💥 *भारत-चीन मधील तणाव वाढला*

*LetsUp l Update*

⚡ भारत व चीन यांच्यात लद्दाखमध्ये तणाव वाढला आहे. चीनचे अध्यक्ष सतत भारतीय भागात त्याच्या विस्तारावर भर देत आहेत. दरम्यान, चीनने लद्दाख सीमेवर पेट्रोलिंग वाढवल्याची माहिती मिळाली आहे.

💁🏻‍♂️ *पेट्रोलिंगही वाढवले* : पॅनोंग त्सो तलावाजवळ चीनने अधिक नौका उतरवल्या आहेत. यासह चीनने येथे पेट्रोलिंगही वाढवले आहे. चीन पेइचिंग लद्दाखमधील भारताचे बांधकाम थांबवण्याचा प्रयत्न करीत आहे.

🧐 *आरोप* : चिनी हेलिकॉप्टर या विवादित सीमेजवळ पाहण्यास मिळाले. चीन बीजिंगच्या सीमेवर खूप आक्रमक होत आहे. त्याचवेळी चीनच्या परराष्ट्र मंत्रालयाने मंगळवारी एक निवेदन जारी करत भारतावर सीमा उल्लंघनाचा आरोप केला आहे.

👀 *चीनचे मत* : 'चीनच्या हद्दीत प्रवेश करण्यासाठी भारतीय सैन्याने चीन-भारत पश्चिम विभाग आणि सिक्किम विभागाची सीमा ओलांडली.' भारताने त्वरित सैन्य मागे घ्यावे आणि आहे त्या स्थितीत रहावे. आधीही अनेकवेळा भारताने सीमेचे उल्लंघन केल्याचा आरोप चीनकडून केला गेला आहे.

📌 भारतीय लष्कराकडून सीमेवर गस्त वाढविण्यात आली आहे. सध्या सीमेवर भारत-चीन सैन्यात झालेल्या चकमकींबद्दल माहिती मिळालेली नाही, मात्र अद्याप सीमेवर परिस्थिती तणावपूर्ण आहे.

📣 *देश, आंतरराष्ट्रीय पातळीपासून ते गाव, शहर पातळीपर्यंत सर्व घडामोडींचा वेगवान आढावा जाणून घेण्यासाठी आजच डाऊनलोड करा लेट्सअप अ‍ॅप* : http://bit.ly/Letsupapp

😋 *मँगो केक*

*LetsUp I Recipe*

*साहित्य* : दीड कप कणीक, 1 चमचा बेकिंग पावडर, अर्धा चमचा बेकिंग सोडा, 100 ग्रॅम बटर, 200 ग्रॅम कंडेंस्ड मिल्क, 1 कप मँगो प्युरी, 3-4 टेबलस्पून साखर, 1 टीस्पून व्हेनिला इसेंस.

*कृती* :

● सुरुवातीला ओव्हनला 180 डिग्री सें. वर 15 मिनिटापर्यंत प्रीहीट करा.
● कणकेला बारीक चाळणीने चाळून घ्या.
● यात बेकिंग पावडर आणि बेकिंग सोडा मिसळून वेगळे ठेवा.
● एका बाऊलमध्ये बटर, मँगो प्युरी, कंडेंस्ड मिल्क, साखर आणि व्हेनिला इसेंस फ्लफी होईपर्यंत फेटून घ्या.
● आता यात कणीक मिसळून एकाच दिशेने परत फेटा. या मिश्रणाला केक टिनमध्ये घाला.
● प्रीहीट ओव्हनमध्ये केक टीनं ठेवून 40 मिनिटापर्यंत बेक करा.

