बीडमध्ये मराठा क्रांती संघर्ष मोर्चास सुरुवात

LetsUpp | Beed

बीडमध्ये मराठा क्रांती संघर्ष मोर्चास सुरुवात झाली आहे.

आरक्षणाच्या मागणीसाठी मराठा समाज आक्रमक झाला असून बीडमध्ये मराठा नेते विनायक मेटे यांच्या नेतृत्वात मोर्चा निघाला आहे.

ठिकठिकाणी पोलिसांचा बंदोबस्त तैनात आहे, त्यामुळे पोलिस यंत्रणेकडून दबाव आणला जात असल्याचा आरोप विनायक मेटे यांच्याकडून करण्यात आला आहे.

प्रशासनाचा दबाव असला तरी मोर्चा सुरु राहणार असा पवित्रा विनायक मेटे यांनी घेतला आहे.

यावेळी मोठ्या संख्येने महिला व पुरुषांची तसेच युवकांची या मोर्च्यामध्ये उपस्थिती होते.

तसेच कोणत्याही प्रकारचा अनुचित प्रकार घडणार नाही तसेच कायदा व सुव्यवस्थेचे संपूर्ण पालन होईल याची दक्षता आयोजकांनी घेतली.

To know more click here
https://letsup.app.link/VAPQptgXPgb

कोरोना लसीचे दोन्ही डोस घेतले असतील तर टेस्ट जरुरी आहे का ?

LetsUpp | Covid Helpline

● कोरोना आणि लसीकरणावरून लोकांच्या मनात वेगवेगळे प्रश्न येत आहेत. जर कोरोना लसीचे दोन्ही डोस घेतले तर कोरोना चाचणी करणे गरजेचे आहे का? असे प्रश्न अनेकांच्या मनात पडले आहेत.. याबद्दल जाणून घेऊया सविस्तर ...

● अमेरिकेच्या सेंटर फॉर डिसीज कंट्रोल अँड प्रिव्हेंन्शन (सीडीसी) नुसार जर तुम्ही कोरोनाच्या दोन्ही लसी घेतल्या असतील तर तुम्हाला कोरोना टेस्ट करणे किंवा क्वारंटाईन होण्याची गरज राहणार नाही. जरी तुम्ही एखाद्या कोरोना संक्रमित व्यक्तीच्या संपर्कात आला असाल तरी देखील याची गरज राहणार नाही.

● कोरोनावर नवीन संशोधनातून हे नवीन गाईडलाईन देण्यात आली आहे. ज्या लोकांना कोरोना लसीचे दोन डोस घेतले आहेत, त्यांना कोरोनाचे गंभीर संक्रमण होण्याचा धोका कमी आहे. संशोधनानुसार जरी तुम्हाला कोरोना झाल तरी देखील तुमच्यापासून तो दुसऱ्यांना होण्याचा आणि लक्षणे दिसण्याचा धोका कमी असतो. कोणत्याही व्यक्तीने दोन्ही व्हॅक्सिन घेतल्या असतील तर त्याला स्क्रिनिंगचीदेखील गरज नाही.

● यावरून अमेरिकेमध्ये तज्ज्ञांचे दोन गट प़डले आहेत. सीडीसीने काही टेस्टिंग गाईडलाईन्स थोड्या बदलाव्यात. सध्याच्या संकटात सामान्य ताप आणि व्हायरसदेखील कोरोना व्हायरसकडे इशारा करतात. यामुळे टेस्टिंग क्षमतेवर दबाव वाढतो.

कोरोना रुग्णांसाठी लागणाऱ्या सर्व अत्यावश्यक गोष्टी तसेच महत्वपूर्ण माहिती आता मिळवा एका क्लिकवर!
https://letsup.app.link/UoaYIih3Pgb

ट्विटर अकाउंटच्या ब्लू टिकवरून वाद; जाणून घ्या ब्ल्यू टिकचे नियम...

Letsupp | Trending

मायक्रोब्लॉगिंग साईट ट्विटरने उपराष्ट्रपती वेंकय्या नायडू यांचे पर्सनल ट्विटर अकाउंटची ब्लू टिक काढली त्यानंतर ती पुन्हा देण्यात आली.
तसेच राष्ट्रीय स्वयंसेवक संघाच्या कृष्ण गोपाल, सुरेश सोनी, सुरेश जोशी आणि अरुण कुमार या नेत्यांच्या अकाऊंटची ब्लू टिक हटवल्यानंतर वाद निर्माण झाला आहे. या पार्श्वभूमीवर जाणून घेऊयात ब्ल्यू टिकचे नियम नक्की आहेत?
ट्विटर अकाउंटची ब्लू टिक अकाउंटची सत्यता दर्शवते. युजर्स ब्ल्यू टिक मिळवण्यासाठी अ‍ॅप्लाय करू शकतात. ब्ल्यू टिक मिळवण्यासाठी अटींची पूर्तता करणे गरजेचे असते.

