💁‍♂ जाणून घ्या भारतात कोठे कोणत्या वस्तू लोकप्रिय आहे.

Letsup । Travel

🧐 एखाद्या ठिकाणी फिरायला गेल्यानंतर तुम्ही तिथली आठवण म्हणून एखादी वस्तू घरी आणता. मात्र, कोणत्या ठिकाणी कोणती वस्तू प्रसिद्ध आहे या गोष्टी जाणून घेण्यासाठी हि माहिती तुम्हाला फायदेशीर ठरेल.

▪ जम्मू काश्मीर: जम्मू काश्मीरमध्ये जर तुम्ही फिरायला गेलात तर तिथल्या काश्मिरी शॉल आणि गालीचे नक्की खरेदी करा. या वस्तू खरेदी केल्यास तिथल्या आठवणी तुमच्या कायम स्मरणात राहतील.

▪ हरियाणा: कलाकुसरीच्या आणि पितळ धातु पासून तयार केलेल्या अनेक वस्तू हरियाणात मिळतील. येथील लाकडापासून तयार केलेल्या वस्तूसुद्धा प्रसिद्ध आहेत.

▪ कर्नाटक: कर्नाटकमध्ये उत्तम प्रकारचं रेशीम मिळतं. भारतात रेशमाचं सर्वात जास्त उत्पादन कर्नाटकमध्येच घेतलं जातं. त्यामुळे इथल्या रेशमापासून विणलेल्या मुलायम वस्तू तुम्ही खरेदी करू शकता.

▪ गुजरात: काचेच्या लहान-मोठ्या तुकड्यांपासून सजविलेल्या अनेक वस्तू तुम्हाला गुजरातमध्ये मिळतील. स्वतःसाठी किंवा कुणाला गिफ्ट देण्यासाठी या वस्तू तुम्ही खरेदी करू शकता. अशा अनेक वस्तू तुम्हाला अहमदाबादध्ये खरेदी करता येतील.

▪ झारखंड: येथील पितळी धातुपासून तयार केलेल्या वस्तू प्रसिध्द आहेत. पितळ वितळवून त्यापासून देवी देवातांच्या सुबक आणि सुंदर मूर्ती या राज्यात घडविल्या जातात. त्या तुम्ही खरेदी करून घरात ठेवल्या तर नक्कीच आठवणी ताज्या राहतील.

👍 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup CDC

🗞 आज दिवसभरातल्या संक्षिप्त घडामोडी

▪ तामिळनाडूच्या किनारपट्टीवर 'चक्रीवादळ' येऊन धडकणार असल्याचा, भारतीय हवामान खात्याचा इशारा

▪ बीसीसीआयने अर्जुन पुरस्कारासाठी पूनम यादव, रवींद्र जडेजा, मोहम्मद शमी आणि जसप्रीत बुमराह यांच्या नावाची शिफारस केली

▪ देशातील बेरोजगारीचा दर 7.9 टक्क्यांवरून 8.1 वर पोहोचला, सेंटर फॉर मॉनिटरिंग इंडियन इकॉनॉमीचा अहवाल

▪ दोन मतदान ओळखपत्र बाळगल्या प्रकरणी गौतम गंभीरवर गुन्हा दाखल

▪ महाराष्ट्रासह 8 राज्यांमध्ये दहशतवादी हल्ल्याची अफवा, कर्नाटक पोलिसांचे स्पष्टीकरण

▪ महाराष्ट्रात तापमानात वाढ; पुढील तीन दिवस उष्णतेचा कहर कायम राहणार

▪ श्रीलंकेत पुन्हा बॉम्बस्फोट; सुरक्षा दलांनी केलेल्या कारवाईमध्ये दोन दहशतवाद्यांसह 15 ठार

▪ चीनमध्ये पाकिस्तानचे पंतप्रधानांचा अपमान; इम्रान खान यांच्या स्वागतासाठी चीनचे अधिकारी अनुपस्थितीत
----------------------
📣 आवाहन! 'लेट्सअप'वर प्रसिद्ध होणाऱ्या सर्व प्रकारच्या जाहिरातींमधील मजकूर जाहिरातदाराने दिल्यानुसार प्रसिद्ध केला जातो. कृपया वाचकांनी स्वतःच्या जबाबदारीवर त्याची पडताळणी करावी. यातील कोणत्याही माहितीच्या अथवा आवाहनाच्या सत्यतेबाबत 'लेट्सअप' हमी घेऊ शकत नाही.! 👏
----------------------
▪ Realme 3 Pro स्मार्टफोनचं अजून एक व्हेरिअंट लाँच, 6 जीबी रॅम आणि 64 जीबी स्टोरेज असलेलं हे नवं व्हेरिअंट कंपनीने बाजारात आणलं आहे.

▪ भारताच्या अभिषेक वर्माने नेमबाजी वर्ल्डकप स्पर्धेत, पुरुषांच्या 10 मीटर एअर पिस्तुल प्रकारात गोल्डमेडल जिंकले

▪ सलमान खानचा बहुचर्चित सिनेमा 'दबंग 3'चे पोस्टर नुकतेच रिलीज करण्यात आले असून, हा सिनेमा 20 डिसेंबर 2019 ला प्रदर्शित होणार आहे

👍 लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup CDC

अब्राहम लिंकन म्हणतात की मला जर झाड कापायला 10 तास मिळाले तर मी 8 तास कुऱ्हाडीला धार लावण्यासाठी घालवेल.