🔎 *माहितीचा सार, ज्ञानाचा भांडार एका क्लिकवर, त्यासाठी आजच डाऊनलोड करा लेट्सअप अ‍ॅप* :
http://bit.ly/Letsupapp

🎯 *करिअर : सायकोलॉजिस्ट*

*LetsUp I Career*

आकडेवारीचा विचार केला तर भारतातील तब्बल ७ कोटींपेक्षा अधिक लोकसंख्या मानसिक आजारांनी ग्रस्त आहे. गेल्या काही महिन्यांचा विचार केला तर यात आणखी भर पडली असेल. भारतात इतर रोगांचे अनेक तज्ज्ञ असले तरी मानसिक आजारांवर प्रभावी उपचार करणाऱ्या मनोचिकित्सकांची अजूनही कमतरता आहे. त्यामुळे या क्षेत्रात तुम्ही करिअर करू शकता.

🤓 *कामाचे स्वरूप* : मानसिक रुग्णांना कठीण परिस्थितीतून सावरण्यासाठी मदत करणे, त्याचे मानसिक संतुलन व्यवस्थित राखणे. या रुग्णांचा व्यवहार सामान्य करणे, गमावलेला आत्मविश्वास परत मिळवून देणे ही कामे मनोवैज्ञानिकाला करावी लागतात.

💁 *रोजगाराच्या संधी* : समाजकल्याण संस्था, संरक्षण क्षेत्र, सार्वजनिक आरोग्य केंद्र, तुरुंग, रुग्णालय, एनजीओ, थेरपी सेंटर, कौन्सिलिंग सेंटर, विद्यापीठे, शाळा, औद्योगिक कार्यालये इत्यादींमध्ये समुपदेशक म्हणून नोकरी मिळू शकते.

कोर्स करणाऱ्या विद्यार्थ्याला नामांकित मनोवैज्ञानिक/कौन्सिलरच्या हाताखाली प्रॅक्टिस करण्याचीही संधी मिळते. तज्ज्ञ सायकोलॉजिस्ट व्यसनमुक्ती केंद्रातही समुपदेशक म्हणून काम करू शकतो.

शिक्षक, मनोवैज्ञानिक सल्लागार, करिअर कौन्सिलर, सायकोलॉजिस्ट, मॅरेज कौन्सिलर, चाईल्ड कौन्सिलर आदी पदांवर काम करण्याची संधी मिळते.

विविध औद्योगिक कार्यालयांत सायकोलॉजिस्ट विषयातील तज्ज्ञांना कामगार कल्याण अधिकारी पदावर नियुक्त केले जाते. शिक्षक म्हणूनही खासगी आणि आता तर शासकीय शाळांमध्ये सायकोलॉजिस्ट नियुक्त करण्याचे चलन वाढत आहे.

*पात्रता* : ग्रॅज्युएशननंतर तीन वर्षांचा बी.ए. (ऑनर्स) कोर्स उपलब्ध आहे. तसेच उमेदवाराला नामांकित संस्थांमध्ये परीक्षेच्या माध्यमातून प्रवेश दिला जातो.

अभ्यासक्रमात सायकोलॉजी, स्टॅटिस्टिक्स, इंट्रॉडक्शन टू कौन्सिलिंग, कौन्सिलिंग सायकोलॉजी, व्होकेशनल गायडन्स, चाइल्ड सायकोलॉजी, बिहेव्हिअर सायन्स, कौन्सिलिंग प्रोग्राम, रिसर्च मेथडोलॉजी आदी विषयांवर आधारित प्रश्न विचारले जातात.

🔎 *माहितीचा सार, ज्ञानाचा भांडार एका क्लिकवर, त्यासाठी आजच डाऊनलोड करा लेट्सअप अ‍ॅप* :
http://bit.ly/Letsupapp

🧐 *खासगी लॅबमधील कोरोना चाचणीचे शुल्क ठरवा*

*LetsUp l Update*

⚡ खासगी लॅबमध्ये कोरोना चाचणीसाठी मोजावे लागणारे अधिकचे पैसे लवकरच कमी होण्याची चिन्ह दिसत आहेत. कोरोनाचे निदान करणाऱ्या आरटी-पीसीआर चाचणीसाठी आकारले जाणाऱ्या शुल्काबद्दल धोरण ठरवण्याचे निर्देश भारतीय वैद्यकीय संशोधन परिषदेने (ICMR) राज्यांना दिले आहेत. परिषदेने सध्या घेतले जाणारे 4500 रुपये शुल्क रद्द केले आहे.