ब्लू टिक मिळवण्याच्या नियम काय आहेत? :
● अकाउंटवरील प्रोफाइल फोटो, नाव, इमेल आयडी, फोन नंबर, व्हेरिफाय असावा.
● मागील सहा महिन्यांपासून अकाउंट अ‍ॅक्टिव्ह असावं गेल्या १२ महिन्यात ट्विटरच्या नियमांचे उल्लंघन झालेल नसावे.
● व्हेरिफिकेशनसाठी सरकारने दिलेला आयडी, ई-मेल आयडी, ऑफिशियल वेबसाइट द्यावी.

ब्लू टिक मिळण्याची प्रक्रिया काय असते? :
● ब्लू टिकसाठी अ‍ॅप्लाय केल्यानंतर ट्विटर मेलवर तुम्हाला रिप्लाय देईल.
● अकाउंट व्हेरिफाय झाल्यावर प्रोफाईलवर ब्लूटूथ दिसेल.
● अकाउंट व्हेरिफाय न झाल्यास ३० दिवसांनी पुन्हा अप्लाय करू शकता.

ब्लू टिक का हटवली जाते? :
● अकाउंट खूप दिवसांपासून अ‍ॅक्टिव्ह नसेल तर.
● पद सोडल्यानंतर अकाउंटची ब्लू टिक हटवली जाऊ शकते.
● तसेच वारंवार नाव, बायो, प्रोफाईल फोटो बदलून दिशाभूल करण्याचा प्रयत्न केल्यास.
● पॉलिसीचे उल्लंघन केल्यास.

To know more click here
https://letsup.app.link/FGudtEH9Pgb

सर्वोत्कृष्ट जिल्हाधिकारी म्हणून अभिजीत राऊत यांचा मुख्यमंत्र्यांच्या हस्ते सन्मान

LetsUpp | Trending

● 'माझी वसुंधरा' अभियान २०२०-२१ अतंर्गत जळगाव जिल्ह्याने राज्यात सर्वोत्तम कामगिरी केल्याबद्दल जिल्हाधिकारी अभिजीत राऊत यांचा सर्वोत्कृष्ट जिल्हाधिकारी म्हणून राज्याचे मुख्यमंत्री उध्दव ठाकरे यांच्या हस्ते ऑनलाईन सन्मान करण्यात आला.

● तसेच सर्वोत्कृष्ट मुख्य कार्यकारी अधिकारी म्हणून जळगाव जिल्हा परिषदेचे मुख्य कार्यकारी अधिकारी डॉ. बी. एन. पाटील यांचा देखील मुख्यमंत्री उध्दव ठाकरे यांच्या हस्ते ऑनलाईन सन्मान करण्यात आला.

● उपमुख्यमंत्री अजित पवार, महसुलमंत्री बाळासाहेब थोरात, ग्रामविकासमंत्री हसन मुश्रीफ, पर्यावरण व वातावरणीय बदल विभागाचे मंत्री आदित्य ठाकरे, राज्यमंत्री संजय बन्सोड, पर्यावरण विभागाच्या प्रधान सचिव मनीषा पाटणकर-म्हैसकर यांच्या प्रमुख उपस्थितीत सन्मान झाला.

● राज्याच्या पर्यावरण व वातावरणीय विभागातर्फे माझी वसुंधरा अभियानातंर्गत भूमी, जल, वायू, अग्नी व आकाश या निसर्गाशी संबंधित पंचतत्वांवर आधारित राज्यातील स्थानिक स्वराज्य संस्थांची २ ऑक्टोबर, २०२० ते ३१ मार्च २०२१ या कालावधीत पाच गटात स्पर्धा घेण्यात आली. या स्पर्धेचा पुरस्कार वितरण समारंभ आज पर्यावरण दिनी मान्यवरांच्या उपस्थितीत ऑनलाईन झाला.

To know more click here
https://letsup.app.link/qCkNJLqmQgb

रायगडावर शिवराज्याभिषेक सोहळ्याची जय्यत तयारी

LetsUpp | Trending

● छत्रपती शिवाजी महाराज यांच्या राज्याभिषेक सोहळ्यासाठी प्रशासनाने कडक निर्बंध घालून दिले असून, छत्रपती संभाजीराजेंसह केवळ २० जणांच्या उपस्थितीत रायगडावर हा सोहळा संपन्न होणार आहे. विशेष म्हणजे यावेळी राज्याभिषेकासाठी शिवमुद्रा असणार आहे.

● छ. संभाजीराजे यांच्या हस्ते सकाळी राजसदरेवर शिवप्रतिमेला अभिषेक करून हा राज्याभिषेक साजरा होणार आहे. पोलीस प्रशासनाने रायगडाकडे जाणाऱ्या सर्व मार्गांवर नाकाबंदी केली आहे. जिल्हाधिकारी व पोलीस अधीक्षक शिवराज्याभिषेक सोहळ्यासाठी उपस्थित राहणार आहेत.

