.me/letsup

🏏 नाणेफेकीची परंपरा बंद होणार नाही : आयसीसी

Letsup I Sports Update

आयसीसी क्रिकेट समितीच्या बैठकीत महत्त्वाच्या बाबींवर सूचना करण्यात आल्या आहेत. त्यानुसार आता शिवीगाळ, बॉल टॅम्परिंग, मॅचफिक्सिंग यांसारख्या गोष्टींमध्ये दोषी सापडलेल्या क्रिकेटपटूंना कठोर कारवाईचा सामना करावा लागणार आहे.

क्रिकेटला कलंकित करणाऱ्या घटनांसाठी नवा नियमही तयार करण्यात येणार आहे. कसोटीमधून नाणेफेक रद्द करण्यात येणार असल्याची चर्चा क्रिकेट वर्तुळात रंगू लागली होती. मात्र नाणेफेक ही कसोटी क्रिकेटचा अविभाज्य घटक असल्यामुळे ती यापुढेही कायम राहणार आहे. परदेशी संघांच्या पारड्यात नाणेफेक जिंकल्याचा निर्णय थेट टाकण्यात येणार नाही.

For Breaking News on Telegram Join LetsUp Channel, To Join Click : t.me/letsup

_*LetsUp News Updates*_

● नवी दिल्ली - देशात सरासरीच्या 97 टक्के पावसाचा हवामान विभागाचा अंदाज, विभागाकडून मान्सूनचा दुसरा अंदाज जाहीर

● मॉस्को - अमेरिकेचे राष्ट्राध्यक्ष डोनाल्ड ट्रम्प आणि उत्तर कोरियाचे शासक किम जोंग उन यांची सिंगापूर येथे 12 जून रोजी भेट होणार

● मुंबई - बँक कर्मचाऱ्यांच्या संपामुळे 60 हजार कोटींचा फटका, संपाचा आज दुसरा दिवस

● केरळ - 1 जूनपासून पेट्रोल आणि डिझेलवरील कर रद्द करण्याचा निर्णय केरळ सरकारने घेतला, 1 जूनपासून अंमलबजावणी

● मुंबई - महाराष्ट्र लोकसेवा आयोगाच्या मुख्य परिक्षेचा निकाल जाहीर, राज्यातून रोहितकुमार राजपूत प्रथम

● मुंबई - भारतात 6.25 लाख मुले दररोज धूम्रपान करतात, टोबॅको अॅटलासने केलेल्या सर्वेक्षणाअंती जाहीर झालेल्या अहवालातून आले समोर

● मुंबई - पीक विम्याची रक्कम 7 जून आधी शेतकऱ्यांच्या खात्यात जमा करा, मुख्यमंत्री देवेंद्र फडणवीस यांचे विमा कंपन्यांना आदेश

● अॅपल कंपनीने आपल्या आयओएस या ऑपरेटींग सिस्टीमची नवीन आवृत्ती सादर करण्याचे दिले संकेत, यात एनएफसी तंत्रज्ञानाची व्याप्ती वाढविण्यात येणार

● मेलबोर्न - अष्टपैलू मिशेल मार्शकडे या वर्षअखेर होणाऱ्या भारत दौऱ्यासाठी आॅस्ट्रेलिया अ संघाचे नेतृत्व सोपविण्यात आले

● मुंबई - भारतीय बँकांना कोट्यवधी रुपयांचा गंडा घालून परदेशात पसार झालेला उद्योगपती विजय मल्ल्यावर आधारित 'रंगीला राजा' चित्रपटात गोविंदा मुख्य भूमिकेत दिसणार

For Breaking News on Telegram Join LetsUp Channel, To Join Click : t.me/letsup

📣 भारतात सायबर हल्ल्यांचे प्रमाण सर्वाधिक

LetsUp I Update

जगभराचा विचार केला असता, भारतात तब्बल 48 टक्के सायबर अटॅक होत असून या माध्यमातून मोठ्या प्रमाणात ऑनलाईन फ्रॉड होत आहे. आरएसए या रिसर्च संस्थेने ऑनलाईन फसवणुकीबाबतचा जानेवारी ते मे 2018 दरम्यानचा अहवाल नुकताच जाहीर केला. त्यात याबाबत खुलासा करण्यात आला आहे.

