🤔 ट्राय करा! ओळखा बरं कोण?

Letsup | Puzzle

1) इटुकली, पिटुकली आहे ही धीटुकली
हिरवी असो वा लाल, सगळ्यांना प्रिय फार
बघताच येते तोंडाला पाणी, आंबट-गोड हिची कहाणी ओळखा कोण?

2) कधी मागे, कधी पुढे
कधी लहान, कधी मोठी
सोबत असते सारखी!

3) मला खूप सारे दात आहेत. पण मी चावत नाहीत.

👉 टीप :

▪ वरील प्रश्नांचे योग्य उत्तर आपणांस पुढील सेगमेंटमध्ये मिळेल.
▪ आपणही उत्तर (व्हॉट्सअ‍ॅप) देऊ शकता. तोपर्यंत ट्राय करा किंवा वाट पहा.
▪ लक्षात घ्या, उत्तरांच्या अनेक शक्यता असू शकतात.

🌐 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup

👍 जाणून घ्या एक्सपायर झालेली सौंदर्यप्रसाधने कशी वापरता येतील!

LetsUp | Useful Info

अनेकदा महागडी ब्यूटी प्रॉडक्ट्स खरेदी करून वापरली जात नाहीत. त्यामुळे काही कालावधीनंतर ही उत्पादने एक्सपायर होऊन जातात. इतकी महागडी उत्पादने अशीच फेकून देणे फारच जीवावर येते. यावरच उपाय म्हणून आज आपण अशा एक्स्पायर झालेल्या ब्यूटी प्रॉडक्ट्सचा वापर पुन्हा कशा प्रकारे करता येईल? ते पाहुयात...

----------------------
👆 ओळखा बरं कोण? उत्तर खालीलप्रमाणे :

1) चिंच!
2) सावली.
3) कंगवा.
----------------------

1. मेकअप ब्रश : जास्त प्रमाणात वापर झाल्याने बऱ्याचदा मेकअप ब्रशचा खूप हार्ड बनतो. यामुळे या ब्रशचा अजिबात उपयोग होत नाही. अशात हा ब्रश फेकून देण्याऐवजी तुम्ही तो कीबोर्ड, इलेक्ट्रॉनिक गोष्टी किंवा इतर छोट्या-छोट्या गोष्टी साफ करण्यासाठी वापरू शकता.

2. परफ्यूम : एक्स्पायर झालेल्या परफ्यूमचा वापर तुम्ही रूम फ्रेशनर म्हणून वापर करू शकता. तसेच या परफ्यूमचा वापर बाथरूममध्येही चांगला सुगंध दरवळत राहण्यासाठी करू शकता. तुमच्या बुटांमध्ये येणारी दुर्गंधी थांबवण्यासाठीही याचा वापर होऊ शकतो.

3. जेल आयलाइनर : काळ्या रंगाच्या फुटवेअरवर स्क्रॅच पडल्याने ते निकामी होतात मात्र, तुमचा एक्स्पायर झालेला जेल आयलाइनर (काळ्या रंगाचा) त्यावरील चांगला उपाय ठरू शकतो.

4. फेशिअल टोनर : एक्स्पायर झालेला फेशिअल टोनर हा क्लिनरप्रमाणे कार्य करू शकतो. घरातील काचा, आरसे, सेंटर टेबल स्वच्छ करण्यासाठी अशा टोनरचा उपयोग होऊ शकतो.

5. आयशॅडो : तुम्ही आयशॅडोचा उपयोग तुम्ही वेगवेगळ्या प्रकारची नेलपॉलिश बनवण्यासाठी करू शकता. हा आयशॅडो तुम्ही तुमच्या नेलपॉलिशमध्ये मिक्स करून वेगवेगळ्या प्रकारचे रंग तुमच्या नखांवर ट्राय करू शकता.

6. लिपस्टिक: खूप कालावधीपासून न वापरले गेलेले लिपस्टिक वितळवून व्हॅसलीनमध्ये मिक्स करून त्याचा लीपबाम म्हणून वापर करू शकता.

🌐 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup

😱 धक्कादायक! कोटी रुपयांची मुदतबाह्य कीटकनाशके जप्त

LetsUp | Ahmednagar

⚡ मुदतबाह्य झालेले कीटकनाशके पुन्हा बाजारात विकण्याचा धक्कादायक प्रकार नगरमध्ये उघडकीस

💁‍♂ कृषी विभागाचे मुख्य गुणवत्ता नियंत्रण पथकाने नगरच्या मार्केटमधील पृथ्वी ॲग्रो सर्व्हिसेसच्या गोदामावर छापा घालून कीटकनाशके केले जप्त

👀 जप्त केलेला मुदतबाह्य कीटकनाशकांचा मुद्देमाल कोटी रुपयांचा असल्याचे सांगितले जात आहे

🧐 नेमकं प्रकरण काय? :

मुदतबाह्य झालेले कीटकनाशकांवरील लेबल बदलून त्यावर नव्याने लेबल लावण्याचा प्रताप पृथ्वी ॲग्रो सर्व्हिसेसच्या गोदामांमध्ये होत होता. या पार्श्वभूमीवर कृषी विभागाच्या पथकाने तेथे छापा मारला असता त्यांना गोदामांमध्ये मुदतबाह्य कीटकनाशके आढळली.