To know more click here
https://letsup.app.link/TMl054viRgb

आणखी एका लसीचा समावेश : फक्त ५०० रुपयांत दोन डोस मिळणार ?

LetsUpp | Covid Helpline

● कोरोनावर मात करण्यासाठी वेगवान लसीकरण हा एकमेव उपाय आहे. सरकारने कोर्बेव्हॅक्स लसीच्या ३० कोटी मात्रांची ऑर्डर दिली आहे. या कोर्बेव्हॅक्स लसीचे दोन डोस केवळ ५०० रुपयांत मिळतील, अशी शक्यता आहे.

● नवीन लस : कोर्बेव्हॅक्स

- हैदराबादस्थित बायोलॉजिकल ई या कंपनीने ही लस तयार केली आहे.
- केंद्र सरकारने कोर्बेव्हॅक्स लसीच्या ३० कोटी मात्रांची ऑर्डर या कंपनीकडे नोंदवली आहे.

● या लसीचे महत्त्व काय?

- केंद्र सरकारने ३० कोटी लसमात्रांची ऑर्डर नोंदवली आहे. त्यामुळे १५ कोटी लोकांचे लसीकरण करता येणार आहे.
- लसीच्या प्री-क्लिनिकल आणि क्लिनिकल चाचण्यांना केंद्र सरकारने पाठिंबा दिला. तसेच १५०० कोटी रुपयांचे आर्थिक पाठबळ दिले आहे.
- लसींचा तुटवडा देशात भासत असताना कोर्बेव्हॅक्सच्या निर्मितीला प्रोत्साहन देण्यात आले आहे.

● कोर्बेव्हॅक्स आहे काय?

- कोर्बेव्हॅक्स ही रिकॉम्बिनन्ट प्रोटिन सब-युनिट प्रकारची लस आहे. कोरोनाच्या स्पाइक प्रोटिन या विशिष्ट भागापासून तिची निर्मिती करण्यात आली आहे.

- स्पाइक प्रोटिन विषाणूला शरीरात प्रवेश करण्यास मदत करतो जेणेकरून त्याची प्रतिकृती तयार होऊन आजार निर्माण होतो. परंतु फक्त प्रोटिनच शरीरात प्रवेश करू शकले तर त्याचा शरीरावर प्रतिकूल परिणाम होत नाही. कारण विषाणू अनुपस्थित असतो.

- लसीत असलेला स्पाइक प्रोटिन शरीरात इंजेक्ट केला की त्यामुळे प्रतिकारशक्ती निर्माण होते.

- हेपेटायटिस-बी लस तयार करण्यासाठी ही पद्धत गेल्या कित्येक वर्षांपासून वापरली जाते. मात्र, कोरोनाविरोधातील लढाईत कोर्बेव्हॅक्सच्या निर्मितीत प्रथमच हा प्रयोग केला जाणार आहे.

कोरोना रुग्णांसाठी लागणाऱ्या सर्व अत्यावश्यक गोष्टी तसेच महत्वपूर्ण माहिती आता मिळवा एका क्लिकवर!
https://letsup.app.link/Z8LmFankRgb

भारतीय इतिहासातील सुवर्णक्षण 'शिवराज्याभिषेक'

LetsUpp | Special

● हिंदवी स्वराज्याचे संस्थापक आणि अवघ्या महाराष्ट्राचे दैवत श्री छत्रपती शिवाजी महाराज यांचा राज्याभिषेक सोहळा दरवर्षी 6 जूनला किल्ले रायगडावर मोठ्या उत्साहात साजरा केला जातो.

● छत्रपती शिवाजी महाराजांच्‍या स्‍वराज्‍याची राजधानी रायगड किल्‍ला होता. याच ठिकाणी 6 जून 1674 या दिवशी महाराजांचा राज्याभिषेक झाला. त्‍यामुळे हा दिवस भारतीय इतिहासातील सुवर्णक्षण म्हणून ओळखला जातो.

● या पार्श्वभूमीवरच महाराजांचा राज्याभिषेक सोहळा कसा झाला होता? महाराजांनी रायगडालाच का राजधानीचा दर्जा दिला होता? याविषयी माहिती जाणून घेऊयात.

असा पार पडला होता शिवराज्याभिषेक :

● प्रत्यक्षात शिवाजी महाराजांच्या राज्याभिषेक सोहळ्याचे वर्णन आपण ऐकले तर तो एक दैदिप्यमान सोहळा होता. यात राजांचा अभिषेक करण्यात आला आणि त्यानंतर त्यांच्या डोक्यावर छत्र धरण्यात आले. हे दोन मुख्य विधी पार पडल्यानंतर महाराज छत्रपती झाले.