💁🏻‍♂️ *सचिवांना पत्र* : कोरोना चाचणीच्या शुल्काबद्दल धोरण ठरवण्याचे निर्देश आयसीएमआरने राज्यांना दिले आहेत. परिषदेचे महासंचालक डॉ. बलराम भार्गवा यांनी राज्य आणि केंद्र शासित प्रदेशांच्या सचिवांना पत्र पाठवले आहे.

👍 *उत्पादन* : “त्यावेळची परिस्थिती आणि बाजारातील किंमती लक्षात घेता परिषदेने 4500 रुपये शुल्काची मर्यादा 17 मार्च रोजी घातली होती. आता ही मर्यादा लागू नसणार, चाचणीसाठी लागणाऱ्या किट्सचे उत्पादन देशातही सुरू झाले आहे.

📌 राज्यांनीही चाचणी किट्स खरेदी सुरू केली आहे. त्यामुळे पुरवठा साखळी स्थिर झाली आहे. त्यामुळे सर्व राज्य आणि केंद्र शासित प्रदेशांनी लॅबमध्ये सरकारी आणि खासगी रुग्णालयातून पाठवले जाणारे नमुने, चाचणीच्या शुल्काबद्दल धोरण ठरवावे. खासगी लॅबशी चर्चा करून योग्य शुल्क ठरवावे,” असे आयसीएमआरने म्हटले आहे.

📣 *देश, आंतरराष्ट्रीय पातळीपासून ते गाव, शहर पातळीपर्यंत सर्व घडामोडींचा वेगवान आढावा जाणून घेण्यासाठी आजच डाऊनलोड करा लेट्सअप अ‍ॅप* : http://bit.ly/Letsupapp

🏇🏻 *रेडझोनमधून आलेला घोडा क्वारंटाइन!*

*LetsUp l Trending*

⚡ जगभर पसरलेल्या कोरोनामुळे सर्वत्र भीती, दहशतीचे वातावरण आहे. त्यामुळे प्रत्येकजण सावधगिरी बाळगत आहे. छोटीशी चूक कोरोनाग्रास्तांचा आकडा वाढवू शकते हे लक्षात आल्याने आता सर्वतोपरी काळजी घेण्याकडे लोकांचा कल वाढला आहे.

💁🏻‍♂️ माणसेच काय पण प्राणी आले तरी संबंधित गावाचे प्रशासन त्याचीही दाखल घेऊ लागले असल्याचा अनुभव जम्मू काश्मीरमध्ये नुकताच आला.

🐎 *घोड्याची तपासणी* : काश्मीरच्या राजौरीमध्ये एकजण त्याचा घोडा घेऊन आला. तो मुघल रोड, काश्मीर घाटीतून आला होता. पोलिसांनी त्याला चौकशीसाठी थांबविले तेव्हा तो रेड झोनमधून आल्याचे उघड झाले. तत्काळ प्रशासनाला माहिती देऊन घोडे मालकाचे सँपल तपासणीसाठी घेतले, सोबतच पशुवैद्यकाला बोलावून घोड्याची तपासणी केली.

📌 *पहिलीच घटना* : घोड्याला काही आजार नसल्याचे लक्षात आल्यानंतरही खबरदारी म्हणून घोड्याला 14 दिवस होम क्वारंटाइन करण्याचे आदेश दिले. त्यामुळे आता घोडा मालकाच्या कुटुंबातील कुणीही घोड्याला 14 दिवस भेटू शकणार नाही. देशात कोरोना संकट आल्यापासून प्राण्याला 14 दिवस क्वारंटाइन करण्याची ही पहिलीच घटना असल्याचे समजते.