त्या ठिकाणी कीटकनाशकावरील वेस्टन बदलून तेथे नव्याने वेस्टन लावली जात होती. त्यासाठी लागणारे साहित्य ही भरारी पथकाने जप्त केले. त्यामध्ये नव्याने तयार करण्यात आलेल्या वेस्टन, शिक्के, बाटल्या, ब्लेड आणि थिनर आदी साहित्याचा समावेश आहे.

💫 मुख्य गुणवत्ता नियंत्रक दीपक पानपाटील, मोहीम अधिकारी राजेश जानकर, तालुका कृषी अधिकारी बाळासाहेब नीतनवरे आणि पंचायत समितीचे कृषी अधिकारी एम. आर. देशमुख यांच्या पथकाने केली कारवाई

🌐 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup

💁‍♂ फेसबुक लाईव्ह स्ट्रिमिंग; आता नियम झाले कडक

LetsUp | Tech

🎯 फेसबुकने हिंसेची लाईव्ह स्ट्रिमींग आणि त्याची शेअरींग थांबविण्यासाठी बनवली 'वन स्ट्राईक पॉलिसी'

🚫 युझर्सकडून नियमांचे उल्लंघन झाल्यास युझर्सची लाईव्ह स्ट्रिमिंगची सेवा तात्पुरती काळासाठी बंद करण्यात येणार

🗣 फेसबुक 'इंटीग्रिटी'चे वीपी गाय रोसेन काय म्हणाले?

▪ 'मार्च मध्ये क्राइस्ट चर्चवर झालेल्या दहशतवादी हल्ल्याच्या लाईव्ह स्ट्रिमींग व्हिडीओला खूप युजर्सनी शेअरही केले. यामुळे आमचे प्रयत्न राहील की, आम्ही आमच्या सर्विसला काही मर्यादा घालून देऊ.

▪ फेसबुकवर नकारात्मक आणि उत्तेजनक डेटा पसरवू शकणार नाही. यासाठीच वन स्ट्राईक पॉलिसी लागू केली जात आहे.

▪ ऑस्ट्रेलिया आणि न्यूझीलँड येथे सोशल मिडीयाद्वारे द्वेष पसरविणारे ग्रुप्स ओळखून त्यांना आपल्या प्लॅटफॉर्मवरुन हटविण्यासाठी फेसबुक आर्टिफिशियल इंटेलीजेंसचा वापर करत आहे.

▪ फेसबुकने श्वेत राष्ट्रवाद आणि श्वेत कुटीरतावादाला समर्थन करणाऱ्या डेटालाही बॅन करेल. फेसबुक आणि इंस्टाग्रामवर अशा प्रकारच्या डेटावर बॅनची कारवाई पुढच्या आठवड्यापासून केली जाईल.

▪ फेसबुकने फोटो आणि व्हिडीयो विश्लेषण तंत्रज्ञानात सुधारणा करण्यासाठी अमेरिकेतील तीन विश्वविद्यालयांशी करार केला आहे.

🌐 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup

🧐 वैद्यकीय प्रवेशाचा तिढा सुटणार; वटहुकूम काढण्यास परवानगी

LetsUp | Update

👍 मराठा आरक्षण वैद्यकीय पदव्युत्तर प्रवेश प्रकरणी अध्यादेश काढण्यासाठी निवडणूक आयोगाने दिली परवानगी

🎯 अध्यादेश मंजुरीसाठी उद्या शुक्रवारी (दि.18) मंत्रिमंडळ बैठक घेतली जाणार, यामुळे वैद्यकीय पदव्युत्तर तिढा सुटण्याची चिन्हे

💫 दरम्यान, राज्य सरकारच्या आदेशाने विद्यार्थांना मोठा दिलासा मिळणार आहे

🌐 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup

👂 ऐका आजची लेट्सअप वाणी

LetsUp | Wani

👀 गेल्या तीन महिन्यांत ई-कॉमर्स कंपन्यांच्या विक्रीमध्ये मोठी घट

▪ साध्वी प्रज्ञासिंह ठाकूर यांचे पुन्हा वादग्रस्त वक्तव्य
▪ ‘कसौटी जिंदगी की 2’ मध्ये आणखी एका अभिनेत्याची एन्ट्री

यासह ऐका आज दिवसभरातील महत्वाच्या आणि ताज्या घडामोडींचा संक्षिप्त आढावा आता ऑडिओ स्वरूपात कारण...