● यावेळी छत्रपती शिवाजी महाराजांनी पांढरी शुभ्र वस्त्र परिधान केले होते. गळ्यात फुलांच्या माळा घातलेल्या होत्या. त्यानंतर महाराजांनी हिंदवी स्वराज्याची शपथ घेतली. गागाभट्ट आणि इतर ब्राह्मणांनी मंत्रोच्चारण करत शिवरायांचा राज्याभिषेक सोहळा केला. त्यानंतर 32 मण सोन्याने सजवलेल्या भव्य सिंहासनावर महाराज आरुढ झाले.

महाराजांनी रायगडालाच का दिला राजधानीचा दर्जा?

● शिवाजी महाराजांनी 6 एप्रिल 1656 रोजी रायगडास वेढा घातला होता. पुढे एका महिन्‍यानंतर हा किल्‍ला महाराजांच्या ताब्यात आला.

● तेथे असताना, कल्याणचा सुभेदार मुल्ला अहमद खजिना घेऊन विजापूरकडे निघाल्याची बातमी महाराजांना समजली. त्यांनी तो खजिना लुटून रायगडावर आणला. त्या खजिन्याचा उपयोग गडाच्या बांधकामासाठी केला.

● रायगडाचा माथा राजधानी बनवण्यास सोयीचा व पुरेसा आहे. शत्रूला अवघड वाटणा-या प्रदेशातले ते अधिक अवघड ठिकाण आहे. सागरी दळणवळणासही हे ठिकाण जवळ आहे म्हणून महाराजांनी राजधानीसाठी या गडाची निवड केली.

सर्व वर्तमान घडामोडी, तज्ज्ञांचे मार्गदर्शन, यशोगाथा, ऐतिहासिक बाबी तसेच इतर महत्वाच्या गोष्टी जाणून घेण्यासाठी आजच डाऊनलोड करा लेट्सअप अ‍ॅप
https://letsup.app.link/pcG4z32bRgb

‘माझी वसुंधरा’ अभियानात नगर जिल्ह्याने उमटविला ठसा

LetsUpp | Ahmednagar

● राज्य शासनाच्या ‘माझी वसुंधरा’ अभियानात सन २०२०-२१ मध्ये नगर जिल्ह्याने ठसा उमटविला आहे. शिर्डी नगरपंचायत राज्यात प्रथम, तर कर्जत नगरपंचायतीने द्वितीय क्रमांक पटकाविला आहे.

● माझी वसुंधरा-२०२१ या अभियानेत उत्कृष्ट कामगिरी केलेल्या ग्रामपंचायत, नगरपंचायत, नगर परिषदा, महानगरपालिका आणि वैयक्तिकरीत्या चांगली कामगिरी करणाऱ्या अधिकाऱ्यांना शनिवारी मुख्यमंत्री उद्धव ठाकरे, उपमुख्यमंत्री अजित पवार यांच्या उपस्थितीत ऑनलाईन पुरस्कार देऊन गौरविण्यात आले.

● ग्रामपंचायत गटात मिरजगावने (ता. कर्जत) द्वितीय तर लोणी बुद्रूक (ता. राहाता) ने उत्तेजनार्थ पारितोषिक मिळवले. नगरपंचायत गटात शिर्डी नगरपंचायतने राज्यात सर्वप्रथम क्रमांक पटकावला, तर कर्जत नगरपंचायतीला द्वितीय पारितोषिक मिळाले. नगर परिषद गटात संगमनेर नगर परिषदेने उत्तेजनार्थ तृतीय क्रमांक पटकावला.

● यामध्ये जिल्हाधिकारी गटात अहमदनगरचे जिल्हाधिकारी डॉ. राजेंद्र भोसले यांना प्रथम क्रमांकाचे पारितोषिक प्रदान करण्यात आले. मुख्य कार्यकारी अधिकारी गटात जिल्हा परिषदेचे मुख्य कार्यकारी अधिकारी राजेंद्र क्षीरसागर यांना द्वितीय क्रमांकाचे पारितोषिक देऊन गौरविण्यात आले.

अहमदनगर जिल्ह्यातील सर्व घडामोडी जाणून घेण्यासाठी डाऊनलोड करा लेट्सअप अ‍ॅप
https://letsup.app.link/ISDRcBZnRgb

पेट्रोल-डिझेलच्या दरवाढीविरोधात काँग्रेसचे उद्या राज्यव्यापी आंदोलन

LetsUpp | Trending

● "पेट्रोल, डिझेल व एलपीजी गॅसच्या किंमती भरमसाठ वाढवल्या आहेत. पेट्रोलने १०० रुपये लिटरचा टप्पा पार केला असून डिझेल ९२ रुपये लिटर झाले आहे. ही भाववाढ अशीच चालू राहिली तर डिझेल १०० रुपये लिटर होण्यास फार दिवस लागणार नाहीत. स्वयंपाकाचा गॅसही ९०० रुपये झाला आहे. मोदी सरकारच्या या अन्यायी दरवाढीविरोधात काँग्रेस उद्या (७ जून) रोजी राज्यव्यापी आंदोलन करणार आहे," अशी माहिती काँग्रेस प्रदेशाध्यक्ष नाना पटोले यांनी दिली.