📚 *वाचण्यासारखं बरंच काही एकाच ठिकाणी, त्यासाठी आजच डाऊनलोड करा लेट्सअप अ‍ॅप* : http://bit.ly/Letsupapp

🐛 *टोळधाडीचं संकट नियंत्रणात आणण्यासाठी ड्रोनद्वारे फवारणी : कृषीमंत्री*

*LetsUp | Update*

⚡ राज्यातील शेतकऱ्यांसमोर सध्या टोळधाडीचे संकट आहे. या संकटांशी सामना करण्याच्या दृष्टिकोनातून कृषी विभागाकडून उपाययोजना केल्या जात आहेत.

👍 आतापर्यंत टोळधाड किड्याचा नायनाट करण्यात 50 टक्के यश आले आहे.

🗣️ ज्या भागात हे संकट उभे राहील त्या भागात अग्निशमन बंब आणि ड्रोनच्या माध्यमातून कीटकनाशक फवारणी करून हे संकट दूर करण्याचा केले जाईल, असं कृषीमंत्री दादा भुसे यांनी सांगितलं.

📍 कोरोना विषाणूच्या प्रादुर्भावामुळे जगभरातील बाजार पेठ ठप्प झाली आहे. यामध्ये सर्वाधिक नुकसान कृषी विभागाचे झाले आहे.

💁‍♂️ त्यामुळे लॉकडाऊनची आणखी आवश्यकता भासल्यास त्यातून कृषी क्षेत्र वगळले जाईल. अशी माहिती कृषीमंत्री दादा भुसे यांनी दिली.

👌 *माहितीचा विश्वासार्ह स्रोत एका क्लिकवर, त्यासाठी आजच डाऊनलोड करा लेट्सअप अ‍ॅप* : http://bit.ly/Letsupapp

*LetsUp News Update*

▪ भारतातील कोरोना बाधितांचा आकडा 1 लाख 58 हजार 333 वर पोहचला मागील 24 तासांत 6 हजार 566 नवे रुग्ण

▪ यंदाचा mansun 1 जूनला केरळमध्येच दाखल होणार - हवामान विभागाने वर्तविला अंदाज

▪ कोरोना विषाणूचे संकट टळावे म्हणून पुजाऱ्याने देवीला दिला नरबळी; ओडिशाच्या कटक जिल्ह्यातील नरसिंहपूर येथे घडली घटना

----------------------
*Advertisment On LetsUp*
*Contact* : 7798655655
----------------------

▪ बांगलादेशाची राजधानी ढाकामधील गुलशन मार्केट परिसरातील एका हॉस्पिटलला लागलेल्या आगीत 5 जणांचा मृत्यू तर काही जण जखमी

▪ महाराष्ट्रात संचारबंदी लागू करुन सैन्य तैनात करण्यात येणार असल्याची अफवा पसरवणाऱ्यांवर कारवाई करणार- गृहमंत्री अनिल देशमुख

▪ राज्यात गेल्या 24 तासात 2 हजार 598 नवीन रुग्णांची नोंद झाली असून,कोरोनाबाधित रुग्णांची संख्या 59 हजार 546 झाली

▪ कोरोना विरोधात लढा देणाऱ्या आणखी 130 पोलिस कर्मचाऱ्यांना गेल्या 24 तासांत कोरोनाची लागण झाली; तर 2 पोलिसांचा मृत्यू

▪ फुटबॉल प्रेमींसाठी अच्छे दिन ! 17 जून पासून प्रिमीअर लिग स्पर्धेला पुन्हा सुरुवात होणार

▪ Tik Tok ला टक्कर देण्यासाठी आलं Mitron App; आतापर्यंत 50 लाख पेक्षा जास्त लोकांनी केलं डाऊनलोड

▪ 'खिलाडी' अक्षयचा 'लक्ष्मी बॉम्ब' डिजिटली रिलीज होणार, 1 अब्जहून अधिक किंमतीला विकले गेले राईट्स !