📣 लेट्सअप वाणी आहे अनेक उत्तरांची कहाणी!

🎯 वाणी ऐकण्यासाठी क्लिक करा: 👉 https://ltsup.in/ltsupwani16may

🌐 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup

LetsUp News Updates

● देशातील निम्मे एटीएम होणार बंद, आरबीआयने लागू केलेल्या कडक नियमांमुळे अडचणी वाढल्या

● पृथ्वी, चंद्राच्या उत्क्रांतीचे गूढ उकलण्यास होणार मदत; चीनचे चँग-फोर मोहिमेचे यश

● गुणवत्तेवर आधारित स्थलांतरविषयक धोरण आणण्याचा प्रस्ताव अमेरिकेचे अध्यक्ष ट्रम्प करणार सादर

----------------------
Advertisment On LetsUp
Contact : 7875190190
----------------------

● नेपाळमध्ये दोन भारतीय गिऱ्यारोहकांचा मृत्यू, अतीउंचीमुळे अस्वस्थ वाटू लागल्याने झाला मृत्यू

● गडचिरोली : 19 मे रोजी जिल्हा बंदचं नक्षलवाद्यांचं बॅनरमधून आवाहन, दुर्गम भागात दहशतीचे सावट

● शिक्षक पात्रता परीक्षेसाठी आर्थिक मागासांना आरक्षण देण्याची मागणी; केंद्र, सीबीएसईला नोटीस

● अखेर साध्वी प्रज्ञा सिंह ठाकूर यांनी नथुराम गोडसेंबाबत केलेल्या वक्तव्यावरून मागितली माफी

● 48 मेगापिक्सेल आणि पंच होल डिस्प्लेसह Motorola One Vision लॉन्च, किंमत 23,000 रुपये

● वसीम जाफरची बांगलादेशच्या बॅटिंग सल्लागारपदी नियुक्ती, एप्रिल 2020 पर्यंतचा करार

● प्रियांका चोप्रा-जोनासचे इन्स्टाग्रामवर 4 कोटी फॉलोअर्स, स्वतः प्रियांकाने याबाबत दिली माहिती

🌐 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup

💁‍♂ आज सातव्या आणि अखेरच्या टप्प्यातील प्रचार थंडावणार

LetsUp | Politics

⚡ लोकसभा निवडणुकीमध्ये सातव्या टप्प्यासाठी प्रचाराच्या तोफा आज थंडावणार, या टप्प्यात 8 राज्यातील 59 जागांसाठी होणार मतदान

👉 पश्चिम बंगालमध्ये हिंसाचाराच्या पार्श्वभूमीवर निवडणूक आयोगाने प्रचाराच्या कालावधीमध्ये कपात केल्याने तेथील प्रचार गुरुवारी (दि.16) रात्री संपला

👀 आचारसंहितेनुसार, मतदानाच्या 48 तास आधी निवडणूक प्रचार संपत असल्याने आज 17 मे रोजी संध्याकाळी 5 वाजता प्रचाराची सांगता होणार

🧐 देशात कुठे मतदान? : बिहार : 8 I मध्य प्रदेश : 8 जागा I पंजाब : 13 I उत्तर प्रदेश : 13 I पश्चिम बंगाल : 9 I झारखंड : 3 I हिमाचल प्रदेश : 4 I चंडीगड : 1

📍 पंतप्रधान नरेंद्र मोदी यांच्यासह शत्रुघ्न सिन्हा, शिबू सोरेन, ज्योतिरादित्य शिंदे आदींचे भवितव्य 'ईव्हीएम'मध्ये बंद होणार

🌐 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup

💁‍♂ आज वर्ल्ड हायपरटेन्शन डे; दुर्लक्ष करू नका काही गोष्टी!

LetsUp | Special

17 मे हा जागतिक अतिउच्च रक्तदाब दिवस (‘वर्ल्ड हायपरटेन्शन डे’) म्हणून ओळखला जातो.

आजघडीला देशांतील अति उच्च रक्तदाबाच्या रुग्णांची संख्या वाढत आहे. जीवनशैलीमध्ये होत असलेले बदल आणि आयुष्याला आलेला वेग हे यामागील प्रमुख कारण असल्याचे तज्ज्ञांकडून सांगण्यात येत आहे.

उच्च रक्तदाबाकडे दुर्लक्ष करणे धोकादायक असून हृदयविकाराशी संबंधित आजार जडण्याची शक्यता असते. अशात जनजागृती आणि उपचाराबाबत योग्य माहिती लोकांमध्ये पोहचणे गरजेचे आहे.

😇 लक्षणे काय? : सतत डोके दुखणे, छातीत जडपणा येणे, श्वास घेण्यास त्रास होणे, अचानक घाम येणे.