भारतातील एकंदरीत ऑनलाईन फ्रॉडपैकी एकंदरीत 65 टक्के फसवणुकीची प्रकरणे ही स्मार्टफोनच्या माध्यमातून करण्यात आली आहेत. यात स्मार्टफोन अॅप्लीकेशन अथवा मोबाईल ब्राऊजरचा वापर करण्यात येत आहे. अर्थात एकंदरीतच सायबर गैरव्यवहाराचा विचार केला असता अमेरिका आणि रशियानंतर भारताचा क्रमांक लागत असल्याचे या अहवालात म्हटले आहे.

कोणतेही आमीष दाखवून फसवणूक करण्याचे प्रमाण देखील भारतात वाढले आहे. यात कॅनडा व अमेरिकेनंतर भारताचाच क्रमांक आहे. यानंतर ब्राझील, नेदरलँड, कोलंबिया, स्पेन, मेक्सिीको, जर्मनी व दक्षीण आफ्रिकेत फिशींगचे प्रकार होत आहेत. भविष्यातही हाच ट्रेंड कायम राहू शकतो. त्यामुळे युजर्सने ऑनलाईन विश्वात वावरतांना सावधगिरी बाळगण्याची आवश्यकता असल्याचे देखील अहवालात सूचित करण्यात आले आहे.

For Breaking News on Telegram Join LetsUp Channel, To Join Click : t.me/letsup

_*LetsUp News Updates*_

● नवी दिल्ली - केंद्र सरकारने महाराष्ट्रातील 15 शहरांमध्ये 13,506 घरांच्या बांधकामांना दिली मंजुरी, या प्रकल्पावर 643 कोटी खर्च केले जाणार

● नवी दिल्ली - रेल्वेत आता विंडो तिकीट बुक करणाऱ्या प्रतीक्षा यादीतील प्रवाशांनाही पर्याय निवडण्याची सोय मिळणार

● सिंगापूर - पंतप्रधान नरेंद्र मोदींनी सिंगापूरमध्ये भारतीय रुपे कार्ड अॅप केले लाँच; ते म्हणाले, भारताने जगासाठी द्वार उघडले

● इस्लामाबाद - पाकिस्तान सरकारने माजी अध्यक्ष जनरल परवेझ मुशर्रफ यांचे राष्ट्रीय ओळखपत्र आणि पासपोर्ट केले स्थगित, देशद्रोहाच्या खटल्यात विशेष न्यायालयाच्या आदेशानुसार कारवाई

● बालासोर - अत्याधुनिक पिनाका रॉकेटची चाचणी यशस्वी, या राॅकेटची मारक क्षमता 40 किमीहून 70 किमीपर्यंत वाढली

● मुंबई - यापुढील कोणत्याही निवडणुकीत युती नाही, शिवसेना पक्षप्रमुख उद्धव ठाकरे यांनी पत्रकार परिषदेत केली घोषणा

● मुंबई - राज्यातील उच्च माध्यमिक शालान्त परीक्षेचा निकाल लागला असून, नापास विद्यार्थ्यांची फेरपरीक्षा जुलै-ऑगस्टमध्ये होणार

● व्हॉट्सअॅपवरील पेमेंट प्रणाली आता सर्व भारतीय युजर्सला वापरता येणार, याबाबत लवकरच होणार घोषणा

● पॅरिस - स्पॉनिश क्लब रियाल माद्रीदला सलग तिसऱ्या वर्षी वर्ल्ड कप जिंकून देणारा प्रशिक्षक झिनेदीन झिदानने आपल्या पदाचा दिला राजीनामा

● मुंबई - सलमान खानच्या बहुप्रतिक्षित आगामी 'रेस 3 चित्रपटातील 'अल्लाह दुहाई है' या गाण्याचा टीझर रिलीज

For Breaking News on Telegram Join LetsUp Channel, To Join Click : t.me/letsup

⚡ शेतकरी आजपासून 10 दिवस संपावर!