🌞 पुढील 2 दिवस उष्णतेची लाट राहणार

Letsup । Update

🧐 राज्यात कमाल तापमानाने गाठली उच्चांकी, उन्हाचे चटके आणि उकाड्याने नागरिक हैराण

🎯 कोकण, महाबळेश्वर वगळल्यास सर्वत्र कमाल तापमान 40 अंशांच्या पुढे गेल्याचे निदर्शनास

💁‍♂ शनिवारी राज्यातील सर्वाधिक तापमान अकोल्यामध्ये (46.7 अंश सेल्सिअस) तर सर्वाधिक किमान तापमानाची कोल्हापूरमध्ये (25.9 अंश सेल्सिअस) नोंद

❗ आणखी 2 ते 3 दिवस तापमानवाढ आणि उष्णतेची लाट काय राहणार असल्याचा हवामान विभागाचा अंदाज

लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup CDC

⭐ साप्ताहिक राशीभविष्य; 28 एप्रिल ते 4 मे 2019

LetsUp | Astrology

▪ मेष : घरात उत्साहवर्धक घटना घडल्याने तरुणमंडळी आनंदात राहतील. नवीन ओळखी होतील. मनस्वास्थ लाभेल. प्रवासाचे योग आहेत.

▪ वृषभ : मनातील कल्पना आकारात घेतील. आपला निभाव लागणार आहे. आकर्षक खरेदी कराल. भावंडांसोबत सुसंवाद साधाल. जगाकडे बघण्याचा दृष्टीकोन बदलावा लागेल.

▪ मिथुन : आपल्या इच्छा, आकांक्षा कृतीत आल्यामुळे समाधान लाभेल. आपल्या व्यक्तीमत्त्वाचा चांगला ठसा उमटेल. वाजवी ध्येय प्राप्त करु शकाल. नवनिर्मितीचा आनंद घ्याल.

▪ कर्क : मोठ्या व्यक्तींच्या मदतीने उद्योग, नोकरीत उत्कर्ष करणार्‍या घटना घडतील. लांबच्या प्रवासाचे योग येतील. आशावादी धोरण स्वीकारा. मित्रपरिवाराबरोबर वेळ मजेत घालवाल.

▪ सिंह : आपल्या इच्छा, अपेक्षा कृतीत आल्याने समाधान लाभेल. पैसा कमवण्यासाठी कठोर परिश्रम करण्यापेक्षा आपल्या बुद्धीमत्तेचा उपयोग करुन घ्यावा. सुयोग्य विचार आपणांस शक्ती देतील.

▪ कन्या : नोकरी-व्यवसायातून आर्थिक लाभ घडून येतील. बढती बदलीचे योग येतील. दैनंदिन कामे सुरळीत पार पडल्याने नोकरीत समाधानकारक स्थिती राहील.

▪ तूळ : विद्यार्थ्यांना शैक्षणिक क्षेत्रात यश लाभेल. आपली जिद्द व महत्त्वाकांक्षा यामुळे आपले ध्येय गाठणे सहज शक्य होईल. आपले आवडते छंद जोपासण्यासाठी वेळ देता येईल.

▪ वृश्चिक : धार्मिक स्थळांना भेटी द्याल. नवीन जबाबदार्‍या स्वीकाराल. प्रसिद्धीच्या झोतात राहता येईल. जवळचे प्रवास टाळावे. कोणत्याही प्रलोभनांना बळी पडू नका.

▪ धनू : कामाचा ताण जाणवणार नाही. नवीन व्यवसायासाठी भांडवल उभे कराल. जोडीदाराचे सहकार्य लाभेल. काही प्रभावी लोकांनी मदत केल्याने उत्साह वाटेल.

▪ मकर : प्रत्येक गोष्ट आपल्या मनासारखी होणार आहे. बौद्धीक व कला क्षेत्रात सुसंधी लाभतील. आपल्या आरोग्याच्या तक्ररींकडे लक्ष देण्याची गरज आहे.

▪ कुंभ : नव्या ओळखी होतील व त्या फायदेशीर ठरतील. जोडधंद्यातून चांगली आर्थिक प्राप्ती होईल. मिष्टान्न भोजनाचे योग येतील. महिला नवीन खरेदीचे मनसुबे आखतील.

▪ मीन : थोडी दगदग झाली तरी त्याचे फळ उत्तम मिळेल. आपले आवडते छंद जोपासण्यासाठी वेळ देता येईल. संततीच्या उत्कर्षाची वार्ता कानी येईल. संतसज्जनांचा सहवास लाभेल.

लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup CDC

🎬 पहा, KBCचं प्रोमो सॉंग; नागराज मंजुळेंनी गायलं रॅप

LetsUp | Trending

🎯 कोण होणार करोडपतीच्या नव्या पर्वाचे टायटल सॉंग रिलीज, गाण्याला सोशल मीडियावर तुफान पसंती

👨‍🎤 गाण्याच्या सुरुवातीला रॅप स्टाईलमध्ये नागराजच्या आवाजात काही ओळी असून उर्वरित गाणं हे संगीत दिग्दर्शक ए.व्ही. प्रफुल्लचंद्र यांनी गायिले आहे

👉 'म्हणूनच जग म्हणतं, नाही का, उत्तर शोधलं की जगणं बदलतं' या थीमअंतर्गत हे गाणं तयार केलं आहे

👀 गाणं पहा: https://ltsup.in/2V1oUET

लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup CDC

🎯 IPL 2019 : कोण आहे टॉपवर?

LetsUp | Ipl Special

📍 संघ आणि पॉईंट्स असे :

▪ चेन्नई सुपर किंग्ज : 16 (-0.113)
▪ मुंबई इंडियन्स : 14 (+0.537)
▪ दिल्ली कॅपिटल्स : 14 (+0.181)
▪ सनरायझर्स हैदराबाद : 10 (+0.559)

📍 टॉप 4 बॅट्समन : डेव्हिड वॉर्नर : 611 धावा I जॉनी बेयरस्टो : 445 धावा I ख्रिस गेल : 444 धावा I केएल राहुल : 441 धावा

📍 टॉप 4 गोलंदाज: कगिसो रबाडा : 23 बळी I इम्रान ताहीर : 17 बळी I श्रेयस गोपाल : 15 बळी I दीपक चहर : 15 बळी

👍 टीप: वरील आकडेवारी दि. 28 एप्रिल दुपारी 4 वाजेपर्यंतची आहे.

👀 प्ले ऑफसाठी चुरस सुरु:

▪ चेन्नई सुपर किंग्सने औपचारिकरीत्या प्लेऑफ अर्थात बाद फेरीत केला प्रवेश
▪ हैदराबाद आणि पंजाब या दोन्ही टीमला प्लेऑफसाठी संधी आहे. परंतु यासाठी उर्वरित मॅच जिंकाव्या लागतील, तेही चांगल्या नेट रनरेटने
▪ अंकतालिकेत दिल्ली दुसऱ्या क्रमांकावर आहे. तर मुंबई देखील 12 पॉईंटसह प्ले-ऑफच्या शर्यतीत कायम आहे
▪ प्ले-ऑफमध्ये स्थान मिळवायचं असेल तर कोलकाता, बंगळुरु आणि राजस्थान या टीमना आपल्या उर्वरित सर्व सामने जिंकावे लागतील

⚔ आज कोण आमने-सामने? :

1) दिल्ली कॅपिटल्स Vs रॉयल चॅलेंजर्स बंगळुरू
🏏 वेळ : 4 वाजता I ठिकाण : फिरोज शाह कोटला ग्राउंड, दिल्ली.

2) कोलकाता नाइट रायडर्स Vs मुंबई इंडियन्स
🏏 वेळ : 8 वाजता I ठिकाण : ईडन गार्डन्स, कोलकाता.

लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup CDC

💁‍♂ जाणून घ्या 1 मेपासून होणारे बदल!

Letsup । Update

1 मे 2019मध्ये मोठे बदल होणार असून त्याचा प्रभाव थेट आपल्या जीवनावर पडणार आहे. त्या बदलाबाबत जाणून घेऊयात...

1) SBI : 1 मेपासून बँकेचे डिपॉझिट आणि कर्जाचे व्याजदर RBIच्या बेंचमार्क दराशी जोडले जाणार आहे. यामुळे ग्राहकांना आधीच्या व्याजाच्या तुलनेत बचत खात्यावर कमी व्याज मिळणार आहे. हा नियम 1 लाख रुपयांपेक्षा जास्त जमा रक्कम आणि कर्जदरावर लागू आहे.

2) PNB: पंजाब नॅशनल बँक स्वतःचा डिजिटल वॉलेट PNB Kitty (पीएनबी किटी )ला 1 मेपासून बंद करणार आहे. त्यामुळे 1 मेपासून आपल्याला पीएनबी किटीऐवजी दुसऱ्या पर्यायी वॉलेटचा वापर करावा लागणार आहे.

3) रेल्वे आरक्षण : 1 मेपासून ट्रेन प्रवासाचे आरक्षण (रिझर्व्हेशन) करताना आपण जे बोर्डिंग स्टेशन निवडले आहे, ते तिकीट आरक्षित झाल्यानंतरही बदलता येणार आहे. मात्र तिकीट रद्द केल्यास प्रवाशांना त्यावरचा रिफंड मिळणार नाही.

4) तिकीट रद्द केल्यास शुल्क नाही : 1 मेपासून एअर इंडियाच्या विमानाचे तिकीट 24 तासांचा आत रद्द केल्यास आपल्याला कोणतंही शुल्क द्यावं लागणार नाही.

5) गॅस दर: 1 मेपासून घरगुती गॅस सिलिंडरच्या नव्या किमती जारी होणार आहे. यापूर्वी 1 एप्रिलला घरगुती गॅसच्या किमतीमध्ये वाढ झाली होती.

लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup CDC

😋 उन्हाळा स्पेशल; बनवा मेथांबा

LetsUp | Receipe

🍽 साहित्य : कैऱ्या 2, मेथ्या 2 चमचे, गुळ 1 वाटी, तिखट 2 चमचे, हळद 1.5 चमचा, हिंग 1 पुड, गोडेतेले 1/2 वाटी, मीठ चवीनुसार.