● "मोदी सरकारने पेट्रोल-डिझेलमधून कराच्या रुपाने लाखो कोटी रुपये नफा मिळवून सामान्य जनतेला मात्र महागाईच्या खाईत लोटले आहे. युपीए सरकार असताना पेट्रोलवर एक्साईज ड्युटी ९.४८ रुपये होती ती आज ३२.९० रुपये म्हणजे २५८ टक्के आहे. तर डिझेलवर ३.५६ रुपये होती ती आज ३१.८० रुपये आहे म्हणजे ८२० टक्के वाढ केली आहे.

● या दरोडेखोरी विरोधात सोमवारी सकाळी ११ वाजता राज्यभर एकाचवेळी एक हजार ठिकाणी प्रत्येक विधानसभा मतदारसंघात किमान तीन पेट्रोल पंपांवर आंदोलन करून मोदी सरकारचा तीव्र निषेध केला जाणार आहे," असे नाना पटोले यांनी स्पष्ट केलं.

To know more click here
https://letsup.app.link/HENNfEYGRgb

अयोध्येतील मशिदीला स्वातंत्र्य सैनिकाचे नाव

LetsUpp | National

● अयोध्येत 5 एकर जागेवर उभारण्यात येणाऱ्या अयोध्या मशिद-हॉस्पिटल प्रोजेक्टचे नाव स्वातंत्र्य सेनानी आणि क्रांतीकारी मौलवी अहमद शाह फैजाबादी यांच्या नावावरुन ठेवण्याचा निर्णय घेण्यात आला आहे. मौलवी अहमद शाह फैजाबादी आजच्याच दिवशी 164 वर्षांपूर्वी शहीद झाले होते.

● मशिद ट्रस्टने याबाबतची घोषणा केली आहे. त्यामुळे मशिद, हॉस्पिटल, संग्रहालय, रिचर्स सेंटर आणि कम्युनिटी किचनला फैजाबादी यांचे नाव असेल. फैजाबादी यांचे 1857 च्या उठावात महत्त्वाचे योगदान होते. त्यांनी दोन वर्ष अवध प्रांताला ब्रिटिशांच्या ताब्यातून मुक्त ठेवलं होतं.

● सुन्नी वक्फ बोर्डाने नेमलेल्या ट्रस्टने नऊ महिन्यांपूर्वीच स्पष्ट केलं होतं की, मशिदीला मुघल सम्राट बाबरचे नाव देण्यात येणार नाही. टाईम्स ऑफ इंडियाला बोलताना IICF सचिव अथर हुसैन म्हणाले की, फैजाबादी यांच्या शहीद दिनी, आम्ही संपूर्ण प्रोजेक्टला त्यांचे नाव देण्याचं ठरवलं आहे. फैजाबादी हिंदू-मुस्लीम एकतेचे प्रतिक आहेत.

देश, आंतरराष्ट्रीय पातळीपासून ते गाव, शहर पातळीपर्यंत सर्व घडामोडींचा वेगवान आढावा जाणून घेण्यासाठी आजच डाऊनलोड करा लेट्सअप अ‍ॅप
https://letsup.app.link/isQKIXrKRgb

मुख्यमंत्री थोड्याच वेळात संवाद साधणार

LetsUpp | Trending

● मुख्यमंत्री उद्धव ठाकरे हे आज फेसबुक लाईव्हच्या माध्यमातून संवाद साधणार आहेत.

● आज दुपारी 12:30 वाजता ते बोलणार असून ते काय बोलतात याकडे संपूर्ण राज्याचे लक्ष लागून राहिले आहे.

● दरम्यान राज्यात आजपासून अनलॉकची प्रक्रिया राबवण्यात येत आहे. यामुळे निर्बंध शिथिल करण्यात आले आहे.

● मुख्यमंत्री आज आशा सेविकांना मार्गदर्शन करणार आहे.

● तसेच राज्यातील आशा सेविकांशी बालरोग तज्ञ टास्क फोर्सचा संवाद देखील असणार आहे.

● यामध्ये डॉ. सुहास प्रभू, डॉ. विजय येवले, डॉ. समीर दलवाई यांच्यासह डॉ आरती किणीकर हे तज्ञ मार्गदर्शन करणार आहे.

To know more click here
https://letsup.app.link/MG2ENRE3Sgb

दहावीचा निकाल कधी होणार जाहीर? जाणून घ्या

LetsUpp | Trending

● कोरोनामुळे राज्य माध्यमिक व उच्च माध्यमिक शिक्षण मंडळाच्या इयत्ता दहावीच्या परीक्षा रद्द करण्यात आल्या आहेत.

● राज्य मंडळाकडून नववी व दहावीतील अंतर्गत मूल्यमापनाच्या गुणांच्या आधारे दहावीचा निकाल प्रसिद्ध केला जाणार आहे.