LetsUp I Update

सरकारने शेतकऱ्यांच्या मागण्या तातडीने मान्य कराव्या, यासाठी राष्ट्रीय किसान महासंघ, किसान क्रांती जनआंदोलन आणि किसान एकता मंचाने आजपासून (शुक्रवार) दहा दिवस शेतकरी संप पुकारला आहे.

राष्ट्रीय किसान महासंघाने देशभरातील 22 राज्यांमध्ये हे आंदोलन पुकारले आहे. त्या अंतर्गत पुणे, मुंबईसह सर्व प्रमुख शहरांना एक जूनपासून भाजीपाला, दूधासारख्या जीवनावश्यक वस्तूंचा पुरवठा खंडित केला जाणार आहे. या संपात राज्यातील अनेक शेतकरी संघटना सहभागी होणार आहेत.

For Breaking News on Telegram Join LetsUp Channel, To Join Click : t.me/letsup

_*LetsUp News Updates*_

● नवी दिल्ली - देशातील बेनामी संपत्ती धारकांच्या मुसक्या आवळण्यासाठी सरकारकडून बक्षिस योजना सुरू, काळा पैसा, बेनामी संपत्तीविषयी माहिती दिल्यास 5 कोटींचे बक्षीस

● नवी दिल्ली - देशभरात गॅस सिलेंडरच्या किंमतीत वाढ, अनुदानीत सिलेंडर अडीच रुपयांनी तर विनाअनुदानीत सिलेंडरमध्ये 48 रूपयांची वाढ

● नवी दिल्ली - जीएसटीच्या माध्यमातून मे महिन्यामध्ये केंद्र सरकारच्या तिजोरीत 94,016 कोटी रुपयांचा महसूल जमा

● नवी दिल्ली - कर्नाटकात सरकार स्थापन केल्यानंतर आठवड्याभरापासून मंत्रिमंडळाचा ताटकळलेला विस्तार 6 जून रोजी होणार

● 1993 मुंबई स्फोटातील आरोपी अहमद मोहम्मद लंबूला अटक, गुजरात एटीएसची कारवाई, एटीएस लवकरच त्याला मुंबई सीबीआयच्या हवाली करणार

● अन्य युरोपियन देशांप्रमाणे डेन्मार्कमध्येही बुरखा आणि निकाब परिधान करण्यावर बंदी, डेन्मार्कच्या संसदेने बुरखा आणि निकाब बंदीचा कायदा केला मंजूर

● मुंबई - एसटी महामंडळ कर्मचाऱ्यांना 32 ते 48 % वेतनवाढ, परिवहन मंत्री आणि महामंडळाचे अध्यक्ष दिवाकर रावते यांनी केली घोषणा

● ठाणे - आयपीएल सामन्यांवरील बेटिंग प्रकरणात ठाणे खंडणीविरोधी पथकाने अभिनेता अरबाज खानला बजावले समन्स

● भारतीय भाषांना प्रोत्साहन देण्यासाठी गुगल इंडियातर्फे देशभरात गुगल सर्च कॉन्फरन्सचे आयोजन, यामध्ये भाषीक कंटेंटेमधील संकेतस्थळे, सर्च टर्म्स, एसईओ आदींबाबत मार्गदर्शन करण्यात येणार

● हिंदी चित्रपटसृष्टीतील प्रसिद्ध अभिनेता सुनील शेट्टी अ.ब.क या मराठी चित्रपटातून मराठी चित्रपटसृष्टीत पदार्पण करणार

For Breaking News on Telegram Join LetsUp Channel, To Join Click : t.me/letsup

⚡ जिओची नवी ऑफर; 2750 रुपयांचा मिळणार कॅशबॅक

LetsUp I Update

रिलायन्स जिओतर्फे Samsung Galaxy J2 2018 आणि Samsung Galaxy J7 Duo खरेदीवर जबरदस्त ऑफर देण्यात येत आहे. या दोन स्मार्टफोन्सपैकी तुम्ही कुठलाही एक स्मार्टफोन खरेदी कराल तर तुम्हाला जिओ कडून 2750 रुपयांचा कॅशबॅक तसेच 100 GB 4G डेटा ही देण्यात येणार आहे.