💁‍♀ कृती: प्रथम कैऱ्या सोलून त्याच्या बारीक फोडी करून घ्या. त्यात 1 वाटी गूळ कालवून ठेवा. अर्धी वाटी तेलात मेथ्या बारीक कुटून भाजून घ्या. अर्धी वाटी तेल तापवून त्यात हळद, तिखट तळून घ्या. त्यात कैरीच्या गूळ घातलेल्या फोडी व भाजलेली मेथीपूड तसेच 1 पूड हिंग पावडर व चवीनुसार मीठ घालून हे मंदआचेवर शिजवून घ्या.

लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup CDC

💁‍♂ फळबागांमध्ये घेता येणारी आंतरपिके

LetsUp | Agri

फळबागांमध्ये आंतरपिके घेऊन तुम्ही आर्थिक कमाई तसेच जमिनीत आवश्यक सुधारणा घडवून आणू शकता. चला तर आज जाणून घेऊयात फळबागांमध्ये घेता येणारी आंतरपिके आणि आणि त्याचे फायदे...

केळी, पपई, अननस यांसारख्या काही फळबागा 2 ते 3 वर्षे टिकणाऱ्या असतात. यांचे लागवड अंतर कमी असते. यामध्ये पहिल्या वर्षी काही हंगामी भाजीपाला पिकांचे आंतरपीक फायदेशीर ठरते.

संत्री, मोसंबी, डाळिंब, पेरू, अंजीर अशा बागांतून आंतरपिके घेण्यामुळे अधिक फायदा होतो. या फळबागा 10 वर्षांपेक्षा अधिक टिकतात. त्यांचे उत्पादनही 25-30 वर्षांपर्यंत मिळत राहते. मात्र द्राक्ष, चिकू, नारळ, सीताफळ, काजू या फळबागांमध्ये आंतरपिके घेताना अधिक विचार करावा लागतो.

🎯 आंतरपिके घेण्याचे फायदे :

▪ आंतरपिकाचा लाभ मुख्य फळपिकांसाठीही करून घेता येतो.
▪ आंतरपीक लागवडीमुळे जमिनीची उत्तम मशागत देखील होते.
▪ आंतरपिकाच्या लागवडीमुळे जमिनीत आवश्यक सुधारणा घडवून आणता येते.
▪ मुख्य फळबागेचे उत्पादन सुरू होईपर्यंतच्या काळात आंतरपिकांपासून आर्थिक कमाई करता येते.
▪ उपलब्ध साधन सामग्रीचा आणि मनुष्यबळाचा पुरेपूर वापर करता येतो.
▪ उपलब्ध जमीन आणि पाणी यांचा पुरेपूर मोबदला घेता येतो.

🧐 आंतरपिके निवडताना घ्यावयाची काळजी:

▪ आंतरपीक हे मुख्य पिकास पूरक असे असावे.
▪ फळबागेची जमीन सुधारेल असे आंतरपीक असावे.
▪ आंतरपीक हंगामी आणि कमी कालावधीत तयार होणारे असावे.
▪ आंतरपिक हे मुख्य पिकावर कीड-रोग यांचा प्रादुर्भाव होणारे नसावे.
▪ त्याची वाढ आणि विस्तार मुख्य फळपिकांना झाकून टाकणारा अगर अडथळा आणणारा नसावा.

👍 कमी कालावधीच्या फळपिकांचे आंतरपीक :

▪ डाळिंबामध्ये कोबी, प्लॉवर
▪ काकडीमध्ये मिरची
▪ तोंडलीत मिरची
▪ केळी : फुलकोबी, खरबूज
▪ डाळिंब, पेरू, चिकू, आंबा, सीताफळ : शेवगा, पपई

लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup CDC

🤔 माझ्या 1 मताने काय फरक पडतो? एकदा वाचाच!

LetsUp | Special

मी एकट्याने मतदान नाही केलं तर काय फरक पडतो? हा विचार लोकशाहीसाठी घातकच आहे. थेंबे-थेंबे तळे साचे या उक्तीप्रमाणे एका-एका मतानेच मतांचा डोंगर उभा राहतो.

यामुळे प्रत्येक व्यक्तीने मतदान करून आपला मतदानाचा हक्क बजावण्याबरोबरच लोकशाही अधिक सक्षम करण्यासाठी आपलाही खारीचा वाटा उपयुक्त होतो हे लक्षात घ्यायला हवे. चला तर जाणून घेऊ अशी काही उदाहरणे ज्यामुळे आपलाल्या एका मताची किंमत कळेल.

1) हिटलरला पहिला विरोध: अ‍ॅडॉल्फ हिटलरने नाझी पक्षाची स्थापना केली. त्यानंतर जेव्हा पक्षाच्या चेअरमनपदासाठी मतदान झालं तेव्हा पक्षातील 554 सदस्यांपैकी 553 सदस्यांनी हिटलरच्या बाजूने मतदान केलं तर एका सदस्याने हिटलरच्या विरोधात मतदान केले. या एका मताने जर्मनीत हिटलरला पहिला विरोध दर्शवला होता.