📣 *देश, आंतरराष्ट्रीय पातळीपासून ते गाव, शहर पातळीपर्यंत सर्व घडामोडींचा वेगवान आढावा जाणून घेण्यासाठी आजच डाऊनलोड करा लेट्सअप अ‍ॅप* : http://bit.ly/Letsupapp

💥 *ब्रेकिंग! नगरमध्ये आणखी नऊ जणांना कोरोना*

*Letsup | Ahmednagar*

⚡ अहमदनगर जिल्ह्यात आज आणखी नऊ जणांना कोरोना विषाणूची लागण झाल्याचे समोर आले. त्यामुळे नगरमधील कोरोनाबाधितांची संख्या 112 झाली आहे. त्यामुळे उपचारार्थींची संख्या 45 झाली आहे.

👉 ही रुग्ण अकोले, संगमनेर, पारनेर, शेवगाव आणि राहाता आदी भागातील आहेत.

👉 घाटकोपर येथून अकोले तालुक्यात आलेले पिंपळगाव खांड येथे एक, ठाणे एथून पारनेर हिरवे कोरडा येथे आलेला एक, चाकण (पुणे) येथून शेवगावमधील ढोर जळगाव येथे आलेला एक आणि संगमनेर येथे दोन आणि राहाता तालुक्यातील निमगाव येथे चार, असे हे नऊ रुग्ण आढळले आहेत.

👉 बाधित रुग्णांमध्ये चार पुरूष, चार महिला आणि चार वर्षीय लहान मुलीचा समावेश आहे. निमगाव येथील व्यक्ती यापूर्वीच्या बाधित व्यक्तीच्या संपर्कात होती. बाधित रुग्णात वडील आणि मुलगी यांचा समावेश आहे.

👉 संगमनेर येथील 40 वर्षीय महिला रुग्णाला आजाराची लक्षणे जाणवत असल्याने ग्रामीण रुग्णालय संगमनेरने पाठवले होते.

👉 दुसरा 55 वर्षीय पुरूषाला श्वसनाचा त्रास होऊ लागल्याने खाजगी रुग्णालयात पाठवले होते. या दोघांचेही अहवाल पॉझिटिव्ह आले.

👉 घाटकोपर येथून पिंपळगाव खांड येथे आलेली महिला यापूर्वीच्या बाधित रुग्णांच्या संपर्कात होती. त्याचप्रमाणे चाकण येथून ढोर जळगाव येथे आलेला 30 वर्षीय युवत बाधित आढळला आहे.

🎯 *आपल्या जिल्ह्यातील सर्व घडामोडी जाणून घेण्यासाठी डाऊनलोड करा लेट्सअप अ‍ॅप* : http://bit.ly/Letsupapp

💥 *पोलीस दलावर कोरोनाचे संकट*

*LetsUp | Corona Live*

💫 राज्यात गेल्या चोवीस तासांत तब्बल 116 पोलीस कोरोनाबाधित झाले आहेत. तर 3 पोलिसांचा कोरोनामुळे मृत्यू झाला आहे.

✨ राज्यात आतापर्यंत 2 हजार 211 पोलीस करोनाबाधित झाले आहेत तर यात 249 पोलीस अधिकारी आणि 1 हजार 962 पोलीस कर्मचारी कोरोना संक्रमित आहेत.

👉 आतापर्यंत एकूण 25 पोलिसांचा कोरोनामुळे मृत्यू झाला आहे तर 970 पोलिसांनी कोरोनावर मात केली आहे.

📌 दरम्यान, राज्यात दररोज येणाऱ्या आकडेवारीत कोरोनाग्रस्तांची संख्या वाढत असलेली दिसली, तरी मृत्यूदर कमी होत आहे.