हा कॅशबॅक तुमच्या 'MyJio Account' मध्ये क्रेडिट केला जाईल. या ऑफरचा लाभ केवळ रिलायन्स जिओचे युजर्स व नवा सॅमसंग गॅलेक्सी J2 2018 किंवा सॅमसंग गॅलेक्सी J7 ड्युओ खरेदी करणाऱ्यांना मिळणार आहे.

👉 Samsung Galaxy J2 2018 वर ऑफर काय?

▫ 2,750 रुपयांचा कॅशबॅक 50-50 रुपयांचे 55 व्हाऊचरमधून मिळणार

▪ 100 GB 4G डेटाचा लाभ 10-10 GB च्या डेटा व्हाऊचरमधून मिळणार

▫ ऑफरचा लाभ केवळ 30 सप्टेंबर 2018 पर्यंत घेता येणार

▪ ही ऑफर केवळ 198 रुपये किंवा 299 रुपयांच्या प्लानमध्ये मिळणार

👉 Samsung Galaxy J7 Duo वर ऑफर काय?

▫ 2,750 रुपयांचा इंस्टंट कॅशबॅक 50-50 रुपयांचे 55 व्हाऊचरमधून मिळणार

▪ ऑफरचा लाभ केवळ 30 सप्टेंबर 2018 पर्यंत घेता येणार

▫ कॅशबॅकसाठी 198 रुपये किंवा 299 रुपयांच्या प्लानने रिचार्ज करावे लागणार

▪ डबल इंटरनेट डेटासाठी 198 किंवा त्याहून अधिकचे रिचार्ज करावे लागणार

For Breaking News on Telegram Join LetsUp Channel, To Join Click : t.me/letsup

_*LetsUp News Updates*_

● नवी दिल्ली - जीएसटी अंतर्गत इंट्रा स्टेट ई-वे बिल आज 3 जूनपासून देशभरात बंधनकारक असणार

● नवी दिल्ली - यूपीएससीकडून सनदी सेवांसाठी आज रविवारी 2018 ची प्राथमिक परीक्षा घेतली जाणार, परीक्षा दोन टप्प्यांत होणार

● नवी दिल्ली - स्टेट बँकेने मार्जिनल कॉस्टवर आधारित कर्ज दरांमध्ये (एमसीएलआर) 0.10 टक्के वाढ करण्याचा घेतला निर्णय

● लखनौ - उत्तर भारतामध्ये पुन्हा एकदा धुळीच्या वादळाने घातले थैमान, या वादळाने घेतला 25 जणांचा बळी

● एमएचटी-सीईटी परीक्षेचा निकाल जाहीर, पीसीबी गटात अभिजित कदम राज्यात पहिला, तर पीसीएम गटात आदित्य अभंग राज्यात अव्वल

● मुंबई - शेतकऱ्यांनी सरकारला 7 जूनपर्यंत मागण्या मान्य करण्याचा दिला अल्टिमेटम, मागण्या मान्य झाल्या नाहीत तर शहरांचा दूध आणि भाजीपाला पुरवठा थांबवण्याचा निर्णय

● बीड - लोकनेते गोपीनाथ मुंडे यांचा आज चौथा स्मृतिदिन, गोपीनाथ गडावर मोठा जनसागर उसळणार

● सॅमसंगने खास सिनेमागृहांसाठी फोर-के क्षमता असणारा अतिविशाल आकारमानाचा एलईडी डिस्प्ले केला लाँच, या माध्यमातून प्रेक्षकांना अत्युच्च अनुभूती घेता येणार

● ठाणे - पाच-सहा वर्षांपासून क्रिकेट सामन्यांवर सट्टा लावत असल्याची चित्रपट अभिनेता-निर्माता अरबाज खानकडून कबुली

● अभिनेत्री अमृता खानविलकर लवकरच डिजिटल दुनियेत डेब्यू करणार, नव्या वेबसीरिजमध्ये ती रहस्यमय भूमिकेत दिसणार

For Breaking News on Telegram Join LetsUp Channel, To Join Click : t.me/letsup

_*LetsUp News Updates*_

● नवी दिल्ली - नोटबंदीनंतर जवळपास 73 हजार अनोंदणीकृत कंपन्यांनी बँक खात्यात 24 हजार कोटी रुपये केले जमा

● नवी दिल्ली - देशातील पहिले क्रीडा विद्यापीठ मणिपूरमध्ये, केंद्रीय मंत्रिमंडळाच्या प्रस्तावाला राष्ट्रपतींची मान्यता

● नवी दिल्ली - रेल्वेसेवा देण्यास उशीर झाल्यास कर्मचाऱ्यांची बढती रोखण्याचा इशारा रेल्वेमंत्री पियूष गोयल यांनी सर्व विभागातील प्रमुखांना दिला

● कोलकाता - पहिली, दुसरीच्या विद्यार्थ्यांना होमवर्क दिले जाऊ नये यासाठी केंद्र सरकार संसदेत विधेयक आणण्याच्या तयारीत

● मुंबई - भडकलेल्या इंधन दरांमुळे निर्माण झालेली महागाई नियंत्रणात आणण्यास रिझर्व्ह बँक रेपो दरात वाढ करण्याची शक्यता

● नागपूर - 'एचएमटी'सह तांदळाचे विविध वाण शोधणारे कृषिभूषण दादाजी खोब्रागडे (76) यांचे दीर्घ अाजाराने निधन

● पुणे - मान्सून एक दिवस आधीच महाराष्ट्रात दाखल होणार, दोन दिवस मराठवाड्यासह राज्यात पूर्वमोसमी

● गुगलने स्थानिक बाबींना प्राधान्य देणारे अर्थात 'हायपर लोकल' या प्रकारातील नेबरली हे अॅप भारतीय ग्राहकांसाठी केले सादर

● जागतिक क्रमवारीतील नंबर वन कसोटी गोलंदाज कागिसो रबाडा याची दक्षिण आफ्रिकेचा या वर्षाच्या सर्वोत्तम क्रिकेटर पुरस्कारासाठी निवड

● संजय दत्तचे बायोपिक 'संजू'चे पहिले गाणे 'मैं बढिया, तू भी बढिया...' झाले रिलीज

For Breaking News on Telegram Join LetsUp Channel, To Join Click : t.me/letsup

🎬 'संजू'चं पहिलं 'बढीया' गाणं रिलीज

LetsUp I Video

अभिनेता संजय दत्तच्या जीवनावर आधारित चित्रपट 'संजू' चं पहिले गाणे 'मैं बढिया, तू भी बढिया...' रिलीज झाले आहे. हे गाणे सोनम कपूर आणि रणबीरवर चित्रीत करण्यात आले आहे. या चित्रपटातील हे पहिलच गाणं आहे. हे गीत सोनू निगम आणि सुनिधी चौहान यांनी गायले आहे.

व्हिडिओ पाण्यासाठी क्लिक करा : https://goo.gl/f4Emwd

For Breaking News on Telegram Join LetsUp Channel, To Join Click : t.me/letsup

_*LetsUp News Updates*_

● नवी दिल्ली - बँक एटीएममधून पैसे काढणं किंवा चेकबुक यांसारख्या ग्राहकांच्या निःशुल्क सेवांचा जीएसटीमध्ये समावेश नाही

● नवी दिल्ली - आयडीबीआय, ओरिएंटल बँक ऑफ कॉमर्स, सेंट्रल बँक आणि बँक ऑफ बडोदा यांचे विलीनीकरण करून सरकार एक मोठी बँक बनवू शकते

● नवी दिल्ली - गेल्या सहा वर्षात 1.26 टक्केच वाढले देशातील जंगल, केंद्रीय पर्यावरणमंत्री हर्षवर्धन यांची माहिती

● कोलकाता - रेल्वे विभागाच्या निर्णयानुसार, 2022 पर्यंत सर्व लांब पल्ल्याच्या रेल्वेगाड्यांची गती 25 किमी प्रतितास वेगाने वाढवली जाणार

● मुंबई - ‘NEET’ 2018चा निकाल जाहीर, कल्पना कुमारी ऑल इंडिया रँकमध्ये पहिली तर नांदेडचा कृष्णा देशात सातवा

● मुंबई - शेतकऱ्यांनी आता टोकाची भूमिका घ्यायला हवी, प्रश्न मार्गी लागेपर्यंत शेतकऱ्यांनी मागे हटू नये; शरद पवार यांचे शेतकऱ्यांना आवाहन

● मुंबई - पदवीधर मतदारसंघाच्या निवडणुकीतून पत्ता कट केल्यानंतर आरोग्यमंत्री दीपक सावंत यांनी दिला राजीनामा

● आता भीम अॅपवरून पैशांच्या देवाण-घेवाणीसह विविध प्रकारांचे बील्स भरण्याची सुविधा देखील ग्राहकांना अपडेटच्या माध्यमातून प्रदान

● फ्रेंच ओपन स्पर्धेतून सेरेना विल्यम्सची माघार, दंडाच्या दुखापतीमुळे घेतला निर्णय, सेरेनाने माघार घेतल्याने शारापोव्हा उपांत्यपूर्व फेरीत दाखल

● केकेआर संघाचा स्टार खेळाडू शुभमन गिल हा बॉलिवूड स्टार शाहरुख खानची मुलगी सुहानाचे क्रश असल्याची क्रिकेट वर्तुळात चर्चा

For Breaking News on Telegram Join LetsUp Channel, To Join Click : t.me/letsup

⚡ आता एटीएम व्यवहार आणि चेकबुकवर GST नाही!

LetsUp I Update

▫ बँक एटीएममधून पैसे काढणं किंवा चेकबुक यांसारख्या ग्राहकांच्या निःशुल्क सेवांचा जीएसटीमध्ये समावेश नाही

▪ क्रेडिट कार्डचं बिल उशिरा भरल्यानंतर लागणाऱ्या शुल्कावर जीएसटी आकारण्यात येणार आहे

▪ अनिवासी भारतीयांकडून विमा खरेदीवरही जीएसटी लागणार आहे

▪ महसूल विभागाने बँकिंग सेवा, विमा आणि शेअर यावर जीएसटी लागण्यासंबंधित पुन्हा-पुन्हा विचारण्यात येणाऱ्या प्रश्नांवर उत्तर देत दिले स्पष्टीकरण

For Breaking News on Telegram Join LetsUp Channel, To Join Click : t.me/letsup

🚩 शिवाजी महाराज यांचा 345 वा राज्याभिषेक सोहळा

LetsUp I Update

अखिल भारतीय शिवराज्याभिषेक महोत्सव समितीच्या वतीने आयोजित छत्रपती शिवाजी महाराज यांचा 345 वा राज्याभिषेक सोहळा आज किल्ले रायगडावर साजरा होत आहे. यासाठी केवळ राज्यातूनच नाही तर देशभरातून लाखो शिवभक्त रायगडावर दाखल झाले आहेत.

किल्ले रायगडावरील वातावरण शिवमय झालं आहे. ढोलताशांचा गजर सुरू आहे. लवकरच पालखी मिरवणूक निघणार आहे. तसेच रायगड विकास प्राधिकरणाचे अध्यक्ष खासदार संभाजी राजे यांच्या उपस्थितीत मुख्य सोहळ्याला सुरुवात होईल, संभाजीराजे यांचे मार्गदर्शन झाल्यानंतर राजसदरेवरून पालखीचे शिवसमाधिकडे प्रस्थान होईल तेथे समाधी दर्शनानंतर या दिमाखदार सोहळ्याची सांगता होईल.

For Breaking News on Telegram Join LetsUp Channel, To Join Click : t.me/letsup

👌 राज्यातील अंगणवाड्या होणार डिजिटल

LetsUp I Update

राज्यातील 30 जिल्ह्यांमधील 85 हजार 452 अंगणवाडी केंद्रांमध्ये "राष्ट्रीय पोषण मिशन' राबविण्यास मंत्रिमंडळ बैठकीत मंजुरी देण्यात आली आहे. त्यामुळे राज्यातील अंगणवाड्या डिजिटल होण्यास मदत होणार आहे.

या मिशनअंतर्गत अंगणवाडी सेविकांना मोबाईल फोन, लहान मुलांचे वजन-उंची घेण्यासाठी आधुनिक साधने उपलब्ध करून देण्यात येणार आहेत. प्रामुख्याने बालकांमधील कुपोषण व रक्तक्षयाचे प्रमाण कमी करणारा हा प्रकल्प राज्यात 2018-19 पासून राबविण्यास मान्यता देण्यात आली आहे. सध्या हा प्रकल्प 30 जिल्ह्यात राबविण्यात येणार असून 2019-20 मध्ये उर्वरित सहा जिल्ह्य़ांमध्येही राबविण्यात येणार आहे.

For Breaking News on Telegram Join LetsUp Channel, To Join Click : t.me/letsup

LetsUp News Updates

● नवी दिल्ली - आरबीआयने 2018-19 या वर्षाचं तीसरे पतधोरण केले जाहीर, रेपो दरात पाव टक्क्यांनी वाढ केल्याने महागाईही वाढण्याची चिन्हं

● नवी दिल्ली - केंद्रीय कॅबिनेटने ग्रामीण डाक सेवकांच्या वेतनात केली तिप्पट वाढ, 1 जानेवारी 2016 पासून लागू होईल वाढ

● नवी दिल्ली - आगामी लोकसभा निवडणुकांच्या पार्श्वभूमीवर साखर उत्पादकांना केंद्राकडून साडेआठ हजार कोटींचं पॅकेज

● नवी दिल्ली - कोरेगाव-भीमा हिंसाचार प्रकरणी आणि कथित नक्षली संबंधावरुन अटक करण्यात आलेल्या राणा जेकब याला ट्रान्झीट रिमांड; 8 जून रोजी पुणे कोर्टात करणार हजर

● मुंबई - एसटीच्या तिकीट दरात 18 टक्के वाढ, येत्या 15 जूनपासून नवे दर लागू होणार, एसटी कर्मचाऱ्यांची वेतनवाढ आणि डिझेलच्या वाढलेल्या दरांमुळे निर्णय

● मुंबई - अमित शाह-उद्धव ठाकरेंमधील भेट सकारात्मक, येणाऱ्या दिवसांत अजून 2 ते 3 बैठका होण्याची शक्यता

● मुंबई - महाराष्ट्र सदन घोटाळा प्रकरणी राष्ट्रवादी काँग्रेसचे माजी खासदार समीर भुजबळ यांनाही मुंबई उच्च न्यायालयाकडून जामीन मंजूर

● व्हॉट्सअॅपवर लवकरच प्रेडिक्टीव्ह अपलोड हे फिचर येणार, याच्या मदतीने युजरला फोटो शेअरिंगमध्ये सुविधा मिळणार

● क्रिकेटपटू विराट कोहलीचा जगातल्या सर्वात श्रीमंत खेळाडूंच्या यादीत 83 वा क्रमांक, तो 24 दशलक्ष अमेरिकेन डॉलर्स कमावत असल्याचा फोर्ब्जचा अंदाज

● सुपरस्टार रजनीकांत यांचा बहुप्रतिक्षित आणि बहुचर्चित 'काला' हा चित्रपट प्रदर्शनासाठी सज्ज, प्रदर्शनापूर्वीच 'काला'ने तब्बल 230 कोटी रुपयांची केली कमाई

For Breaking News on Telegram Join LetsUp Channel, To Join Click : t.me/letsup

⚡ व्हॉट्सअॅपवर लवकरच प्रेडिक्टीव्ह अपलोड फिचर

LetsUp I Update

लवकरच व्हॉट्सअॅपवर प्रेडिक्टिव्ह अपलोड या नवीन फिचरची भर पडणार आहे. हे फिचर फोटो अपलोडींगशी संबंधित आहे. यात कोणत्याही चॅट किंवा ग्रुपमध्ये फोटो सेंड करण्याआधी तो व्हॉट्सअॅपच्या सर्व्हरवर अपलोड होईल. यानंतर संबंधीत चॅट किंवा ग्रुपमध्ये याला सेंड करणे सोपे होणार आहे.

प्रेडिक्टीव्ह अपलोड फिचर सिंगल आणि मल्टीफोटो या दोन्ही प्रकारांमध्ये उपलब्ध करण्यात येणार आहे. तथापि हे सध्या प्रयोगात्मक अवस्थेत असल्यामुळे याचा सध्या वापर करण्यासाठी युजरला त्याचा कॅमेरा अथवा फोटो गॅलरीतील किमान 12 फोटोंना सिलेक्ट करावे लागणार आहे. या प्रतिमा संपादीत (एडिट) करून कोणत्याही चॅट ग्रुपमध्ये पाठविण्याआधी याला व्हाटसअॅपच्या सर्व्हरवर पाठविले जाणार आहे.

यामुळे एडिट केलेले फोटो हे क्षणार्धात संबंधीत चॅट किंवा ग्रुपमध्ये सेंड करता येणार आहे. सध्या अँड्रॉईड व आयओएस या दोन्ही प्रणालींसाठी याला सादर करण्यात आले आहे. लवकरच व्हाटसअॅपच्या सर्व युजर्ससाठी याला लागू करण्यात येणार आहे.

For Breaking News on Telegram Join LetsUp Channel, To Join Click : t.me/letsup

🤔 आता दिवस होणार 25 तासांचा!

LetsUp I Update

पृथ्वीवरचा प्रत्येक दिवस आता 25 तासांचा होण्याची शक्यता आहे. त्यामुळे लोकांना काम पूर्ण करण्यासाठी थोडा अधिक वेळ मिळणार आहे तर आळशी लोकांना आराम करायला एक तास जास्त मिळणार आहे.

सुमारे 1.4 अब्ज वर्षांपूर्वी चंद्र पृथ्वीच्या अगदी जवळ होता. पृथ्वीचे परिवलन आणि चंद्र यांचा अत्यंत जवळचा संबंध आहे. चंद्र त्यावेळेस पृथ्वीच्या अत्यंत जवळ असल्यामुळे तेव्हा दिवस केवळ 18 तासांचा असायचा म्हणजे पृथ्वीला स्वतःच्या आसाभोवती फिरून एक चक्र पूर्ण करायला केवळ 18 तास पुरेसे असायचे.

चंद्र जसजसा पृथ्वीपासून दूर जाऊ लागला तसा परिवलनाला वेळ जास्त लागू लागला आणि आज चंद्र ज्या अंतरावर आहे त्यावरुन पृथ्वीला स्वतःभोवती एक प्रदक्षिणा घालायला 24 तास लागतात. पण संशोधकांनी आता हे लक्षात आणून दिलंय की, चंद्र पृथ्वीपासून अजूनही दूर जातंच आहे. त्यामुळे पृथ्वीच्या परिवलनाची गतीही हळूहळू मंदावत जाईल. साहजिकच परिवलानासाठी म्हणजे एका दिवसासाठी लागणारे तासही वाढणार आहे.

For Breaking News on Telegram Join LetsUp Channel, To Join Click : t.me/letsup

⚡ दहावीचा निकाल जाहीर; यंदाही मुलींची बाजी

# ताज्या बातम्यांसाठी 👉 LetsUp.in

महाराष्ट्र राज्य माध्यमिक बोर्डाकडून घेण्यात आलेल्या दहावीच्या परीक्षेचा निकाल आज जाहीर झाला. राज्याचा निकाल यंदा 89.41 टक्के लागला आहे. परंपरेप्रमाणे यंदाही निकालात मुलींनीच बाजी मारली असून मुलींचा निकाल 91.97 टक्के इतका लागला आहे. तर 87.27 टक्के मुले पास झाली

👉 विभागवार निकाल खालीलप्रमाणे :

▫ कोकण : 96%
▪ कोल्हापूर : 93.88%
▫ पुणे : 92.08%
▪ मुंबई : 90.41%
▫ औरंगाबाद : 88.81%
▪ नाशिक : 87.42%
▫ अमरावती : 86.49%
▪ लातूर : 86.30%
▫ नागपूर : 85.97%

🌐खालील वेबसाईटवर तुम्ही निकाल पाहू शकता.

▫ www.mahresult.nic.in
▪ www.sscresult.mkcl.org
▫ www.maharashtraeducation.com

For Breaking News on Telegram Join LetsUp Channel, To Join Click : t.me/letsup