🧐 कसा ओळखावा? : वयाच्या पन्नाशीपर्यंत सिस्टोलिक रक्तदाब 110 ते 140 असावा, तर डायास्टोलिक रक्तदाब नव्वदपेक्षा कमी असावा. सिस्टोलिक रक्तदाब 140 पेक्षा जास्त आणि डायास्टोलिक रक्तदाब नव्वदपेक्षा जास्त असेल तर संबंधित व्यक्तीला अतिउच्च रक्तदाब (हायपरटेन्शन) असल्याचे निदान केले जाते. तपासणीतून हे समोर येते.

🤔 काय काळजी घ्याल? :

▪ वयाची पस्तिशी ओलांडल्यानंतर दरमहा रक्तदाबाची तपासणी करणे आवश्यक आहे.
▪ अशा रुग्णांनी नियमित उपचार घेणे आवश्यक आहे.
▪ उच्च रक्तदाब नियंत्रणासाठी आहाराच्या वेळांचे नियमन, मीठाचे प्रमाण कमी करायला हवे.
▪ दिवसभरात किमान अर्धा तास चालणे किंवा व्यायाम करणे गरजेचे आहे.
▪ हा आजार केवळ औषधाने नियंत्रित राहत नसून यासाठी जीवनशैलीशी निगडित आहार, व्यायाम इत्यादी बदलही आवश्यक आहेत.

🌐 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup

🎯 क्रीडा घडामोडींवर एक नजर

LetsUp | Sports

1) वर्ल्ड कपसाठी भारताचे 3 समालोचक: विश्वकरंडक स्पर्धेसाठी आयसीसीने समालोचकांची यादी जाहीर केली आहे. यादीत सौरभ गांगुली, संजय मांजरेकर आणि हर्षा भोगले या तीन भारतीय समालोचकांना स्थान मिळाले आहे.

📍 समालोचकांची यादी : शॉन पोलॉक, मायकल स्लेटर, मार्क निकोलस, मायकल होल्डींग, इशा गुहा, पॉमी एमबान्ग्वा, संजय मांजरेकर, हर्षा भोगले, सायमन डुल, इयन स्मिथ, नासिर हुसेन, इयन बिशॉप, सौरभ गांगुली, मेलेनी जोन्स, कुमार संगकारा, मायकल अथर्टन, अ‍ॅलिसन मिचेल, ब्रेंडन मॅकलम, ग्रॅम स्मिथ, वासिम अक्रम, रमीझ राजा, अथर अली खान आणि इयान वार्ड.

2) पाकिस्तान हॉकीला धक्का : आर्थिक गर्तेत सापडलेल्या पाकिस्तान हॉकीला मोठा धक्का बसला आहे. कारण ऑलिम्पिक पात्रता फेरीतून संघ बाहेर पडला आहे. वेळ देऊनही दंड न भरल्यामुळे अखेर आंतरराष्ट्रीय हॉकी संघटनेने हि कारवाई केली आहे.

3) शकिब अल हसनला दुखापत : तिरंगी मालिकेतील औपचारिक सामन्यात बांगलादेशने आयर्लंडवर विजय मिळविला मात्र, या विजयानंतरही त्यांची चिंता वाढली आहे.

या सामन्यात त्यांचा प्रमुख खेळाडू शकिब अल हसनला बरगड्याच्या दुखापतीमुळे मैदान सोडावे लागले. अर्थात, विश्‍वकरंडकापर्यंत शकिब तंदुरुस्त होईल, असे क्रिकेट बांगलादेशचे म्हणणे आहे.

4) दहाही फलंदाज त्रिफळाचीत: केरळच्या मालापुरम जिल्ह्यात वायनाड आणि कासारगौड संघात झालेल्या एका सामन्याची स्थानिक क्रिकेट वर्तुळात सध्या चांगलीच चर्चा सुरु आहे.

पेरिनथमाला मैदानावरील या सामन्यात कासारगौड संघ अवघ्या 4 धावांवर माघारी परतला आहे. या संघातील एकही खेळाडू धाव काढू शकला नाही. विशेष म्हणजे दहाही फलंदाज त्रिफळाचीत होऊन माघारी परतले.

वायनाडच्या गोलंदाजांनी 4 धावा अतिरिक्त स्वरुपात दिल्यामुळे कासारगौड संघाने खाते उघडले. विजयासाठी आवश्यक असलेले 5 धावांचे आव्हान वायनाडच्या संघाने पहिल्याच षटकात पूर्ण केले.

5) दिनेश कार्तिकला संधी का?: ऋषभ पंतला वगळून दिनेश कार्तिकला संधी का देण्यात आली? या प्रश्नावर स्वतः टीम इंडियाचा कर्णधार विराट कोहलीने उत्तर दिले आहे.