📣 *देश, आंतरराष्ट्रीय पातळीपासून ते गाव, शहर पातळीपर्यंत सर्व घडामोडींचा वेगवान आढावा जाणून घेण्यासाठी आजच डाऊनलोड करा लेट्सअप अ‍ॅप* : http://bit.ly/Letsupapp

💥 *भारत-चीन तणावावर सरकारचे मौन*

*LetsUp | Update*

💫 भारत-चीनमध्ये निर्माण झालेल्या तणावाबाबत नेमके काय घडत आहे ? सरकारने जनतेला सांगितले पाहिजे अशी मागणी काँग्रेसचे माजी अध्यक्ष राहुल गांधी यांनी केली आहे.

💫 पूर्व लडाखच्या पेगाँग क्षेत्रात ५ मे रोजी भारत आणि चीनच्या सुमारे २५० सैनिकांमध्ये संघर्ष झाला होता.

✨ यावेळी दोन्ही बाजूंनी दगडफेकही झाली होती. सदरील घटनेत दोन्ही देशांचे सैनिक जखमी झाले होते.

📍 तसेच दुसऱ्या घटनेत सिक्कीम सेक्टरमध्ये ९ मे १५० सैनिकांमध्ये संघर्ष झाला, त्यानंतर सीमेवर दोन्ही देशांनी आपल्या सैनिकांच्या संख्येत वाढ केली.

📌 दरम्यान, सीमेवर झालेल्या तणावावर सरकारने मौन बाळगले असून चीनला अनेक अटकळी बांधण्याची संधी मिळाली असल्याचेही राहुल गांधी यांनी स्पष्ट केले आहे.

📣 *देश, आंतरराष्ट्रीय पातळीपासून ते गाव, शहर पातळीपर्यंत सर्व घडामोडींचा वेगवान आढावा जाणून घेण्यासाठी आजच डाऊनलोड करा लेट्सअप अ‍ॅप* : http://bit.ly/Letsupapp

💁‍♂️ *जीवनावश्यक वस्तूंचे वाटपासाठी आंदोलन*

*LetsUp | Pimpri chinchwad*

नगररोड क्षेत्रीय कार्यालयामध्ये जीवनावश्यक वस्तूंचे किट प्रभाग क्र ३ मधील गांधीनगरमध्ये लवकरात लवकर वाटप करण्यात यावे, यासाठी शुक्रवारी( दि.२९) रोजी शांततेत व सुरक्षित अंतर ठेवून आंदोलन करण्यात आले.

तसेच राजेश बनकर आणि अविनाश सकपाळ यांनी लवकरात लवकर गांधीनगरमध्ये धान्य वितरण करण्यात येईल असे, आश्वासन दिले.

यावेळी कैलास पोडमल, जय जगताप, संदेश सावंत, चेतन मोरे, आप्पा खरात, मंजुनाथ वाल्हेकर, आशिष जाधव उपस्थित होते.

🎯 *आपल्या जिल्ह्यातील सर्व घडामोडी जाणून घेण्यासाठी डाऊनलोड करा लेट्सअप अ‍ॅप* : http://bit.ly/Letsupapp

📝 *'रिझ्यूम' तयार करताय? मग तुमच्यासाठी*

*Letsup I Career*

नोकरी मिळवण्यासाठी तुमचा 'रिझ्युम' (सीव्ही) ताकदीचा असायला हवा. तुमची कौशल्ये व जॉबसाठी आवश्यक असलेली कौशल्ये सीव्हीमध्ये दिसायला हवी. इतर काही महत्वाच्या गोष्टी जाणून घेऊया जेणेकरून आपला 'रिझ्यूम' चांगला बनेल.

💁‍♂️ *'रिझ्यूम' चांगला बनवण्यासाठी खास टिप्स* :

● तुमचा 'रिझ्यूम' हि तुमची ओळख आहे, हे लक्षात असू द्या. त्यामुळे तुमची सर्व माहिती, अनुभव, आवडी- निवडी, विशेष गुण, कौशल्य यांची माहिती अधोरेखित झाली पाहिजे.