● दहावीच्या निकालासाठी आवश्यक असणारा आराखडा दोन दिवसांत प्रसिद्ध केला जाईल.

● शासनाच्या मार्गदर्शक सूचनांनुसार शाळांनी या आराखड्यामध्ये विद्यार्थ्यांचे गुण भरायचे आहेत.

● दरम्यान परीक्षेचा निकाल जाहीर होण्यासाठी 15 जुलैपर्यंत प्रतीक्षा करावी लागणार असल्याचे राज्य मंडळाच्या अधिकाऱ्यांकडून
सांगितले जात आहे.

To know more click here
https://letsup.app.link/kcC4MzYcTgb

केंद्राकडून कोरोना उपचारांची नवीन गाईडलाईन जारी

LetsUpp | Covid Helpline

● देशातील कोरोनाची दुसरी लाट कमी होऊ लागली आहे. केंद्रीय आरोग्य मंत्रालयाने कोरोना उपचारांची नवीन गाईडलाईन जारी केली आहे. यापूर्वी कोरोना उपचारावर जे उपाय केले जात होते, ते सर्व औषधे हटविण्यात आले आहेत. जाणून घेऊया सविस्तर ...

● कोरोना रुग्णांना नव्या गाईडलाईननुसार खालील बाबी न करण्याचा सल्ला दिला आहे.

- वाफ घ्यायची नाही.

- कोणतेही अँटीबायोटीक घ्यायचे नाही.

- कोणतीही व्हिटॅमिनची गोळी किंवा झिंकची गोळी घ्यायची नाही.

- आयव्हरमेक्टीनचा वापर करायचा नाही.

- Doxycycline, hydroxychloroquine चा वापर करायचा नाही.

- ताप आल्यावरच फक्त पॅरॅसिटॅमोल गोळी घ्यायची आहे, अन्यथा नाही.

● ही आहेत कोरोनाची लक्षणे....

ऑक्सिजन आणि स्टेरॉईंडचा वापर योग्य प्रकारे केला जावा. कोरोनाच्या पहिल्या लाटेत कोरोना रुग्णांसाठी दिलासा देणारी प्लाझ्मा थेरपी केंद्र सरकारने कोविड ट्रिटमेंट प्रोटोकॉलमधून हटविली होती

कोरोना रुग्णांसाठी लागणाऱ्या सर्व अत्यावश्यक गोष्टी तसेच महत्वपूर्ण माहिती आता मिळवा एका क्लिकवर!
https://letsup.app.link/9N3oVsghTgb

मुंबईसह कोकणात चार दिवस अतिवृष्टीचा इशारा

LetsUpp | Trending

● मुंबईसह कोकणातील सर्व जिल्ह्यात दि.९ ते १२ जून या चार दिवसांच्या काळात हवामान खात्याने अतिवृष्टीचा इशारा दिला आहे.

● या चार दिवसाच्या काळात आपत्ती व्यवस्थापनाशी संबंधित काम करणाऱ्या सर्व यंत्रणेने, सर्व जिल्ह्याच्या प्रशासकीय यंत्रणेने सतर्क राहून काम करावे, असे निर्देश मुख्यमंत्री उद्धव ठाकरे यांनी दिले आहेत.

● या काळात कोविडसह इतर कोणत्याही स्वरूपाच्या रुग्णसेवेत अडथळा निर्माण होणार नाही, याची काळजी घेतांना धोकादायक इमारती, दरडग्रस्त भाग आणि लोलाईन एरियातील नागरिकांना गरजेनुसार सुरक्षित स्थळी हलवावे अशा सूचनाही त्यांनी दिल्या.

● अतिवृष्टीच्या या काळात आवश्यक तिथे एनडीआरएफ आणि एसडीआरएफच्या तुकड्या तैनात कराव्यात, ओएनजीसीसह इतर केंद्रीय संस्थांना या काळात होणाऱ्या अतिवृष्टीची माहिती देऊन सतर्क राहण्यास सांगण्यात यावे, असेही ते यावेळी म्हणाले.

● हवामान खात्याने दिलेल्या अतिवृष्टीच्या इशाऱ्यानंतर मुख्यमंत्र्यांनी तातडीने मुंबई महानगर क्षेत्र, कोकणातील सर्व जिल्ह्यातील आपत्ती व्यवस्थापन यंत्रणेचा आढावा घेतला, त्यावेळी ते बोलत होते.

To know more click here
https://letsup.app.link/8QGGw5GiTgb

19 सप्टेंबरपासून रंगणार आयपीएलचा थरार...

Letsupp | Cricket

● बीसीसीआयकडून कोरोनामुळे स्थगित करण्यात आलेला आयपीएलच्या उर्वरित सामन्यांचे आयोजन संयुक्त अरब अमिरातीत करण्यात आलेले आहे.

● माहितीनुसार, येत्या १९ सप्टेंबरपासून आयपीएलचा हंगाम पुन्हा सुरू होणार असून १५ ऑक्टोबरला अंतिम सामना पार रंगणार आहे.

● यासंदर्भात बीसीसीआय आणि अमिराती क्रिकेट बोर्ड यांच्यामध्ये चर्चा झाली आहे. बीसीसीआयकडून दुबई आणि शारजा येथे आयपीएलचे यशस्वी आयोजन करण्याचा विश्वास व्यक्त करण्यात आला आहे.

● त्याचबरोबर कोरोनाच्या पार्श्वभूमीवर परदेशी खेळाडूंची उपलब्धता या संदर्भात देखील यावेळी चर्चा झाली. त्यामध्ये जवळ-जवळ सर्व परदेशी खेळाडू उपलब्ध असतील असे दिसत आहे.

● त्यामुळे आता क्रिकेट चाहत्यांना लवकरच उर्वरित आयपीएल सामने पाहण्याचा आनंद घेता येणार आहे.

T20 क्रिकेट स्पर्धेचे प्रत्येक लाईव्ह अपडेट्स वाचा एका क्लिकवर
https://letsup.app.link/Z6sbg8enTgb

पीएम किसान योजनेच्या हेल्पलाईनवर कॉल केल्यास कागदपत्रातील त्रुटी दूर करून मिळवा 8 वा हप्ता...

(स्रोत - पीएम किसान )

-

फॉलो करा 👇🏻
@letsupp.marathi
@letsupp.marathi
@letsupp.marathi

बातम्या, मनोरंजन, Job Alerts आणि बरंच काही, फक्त #LetsUppApp वर!
https://letsupapp.page.link/apps
(Link in the bio)

केंद्राकडून हेल्मेटबाबत नवे नियम लागू; अन्यथा होईल दंड!

LetsUpp | National

● देशात कोट्यावधी हेल्मेट दुय्यम दर्जाची किंवा बनावट आहेत. या बनावट हेल्मेटच्या वापरावर 1 जून 2021 पासून बंदी घालण्यात आली आहे.

● हेल्मेट खरेदी करताना आयएसआय मानके पूर्ण करते का? तसे सर्टिफिकेट आहे का हे पाहणे गरजेचे आहे. 1 जूनपासून सर्व दुचाकीस्वारांना आयएसआय मार्क हेल्मेट असणे बंधनकारक झाले आहे. हे हेल्मेट BIS (ब्यूरो ऑफ इंडियन स्टँडर्ड) सर्टिफाइड असणे गरजेचे आहे.

● काय आहे नियम

● रस्ते परिवाहन आणि महामार्ग मंत्रालयाच्या निर्देशांकानुसार दुचाकीस्वारांसाठी हेल्मेट बीआयएस प्रमाणित असायला हवे, या हेल्मेटवर आयएसआयचे चिन्ह असायला हवे.

● हा नियम न पाळणाऱ्यांना पाच लाखांचा दंड आणि १ वर्षांचा कारावास देखील भोगावा लागणार आहे. जो कोणी आयएसआय सर्टिफाईड नसलेले हेल्मेटचे उत्पादन करेल, विक्री करेल त्याला एक वर्षाची शिक्षा किंवा कमीतकमी एक लाख रुपयांचा दंड होऊ शकतो.

देश, आंतरराष्ट्रीय पातळीपासून ते गाव, शहर पातळीपर्यंत सर्व घडामोडींचा वेगवान आढावा जाणून घेण्यासाठी आजच डाऊनलोड करा लेट्सअप अ‍ॅप
https://letsup.app.link/DIyMQtatTgb

पंतप्रधान नरेंद्र मोदींनी आज काय घोषणा केल्या? वाचा!

LetsUpp | Trending

पंतप्रधान नरेंद्र मोदी यांनी आज देशवासियांना संबोधित केले. यावेळी त्यांनी काही महत्वाच्या घोषणा केल्या. काय आहेत या घोषणा पाहुयात.

काय आहेत घोषणा?

● 21 जूनपासून 18 वर्षांवरील सर्व नागरिकांना मोफत लस दिली जाणार.
● सरकार लस उत्पादकांकडून लस उत्पादनापैकी 75 टक्के खरेदी करुन राज्य सरकारांना विनाशुल्क देणार.
● ज्यांना मोफत लस नको असेल, त्यांना खासगी रुग्णालयात 150 रुपये भरून लस घेता येणार.
● लसीकरणाची 100 टक्के जबाबदारी केंद्र सरकारची असेल. राज्यसरकारला खर्च करण्याची गरज नाही.
● नोव्हेंबरपर्यंत 80 कोटींहून अधिक देशवासीयांना दरमहा निश्चित प्रमाणात मोफत धान्य दिले जाणार.

To know more click here
https://letsup.app.link/aLwM8TTzTgb

पुण्यात सॅनिटायझर बनवणाऱ्या कंपनीला आग, 14 जणांचा मृत्यू

LetsUpp | Pune

● पुण्यातल्या उरवडे जवळ एसव्हीएस कंपनीला भीषण आग लागली आहे. अग्निशमन दलाच्या तीन गाड्या घटनास्थळी दाखल झाल्या आहेत.