2) सरकार कोसळले: 1999मध्ये अटल बिहारी वाजपेयींचे 13 महिन्यांचे सरकार 1999मध्ये केवळ मताने कोसळले. त्यांच्या विरोधात अविश्वास प्रस्ताव आला होता. याविरोधात 270 मतं पडली तर त्यांच्या बाजूने 269 मतं पडली. यामुळे त्यांचे सरकार कोसळले.

3) एका मताने पराभव: 2004 मध्ये कर्नाटक विधानसभा निवडणुकीत ए. आर कृष्णमूर्ती यांना 40,751 मतं पडली तर त्यांच्या प्रतिस्पर्ध्याला 40,752 मतं पडली. अशा पद्धतीने 1 मताने निवडणूक हरणारे ते पहिले उमेदवार ठरले.

4) मुख्यमंत्री होण्याचे स्वप्न भंगले : 2009च्या विधानसभा निवडणुकीत सीपी जोशींना 62,215 मतं पडली त्यांच्या विरोधात उभ्या असलेल्या कल्याण सिंंह चौहान यांना 62,216 मतं मिळाली. ते केवळ एका मताने पराभूत झाले. यामुळे त्यांचे मुख्यमंत्रिपदाचे स्वप्न भंगले.

5) पंतप्रधानपदाचा दावेदार : 1979 मध्ये मार्गारेट थेचर ब्रिटनच्या विरोधी पक्ष नेत्या होत्या. तेव्हाचे पंतप्रधान जेम्स कॅलहेन विरोधात त्यांनी अविश्वास प्रस्ताव आणला. या प्रस्तावाच्या बाजूने 311 मतं पडली तर विरोधात 310 मतं पडली. या एका प्रस्तावामुळे कॅलहेन सरकार पडलं तर मार्गारेट थेचर पंतप्रधानपदाच्या प्रबळ दावेदार झाल्या.

6) अमेरिकेचे राष्ट्रपती : 1876 मध्ये रुदरफोर्ड हेस हे अमेरिकेचे राष्ट्रपती झाले. इलेक्टोरल मतांची मोजणी झाली तेव्हा रुदरफोर्ड यांना 185 तर टिन्डलरला 184 मत मिळाली होती. अवघ्या या एका मतामुळे रुदरफोर्ड अमेरिकेचे राष्ट्रपती झाले.

लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup CDC

🗞 आज दिवसभरातल्या संक्षिप्त घडामोडी

● जम्मू-कश्मीरमध्ये जैश-ए-मोहम्मद या दहशतवादी संघटनेच्या 3 दहशतवाद्यांना अटक करण्यात यश

● येत्या 12 तासांत 'फनी' चक्रीवादळ भीषण रुप धारण करण्याची हवामान विभागाकडून शक्यता

● मतदार केंद्रावर मोबाईल घेऊन जाणाऱ्यांवर गुन्हा दाखल करणार, निवडणूक अधिकाऱ्यांनी दिली माहिती

● श्रीलंका बॉम्बस्फोट : सुत्रधाराच्या वडिल आणि दोन भावांचा चकमकीत मृत्यू

● कॅलिफोर्नियाच्या सिनेगॉगमध्ये गोळीबार; महिलेचा मृत्यू, 3 जण जखमी, हल्लेखोर ताब्यात

● यंदा मुंबई विद्यापीठात 22 नवी महाविद्यालये; विद्यापीठ व्यवस्थापन परिषदेच्या बैठकीत निर्णय

● पंतप्रधानपदासाठी चंद्राबाबू, ममता दीदी किंवा मायावती प्रबळ दावेदार, शरद पवार यांचे वक्तव्य

● Vivo V15 च्या किंमतीत 2 हजार रुपयांची कपात, 21 हजार 990 रुपयांमध्ये खरेदी करता येणार

● दिग्दर्शक अयान मुखर्जीने ‘ब्रह्मास्त्र’चे प्रदर्शन टाकले लांबणीवर, आता 2020 मध्ये प्रदर्शित होणार

● 'अ‍ॅव्हेंजर्स एंडगेम'च्या 2 दिवसांच्या कमाईचा आकडा 124.40 कोटींवर, तोडला 'बाहुबली 2'चा रेकॉर्ड

लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup CDC

LetsUp News Update

● लोकसभा निवडणुक चौथ्या टप्पा : आज देशभरातील 9 राज्यांतील 71 जागांसाठी मतदान

● काश्मीर खोऱ्यास लडाखशी जोडणारा श्रीनगर-लेह महामार्ग 4 महिन्यांनतर वाहतुकीसाठी पुन्हा खुला

● श्रीलंका बॉम्बस्फोट : 106 संशयितांना अटक, त्यात तामिळ माध्यमाच्या एका शिक्षकाचाही समावेश

----------------------
Advertisment On LetsUp
Contact: 7875190190
----------------------

● इंडोनेशियात निवडणूक कामाच्या ताणामुळे 272 कर्मचाऱ्यांचा मृत्यू तर 1,878 जण आजारी

● "इसिस'च्या मोड्युल संदर्भात एनआयएकडून छापे; तीन संशयितांची चौकशी

● राज्यातील कारागृहातील कैद्यांना फोनवरून बोलण्याची मुभा; जेलमध्ये कॉइन बॉक्स होणार उपलब्ध