● तुमचे शिक्षण, कोसेर्सची माहिती, त्याबद्दल व्यवस्थित माहिती असली पाहिजे.

● तुम्ही जो 'रिझ्यूम' तयार केला आहे. त्याबद्दल सखोल माहिती ठेवा. कारण मुलाखत घेणार्‍याकडून त्यावर प्रश्न विचारले जाऊ शकतात.

● शिक्षण तसेच आधीच्या नोकरीत मिळवलेले विशेष प्राविण्य 'रिझ्यूम'मध्ये कसे उठून दिसेल याची काळजी घ्या.

● तुमच्या आवडी-निवडी, छंद लिहिताना काळजी घ्या. ते अवास्तव असायला नको. अन्यथा यामुळे वेगळाच पेच उभा राहू शकतो.

● सर्वात महत्वाची गोष्ट म्हणजे रिझ्यूम'मध्ये अनावश्यक गोष्टी लिहणे कटाक्षाने टाळाच.

📚 *वाचण्यासारखं बरंच काही एकाच ठिकाणी, त्यासाठी आजच डाऊनलोड करा लेट्सअप अ‍ॅप* : http://bit.ly/Letsupapp

⛵ *रत्नागिरीजवळ व्यापारी जहाज वादळात अडकले*

*LetsUp l Update*

⚡ मुंबईच्या दिशेने येत असलेल्या निसर्ग चक्रीवादळाने रौद्ररूप धारण केले आहे. रत्नागिरीजवळ 'बसरा स्टार' हे व्यापारी जहाज वादळात अडकले असून जहाजाला सुखरूप मुंबईच्या किनाऱ्यावर आणण्यासाठी मदतकार्य हाती घेण्यात आले आहे.

💁🏻‍♂️ *जहाज समुद्रात अडकले* : अरबी समुद्रात निर्माण झालेल्या कमी दाबाच्या पट्ट्यामुळे उठलेले चक्रीवादळ आता मुंबईच्या दिशेने कूच करत आहे. सध्या रत्नागिरीत हे वादळ घोंगावत असून या वादळाच्या तडाख्यात एक व्यापारी जहाज सापडले आहे. या जहाजाला मुंबई किनाऱ्यावर यायचे होते. मात्र रत्नागिरीजवळील मिरकरवाडी भागात हे जहाज जोरदार वादळात व खवळलेल्या समुद्रात अडकून पडले.

🧐 वरळीतील तटरक्षक दलाच्या समुद्री बचाव केंद्राला मदतीचा संदेश पाठवला. त्यानंतर तटरक्षक दलाने त्या परिसरातील नौकायान मंत्रालयाच्या बचाव नौकेला विनंती केली. त्या विनंतीवरून बचाव नौका तिथे पोहोचली. 'टोइंग' प्रकारची ही नौका आता या व्यापारी जहाजाला हळूहळू मुंबईत आणत आहे.

📌 'निसर्ग' वादळ दुपारपर्यंत अलिबागच्या किनाऱ्यावर पोहोचेल, त्यानंतर 1 ते 4 वाजण्याच्या दरम्यान मुंबईत धडकेल, असा अंदाज आहे. गुजरातमधील नवसारी आणि वलसाडला पोहोचेपर्यंत वादळाचा वेग ताशी 60-80 किमी असणार आहे. आज मध्यरात्रीपर्यंत 'निसर्ग'चा वेग आणखी कमी होईल आणि गुरुवारी सकाळपर्यंत वादळ बऱ्यापैकी ओसरेल, असा अंदाज हवामान विभागाने वर्तवला आहे.

📣 *देश, आंतरराष्ट्रीय पातळीपासून ते गाव, शहर पातळीपर्यंत सर्व घडामोडींचा वेगवान आढावा जाणून घेण्यासाठी आजच डाऊनलोड करा लेट्सअप अ‍ॅप* : http://bit.ly/Letsupapp