एका मुलाखतीत विराट म्हणाला की, "संघ अडचणीत आलेला असताना, दबावात असताना चांगली खेळी करुन दिनेश कार्तिकने स्वतःला सिद्ध केले आहे. कार्तिककडे अनुभव आहे. देव न करो महेंद्रसिंह धोनीला काही झालं तर कार्तिक यष्टीरक्षक म्हणूनही तितकाच उपयोगी पडणार आहे. सर्व गोष्टींचा विचार केल्यानंतर आणि विश्वचषकाचा विचार करुन आम्ही कार्तिकची संघात निवड केली आहे."

🌐 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup

💥 ब्रेकिंग! पदव्युत्तर वैद्यकीय प्रवेशासाठी मराठा आरक्षण अध्यादेश जारी

LetsUp | Breaking

⚡ वैद्यकीय पदव्युत्तर प्रवेशात मराठा आरक्षणावरून निर्माण झालेला तिढा सोडविण्यासाठी राज्य सरकारकडून अध्यादेश जारी

💁‍♂ त्यामुळे मेडिकलमध्ये प्रवेश घेणाऱ्या विद्यार्थांना दिलासा मिळणार, राज्यपालांची सही झाल्यानंतर अध्यादेश लागू होणार

🎯 अध्यादेशामुळे काय-काय घडणार?

▪ 16 टक्के आरक्षणांतर्गत 195 विद्यार्थ्यांना मिळालेले प्रवेश कायम राहणार आहेत
▪ खाजगी कॉलेजमध्ये मॅनेजमेंट कोट्यातून प्रवेश घेतलेल्या विद्यार्थ्यांना स्कॉलरशीप दिली जाणार
▪ वाढीव जागांना आरक्षण लागू करण्यासाठी राज्य सरकार कोर्टात जाणार

🌐 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup

🎂 आज पंकज उधास यांचा बर्थडे

LetsUp | Birthday Special

आपल्‍या गजलमुळे संगीतप्रेमींच्‍या मनावर अधिराज्‍य गाजवणार्‍या पंकज उधास यांचा आज 68 वा वाढदिवस. त्‍यांची प्रसिद्ध गजल ‘चिठ्ठी आई है’ आजही संगीतप्रेमींना मंत्रमुग्‍ध करून टाकते. त्‍यांच्‍या जन्मदिनाच्‍या औचित्‍याने जाणून घेऊया त्‍यांच्‍याविषयी काही खास गोष्‍टी...

▪ पंकज यांनी वयाच्या 7 वर्षी गायनाला सुरुवात केली. पंकज यांचे गाणे ऐकून त्‍यांच्या मोठ्या बंधूनी त्‍यांना गायकीसाठी प्रेरित केले.

▪ 1972 मध्‍ये उधास यांनी आपल्या चित्रपट करिअरला सुरुवात केली. ‘कामना’ या चित्रपटातील गाणी त्‍यांनी गायली. यानंतर त्‍यांनी गजल गायक बनण्‍यासाठी उर्दू शिकण्‍यास सुरुवात केली.

▪ पंकज उधास यांनी जवळपास 10 महिने टोरंटो रेडिओ आणि दूरदर्शनमध्‍ये गाणे गात आपला ठसा उमटविला.

▪ पंकज यांनी आपला पहिला अल्बम ‘आहट’ स्‍वत: आणला. पुढे ‘मुक्करर’ आणि ‘तरन्नुम’ यांसारखे अल्‍बम त्‍यांनी आणले.

▪ 1986 मध्‍ये आलेला चित्रपट ‘नाम’ मधील ‘चिठ्ठी आई है’ या गजलमुळे पंकज उधास लोकप्रिय झाले. या गजलला लक्ष्मीकांत प्यारेलाल यांनी संगीत दिले होते.

▪ 70 च्‍या दशकात त्‍यांनी एअरहोस्टेस फरीदा यांना त्‍यांनी पाहिले आणि पहिल्‍या नजरेत त्‍यांना प्रेम झाले. पुढे दोघांनी लग्‍न करण्‍याचा निर्णय घेतला. पंकज यांना दोन मुली आहेत.

▪ पकंज यांनी थोडी-थोडी पिया करो, एक तरफ उसका घर आणि दुख-सुख ता उसका यांसारखी एकापेक्षा एक गजले गायली.

▪ पंकज यांनी अनेक चित्रपटांमध्‍ये प्लेबॅक सिंगिंग केले. चित्रपटांमध्‍ये गंगा जमुना सरस्वती, बहार आने तक, थानेदार, साजन, दिल आश्ना है, फिर तेरी कहानी याद आई, ये दिल्लगी, मोहरा, मैं खिलाडी तू अनाडी, मझधार, घात आणि ये है जलवा यांचा समावेश आहे.

▪ त्‍यांच्या प्रसिद्ध अलबम्समध्‍ये आहट, नशा, मेहफिल, महक, नाबील, नायाब आणि रुबाई यांचा समावेश आहे.

▪ पंकज यांना गायकीतील (‘चिठ्ठी आई है’) अमूल्‍य योगदानाबद्‍दल 2006मध्‍ये पद्मश्री पुरस्‍काराने सन्‍मानित करण्‍यात आले.