● राज्यात उष्माघाताचे दोन बळी; परभणी, अकोला, चंद्रपूरमध्ये गाठला उच्चांक

● शाओमीने 32 मेगापिक्सल्स क्षमता असणारा रेडमी वाय 3 हा स्मार्टफोन केला सादर

● IPL 2019 : दिल्ली कॅपिटल्सचा बंगळुरूवर 16 धावांनी विजय, कोलकाताची मुंबईवर 34 रनने मात

● अभिनेत्री प्रिया बापट आता 'सिटी ऑफ ड्रीम्स' या हिंदी वेबसिरीजमधून प्रेक्षकांच्या भेटीला येणार

● अहमदनगर - नगरमध्ये रविवारी गेल्या 9 वर्षांतील एप्रिल महिन्यातील उच्चांकी, तापमान 45.1 अंश सेल्सिअसवर गेले होते

● अहमदनगर - लोकसभा निवडणुकीतील नगर जिल्ह्यातील दुसरी जागा असलेल्या शिर्डी राखीव मतदारसंघासाठी आज मतदान

● अहमदनगर - शहरासह उपनगरांचा पाणीपुरवठा विस्कळीत; रोटेशननुसार आजऐवजी उद्या (दि. 30) होणार पाणीपुरवठा

लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup CDC

💁‍♂ आज चौथ्या टप्प्यात देशात 71 जागांसाठी मतदान सुरु

LetsUp | Political

⚡ लोकसभा निवडणुकीच्या चौथ्या टप्प्यात आज 9 राज्यातील 71 जागांसाठी मतदान उत्साहात सुरु

🎯 या 71 जागांवर 945 उमेदवार उभे असून एकूण 12.79 कोटी मतदार आपला हक्क बजावणार

👉 महाराष्ट्रामध्ये 17 जागांसाठी मतदान, 323 उमेदवारांचे राजकीय भवितव्य पणाला

📍 देशात 71 मतदारसंघांत मतदान: महाराष्ट्र : 16, उत्तर प्रदेश : 13, राजस्थान : 13 , पश्चिम बंगाल : 8, मध्य प्रदेश : 6, ओडिसा : 6, बिहार : 5, झारखंड : 3, आणि जम्मू-काश्मीर : 1

📍 महाराष्ट्रात 17 जागांसाठी मतदान: मुंबई उत्तर, मुंबई उत्तर-पश्चिम, मुंबई उत्तर-पूर्व, मुंबई उत्तर-मध्य, मुंबई दक्षिण-मध्य, मुंबई दक्षिण, ठाणे, कल्याण, भिवंडी, पालघर, नाशिक, नंदुरबार, धुळे, दिंडोरी, मावळ, शिरुर, शिर्डी

लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup CDC

🤔 उष्माघात टाळण्यासाठी काय करावे?

LetsUp | Health

सध्या राज्यात आलेल्या उष्णतेच्या लाटेमुळे उन्हाची तीव्रता चांगलीच जाणवत आहे. या वाढत्‍या उन्हाने नागरिक हैराण झाले आहेत. त्‍यामुळे उष्माघाताची लागण होऊ नये म्हणून काय काळजी घ्यावी? ते पाहुयात...

1) डिहायड्रेशनमुळे शरीरातील पाण्याचे प्रमाण कमी होते. त्यामुळे भरपूर पाणी प्यावे. शक्यतो फ्रिजमधले थंडगार पाणी पिणे टाळावे.

2) नियमित सब्जा घातलेले पाणी प्या. यामुळे शरीराला थंडावा मिळत राहील.

3) उन्हातून एसीत किंवा एसीतून लगेच उन्हात जाऊ नका. कारण शरीराला झटकन बदललेल्या तापमानाशी जुळवून घेणे कठीण जाते.

4) गडद रंगाचे कपडे जास्त उष्णता शोषून घेतात. त्यामुळे शक्यतो फिकट रंगाचे कपडे, सूती कपडे वापरावेत.

5) उन्हात फिरताना पांढरा स्कार्फ किंवा डोक्याला पांढरा रुमाल बांधूनच घराबाहेर पडा.

6) दही, ताकाचा आहारात समावेश करा. तेलकट तूपकट वर्ज्य करुन हलका आहार घेत रहा.

7) लिंबूपाणी, कोकम सरबत किंवा कैरीचे पन्हे पिण्यावर भर द्यावा.

8) कलिंगड, ताडगोळा, खरबूज, जाम अशी फळे भरपूर खावीत. यामुळे, आरोग्याला फळांतील नैसर्गिक जीवनसत्त्वे थेट मिळतील.

दुपारच्या उन्हात बाहेर पडणे टाळता येणार नसेल, तर किमान वरील गोष्टी दुर्लक्षित करू नका. कारण उष्माघात शरीराला आतून कमकुवत बनवतो हे लक्षात ठेवा.

लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup CDC

🧐 ऑटोमोबाईल कुठं काय?

LetsUp | Auto

1) बलेनोचे हायब्रिड मॉडेल लॉन्च: मारुती सुझुकी कंपनीने 1.2 ड्युअल जेट आणि बीएस स्टेज 6 इंजिन असलेली नवीन हायब्रीड बलेनो बाजारात उतरवली आहे.

नव्या मॉडेलनंतर बलेनोचे नेहमीचे 1.2 लीटर आणि हायब्रीड असे दोन प्रकार उपलब्ध होणार आहे. ग्राहकांना यासाठी 5.58 लाख रुपये किंमत मोजावी लागणार आहे. इंजिनच्या नव्या अत्याधुनिक तंत्रामुळे पेट्रोलची मोठ्या प्रमाणात बचत होणार असल्याचा दावा कंपनीने केला आहे.

2) Ducati ची Scrambler लाँच: इटलीची कंपनी डुकाटीने स्क्रॅम्बलर मोटरसायकलची नवी आवृत्ती बाजारात आणली आहे. स्क्रॅम्बलरच्या मालिकेत आयकॉन, फुल थ्रोटल, कॅफे रेसर आणि डेझर्ट स्लेड यांसारखे मॉडल्स आहेत.

कंपनीच्या जाहिरातीनुसार नव्या आयकॉनची किंमत 7.89 लाख रुपये, फुल थ्रोटलची किंमत 8.92 लाख रुपये, कॅफे रेसरची किंमत 9.78 लाख रुपये आणि डेझर्ट स्लेडची किंमत 9.93 लाख रुपये आहे. कंपनीच्या देशातील सर्व 9 डिलरशिपमध्ये बाईकसाठी बुकिंग सुरू झाली आहे.

3) अल्टो 800 ची नवीन आवृत्ती : मारूती सुझुकी कंपनीने अल्टो 800 या लोकप्रिय मॉडेलची नवीन आवृत्ती विविध व्हेरियंटच्या माध्यमातून भारतीय ग्राहकांना सादर केली आहे.

🎯 नवीन फिचर्स :

▪ यात प्रामुख्याने डिझाईन, अंतर्गत भाग आणि सुरक्षाविषयक फिचर्समध्ये बदल करण्यात आलेला आहे.
▪ आता ड्रायव्हरच्या बाजूने सुरक्षेसाठी एयर बॅगची सुविधा देण्यात आलेली आहे.
▪ ईबीडी प्रणालीसह एबीएस सिस्टीम प्रदान केलेली आहे.
▪ रिअर पार्कींग सेन्सर, सिटबेल्ट रिमाइंडर आणि स्पीड अलर्ट सिस्टीमचाही अंतर्भाव केलेला आहे.
▪ कारची डिझाईनदेखील थोड्या प्रमाणात बदलण्यात आलेली आहे.
▪ या मॉडेलमध्ये 796 सीसी क्षमतेचे, थ्री-सिलेंडर पेट्रोल इंजिन प्रदान करण्यात आले आहे.
▪ हे इंजिन बीएस-6 या मानकानुसार विकसित करण्यात आले असून याला 5 स्पीड मॅन्युअल ट्रान्समीशन प्रणालीशी संलग्न करण्यात आले आहे. यात सीएनजीचा पर्याय दिलेला नाही.

💰 विविध व्हेरियंटचे मूल्य : मारूती सुझुकीच्या नवीन अल्टो मॉडेलच्या विविध व्हेरियंटचे एक्स-शोरूम मूल्य हे स्टँडर्ड आवृत्ती 2.94 लाख; स्टँडर्ड (ओ) 2.97 लाख; एलएक्सआय 3.50 लाख; एलएक्सआय (ओ) 3.55 लाख आणि व्हीएक्सआय 3.72 लाख रूपये इतके आहे.

लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup CDC

📣 श्रीलंकेत बुरखा बंदी

LetsUp | International

⚡ बॉम्बस्फोटानंतर श्रीलंकेत बुरखा आणि नकाबसह चेहरा झाकणाऱ्या प्रत्येक गोष्टींवर बंदीचा निर्णय

💁‍♂ निर्णय का?: चेहरा झाकणाऱ्या कोणत्याही गोष्टींमुळे व्यक्तिची ओळख पटण्यास अडचणी येऊ नयेत म्हणून, हा निर्णय घेण्यात आला आहे, अशी माहिती श्रीलंकेचे राष्ट्रपती मैत्रीपाला सिरिसेना यांनी दिली

▪ दहशतवादी हल्ल्यानंतर एका आठवड्याने घेण्यात आला हा निर्णय

▪ संविधानाने दिलेल्या आणीबाणीच्या काळातील कायद्याच्या आधारे निर्णयाची अंमलबजावणी

🗣 सुरक्षेच्या कारणास्तव सार्वजनिक ठिकाणी बुरखा परिधान करून जाऊ नका, असं आवाहन ऑल सिलोन जमैयतूल उलेमा या श्रीलंकेतील मुस्लिम संघटनांनी महिलांना केलं आहे

📍 आज सोमवार (दि.29) पासून हा नियम लागू करण्यात येणार आहे

लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup CDC

💃 आज आंतरराष्ट्रीय नृत्य दिवस; जाणून घ्या महत्व

LetsUp | International Dance Day

💁‍♂ दरवर्षी 29 एप्रिल हा दिवस आंतराराष्ट्रीय नृत्य दिवस म्हणून साजरा केला जातो. बॅले नृत्याचे आद्य संस्थापक जीन-जॉर्जेस नोव्हेर (इ.स.1727-1810) यांचा हा जन्मदिवस. त्यांच्या स्मृतिप्रीत्यर्थ हा दिवस साजरा केला जातो.

📍 युनेस्कोची एक सह संघटना असलेली आयटीआय म्हणजेच आंतरराष्ट्रीय थिएटर संस्था यांच आयोजन करतं. ही संस्था 1982 पासून हा दिवस साजरा करते.

🎯 दिवसाचे महत्व: जगभरात नृत्यकला साजरी करणे, नृत्यकलेने राजकीय, सामाजिक, सांस्कृतिक, धर्माच्या विविधतेच्या सीमा ओलांडून सर्वाना ‘नृत्या’च्या द्वारे एकत्र आणणे, आणि नृत्यकलेचे समाजातले स्थान उंचावणे हा मुख्य उद्देश या दिवसामागे आहे.

💫 भारतीय नृत्यशैली: नृत्य ही एक 64 कलांपैकी असलेली कला आहे. दोनशेहून अधिक लोकनृत्ये ही भारतात प्रचलित आहेत. दहा शास्त्रीय नृत्यशैली भारतात रुजलेल्या आहेत यातील कथक, मणिपुरी, भरतनाट्यम् आणि कथकली या प्रमुख शास्त्रीय नृत्य पद्धती आहेत.

🧐 भारतातील राज्य आणि नृत्य प्रकार:

▪ महाराष्ट्र - लावणी, कोळी नृत्य
▪ तामिळनाडू - भरतनाट्यम
▪ केरळ - कथकली
▪ आंध्र प्रदेश - कुचीपुडी, कोल्लतम
▪ पंजाब - भांगडा, गिद्धा
▪ गुजरात - गरबा, रास
▪ ओरिसा - ओडिसी
▪ जम्मू आणी काश्मीर - रौफ
▪ आसाम - बिहू, जुमर नाच
▪ उत्तरखंड - गर्वाली
▪ मध्य प्रदेश - कर्मा, चार्कुला
▪ मेघालय - लाहो
▪ कर्नाटक - यक्षगान, हत्तारी
▪ मिझोरम - खान्तुंम
▪ गोवा - मंडो
▪ मणिपूर - मणिपुरी
▪ अरुणाचल प्रदेश - बार्दो छम
▪ झारखंड - कर्मा
▪ छत्तीसगढ - पंथी
▪ राजस्थान - घूमर
▪ पश्चिम बंगाल - गंभीरा
▪ उत्तर प्रदेश - कथक

लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup CDC

🎯 जाणून घ्या ‘ऋकार’, ‘रकार’, ‘रफार’ आणि ‘काकपद’ म्हणजे काय?

LetsUp | Learn

मराठी व्याकरण समजून घेताना आपल्याला अनेक प्रश्न पडतात. आज अशाच काही साध्या पण महत्वपूर्ण प्रश्नांचे उत्तर जाणून घेऊयात. ‘ऋकार’, ‘रकार’, ‘रफार’आणि ‘काकपद’ आपण अनेकदा वापरतो. मात्र ते कुठे, कधी आणि कसे वापरायचे? हे आपल्या लक्षात येत नाही. म्हणून आज त्याबाबत जाणून घेऊयात...

लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup CDC

🎯 आत्मविश्वास वाढवणारे निवडक सुविचार

LetsUp | Motivation

💁‍♂ आत्मविश्वास तुम्हाला यश मिळवून देत नाही, पण तो तुम्हाला कठीण काळातून बाहेर निघायला मदत करतो. आयुष्यात सकारात्मक राहण्यासाठी आम्ही तुमच्या साठी काही खास सुविचार घेऊन आलो आहे. जे वाचून तुमचा आत्मविश्वास नक्कीच वाढेल.

▪ यशाचे शिखर गाठण्यासाठी काही वेळेला अपयशाच्या पायर्‍या चढाव्या लागतात.

▪ विजय हा मागून मिळत नसतो, तो धैर्याने झगडून मिळवावा लागतो.

▪ यश मिळवायचं असेल तर स्वत:च स्वत:वर काही बंधन घाला.

▪ संकटं तुमच्यातली शक्ती, जिद्द पाहण्यासाठीच येत असतात.

▪ संकटांना भिऊ नका, संकटांना संधी मानून त्यावर मात करा.

▪ विचाराचे हत्यार नीट हाताळता यावे, याचेच नाव खरे शिक्षण.

▪ विचाराच्या युद्धात पुस्तक हेच शस्त्र आहे.

▪ सावधपणा, उत्तम निर्णयशक्ती, स्वावलंबन, आणि दृष्ट निश्चय हे गुण यशासाठी आवश्यक असतात.

▪ स्वतःच्या कर्तुत्वावर विश्वास ठेवायला शिका तरच इतर तुमच्या कर्तुत्वावर विश्वास ठेवतील.

▪ शक्तीचा उपयोग नेहमी शहाणपणाने करा. क्रोधाच्या मार्गाने ती वाया घालवू नका.

लेट्सअपचे ताजे व निवडक अपडेट मिळवण्यासाठी आजच जॉईन करा लेट्स अप टेलिग्राम चॅनेल : https://telegram.me/letsup CDC