या आगीत 14 जणांचा मृत्यू झाल्याची माहिती मिळत आहे. तर कंपनीत 15 ते 20 कामगार अडकल्याची भीती व्यक्त होत आहे.

● या ठिकाणी तहसीलदार अभय चव्हाण आणि पोलीस निरीक्षक अशोक धुमाळ हे त्या कंपनीच्या परिसरात पोचलेले आहेत.

● आग विझविण्याचे काम युद्धपातळीवर चालू आहे. आतमध्ये अडकलेल्या मजुरांना वाचविण्याचे प्रयत्न सुरू आहेत.

● मुळशी तालुक्यातील लावासा रोडवर उरवडे गावाच्या जवळ ही कंपनी असून या कंपनीत सॅनिटायझर बनवण्याचं काम सुरु होतं.

(टीप : बातमी अपडेट होत आहे.)

To know more click here
https://letsup.app.link/mLHZsfnBTgb

...तर असा आहे 'आम्ही पोहेकर' या पोहे ब्रॅंडचा यशस्वी प्रवास!

Letsupp | Special

● महाराष्ट्रातील नाश्त्याचा प्रसिद्ध पदार्थ म्हणजे पोहे. पोहे कुणाला आवडत नाहीत असे लोक अगदी तुरळक आढळून येतात. तर नाश्त्याचा हा तात्काळ बनणारा पदार्थ चहाच्या वेळी खायला विशेष पसंती दिली जाते.

● वेगवेगळ्या भागामध्ये हे पोहे तयार करण्याची पद्धतही वेगळी आहे. त्यामुळे या पोह्यांना सगळीकडूनच स्वीकृती मिळाली. आहे. दरम्यान सध्याच्या काळात बेरोजगारीचे प्रमाण वाढत असताना याचा पोह्यांनी काही तरुणांनी व्यवसाय सुरू केला आहे.

● पुण्यातील काही आयटी इंजिनिअर तरुणांनी 'आम्ही पोहेकर' हा पोह्यांचा पिझ्झा, बर्गर या प्रमाणे हॉटेलची रचना आणि इंटिरिअर करून पोह्याला देखील एक ब्रॅंड बनवलं आहे.

● संकेत, तुषार, सुरज, मेघराज, महेश, प्रितम हे सहा मित्र पुण्यात एकत्र राहायचे यावेळी ते दररोज पोह्यांचा नाश्ता करायचे त्यानंतर त्यांच्या डोक्यात कल्पना आली की आपण पोहे विक्रीचा व्यवसाय का करू नये ? त्यानंतर सुरू झाला 'आम्ही पोहेकर' या पोहे ब्रॅंड चा यशस्वी प्रवास

● यामध्ये या मित्रांना दिल तुषार याच्या बहिणीची त्यांना विशेष मदत झाली तिने या अगोदर एक स्टार्टअप स्पर्धा जिंकली होती. मग या इनोव्हेटिव्ह पोहे ब्रॅंड ने भेळ, पोह्याचे बर्गर, पोह्याचा दहीतडका, पोह्याची मिसळ, पोहे चीझ बॉल असे विविध १५ प्रकार लॉन्च केले.

● व्यवसायासाठी भांडवल हवं होतं. कर्ज मिळालं पण जागा ठरत नव्हती मग सदाशिव पेठ, नारायण पेठ या स्पर्धा परीक्षांचे हब असलेल्या ठिकाणी नारायण पेठेत हे स्टार्टअप सुरू झालं

● तर आता हे तरुण पोह्यांची क्वालिटी सारखी रहावी यासाठी पोहे बनवण्याचे प्रमाण सारखे ठेवण्यासाठी त्यांच्याकडून आता मशीन देखील तयार करण्यात येत आहे.

● हळूहळू या पोह्यांची चव सर्वदूर पसरली आणि संध्याकाळच्या वेळी देखील पोहे खाण्यासाठी या हॉटेलमध्ये येऊ लागले.

● सध्या लॉकडाऊनमुळे यामध्ये विशेषता शाळा, कॉलेज बंद असल्याने तसेच बहुतेक नोकरदार वर्ग देखील बाहेर पडत नसल्याने या तरुणांच्या व्यवसायाला देखील मोठा आर्थिक फटका बसला आहे. मात्र दुसऱ्या लॉकडाऊनमध्ये पार्सल सुविधा सुरू असल्याने काहीसा दिलासा मिळाला आहे

सर्व वर्तमान घडामोडी, तज्ज्ञांचे मार्गदर्शन, यशोगाथा, ऐतिहासिक बाबी तसेच इतर महत्वाच्या गोष्टी जाणून घेण्यासाठी आजच डाऊनलोड करा लेट्सअप अ‍ॅप
https://letsup.app.link/j5bnyzJwTgb