LetsUp I News Updates

🔅 नवी दिल्ली - 2019 मध्ये मोदींना पुन्हा सत्तेत येऊ देणार नाही, सोनिया गांधींचे भाजपला खुले आव्हान

🔅 नवी दिल्ली - अमेरिकेकडून 3 पाकिस्तानी दहशतवाद्यांची माहिती देणाऱ्यास 32.55 कोटींचे बक्षीस जाहीर

👌 नोव्हा कॉर्डलेस ट्रीमरने 'शेव्ह' ट्रिम करा आणि दिसा इम्प्रेसिव्ह, फ्लिपकार्ट वर खरेदी करण्यासाठी क्लिक करा 👉 http://fkrt.it/Ml!iJ2NNNN

🔅 राजस्थान - बारा वर्षांच्या खालील मुलीवर बलात्कार करणाऱ्यास मृत्यूदंडाची शिक्षा; राजस्थानमध्ये विधेयक मंजूर

🔅 बंगळुरु - कर्नाटक सरकार मुलींना प्राथमिक ते पदव्युत्तर पर्यंत शिक्षण मोफत देणार, 1 एप्रिलपासून अंमलबजावणी

🔅 इस्लामाबाद - पाकिस्तानचा माजी लष्करी हुकूमशहा परवेझ मुशर्रफ यांच्या अटकेचे आदेश, देशद्रोहाचा खटला

🔅 मुंबई - माझ्या भाषणाच्या वेळी वीज घालवणाऱ्यांना तुडवा, मनसे अध्यक्ष राज ठाकरे यांचे चिथावणीखोर वक्तव्य

🔅 भाऊराव कऱ्हाडे यांचा बहुप्रतीक्षित 'बबन' चा ट्रेलर रिलीज, ट्रेलर पाहण्यासाठी क्लिक करा - https://youtu.be/XXbl0S0k8hA

🔅 इपोह - सुलतान अझलन शाह हॉकी स्पर्धेत भारताचा आयर्लंडकडून पराभव; अंतिम फेरीतील प्रवेशाचे स्वप्न भंगले

For Breaking News on Telegram Join LetsUp Channel, To Join Click : t.me/letsup

💐 लोकनेते डॉ. पतंगराव कदम काळाच्या पडद्याआड

LetsUp I Updates

काँग्रेसचे ज्येष्ठ नेते आणि भारती विद्यापीठाचे संस्थापक डॉ. पतंगराव कदम यांचे दीर्घ आजाराने निधन झाले. आज संध्याकाळी 4 वाजता सांगलीतील वांगी येथे त्यांच्या पार्थिवावर अंत्यसंस्कार होणार आहेत.

डॉ. पतंगराव कदम यांचा जीवनप्रवास

👉 पतंगराव कदम यांचा जन्म 1945 रोजी सांगली जिल्ह्यातील सोनसळ या गावी झाला.

👉 गावात शाळा नसल्या कारणाने त्यांनी रोज 5 किमी चालत जाऊन प्राथमिक शिक्षण घेतले.

👉 1961 साली ते पुण्यात आले आणि एक वर्षाचा डिप्लोमा कोर्स करुन, रयत शिक्षण संस्थेच्या माध्यमिक शाळेत शिक्षक म्हणून रूजू झाले.

👉 1964 साली वयाच्या 20 व्या वर्षी पुण्यात भारती विद्यापीठाची स्थापना केली.

👉 1985 ते 2014 अशा कालावधीतील सात विधानसभा निवडणुकीत पतंगराव कदम भिलवडी-वांगी आणि पलूस विधानसभा मतदारसंघातून काँग्रेसचे उमेदवार म्हणून विजयी झाले.

👉 सलग सातवेळा विजयी होण्याचा विक्रमही त्यांच्या नावावर आहे.

👉 पश्चिम महाराष्ट्रातील 'लोकनेता' म्हणूनही त्यांचा गौरव झाला.

For Breaking News on Telegram Join LetsUp Channel, To Join Click : t.me/letsup

⚡

💥 सातवा वेतन आयोग दिवाळीपासून लागू होणार?

LetsUp I Updates

अर्थमंत्री सुधीर मुनगंटीवार यांनी अर्थसंकल्पीय भाषणात वाढीव वेतनाकरिता 10 हजार कोटींची तरतूद केली आहे. त्यामुळे दिवाळीच्या सुमारास राज्य सरकारी कर्मचाऱ्यांना सातवा वेतन आयोग लागू केला जाण्याची शक्यता वर्तवली जात आहे.