🎶 पंकज उधास यांची सदाबहार गाणी:

● चिट्ठी आई है : http://bit.ly/2LM6lAg

● आहिस्ता : http://bit.ly/2HwyAxD

● घूंघट को मत खोल : http://bit.ly/2Vyi9G9

● घुंघरूं टूट गए : http://bit.ly/2VOr23m

● चुपके-चुपके : http://bit.ly/2LRWSr6

🌐 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup

👂 ऐका आजची लेट्सअप वाणी

LetsUp | Wani

👀 पंतप्रधान मोदी तर राहुल गांधी यांनी घेतली पत्रकार परिषद

▪ यंदा विश्वचषक विजेता संघ होणार मालामाल
▪ आसुसचा नवीन फोन सादर

यासह ऐका आज दिवसभरातील महत्वाच्या आणि ताज्या घडामोडींचा संक्षिप्त आढावा आता ऑडिओ स्वरूपात कारण...

📣 लेट्सअप वाणी आहे अनेक उत्तरांची कहाणी!

🎯 वाणी ऐकण्यासाठी क्लिक करा : 👉 https://ltsup.in/ltsupwani17may

🌐 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup

LetsUp News Updates

● स्वदेशी क्षेपणास्त्रांच्या निर्यातीची तयारी, भारत आता आशियाई देशांना निर्यात करण्याची शक्यता

● नौदलाला मोठे यश, मध्यम पल्ल्याच्या जहाजावरून हवेत मारा करणाऱ्या क्षेपणास्त्राची यशस्वी चाचणी

● भाजप साध्वी प्रज्ञांवर करणार शिस्तभंगाची कारवाई; अन्य दोघांनाही बाजवल्या नोटीसा

----------------------
Advertisment On LetsUp
Contact: 7875190190
----------------------

● महाराष्ट्र, गुजरातसह दक्षिणेतील राज्यांतील धरणांत अत्यंत कमी जलसाठे राहिले, पाण्याचा वापर जपून करा : केंद्राचा राज्यांना अलर्ट

● राज्यातील 4,331 गावांसाठी टँकरनं पाणीपुरवठा, चारा छावण्यांसाठी 162 कोटी रुपये, राज्य मंत्रिमंडळ बैठकीतील माहिती

● बलात्कार प्रकरणी अभिनेता करण ओबेरॉयचा जामीन अर्ज दिंडोशी सत्र न्यायालयाने फेटाळला

● वीस आठवड्यांनंतर गर्भपाताची परवानगी मागणाऱ्या महिलांबाबत वकिलांनी शहानिशा करावी, मुंबई उच्च न्यायालयाने दिले आदेश

● पाकिस्तान संघाला मोठा धक्का, सलामीवीर इमाम-उल-हकच्या डाव्या हाताच्या कोपऱ्याला दुखापत

● Itel कंपनीने बाजारात आणला 4,999 रुपयांचा ड्युएल कॅमेराचा सर्वात स्वस्त स्मार्टफोन

●‘मुळशी पॅटर्न’च्या ‘आरारारा खतरनाक’गाण्याने ओलांडला 25 दशलक्ष व्ह्यूजचा टप्पा

● पुणे - सोमवार पेठेतील नागेश्वर मंदिराजवळ पहाटे दुचाकीवरून आलेल्या टोळक्याने पार्क केलेल्या आठ मोटारी, रिक्षा आणि टेम्पो अशा दहा वाहनांची केली तोडफोड, समर्थ पोलीस ठाण्यात गुन्हा

● पुणे - हायकोर्टाच्या आदेशानंतर जे. एम. रोडवरील बॉम्बस्फोट प्रकरणातील आरोपी असमल शब्बीर शेख एसटीएससमोर शरण, कायदेशीर प्रक्रियेनंतर ऑर्थर रोड तुरुंगात रवानगी

● पुणे आणि पिंपरी-चिंचवडला पाणी पुरवठा करणाऱ्या भामा आसखेड धरणातील जॅकवलेच्या कामास अखेर सुरूवात, मोठा पोलीस बंदोबस्त

🌐 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup

🌞 राज्यातील तापमान पुन्हा वाढणार

LetsUp | Update

😎 राज्यातल्या बऱ्याच भागातील कमाल तापमानात उद्या रविवारी 19 मेपासून वाढ होणार, हवामान तज्ज्ञांनी वर्तविला अंदाज

🗣 हवामान तज्ज्ञांनी काय सांगितले?:

