🎖 अभिमानास्पद; भारताच्या खात्यात तिसरे सुवर्णपदक

Letsup I Update

ऑस्ट्रेलिया येथे सुरु असलेल्या 21 व्या राष्ट्रकुल स्पर्धेत भारताने तिसऱ्या सुवर्णपदकाची कमाई केली आहे. पुरुषांच्या 77 किलो वजनी गटात वेटलिफ्टर सतीश शिवलिंगमने सुवर्णपदक पटकावले आहे. त्याने 77 किलो वजनी गटात 317 किलो वजन उचलण्याची कामगिरी केली. भारताने आतापर्यंत तीन सुवर्ण, एक रौप्य आणि एका कांस्य पदकाची कमाई केली आहे. विशेष म्हणजे ही पाचही पदके वेटलिफ्टर्सनीच पटकावली आहेत.

For Breaking News on Telegram Join LetsUp Channel, To Join Click : t.me/letsup

👆

👩‍✈ प्रेरणादायी - वीरपत्नी स्वाती महाडिक दहावीच्या अभ्यासक्रमात

Letsup I Update

दहावीच्या नव्या अभ्यासक्रमात वीरपत्नी लेफ्टनंट स्वाती महाडिक यांची प्रेरणादायी कहाणी सांगण्यात आली आहे. लेफ्टनंट स्वाती या शहीद कर्नल संतोष महाडिक यांच्या पत्नी आहेत. कर्नल संतोष महाडिक हे जम्मू काश्मीरमध्ये अतिरेक्यांशी दोन हात करताना शहीद झाले होते. पतीच्या वीरमरणानंतर उच्चशिक्षीत स्वाती यांनीही खडतर प्रशिक्षण घेऊन, सैन्यात जाणे पसंत केले. स्वाती महाडिक गेल्या वर्षी भारतीय सैन्यात लेफ्टनंट म्हणून रुजू झाल्या आहेत.

For Breaking News on Telegram Join LetsUp Channel, To Join Click : t.me/letsup

👆

💥 अखेर सलमानला जामीन मंजूर

Letsup I Breaking

▪ जोधपूर सत्र न्यायालयातून सलमान खानला जामीन मंजूर

▪ 50 हजारांच्या जातमुचलक्यावर जामीन मंजूर

▪ उच्च न्यायालयात अपीलासाठी शिक्षेला स्थगिती

▪ आज संध्याकाळपर्यंत सलमान सुटण्याची शक्यता

For Breaking News on Telegram Join LetsUp Channel, To Join Click : t.me/letsup

👆

💥 पोटनिवडणुकीत सर्व पक्षांनी गड राखले!

Letsup I Election Update

राज्यातील सहा महापालिकांतील पोटनिवडणुकांचे निकाल जाहीर झाले असून सर्वच पक्षांनी आपापल्या जागा राखल्या आहेत.

👉 मुंबई : प्रतीक्षानगर, शीव येथील प्रभाग क्र. 173 मध्ये शिवसेनेचे उमेदवार रामदास कांबळे 845 मतांनी निवडून आले.

👉 उल्हासनगर : राष्ट्रवादी काँग्रेसच्या सुमन सचदेव विजयी झाल्या आहेत. त्यांना 2,690 मते मिळाली.

👉 नाशिक : मनसेच्या उमेदवार अॅड. वैशाली भोसले विजयी झाल्या आहेत. भोसले यांना 7,490 मते मिळाली.

👉 पुणे : महापालिकेचा मुंढवा वानवडी प्रभागात राष्ट्रवादी काँग्रेसच्या पूजा कोद्रे यांचा 3521 मतांनी दणदणीत विजय झाला.

👉 सोलापुर : काँग्रेसचे नगरसेवक रफिक हत्तुरे यांच्या निधनामुळे रिक्त झालेल्या जागेवर काँग्रेसचेच तौफिक हत्तुरे 4,944 मते घेऊन निवडून आले.

👉 अहमदनगर : केडगाव वॉर्ड क्र.32 च्या पोटनिवडणुकीत काँग्रेसचे विशाल कोतकर विजयी झाले. कोतकर यांना एकूण 2340 मते पडली.

For Breaking News on Telegram Join LetsUp Channel, To Join Click : t.me/letsup

👆

LetsUp I News Updates

🔅 नवी दिल्ली - 34 कोटी पोस्ट ऑफिस बचत खातेधारकांना मे महिन्यापासून सर्व प्रकारच्या ऑनलाईन सेवा मिळणार

🔅 नवी दिल्ली - पत्नी म्हणजे कोणती वस्तू नाही, की संपत्ती समजून स्वतःसोबत राहण्यासाठी जबरदस्ती करावी : सुप्रीम कोर्ट

🔅 नवी दिल्ली - फेसबुकच्या प्रायव्हसी पॉलिसी व फिचर्समध्ये बदल, फेसबुकवर इतर ॲप्ससाठी नियम व अटी

🔅 नवी दिल्ली - कर्नाटक विधानसभा निवडणुकांसाठी भाजपाच्या उमेदवारांची पहिली यादी जाहीर, 72 उमेदवारांचा समावेश

🔅 उत्तर प्रदेश - मुख्यमंत्री योगींच्या घराबाहेर महिलेचा आत्महत्येचा प्रयत्न, भाजपा आमदारावर बलात्काराचा आरोप

🔅 सीरिया - डौमा शहरात झालेल्या रासायनिक हल्ल्यात लहान मुलांसह 70 जणांचा गुदमरून मृत्यू

🔅 मुंबई - पानी फाऊंडेशनच्या वॉटर कप स्पर्धेला सुरुवात, राज्यातील 4 हजारहून अधिक गावांचा स्पर्धेत सहभाग

🔅 मुंबई - राज्यातील कर्करोगग्रस्तांना जिल्हा रुग्णालयांमध्येच मोफत केमोथेरपीची सुविधा मिळणार

🔅 मुंबई - महामार्गावरील खेड्यातील दारू दुकाने पुन्हा सुरू होणार, सर्वोच्च न्यायालय व शासनाचा संयुक्त निर्णय

🔅 मुंबई - बॉलिवूड अभिनेत्री, निर्माती अनुष्का शर्माला चित्रमहर्षी दादासाहेब फाळके पुरस्काराने गौरवण्यात येणार

🔅 मुंबई - राष्ट्रकुल क्रीडा स्पर्धेत टेबल टेनिसमध्ये भारतीय महिलांना सुवर्णपदक, सिंगापूरवर केली मात

🔅 मुंबई - कोलकाता नाइट रायडर्सचा रॉयल चॅलेंज बेंगळुरूवर 4 गडी राखून विजय, तर पंजाबची दिल्लीवर 6 गडी राखून मात

For Breaking News on Telegram Join LetsUp Channel, To Join Click : t.me/letsup

🌧 राज्यात गारपीटीसह अवकाळी पावसाचा अंदाज

Letsup I Update

येत्या दोन दिवसांत राज्यातल्या अनेक भागांत गारपीटीची शक्यता मुंबई हवामान विभागाने वर्तवली आहे. तसेच विजांच्या कडकडाटासह मुसळधार पावसाचा इशाराही देण्यात आला आहे.

याचबरोबर पश्चिम महाराष्ट्रातील कोल्हापूर, सातारा, सांगली, सोलापूर, तर मराठवाड्यातील औरंगाबाद, जालना, बीड, उस्मानाबाद, लातूर, नांदेड, परभणी आणि हिंगोली जिल्ह्यात गारपीटीचा इशारा देण्यात आला आहे. दरम्यान काही भागात गारपीट व पावसाने सुरुवात केली आहे.

For Breaking News on Telegram Join LetsUp Channel, To Join Click : t.me/letsup

👆

👨‍💻 BSNLची नवी ऑफर; मिळणार 153 GB डेटा

Letsup I Update

IPLच्या मुहूर्तावर रिलायन्स जिओनंतर आता बीएसएनएलनेही आपल्या ग्राहकांसाठी बंपर ऑफर सादर केली आहे. बीएसएनएल या IPL सीजनसाठी 258 रुपयांमध्ये आपल्या ग्राहकांना 153 GB डेटा देणार आहे. याची व्हॅलिडीटी 51 दिवसांची असून यात प्रिपेड ग्राहकांना दररोज 3 GB डेटा मिळणार आहे. यापूर्वी रिलायन्स जिओने क्रिकेट सीजनसाठी 251 रुपयांमध्ये 102 GB डेटा पॅक देण्याची घोषणा केली होती.

For Breaking News on Telegram Join LetsUp Channel, To Join Click : t.me/letsup

👆

☄ अंतराळातही एन्जॉय करा हॉलिडेज!

Letsup I Update

अमेरिकेतील सिलिकॉन व्हॅलीतील ओरिअन स्पॅन या स्टार्टअपतर्फे अंतराळातील पहिले लक्झरी हॉटेल 'ऑरोरा स्टेशन' बनविण्यात येणार आहे. यामुळे येत्या चार वर्षात चक्क अवकाशात सुट्टी घालवता येणे शक्य होणार आहे. कॅलिफोर्नियातील सॅन जोस येथील स्पेस 2 संमेलनात ओरियन स्पॅनचे सीईओ व संस्थापक फ्रॅक बेंगर यांनी याबाबतची घोषणा केली आहे.

हे हॉटेल 2022 पर्यंत पृथ्वीच्या खालच्या कक्षेत बनविण्यात येणार असल्याचे बेंगर यांनी सांगितले. पृथ्वीपासून 321 किलोमीटर उंचीवर असलेल्या या हॉटेलमध्ये खोली आरक्षित करण्यासाठी 80 हजार डॉलर मोजावे लागणार आहेत. त्याचबरोबर तब्बल 61.1 कोटी रुपये 12 दिवसांच्या आकर्षक हॉलिडे पॅकेजसाठी मोजावे लागणार आहेत.

'ऑरोरा स्टेशन'च्या माध्यमातून पर्यटकांना अंतराळातील विविध घडामोडी अगदी जवळून अनुभवता येणार आहे. तसेच शुन्य गुरुत्वाकर्षण, अंतराळातील ग्रहांच्या आश्चर्यकारक हालचाली, सुर्योदय आणि सुर्यास्ताचे मनोहारी दृश्य यांचा अनुभव 'याची देही याची डोळा' घेता येणार आहे.

For Breaking News on Telegram Join LetsUp Channel, To Join Click : t.me/letsup

👆

⚡ RBI ची नजर घोटाळेबाज सीएंवर!

Letsup I Update

लिस्टेड कंपन्यांचे व्यवहार आणि बँकांच्या कर्जात हेराफेरी करणाऱ्या चार्टर्ड अकाउंटंट आणि कंपनी सेक्रेटरींवर आरबीआयची करडी नजर असणार आहे. पीएनबी महाघोटाळ्यानंतर रिझर्व्ह बँकेने हे धोरण अवलंबले आहे.

एका वृत्तानुसार, विविध प्रकरणांमध्ये हेराफेरी करणाऱ्या जवळपास 36 सीएंवर आरबीआयचा संशय आहे. या सीएंवर प्रमोटर्ससोबत हातमिळवणी करून बँकांच्या कर्जातील रकमेत फसवणूक तसेच हेराफेरी केल्याचा आरोप आहे. या अंतर्गत पंजाब नॅशनल बँकेच्या ऑडिटर्सनाही केंद्रीय दक्षता आयोगाने चौकशीसाठी बोलावले आहे. त्या सगळ्यांकडे या व्यवहारांविषयीचे खुलासे मागण्यात येणार आहेत. फक्त पीएनबीच नाही, तर अन्य अनेक कंपन्यांच्या सीएंवर आरबीआयची नजर राहणार आहे.

For Breaking News on Telegram Join LetsUp Channel, To Join Click : t.me/letsup

👆

LetsUp I News Updates

🔅 नवी दिल्ली - एक दिवसाचे उपोषण करणाऱ्या काँग्रेस नेत्यांनी उपोषणापूर्वी मारला छोले-भटुऱ्यांवर ताव, फोटो व्हायरल

🔅 नवी दिल्ली - आज पुन्हा एकदा भारत बंदची हाक, गृहमंत्रालयाकडून राज्यांना सतर्क राहण्याचा आदेश

🔅 नवी दिल्ली - चीनने भारताला लागून असणाऱ्या सीमेवर टेहळणी क्षमता वाढवली, अत्याधुनिक गस्ती नौका तैनात

🔅 हिमाचल प्रदेश - कांगडा जिल्ह्यात नुरपूर परिसरात स्कूल बस 100 मीटर खोल दरीत कोसळली, 29 विद्यार्थी ठार

🔅 छत्तीसगड - पंतप्रधान मोदींच्या छत्तीसगड दौऱ्यापूर्वीच जवानांच्या बसवर नक्षलवाद्यांचा हल्ला, दोघे जण शहीद

🔅 मध्य प्रदेश - पाच संतांना राज्यमंत्र्यांचा दर्जा दिल्याबद्दल मध्य प्रदेश सरकारला हायकोर्टाची कारणे द्या नोटीस

🔅 मोरोक्को - ब्रिटनची महाराणी एलिझाबेथ प्रेषित मोहंमद पैगंबरांची थेट वंशज, एका इतिहासकारांचा दावा

🔅 मुंबई - रायगडाच्या संवर्धनासाठी केंद्र आणि राज्य सरकार एकत्र, पंतप्रधान कार्यालयात महत्वपूर्ण बैठक पार

🔅 मुंबई - मलाही कॉम्प्रमाईजच्या ऑफर आल्या होत्या, ज्येष्ठ अभिनेत्री अलका कुबल यांचा धक्कादायक खुलासा

🔅 मुंबई - राष्ट्रकुल क्रीडा स्पर्धेत भारताची पदकांची लयलूट, पाचव्या दिवशी भारताची पदक संख्या 19 वर गेली

🔅 मुंबई - हैदराबादचा राजस्थानवर 9 गडी राखून दणदणीत विजय; केदार जाधव आयपीएलमधून बाहेर, चेन्नईला झटका

For Breaking News on Telegram Join LetsUp Channel, To Join Click : t.me/letsup

💥 खंडाळा घाटात भीषण अपघात; 18 जण ठार

ब्रेकिंग

साताऱ्याहून पुण्याकडे जाणाऱ्या टेम्पोला पुणे-बंगळुरु महामार्गावर खंडाळा घाटात भीषण अपघात झाला. यामध्ये तब्बल 18 मजुरांचा मृत्यू झाला असून 14 जण जखमी झाले आहेत. चुकीच्या पद्धतीने वळण असल्याने चालकाचे नियंत्रण सुटल्याने हा अपघात झाल्याचे कळते. दरम्यान मृतांचा आकडा वाढण्याची भीती व्यक्त केली जात आहे.

29 चिमुकल्यांवर काळाचा घाला

हिमाचल प्रदेशातील कांगाडा जिल्ह्यात गुरुचाल गावानजीक सोमवारी सायंकाळी शालेय बस दरीत कोसळून झालेल्या भीषण अपघातात 29 चिमुकल्यांसह 32 जणांचा मृत्यू झाला. चालकाचा ताबा सुटल्याने बस 200 फूट दरीत कोसळली. बसमध्ये एकूण 40 ते 45 जण होते. यापैकी 13 जण गंभीर जखमी आहेत.

For Breaking News on Telegram Join LetsUp Channel, To Join Click : t.me/letsup

👆

📣 खंडणीच्या बदल्यात मागितली गर्लफ्रेंड; हैदराबादमधील 'सैराट' प्रकरण

LetsUp I Updates

एका अपहरणकर्त्याने अपहृत मुलाच्या कुटुंबाकडून चक्क आपल्या प्रेयसीची मागणी केली. हा अजब प्रकार हैदराबादमध्ये घडला आहे. मात्र पोलिसांनी अपहरणकर्त्याचा हा कट हाणून पाडला.

काय आहे प्रकार?

तेलंगणाच्या वानपर्ती जिल्ह्याच्या कोथाकोटा येथील भारतीय विद्या मंदिर स्कूलमधून एका आठ वर्षीय मुलाचे अपहरण झाले होते. 23 वर्षीय वामसी कृष्ण हा यामागील सूत्रधार होता.

आरोपीचे मुलाच्या आत्यासोबत प्रेमसंबंध होते. त्यांच्या प्रेमसंबंधाबाबत तिच्या कुटुंबीयांना समजले, त्यानंतर तिच्या कुटुंबीयांनी वामसी कृष्णला मारहाण केली होती. तसेच इथे कधीही दिसायचे नाही, अशी धमकीही दिली होती.

अपमान झाल्यामुळे व आपल्या प्रेयसीला मिळवण्यासाठी वामसी कृष्णने मुलाचे अपहरण केले व मुलाच्या मोबदल्यात प्रेयसीची मागणी केली.

वामसीच्या फोन कॉलनंतर मुलाच्या कुटुंबीयांनी अपहरणाचा गुन्हा दाखल केला. यानंतर तेलंगणा पोलिसांनी 24 तासातच पुणे रेल्वे स्टेशनवर मुलाची सुखरुप सुटका केली व वामसी कृष्णला ताब्यात घेतले.

For Breaking News on Telegram Join LetsUp Channel, To Join Click : t.me/letsup

👆

💥 एअरटेलची आकर्षक ऑफर; दररोज 2 GB डेटा मिळणार

LetsUp I Updates

आयपीएलच्या निम्मिताने टेलिकॉम कंपन्यांमध्ये सध्या 'प्राईस वॉर' चालू आहे. यामध्ये एअरटेलनेही उडी घेतली असून एक नवा पॅक आपल्या ग्राहकांसाठी आणला आहे. या नवीन पॅकनुसार 499 रुपयांच्या रिचार्जमध्ये रोज 2GB इंटरनेट डेटा वापरायला मिळणार आहे. हा रिचार्ज पॅक 82 दिवसांसाठी असेल.

एअरटेलच्या ग्राहकांनी 499 रुपयांचा रिचार्ज केल्यानंतर त्यांना लोकल आणि एसटीडी कॉल, मोफत रोमिंग, दररोज 100 एसएमएस, दररोज 2GB इंटरनेट डेटा मिळेल. म्हणजेच संपूर्ण प्लॅनचा विचार करता 82 दिवसात तुम्हाला 164GB डेटा (4G/3G) मिळणार आहे.

For Breaking News on Telegram Join LetsUp Channel, To Join Click : t.me/letsup

👆

🎬 वतन के आगे कुछ नहीं..खुद भी नहीं; 'राझी'चा ट्रेलर रिलीज

Letsup I Update

दिग्दर्शिका मेघना गुलजार यांच्या 'राझी' या नव्या सिनेमाचा ट्रेलर रिलीज झाला आहे. या सिनेमात आलिया भट्टने गुप्तहेराची भूमिका साकारली आहे. आलियाचा अफलातून अभिनय ट्रेलरमधून सर्वांचे लक्ष वेधून घेतो.

गुप्तहेराच्या (स्पाय) आयुष्यावर आधारित हा सिनेमा असल्याचे ट्रेलर पाहून लक्षात येते. जंगली पिक्चर्स आणि धर्मा प्रॉडक्शनने या सिनेमाची निर्मिती केली आहे. पुढील महिन्यात 11 मे रोजी हा सिनेमा प्रदर्शित होणार आहे.

ट्रेलर पाहण्यासाठी क्लिक करा https://goo.gl/eViJRS

For Breaking News on Telegram Join LetsUp Channel, To Join Click : t.me/letsup

👆

LetsUp I News Updates

🔅 नवी दिल्ली - 2 एप्रिलला भारत बंदमुळे घेण्यात न आलेली सीबीएसईची परीक्षा आता 27 एप्रिलला घेण्यात येणार

🔅 नवी दिल्ली - सत्ता आल्यावर भाजपला अच्छे दिन, उत्पन्नात 80 टक्क्यांनी वाढ, तर काँग्रेसच्या उत्‍पन्नात घट

🔅 नवी दिल्ली - चालू आर्थिक वर्षात खासगी क्षेत्रातील नोकरदारांना सरासरी 9.6 टक्के पगारवाढ मिळण्याचे संकेत

🔅 नवी दिल्ली - संसदेतील गदारोळाविरोधात पंतप्रधान मोदीसह भाजप खासदार एक दिवसाचे लाक्षणिक उपोषण करणार

🔅 नवी दिल्ली - मी राजीनामा देणार नाही, डेटा लीकप्रकरणी फेसबुकचा संस्थापक मार्क झुकरबर्गचे स्पष्टीकरण

🔅 मुंबई - शेतकरी कर्जवाटपाची जिल्हानिहाय माहिती आमच्याकडे नाही, सरकारच्या पारदर्शक कारभारावर प्रश्नचिन्ह

🔅 यवतमाळ - सुसाइड नोटमध्ये पंतप्रधान नरेंद्र मोदींचा उल्लेख करत शंकर चायरे या शेतकऱ्याची आत्महत्या

🔅 मुंबई - दहावीच्या पाठ्यपुस्तकाला राजकारणाची वाळवी, राज्यशास्त्राच्या पुस्तकात सत्ताधारी भाजप-शिवसेनेचे गोडवे

🔅 मुंबई - राज्य मंत्रिमंडळाचा एप्रिलअखेर विस्तार होण्याचे संकेत, चार नव्या चेहऱ्यांना संधी मिळणार

🔅 मुंबई - अभिनेत्री तमन्ना भाटीया 'अ.ब.क' या चित्रपटातून मराठी चित्रपटसृष्टीत पदार्पण करणार असल्याची माहिती

🔅 मुंबई - चेन्नई आणि कोलकातामध्ये रंगलेल्या चुरशीच्या सामन्यात चेन्नईने कोलकातावर 5 गडी राखून विजय मिळवला

For Breaking News on Telegram Join LetsUp Channel, To Join Click : t.me/letsup

💥 धक्कादायक; कर्जमाफीच्या शेतकऱ्यांची माहिती सरकारकडे नाही?

LetsUp I Updates

राज्य सरकारने दिलेल्या कर्जमाफीच्या लाभार्थींची जिल्हानिहाय यादीच राज्य शासनाकडे उपलब्ध नसल्याची बाब माहिती अधिकारातून उघड झाली आहे. त्यामुळे राज्य सरकारने दिलेल्या शेतकरी कर्जमाफीच्या पारदर्शकतेवर प्रश्नचिन्ह उभे राहिले आहेत.

आतापर्यंत राज्यातील एकूण 46 लाख 52 हजार शेतकऱ्यांच्या खात्यात 14 हजार 388 कोटींची रक्कम जमा केल्याची माहिती शासनाकडून प्राप्त झाली आहे. माहिती अधिकार कार्यकर्ते अनिल गलगली यांनी महाराष्ट्र शासनाकडे राज्यातील शेतकऱ्यांचे माफ केलेल्या कर्जाची माहिती मागितली होती.

For Breaking News on Telegram Join LetsUp Channel, To Join Click : t.me/letsup

👆

⚡ झुकेरबर्गचा पुन्हा माफीनामा; पंतप्रधान मोदींना डेटाची चिंता

LetsUp I Updates

फेसबुकचा संस्थापक मार्क झुकरबर्ग याने चोरी झालेल्या 8.7 कोटी वापरकर्त्यांची माहिती सुरक्षित ठेवण्यासाठी आम्ही पुरेशी पावले उचलली नाहीत, अशी कबुली अमेरिकी काँग्रेससमोर दिली. झुकेरबर्गने सुनावणीआधीच जाहीर केलेल्या निवेदनात माफी मागितली होती.

भारतातील निवडणुकांवर प्रभाव नाही

भारतात होणाऱ्या आगामी निवडणुकांमध्ये फेसबुककडून कोणताही हस्तक्षेप केला जाणार नाही, अशी ग्वाही झुकरबर्गने दिली. "भारतातील निवडणुकांमध्ये फेसबुकचा प्रभाव नसेल, त्यासाठी आम्ही प्रयत्न करत आहोत", असं झुकरबर्ग म्हणाला.

डेटा लीक प्रकरणानंतर मोदींनी चिंता

पंतप्रधान नरेंद्र मोदी यांनी डेटा लीक तसेच युजर्सची परवानगी न घेता त्यांचा डेटा वापरल्याप्रकरणी चिंता व्यक्त केल्याचे कळत आहे. सुत्रांकडून मिळालेल्या माहितीनुसार, पंतप्रधान नरेंद्र मोदी यांनी डेटा शेअरिंग नियमन केले जावे तसेच सर्व्हर देशांतर्गंत असावेत असा आदेश दिला आहे.

For Breaking News on Telegram Join LetsUp Channel, To Join Click : t.me/letsup

💥

For Breaking News on Telegram Join LetsUp Channel, To Join Click : t.me/letsup

💥 फेअरनेस क्रीम्ससाठी लागणार प्रिस्क्रिप्शन!

LetsUp I Updates

चेहरा गोरा करण्यासाठी वापरण्यात येणाऱ्या फेअरनेस क्रीम्स आता डॉक्टरांच्या प्रिस्क्रिप्शन शिवाय विकत घेता येणार नसल्याचे राज्य सरकारने फर्मान काढले आहे. जर फेअरनेस क्रीम तयार करणाऱ्या कंपन्यांनी या नियमांचे उल्लंघन केले तर कंपनीला कारवाईला सामोरे जावे लागणार आहे.

डेसोनाईड, बेक्लोमेथासोनसह अन्य 14 घटकांचा समावेश असेलेली क्रीम्स डॉक्टरच्या सल्ल्याशिवाय चेहऱ्याला लावणे धोकादायक आहे. त्यामुळे राज्य सरकारने स्टेरॉईड आणि अँटीबायोटीकचा समावेश असेलेल्या फेअरनेस क्रीमच्या सरसरकट विक्रीवर बंदी घातली आहे.

For Breaking News on Telegram Join LetsUp Channel, To Join Click : t.me/letsup

⚡

📣 जिओची जबरदस्त ऑफर…!

Letsup I Update

आता पुन्हा एकदा जिओने आपल्या ग्राहकांसाठी एकाहून एक चांगल्या ऑफर्स आणल्या आहे. यानुसार ग्राहकांना 248 रुपयांच्या रिचार्जवर 10 जीबी डेटाचे 10 व्हाऊचर तसेच 2500 रुपयांचे गिफ्ट देणार असल्याचे जिओने जाहीर केले आहे.

माय जिओ अॅपमध्ये 10 जीबीचे 10 व्हाऊचर मिळणार आहेत. म्हणजेच अॅपच्या माध्यमातून ग्राहकांना 100 जीबी डेटा मिळेल. हे व्हाऊचर ग्राहकांना एक वर्षांच्या आत रिडिम करता येतील. ही ऑफर 10 एप्रिलपासून सुरु झाली असून नव्याने जिओचे ग्राहक होणाऱ्यांनाच ही ऑफर मिळू शकेल.

आणखी एक आकर्षक ऑफर म्हणजे 248 रुपयांत 2500 रुपयांची भेटवस्तू मिळणार आहे. यामध्ये ग्राहकांना कमीत-कमी 149 रुपयांचा पहिला रिचार्ज करणे आणि 99 रुपयांत जिओची प्राईम मेंबरशीप घेणे आवश्यक आहे. त्यावर 999 रुपयांपर्यंतचे मोफत जिओ फाय डिव्हाईस आणि 1500 रुपयांच्या किंमतीचा 100 जीबी अतिरिक्त 4 जी डेटा मिळेल.

ही ऑफर गूगल होम किंवा क्रोमकास्ट डिव्हाईस (फक्त भारतीय) च्या खरेदीवर उपलब्ध असेल. या ऑफरचा लाभ घेण्यासाठी ग्राहकांना रिलायन्स डिजिटल, रिलायन्स डीएक्स मिनी, जिओ स्टोअर डिव्हाईस खरेदी करता येईल. जिओ प्रीपेड ग्राहकही या ऑफरचा फायदा घेऊ शकतात.

For Breaking News on Telegram Join LetsUp Channel, To Join Click : t.me/letsup

👆

💥 मोहम्मद शमीच्या पत्नीने मागितली दरमहा 10 लाखांची पोटगी!

Letsup I Update

भारताचा वेगवान गोलंदाज मोहम्मद शमीवर विविध आरोप करणाऱ्या पत्नी हसीन जहाँने अलीपूरमधील न्यायालयात दावा दाखल करून दरमहा 10 लाख रुपये एवढी पोटगी मिळण्याची मागणी केली आहे.

दरम्यान, शमीविरोधात दाखल करण्यात आलेल्या कौटुंबिक हिंसाचाराच्या खटल्यात अलीपूरच्या तिसऱ्या न्यायदंडाधिकाऱ्यांनी शमी आणि अन्य आरोपींना समन्स मिळाल्यापासून 15 दिवसांच्या आत न्यायालयात हजर राहण्याचे आदेश दिले आहेत.

For Breaking News on Telegram Join LetsUp Channel, To Join Click : t.me/letsup

👆