For Breaking News on Telegram Join LetsUp Channel, To Join Click : t.me/letsup

⚡

⚡ व्हॉट्सअॅपवर व्हॉईस रेकॉर्ड करणे होणार सोपे

Letsup I Update

लवकरच व्हॉट्सअॅप लॉक्ड रिकॉर्डिंग (Locked Recording) हे फिचर घेऊन येणार आहे. याच्या मदतीने युजर्स व्हॉईस रेकॉर्ड करु शकतात.

नव्या अपडेटमध्ये युजरला व्हॉईस मेसेज पाठवताना पूर्ण रेकॉर्डींग होईपर्यंत बटन होल्ड करण्याची गरज लागणार नाही. फक्त एकदाच बटण प्रेस करुन रेकॉर्डींग सुरु करा आणि संपल्यावर रेकॉर्ड आयकॉनवर क्लिक करा. सध्या अ‍ॅन्ड्राईडच्या बीटा व्हर्जनवर 2.18.70 आणि 2.18.71 वर या फिचरचे टेस्टिंग सुरु आहे.

For Breaking News on Telegram Join LetsUp Channel, To Join Click : t.me/letsup

👆

📌 सुरेश प्रभूंकडे नागरी उड्डाण मंत्रालयाचा अतिरिक्त कार्यभार

टीडीपी मंत्री अशोक गजपती राजू यांच्या राजीनाम्यानंतर केंद्रीय वाणिज्य मंत्री सुरेश प्रभूंकडे नागरी उड्डाण मंत्रालयाचा अतिरिक्त कार्यभार देण्यात आला आहे.

तेलुगू देसम पक्षाने काही दिवसांपूर्वी एनडीएतून बाहेर पडण्याचा निर्णय जाहीर केला होता. आंध्रप्रदेशचे मुख्यमंत्री चंद्राबाबू नायडू यांनी याबाबत घोषणा केली होती. त्यानंतर अशोक गजपती राजू आणि वाय. एस. चौधरी या दोन्ही केंद्रीय मंत्र्यांनीही राजीनामे दिले होते.

For Breaking News on Telegram Join LetsUp Channel, To Join Click : t.me/letsup

👆

📣 रॉयल एन्फिल्डची नवी ऑफर

रॉयल एनफिल्ड कंपनीने जुन्या दुचाकी विक्री व्यवसायात पाऊल ठेवले आहे. कंपनीने जुन्या बुलेट विकण्यासाठी सुरु केलेल्या स्टोअरला ‘विंटेज स्टोअर’ असे नाव दिले आहे. कंपनीने आपले पहिले स्टोअर चेन्नईत सुरु केले असून लवकरच देशभरात त्याचा विस्तार केला जाणार आहे.

या विंटेज स्टोअरमध्ये केवळ रॉयल एन्फिल्डचीच विक्री होईल. शिवाय जुन्या गाड्या खरेदी करण्यासाठी कर्जाची सुविधाही उपलब्ध करुन दिली जाणार आहे. इतकंच नाही तर गाडीचा विमा आणि विक्रीनंतर ज्या सुविधा नव्या गाड्यांना दिल्या जातात, त्या सुविधा दिल्या जाणार आहेत. महत्त्वाचं म्हणजे या गाड्यांची क्वालिटी टेस्ट अर्थात गुणवत्ता चाचणी होईल. प्रत्येक बाईक 92 पातळ्यांवर तपासली जाईल.

For Breaking News on Telegram Join LetsUp Channel, To Join Click : t.me/letsup

👆

🚆 रेल्वेचे तिकीट दुसऱ्याला देता येणार

Letsup I Update

जर काही कारणास्तव प्रवास करणे रद्द झाले तर आता रेल्वे तिकीट फुकट जाणार नाही. कारण ते तिकीट आपल्या नातेवाईकाला देणे शक्य होणार आहे. रेल्वेने यासंबंधी मार्गदर्शक तत्वे जाहीर केली आहेत. यानुसार, रेल्वेच्या मुख्य आरक्षण पर्यवेक्षकांना हा अधिकार देण्यात आला आहे.

पर्यवेक्षक एखाद्या विशिष्ट प्रवाशाचा प्रवास रद्द झाला तर ते तिकीट त्याच्या नातेवाईकाच्या नावे बदलू शकतात. मात्र, हा तिकीटबदल फक्त आई-वडील, बहीण-भाऊ, मुलगा-मुलगी किंवा पती-पत्नी असाच होऊ शकणार आहे. तिकीटावरील नाव बदलण्यासाठी प्रवास सुरू होण्याच्या 48 तास आधी तिकीट आरक्षण केंद्रात जाऊन नावात बदल करता येऊ शकेल. तसेच सरकारी कर्मचाऱ्यांसाठी प्रवासाच्या वेळेच्या 24 तास आधी ही सुविधा उपलब्ध असणार आहे. मात्र, तिकीट फक्त एकदाच बदलून दिले जाऊ शकते.

For Breaking News on Telegram Join LetsUp Channel, To Join Click : t.me/letsup

👆

LetsUp I News Updates

🔅 नवी दिल्ली - सुप्रीम कोर्टाचा सर्वसामान्यांना दिलासा, आधार लिंक करण्याची अंतिम मुदत अनिश्चित काळासाठी वाढवली

🔅 नवी दिल्ली - रिझर्व्ह बँकेने घोटाळ्यांना पायबंद घालण्यासाठी सर्व बँकांना LoU आणि LoCs जारी करण्यास बंदी घातली

🔅 नवी दिल्ली - ट्विटरने फेक फॉलोअर असलेल्यांची यादी प्रसिद्ध केली, पंतप्रधान नरेंद्र मोदी यांचे जगात सर्वाधिक फेक फॉलोअर

🔅 नवी दिल्ली - गाय आणि म्‍हशींसाठीही 12 अंकी नंबर असलेले आधार कार्ड तयार करण्याच्या हालचाली केंद्रात सुरु

🔅 नवी दिल्ली - WhatsApp चाइल्ड पॉर्नोग्राफी ग्रुपमध्ये सर्वाधिक भारतीय, अमेरिका-चीनपर्यंत कनेक्शन, सीबीआयची माहिती

🔅 रायपूर - छत्तीसगडमधील सुकमामध्ये नक्षलवाद्यांचा सीआरपीएफच्या गस्ती पथकावर हल्ला, आठ जवान शहीद, चार गंभीर

🔅 मुंबई - कोरेगाव-भीमा हिंसाचार प्रकरणी गुन्हे मागे घेणार, 9 कोटी 45 लाखांची भरपाई राज्य सरकार देणार, मुख्यमंत्र्यांची माहिती

🔅 मुंबई - विश्वास पाटील यांची एसआरए घोटाळा प्रकरणी सीआयडीतर्फे चौकशी, 137 फाईल्‍सपैकी 33 फाईल्‍समध्ये भ्रष्टाचार

🔅 मुंबई - दूध भेसळ करणाऱ्यांविरोधात कडक कायदा, तीन वर्ष शिक्षेची तरतूद करण्याचा कायदा आणणार - गिरीश बापट

🔅 नवी दिल्ली - सुलतान अझलन शाह हॉकी स्पर्धेत भारतीय संघाचे कर्णधारपद भूषवणाऱ्या सरदार सिंगलाच डच्चू देण्यात आला

For Breaking News on Telegram Join LetsUp Channel, To Join Click : t.me/letsup

💥 ज्येष्ठ शास्त्रज्ञ स्टीफन हॉकिंग यांचे निधन

ब्रेकिंग

ज्येष्ठ शास्त्रज्ञ स्टीफन हॉकिंग यांचे आज सकाळी निधन झाले. केंब्रिज येथील राहत्या घरी हॉकिंग यांनी अखेरचा श्वास घेतला. दुर्दम्य इच्छाशक्तीच्या जोरावर हॉकिंग यांनी आपल्या दुर्धर अशा आजारपणावर मात करत विज्ञान विषयात महत्त्वपूर्ण योगदान दिले आहे. त्यांचे 'ब्रिफ हिस्टरी ऑफ टाईम' हे पुस्तक विशेष गाजले. या पुस्तकात त्यांनी बिग बँग आणि कृष्णविवरासंदर्भात सविस्तर वर्णन केले होते.

For Breaking News on Telegram Join LetsUp Channel, To Join Click : t.me/letsup

⚡

LetsUp News Updates

● नवी दिल्ली - केंद्र सरकारने 2019 च्या लोकसभा निवडणुकीत संपूर्ण देशभर व्हीव्हीपॅट यंत्रणा असलेली मतदानयंत्रे वापरण्याची तयारी केली सुरु

● नवी दिल्ली - या वर्षीचे अर्थसंकल्पीय विधेयक लोकसभेत चर्चेविनाच झाले मंजूर

● नवी दिल्ली - घाऊक किंमत निर्देशांकावर आधारित महागाईच्या दरात सातत्याने घट, खाद्यपदार्थ झाले स्वस्त

● बर्लिन - जर्मन संसदेच्या बुंदेस्ताग या कनिष्ठ सभागृहाने अँजेला मर्केल यांची चान्सलरपदी सलग चौथ्यांदा केली निवड

● लखनौ - यूपीत भाजपला धक्का, पोटनिवडणुकीत दोन्ही जागांवर पराभव, काँग्रेसचे डिपॉझिट जप्त

● मुंबई - घरगुती गॅसच्या व्यावसायिक वापराच्या विरोधात लवकरच राज्यभर तपासणी मोहीम हाती घेण्यात येणार

● मुंबई - ‘शिवसेना आणि भाजप पुढच्या निवडणुका एकत्रच लढणार’, राज्याचे अर्थमंत्री सुधीर मुनगंटीवार यांनी केला दावा

● मुंबई - शिक्षक, शिक्षकेत्तर कर्मचाऱ्यांसाठी निवृत्तीयोजना लागू, 59 हजार कर्मचाऱ्यांना 1258.33 कोटी रुपयांचा निधी वितरीत, शिक्षणमंत्री विनोद तावडे यांची माहिती

● मुंबई - हीरो मोटोकॉर्पने पॅशन प्रो (53,189 रुपये) आणि पॅशन एक्स प्रोची (54,189) नवी व्हर्जन केली लॉन्च

● कोलंबो - टीम इंडियाने बांगलादेशचा 17 धावांनी पराभव करून तिरंगी मालिकेच्या फायनलमध्ये मारली धडक

● मुंबई - प्रसिद्ध दिग्दर्शक आशुतोष गोवारीकरांच्या 'पानिपत'चे पहिले पोस्टर रिलीज, हा चित्रपट 6 डिसेंबर 2019 रोजी प्रदर्शित होणार

For Breaking News on Telegram Join LetsUp Channel, To Join Click : t.me/letsup

📍 गुगल मॅप्सवर पत्ता शोधणे झाले सोपे!

Letsup I Techno Update

अनेकदा गल्लीबोळातील रस्ते शोधताना गुगल मॅपवर तारांबळ उडते. याचाच विचार करुन गुगलने भारतीयांसाठी गुगल मॅपच्या सुविधेत बदल करत ‘प्लस कोड’ नावाचे एक नवीन फिचर लाँच केले आहे. पहिल्या टप्प्यात अँड्रॉईड युजर्सला याचा वापर करता येईल. तर लवकरच आयओएस प्रणालीसाठी याला सादर करण्यात येणार असल्याचे गुगल कंपनीतर्फे जाहीर करण्यात आले आहे.

खरं तर गुगल मॅप्सवर कोणतेही ठिकाण हे अगदी अचूकपणे शोधता येते. मात्र प्लस कोडसमुळे याची कार्यक्षमता अजून वाढणार आहे. यात संबंधीत ठिकाणाच्या पत्त्याला लोकल प्लस कोडची जोड देण्यात येणार आहे. देशातील कोणत्याही भागाचा प्लस कोड जाणून घेण्याची पध्दत देखील सोपी आहे. यासाठी कुण्याही युजरला त्याला हव्या असणाऱ्या ठिकाणाला गुगल मॅप्सवर शोधावे लागेल. या ठिकाणी पीन ठेवल्यानंतर तो त्या ठिकाणाचा प्लस कोड पाहू शकतो.

हा कोड अपरिवर्तनीय आहे. म्हणजे कोणत्याही ठिकाणाचा प्लस कोड हा न बदलणारा आहे. याच्या मदतीने अगदी गुंतागुंतीचा पत्ता असणारे ठिकाणसुध्दा अतिशय सुलभपणे शोधता येणार आहे. हा कोड मोफत असून तो ऑनलाईन आणि ऑफलाईन या दोन्ही प्रकारांमध्ये वापरता येईल. कोणत्याही ठिकाणाचा प्लस कोड हा सोशल मीडियात शेअर करता येईल.

For Breaking News on Telegram Join LetsUp Channel, To Join Click : t.me/letsup

👆

💥 मिलिंद एकबोटेंना 19 मार्चपर्यंत पोलीस कोठडी

Letsup I Update

कोरेगाव-भीमा हिंसाचाराला चिथावणी दिल्याच्या आरोपाखाली अटकेत असलेल्या मिलिंद एकबोटे यांना पुणे सत्र न्यायालयाने 19 मार्चपर्यंत पोलीस कोठडी सुनावली आहे. सुप्रीम कोर्टाने मिलिंद एकबोटे यांना अटकपूर्व जामीन देण्यास नकार दिल्यानंतर, पुणे ग्रामीण पोलिसांनी राहत्या घरातून एकबोटेंवर अटकेची कारवाई केली होती.

For Breaking News on Telegram Join LetsUp Channel, To Join Click : t.me/letsup

👆

😊 फिनलंड ठरला सर्वात आनंदी देश!

Letsup I Update

संयुक्त राष्ट्रसंघाच्या अहवालानुसार 156 देशांच्या यादीत फिनलंड देश अग्रेसर ठरला आहे. फिनलंडनंतर नॉर्व, डेन्मार्क, आईसलँड, स्वित्झर्लंड, नेदरलंड, कॅनडा, न्यूझीलंड, स्वीडन, ऑस्ट्रेलिया या देशांचा टॉप 10 मध्ये समावेश होतो.

अमेरिका या यादीत अठराव्या, तर इंग्लंड एकोणीसाव्या स्थानावर आहे. आफ्रिकेतील बुरुंडी हा देश समाधानी देशांच्या यादीत शेवटच्या क्रमांकावर आहे. भारत या यादीमध्ये 133 व्या क्रमांकावर तर पाकिस्तान 75 व्या स्थानावर आहे. चीन (86), भूतान (97), नेपाळ (101), बांगलादेश (115), श्रीलंका (116) भारतापेक्षा सरस ठरले आहेत. आनंदी देशाची व्याख्या ठरवताना काही महत्वाचे निकष लावले जातात. प्रत्येक देशातील नागरिकांचे स्वातंत्र्य, सामाजिक समर्थन, विश्वास, आरोग्य आणि उत्पन्न या गोष्टी पाहिल्या जातात.

For Breaking News on Telegram Join LetsUp Channel, To Join Click : t.me/letsup

👆

💥 मोहम्मद शमीने केले धक्कादायक खुलासे!

Letsup I Update

पत्नी हसीन जहाँच्या गंभीर आरोपांमुळे अडचणीत आलेल्या भारतीय क्रिकेटर मोहम्मद शमीने काही धक्कादायक खुलासे केले आहेत. शमीला हसीन जहाँच्या पहिल्या लग्नाबद्दल प्रश्न विचारला असता तो म्हणाला की, हसीन जहाँचे आधीच लग्न झालेले असून पहिल्या नवऱ्यापासून तिला दोन मुली आहेत याची आपल्याला अजिबात कल्पना नव्हती.

त्यानंतर लग्नानंतरही याची माहिती आपल्याला देण्यात आली नाही. नंतर ही गोष्ट सांगण्याचा प्रयत्न होऊ लागला. आपल्या दोन्ही मुलींची माहितीही लपवण्याचा प्रयत्न हसीन जहाँने केला. दोन्ही मुली आपल्या बहिणीच्या आहेत जिचा मृत्यू झाला आहे असे मला सांगण्यात आले. आपण दोन्ही मुलींची खूप मदत केल्याचे शमीने यावेळी सांगितले. आपण त्यांना फिरायला घेऊन जायचो, कपडे खरेदी करुन द्यायचो अशी माहिती शमीने दिली आहे.

For Breaking News on Telegram Join LetsUp Channel, To Join Click : t.me/letsup

👆

LetsUp I News Updates

🔹 नवी दिल्ली - नरेंद्र मोदींचे व जागतिक नेत्यांचे फॉलोअर्स फेक असल्याचा सर्व्हे आमचा नाही; ट्विटरचे स्पष्टीकरण

🔹 नवी दिल्ली - केंद्रात आधी भाजपला हरवायचे, नंतर नेता ठरवायचा, विरोधकांच्या एकीचा नवा फॉर्म्युला

🔹 हरियाणा - 12 वर्षांखालील मुलीवर बलात्कार करणाऱ्यास फाशीची शिक्षा, हरियाणा विधानसभेत विधेयक मंजूर

🔹 तामिळनाडू - एआयएडीएमकेचे बंडखोर नेते टी. टी. व्ही. दिनकरन यांनी मेलुरमध्ये नव्या पक्षाची घोषणा केली

🔹 मुंबई - विजया रहाटकर यांचा राज्यसभेचा उमेदवारी अर्ज मागे, महाराष्ट्रात राज्यसभा निवडणूक बिनविरोध

🔹 मुंबई - राज्यातील सायबर गुन्ह्यांना आळा घालण्यासाठी महाराष्ट्र सायबर सुरक्षा प्रकल्प राबविण्याचा निर्णय

🔹 मुंबई - संभाजी भिडेंना अटक करा नाहीतर मोर्चा काढू, प्रकाश आंबेडकरांचे सरकारला 26 मार्चचे अल्टीमेटम

🔹 मुंबई - कोकण, मराठवाडा, विदर्भात तुरळक पावसाची शक्यता, अरबी समुद्रात कमी दाबाचा पट्टा

🔹 नवी दिल्ली - हॉलिवूड अभिनेते पियर्स ब्रॉसनन यांनी पान मसाला कंपनीकडून फसवणूक झाल्याचा आरोप केला

🔹 बेंगळुरू - विस्डेन इंडिया अल्मनॅकच्या सहाव्या आवृत्तीत सर्वोत्कृष्ट खेळाडू म्हणून लोकेश राहुलची निवड

For Breaking News on Telegram Join LetsUp Channel, To Join Click : t.me/letsup

💥 सरकारविरोधात आज अविश्‍वास ठराव!

Letsup I Update

मोदी सरकारविरोधात आज लोकसभेमध्ये अविश्वास ठराव मांडला जाणार आहे. आंध्र प्रदेशला विशेष राज्याच्या दर्जाची मागणी करणाऱ्या वायएसआर काँग्रेस पक्षाकडून हा अविश्वास ठराव मांडण्यात येणार आहे.

वायएसआर काँग्रेसने सरकारविरोधात अविश्वास ठरावाची नोटीस दिली असून, त्यावर आज लोकसभेत विचार होईल. या नोटिसीला किमान 50 खासदारांचा पाठिंबा मिळाला तरच ठराव आणला जाईल. दरम्यान वायएसआर काँग्रेसचे केवळ नऊच खासदार आहेत.

For Breaking News on Telegram Join LetsUp Channel, To Join Click : t.me/letsup

👆

⚖ दलेर मेहंदीला 2 वर्षांची शिक्षा

Letsup I Update

प्रसिद्ध गायक दलेर मेहंदीला मानव तस्करी प्रकरणी दोषी धरत पंजाबमधील पटियाला न्यायालयाने दोन वर्षांच्या कारावासाची शिक्षा सुनावली आहे. या निर्णयानंतर पोलिसांनी तातडीने दलेर मेहंदीला अटक केले आहे. मानव तस्कर प्रकरण हे 2003 मधील असून, तब्बल 15 वर्षांनी दलेर मेहंदी दोषी ठरला.

For Breaking News on Telegram Join LetsUp Channel, To Join Click : t.me/letsup

👆

💧 जगभरातील बाटलीबंद पाण्याची गुणवत्ता धक्कादायक

Letsup I Update

जगभरातील बाटलीबंद पाण्याच्या गुणवत्तेबाबत धक्कादायक माहिती समोर आली आहे. यानुसार, प्लॅस्टिकचे सूक्ष्म कण जगभरातील 90 टक्के बाटलीबंद पाण्यात आढळून आले आहेत. जगातील 9 देशांतील 11 मोठ्या ब्रँडसचा यात समावेश आहे. यात भारतातील ब्रिस्लरी, अॅक्वाफिना आणि ईव्हियनसारख्या कंपन्यांचाही समावेश आहे.

यासाठी दिल्ली, चेन्नई, मुंबईसह जगातील 19 शहरांतील नमुने गोळा करण्यात आले होते. चाचणीदरम्यान 1 लिटर पाण्याच्या बाटलीत 10.4 मायक्रोप्लॅस्टिक अवशेष मिळाले. नळाच्या पाण्याच्या तुलनेत हे प्रमाण दुप्पट आहे. भारतातील 93 टक्के नमुन्यांत प्लॅस्टिकचे अंश सापडले. यात भारतातील बिस्लरी आणि अॅक्वाफिना, अॅक्वा, दसानी, एव्हियन, नेस्ले प्युअर लाइफ आणि सान पेलेग्रिनोसारख्या ब्रॅडचा समावेश आहे.

For Breaking News on Telegram Join LetsUp Channel, To Join Click : t.me/letsup

👆

🎬 आठ दिवसांत बबन'चा युट्युबवर धुमाकूळ!

Letsup I Update

'ख्वाडा' फेम दिग्दर्शक भाऊराव कऱ्हाडे यांच्या बहुप्रतीक्षित 'बबन' या मराठी चित्रपटाने युट्युबवर चांगलाच धुमाकूळ घातलाय. आठ दिवसांत या चित्रपटाच्या ट्रेलरने आठ लाखांचा टप्पा ओलांडलाय.

रोमान्स, अॅक्शन, टेरर, दोस्ती यांचा धमाकेदार पॅक असलेला हा ट्रेलर पाहून चाहत्यांना चित्रपटात काय असेल याची कमालीची उत्सुकता लागली आहे. येत्या 23 मार्च रोजी चाहत्यांच्या मनातील सर्व प्रश्नांची उत्तर मिळणार आहे. मग तोपर्यंत पहा ट्रेलरची एक झलक...

ट्रेलर पाहण्यासाठी क्लिक करा : https://youtu.be/XXbl0S0k8hA

मग मंडळी 'कसं..? बबन म्हणेल तसं...!'

For Breaking News on Telegram Join LetsUp Channel, To Join Click : t.me/letsup

👆

LetsUp I News Updates

🔅 नवी दिल्ली - पदवी अभ्यासक्रमासाठी तीन वर्षांचा कालावधी बदलून चार वर्षांचा करण्याचा सरकारचा विचार

🔅 नवी दिल्ली - 31 फरार उद्योगपतींकडे सुमारे 40 हजार कोटी रुपयांची थकबाकी असल्याची माहिती

🔅 नवी दिल्ली - दोन हजार रुपयांची नोट रद्द करणार नसल्याचा पुनरुच्चार केंद्र सरकारने लोकसभेत केला

🔅 नवी दिल्ली - राहुल गांधी यांच्या अध्यक्षतेखालील काँग्रेसच्या पहिल्याच महाअधिवेशनास प्रारंभ झाला

🔅 श्रीनगर - पुलवामा सेक्टरमध्ये जवानांनी राबवलेल्या मोहिमेदरम्यान दोन दहशतवाद्यांचा खात्मा

🔅 मुंबई - पक्षस्थापना दिनानिम्मित 6 एप्रिलला मुंबईतल्या बीकेसी मैदानावर भाजपतर्फे महामेळावा आयोजित

🔅 मुंबई - राज्यात प्लास्टिक बंदी, विक्रेत्यांसोबत प्लास्टिक वापरणा-यांवरही करणार कारवाईची घोषणा

🔅 नवी दिल्ली - पंजाबी गायक दलेर मेहंदीला दोन वर्षे तुरुंगवासाची शिक्षा, मानवी तस्करी प्रकरणात दोषी

🔅 कोलंबो - निदाहास टी-20 मालिकेत बांगलादेशने श्रीलंकेचा 2 गडी राखून पराभव केला, फायनलमध्ये भारताशी मुकाबला

For Breaking News on Telegram Join LetsUp Channel, To Join Click : t.me/letsup

🚚 वाहन स्क्रॅप धोरण मंजूर; जुन्या वाहनांवर कायमची बंदी

Letsup I Update

सरकारच्या उच्चस्तरीय समितीने वाहन स्क्रॅप धोरणास तत्त्वत: मंजुरी दिली आहे. या नवीन धोरणानुसार आता 1 एप्रिल 2020 पासून 20 वर्षांपेक्षा जुनी ट्रक, बस, टॅक्सीसारखी व्यावसायिक वाहने चालवता येणार नाहीत. रस्ते परिवहन मंत्रालय याबाबत तीन महिन्यांत अधिसूचना जारी करू शकते. देशात सध्या 2 कोटी 80 लाखांपेक्षा जास्त व्यावसायिक वाहने 20 वर्षांपेक्षा जुनी आहेत.

For Breaking News on Telegram Join LetsUp Channel, To Join Click : t.me/letsup

👆