▪ विदर्भ, मराठवाडा आणि खान्देशातील भागात 25 मेपर्यंत कमाल तापमान सरासरीपेक्षा अधिक राहणार
▪ अकोला, नागपूर आणि वर्धा जिल्ह्यात कमाल तापमान 46 अंशांपर्यंत पोहोचणार
▪ चंद्रपूर जिल्ह्यात कमाल तापमान 47 अंशांपर्यंत पोहोचण्याची शक्यता
▪ धुळे, जळगाव, नांदेड आणि परभणी जिल्ह्यांत कमाल तापमान 45 अंशांपर्यंत पोहोचेल
▪ उर्वरित मराठवाडा आणि खान्देशात कमाल तापमान 42 अंशांच्या आसपास राहील
▪ मुंबईतील कमाल तापमानात 18 ते 21 मे दरम्यान वाढ अपेक्षित

👍 काळजी घ्या : वाढत्या तापमानापासून बचावासाठी लोकांनी योग्य प्रमाणात पाणी प्यावे आणि उष्माघाताचे लक्षण आढळल्यास त्यावर उपचार घ्यावेत

🌐 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup

📣 SBI मध्ये विविध पदांची भरती

LetsUp | Job

💁‍♂ पदाचे नाव व पद संख्या खालीलप्रमाणे:

▪ जनरल मॅनेजर (IT - Strategy, Architecture & Planning) : 01
▪ डेप्युटी जनरल मॅनेजर (Asset Liability Management) : 01
▪ डेप्युटी जनरल मॅनेजर (Enterprise & Technology Architecture) : 01
▪ असिस्टंट जनरल मॅनेजर (Enterprise & Technology Architecture) : 01
▪ चीफ मॅनेजर (Infrastructure Architect) : 01
▪ चीफ मॅनेजर (Application Architect) 01
▪ चीफ मॅनेजर (Business Architect) : 02
▪ मॅनेजर (Security Architect) : 01
▪ मॅनेजर (Technology Architect) : 02
▪ मॅनेजर (Application Architect) : 02
▪ सिनिअर कंसल्टंट एनालिस्ट : 01
▪ डेटा ट्रांसलेटर : 02
▪ डेटा आर्किटेक्ट : 02
▪ डेटा ट्रेनर : 01

👍 नोकरी ठिकाण : मुंबई

📆 ऑनलाईन अर्ज करण्याची मुदत: दि. 02 जून 2019

🗞 जाहिरात पाहा : https://ltsup.in/2Hp0WuF

👨‍💻 ऑनलाईन अर्ज: https://ltsup.in/2Wf794y

🌐 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup

🤔 बुद्ध जयंती का साजरी केली जाते?

LetsUp | Special

बौद्ध धर्मीयांचा सर्वात महत्त्वाचा सण अर्थात बुद्ध जयंती ज्याला बुद्ध पौर्णिमा देखील म्हटले जाते. भारतात वैशाख पोर्णिमेच्या दिवशी हा सण साजरा केला जातो.

हा दिवस तीन कारणांसाठी विशेष आहे. ते म्हणजे याच दिवशी गौतम बुद्धांचा जन्म झाला होता. याच दिवशी बुद्धांना ज्ञानप्राप्ती झाली होती आणि याच दिवशी बुद्धांचे महानिर्वाण झाले होते.

जगातील दुःख नाहीसे करण्यासाठी भगवान गौतम बुद्धांनी निरनिराळे मार्ग अनुसरले. यासाठी स्वतःचे घरदार सोडून ध्यान मार्ग आणि तपश्चर्येचा मार्गही अनुभवला. मात्र, वैशाख शुद्ध पौर्णिमेला त्यांना ज्ञान प्राप्‍त झाले आणि दुःखाचे मूळ व ते नाहीसे करण्याचा मार्ग सापडला. ही पौर्णिमा बुद्ध पौर्णिमा म्हणून साजरी केली जाते.

🧐 बुद्ध जयंतीचा इतिहास : डॉ. बाबासाहेब आंबेडकरांच्या अध्यक्षतेखाली 2 मे 1950 रोजी भारतात पहिली सार्वजनिक बुद्ध जयंती दिल्ली येथे साजरी झाली. याप्रसंगी आंबेडकरांनी बुद्धांच्या जीवनकार्यावर विचार मांडले. या जयंती समारोहास अनेक देशांचे वकील/ प्रतिनिधी, भिक्खू समुदाय व सुमारे वीस हजार लोकांचा समुदायही उपस्थित होता. अशाप्रकारे भारतात बुद्ध जयंतीची सुरुवात झाली

बुद्ध पौर्णिमा भारतासह श्रीलंका, कंबोडिया, व्हिएतनाम, चीन, नेपाळ, थायलंड, मलेशिया, म्यानमार, इंडोनेशिया आणि पाकिस्तान या देशांत साजरी केली जाते. श्रीलंकेत बुद्ध पौर्णिमेला ‘वेसाक’ असे म्हणतात. हा वैशाखचा अपभ्रंश आहे.

▪ या दिवशी बौद्ध घरांमध्ये दिवे प्रज्वलित केले जातात आणि फुलांनी घर सजवले जाते.
▪ बौद्ध धर्माच्या धर्मग्रंथांचे अखंड वाचन, पठण केले जाते.
▪ बुद्ध विहारांमध्ये (बौद्ध मंदिरांमध्ये) आणि घरांमध्ये अगरबत्त्या लावल्या जातात. बुद्ध मूर्तीवर फळ-फूल चढवले जाते आणि दिवा लावून पूजा केली जाते.
▪ बोधिवृक्षाची पूजा केली जाते. त्याच्या फांद्यांवर हार व रंगीत पताका सजवल्या जातात. मुळांना दूध व सुगंधित पाणी दिले जाते. वृक्षाच्या भोवती दिवे लावतात.
▪ या दिवशी मांसाहार वर्ज्य असतो.
▪ पक्ष्यांना पिंजऱ्यातून मुक्त करुन खुल्या आकाशात सोडले जाते.
▪ गरिबांना भोजन व वस्त्र दिले जाते.
▪ बौद्ध अनुयायींना प्रार्थना करता यावी यासाठी दिल्ली येथील बौद्ध संग्रहालयातील बुद्धांच्या अस्थी बाहेर काढून ठेवल्या जातात.

📍 बुद्ध पौर्णिमेच्या दिवशी बुद्धांची शिकवण आयुष्यात आणण्याचा संकल्प केला जातो.

🙏 बुद्ध पौर्णिमेच्या शुभेच्छा: https://ltsup.in/2WQtZN9

🌐 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup

🎯 Letsup I General Knowledge

1) भारतीय फुटबॉल संघाचे मुख्य प्रशिक्षक म्हणून कोणाला नियुक्त केले गेले आहे?

उत्तर : इगोर स्टिमॅक. (क्रोएशिया)

2) भारतीय भुगर्भशास्त्रीय सर्वेक्षण (GSI) यांच्याप्रमाणे भारतातल्या कोणत्या राज्यात ग्रॅफाईटचे सर्वाधिक साठे आहेत?

उत्तर : अरुणाचल प्रदेश. (43% साठे)

3) कोणत्या देशात द्रुतगतीने देयके द्यावयाची पद्धत असलेले क्विक रिस्पॉन्स (QR) कोड तयार केले गेले होते?

उत्तर : जपान. (1994 साली)

4) ICCच्या इंटरनॅशनल मॅचरेफरी पॅनेलमध्ये नियुक्ती करण्यात आलेल्या प्रथम भारतीय महिला क्रिकेटपटू कोण?

उत्तर : जी. एस. लक्ष्मी.

5) लाईट स्पोर्ट एअरक्राफ्ट (LSA) याच्या सहाय्याने अटलांटिक महासागर ओलांडणारी जगातली प्रथम स्त्री कोण?

उत्तर : आरोही पंडित. (23 वर्षे)

6) कर्नाटक उच्च न्यायालयाचे नवे मुख्य न्यायाधीश म्हणून पदाची शपथ कोणी घेतली?

उत्तर : अभय श्रीनिवास ओका.

🌐 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup

💁‍♂ अमेरिकेच्या स्थलांतरविषयक धोरणांत बदल; भारतीयांना होणार फायदा

LetsUp | International

📍 अमेरिकेचे अध्यक्ष डोनाल्ड ट्रम्प यांनी अमेरिकेचे नवे इमिग्रेशन धोरण केले जाहीर

🧐 आता बिल्ड अमेरिका व्हिसा पद्धत: अमेरिकेत कायम वास्तव्यासाठी ग्रीन कार्ड पद्धत बंद करण्यात येणार असून त्याऐवजी आता बिल्ड अमेरिका व्हिसा पद्धत लागू होणार आहे.

🗣 डोनाल्ड ट्रम्प काय म्हटले?

▪ तुम्ही कोणत्याही देशात जन्मलेले असा तुमच्याशी कसलाही भेदभाव न करता तुम्हाला अमेरिकेत कायम स्वरूपी राहण्यासाठी ही नवीन व्हिसा पद्धत सुरू केली जाणार आहे.
▪ आता केवळ लॉटरीपदधतीने नव्हे किंवा तुम्ही कोणाचे नातेवाईक आहात म्हणून नव्हे तर तुमच्यातील उच्च दर्जाचे कौशल्य आणि तुमच्या गुणवत्तेच्या आधारावरच आता व्हिसा जारी केले जातील.
▪ आम्हाला आमचा देशही घडवायचा आहे. येथील नागरीकांच्या हिताचीही काळजी घ्यायची आहे. त्याचाही विचार करून हे नवीन व्हिसा धोरण अंमलात येत आहे.

👍 भारतीयांना होणार फायदा : नव्या धोरणानुसार अतिकुशल कर्मचाऱ्यांचा कोटा 12 टक्‍क्‍यांवरून 57 टक्के करण्यात येणार आहे. या धोरणाचा हजारोंच्या संख्येतील भारतीयांना लाभ होणार आहे.

🌐 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup