၅ နာရီလောက်ထိုင်ကြည့်နေတာ ဘယ်လိုလုပ်ရမလဲ 🥹

#𝐑ᴏɴɴɪᴇ
#jff

ငါးတစ်ကောင်ဟာ ငါ့မှာ ဘာလို့
လမ်းလျှောက်ဖို့ ခြေထောက်မပါတာလည်းလို့
ဘယ်တော့မှ မတွေးသလို၊

မျောက်တစ်ကောင်ဟာလည်း
ငါဘာလို့ လေမှာ မပျံနိုင်ရသလဲလို့ မတွေးပါဘူး။

အရာရာတိုင်းမှာ လောကကြီးက
သူ့နေရာနဲ့သူ အားနည်းချက် ၊
အားသာချက် တွေနဲ့ ဖန်တီးထားလို့ပဲဖြစ်တယ်။

မင်းကားမောင်းတဲ့နေရာမှာ ဆရာတစ်ဆူ
ဖြစ်ချင်ဖြစ်လိမ့်မယ်။

လူတင်ပြီး နင်းရတဲ့ ဆိုက်ကားမှာတော့
ဆိုက်ကားဆရာကို မှီမှာ မဟုတ်ဘူး။

တက္ကသိုလ်မှာ မင်းဟာ ပါမောက္ခတစ်ယောက် ဖြစ်ချင် ဖြစ်လိမ့်မယ် ။

ဒါပေမဲ့ ပင်လယ်ပြင်ကို ခရီးနှင်တဲ့အခါ
လေးထိုးသားလောက် မင်းဟာ အရေးမပါနိုင်ဘူး။

လောကမှာ ဘယ်သူ့ကိုမှ အထင်သေးလို့မရသလို
ဘယ်သူ့ကိုမှ အသလွတ် အထင်ကြီးနေလို့ မရဘူး။

ဘာလို့ဆို ကိုယ့် မှာ မရှိတဲ့အရာ
တစ်ပါးသူမှာ ရှိနေနိုင်လို့ပဲ ဖြစ်တယ်။

#𝐑ᴏɴɴɪᴇ
#crd

နှလုံး ကြွက်သား အားကောင်းစေဖို့ဆိုရင်...

နှလုံး ဆိုတာ ကြွက်သား တစ်မျိုးလို့ ဆိုကြပါတယ်။ လူ့ခန္ဓာကိုယ်ထဲက အရေးပါတဲ့အစိတ်အပိုင်းတစ်ခုသာမက ကြွက်သားတစ်မျိုးလည်းဖြစ်တယ်ပေါ့။ အကြောင်းအမျိူးမျိုးကြောင့် နှလုံးကြွက်သား အားနည်းတဲ့အခါ နှလုံးညှစ်အားကျဆင်းတာမျိုး ဖြစ်တတ်ပါတယ်။ ဒါကြောင့် နှလုံး ကြွက်သား အားကောင်းစေဖို့ဆိုရင် ဘာတွေ လုပ်ရမလဲ။

လူတိုင်းက နှလုံးရောဂါ ဖြစ်မှာကို မလိုလားကြပါဘူး။ ဒီရောဂါက ကမ္ဘာပေါ်မှာ လူအများဆုံး သေဆုံးစေတဲ့ရောဂါတွေထဲက တစ်ခုဖြစ်တယ်မဟုတ်လား။

နှလုံး ရောဂါကို တားဆီးနိုင်ဖို့ Heart Attack မဖြစ်စေဖို့ လူတိုင်းအလိုရှိကြပေမယ့် တကယ်တမ်းမှာတော့ ကာကွယ်တားဆီးမှုတွေကို စနစ်တကျလုပ်နိုင်ကြတာမျိုးကတော့ နည်းပါတယ်။

အများစုကတော့ အစားအသောက်ကို ရွေးချယ်မှီဝဲပြီး နှလုံး ရောဂါကို ကာကွယ်ကြပါတယ်။ ဒါပေမယ့် အမြဲတမ်းတော့ အဆင်ပြေနေတယ်တော့မဟုတ်ဘူးလေ။ အစားအသောက်ဆိုတာမျိုးက အမြဲတမ်း ရွေးချယ်မှီဝဲဖြစ်နေတာမှမဟုတ်တာ။

ဒါကြောင့် ခုစာစုမှာတော့ နှလုံးကြွက်သားကို အားကောင်းသန်မာစေပြီး နှလုံး ရောဂါ မဖြစ်ပေါ်လာအောင် တားဆီးပေးနိုင်မယ့် နည်းလမ်းလေးတွေကို ဖော်ပြပေးသွားပါမယ်။ အလွယ်တကူလိုက်နာနိုင်ပြီး အကျိုးလည်းရှိတဲ့ နည်းလေးတွေပေါ့။


နှလုံး ကြွက်သား အားကောင်းစေဖို့ဆိုရင် ဒီနည်းလမ်းလေးတွေကို လုပ်ဆောင်ကြည့်ပါ။


၁။ ကိုယ်လက်လှုပ်ရှား လုပ်ပါ

လေ့ကျင့်ခန်းလုပ်တာမျိုး၊ လမ်းလျှောက်တာ ပြေးတာမျိုးတွေ၊ နေ့စဉ်ပုံမှန်လုပ်ပေးတာက နှလုံးကို အကျိုးဖြစ်ထွန်းစေပါတယ်။ လေ့ကျင့်ခန်းဆိုရင်လည်း ယောဂ၊ အေရိုးဗစ်၊ ကိုယ်လက်ကြံ့ခိုင်မှုလေ့ကျင့်ခန်းနဲ့ သက်လုံအားကောင်းစေမယ့် လေ့ကျင့်ခန်းတွေကို ရွေးချယ်ပြုလုပ်ပေးသင့်ပါတယ်။


၂။ ဆေးလိပ်ဆို ဝေးဝေးရှောင်ပါ။

ကိုယ်က သောက်တတ်ရင် ဖြတ်လိုက်ပါ။ မသောက်တတ်ရင်တောင်မှ Second hand smoking၊ Third hand smoking တွေကိုလည်း ရှောင်ရပါမယ်။ ဆေးလိပ်မသောက်ပေမယ့် နှလုံး နဲ့ အဆုတ်ထိခိုက်ကြတာဟာ သူတပါးရဲ့ ဆေးလိပ်ငွေ့ကြောင့်ဖြစ်ပါတယ်။

လူတော်တော်များများက ကိုယ်တိုင်ဆေးလိပ်မသောက်ရင် အန္တရာယ်ကင်းပြီလို့ တွေးကြပါတယ်။ တကယ်ကတော့ ကိုယ့်နားမှာသူများသောက်တာမြင်ရင်လည်း ဆေးလိပ်ငွေ့ကို မရှူရှိုက်ဖြစ်ဖို့ အရေးကြီးပါတယ်။


၃။ ကိုယ်အလေးချိန် ထိန်းသိမ်းပါ။

ကိုယ်က ဝနေရင် လျှော့ရပါမယ်။ အရမ်းပိန်နေရင်လည်း လိုအပ်သလောက် ပြည့်ပြည့်ဖြိုးဖြိုးဖြစ်နေဖို့ လုပ်ရပါမယ်။ BMI အရ ကိုယ့်ကျန်းမာရေးကို မထိခိုက်စေနိုင်လောက်တဲ့ ကိုယ်အလေးချိန်မျိုးမှာရှိနေဖို့ သိပ်ကိုအရေးကြီးပါတယ်။


၄။ အာဟာရမျှတစွာ မှီဝဲပါ။

နှလုံးကို အားကောင်းစေတယ်၊ ကျန်းမာစေတယ်ဆိုတဲ့ အစာတွေချည်း လှိမ့်စားနေလို့မရပါဘူး။ ခန္ဓာကိုယ်တစ်ခုလုံးကို ကျန်းမာဖွံ့ဖြိုးစေမယ့် အစားအစာမျိုးတွေကို စနစ်တကျမှီဝဲပေးဖို့ လိုအပ်ပါတယ်။

အဆီတက်စေမယ့်အစာတွေ၊ အသင့်စားမုန့်တွေကို ရှောင်ကြဉ်ရုံနဲ့တင် နှလုံးကြွက်သားတွေ ကျန်းမာဖို့ အတော်လေးအထောက်အကူဖြစ်စေမှာပါ။


၅။ ချောကလက်စားပါ။

ချောကလက်က နှလုံးကို ကျန်းမာစေပါတယ်။ အရသာလည်းကောင်းပြီး လူကြိုက်လည်းများတဲ့အစားအစာမို့ မကြာခဏမှီဝဲသင့်ပါတယ်။ ဝိုင်နဲ့ တွဲဖက်မှီဝဲဖို့ လမ်းညွှန်တာတွေလည်း ရှိပါတယ်။

ဒါပေမယ့် တစ်ခုသတိထားရမှာက ဒီနှစ်ခုကို တစ်ပြိုင်တည်းတွဲဖက်စားတာက တချို့သူတွေမှာ ဓာတ်မတည့်တာမျိုး ဖြစ်တတ်တာကိုပါ။ ဒါကြောင့် တစ်ခုစီမှီဝဲတာ ပိုကောင်းပါတယ်။ တစ်ခုရှိတာက နှလုံးကြွက်သားအားကောင်းဖို့သက်သက်နဲ့ ဝိုင်ကို အစလုပ်ပြီး မသောက်ပါနဲ့။ ဝိုင်ဆိုတာလည်း အယ်ကိုဟောပဲမလား။ နှလုံးကျန်းမာစေဖို့ အရက်အပြင် ရွေးချယ်စရာတွေ အများကြီး ရှိတယ်လေ။


၆။ အလွန်အကျွံမစားပါနဲ့

အစာစားတာဟာ လူ့ခန္ဓာကိုယ်အတွက် လိုအပ်တဲ့ အာဟာရဓာတ်တွေကို အဓိကရယူတဲ့ နည်းလမ်းပါ။ မှန်ကန်ပြီး မျှတသင့်လျော်စွာပဲ စားသောက်မှီဝဲသင့်ပါတယ်။ အလွန်အကြူး စားသောက်တာက ကိုယ်အလေးချိန်တိုးတာမျိုး၊ ကိုလက်စထရောများတာမျိုးတွေသာဖြစ်စေမှာမို့ နှလုံးကြွက်သားတွေကို ထိခိုက်စေပါလိမ့်မယ်။


၇။ စိတ်ဖိစီးစရာတွေကို မထားပါနဲ့။

စိတ်ဖိစီးမှုဟာကြောင့် ခန္ဓာကိုယ်ထဲမှာ ဇီဝဓာတုပစ္စည်း ၁၄၀၀ လောက်ထွက်ရှိပါတယ်။ သွေးတိုးစေတာတွေနဲ့ နှလုံးခုန်နှုန်းမြန်စေတဲ့ အရာတွေပါ ပါရှိနေတတ်ပါတယ်။ စိတ်ဖိစီးမှုကြောင့် နှလုံး အတွင်း သွေးစီးဆင်းမှုကို ထိခိုက်စေတာမို့ စိတ်ဖိစီးမှုကင်းစင်အောင် ဂရုတစိုက်နေထိုင်တာက နှလုံး ကျန်းမာရေးအတွက် အကောင်းဆုံးပါပဲ။ ဒါကြောင့် ပျော်ပျော်နေဖို့ အကြံပေးပါရစေ။


#Crd_to_hellosayawon
#Forward_Only
#Knowledge
#Ruby

နှလုံးကျန်းမာစေဖို့

နှလုံး ကျန်းမာစေဖို့ဆိုရင်

၁။ ပြုပြင်ထားတဲ့ အစားအစာတွေ ရှောင်ပါ။

၂။ အချိုများတာတွေကို အလွန်အကျွံ မစားပါနဲ့။

၃။ သစ်သီး နဲ့ ဟင်းသီးဟင်းရွက် များများစားပါ။

၄။ အနီရောင် အသား နဲ့ ပြုပြင်ထားတဲ့ အသားတွေ လျှော့စားပါ။

၅။ အဆီလျှော့ထားတဲ့နို့ နဲ့ နို့ထွက်ပစ္စည်းပဲ စားသောက်ပါ။

၆။ တစ်ပတ်ကို ငါး တစ်ကြိမ်ကနေ ၃ ကြိမ် ပါဝင်အောင် စားပါ။

၇။ ကျန်းမာရေးနဲ့ ညီညွတ်တဲ့ ဆီကို စားပါ။ [သံလွင်ဆီ၊ ထောပတ်သီးဆီ]

၈။ အခွံမာသီး၊ အစေ့အဆန်၊ ပဲအမျိုးမျိုး ပါအောင် စားပါ။

၉။ အယ်လ်ကိုဟော လျှော့ပါ။


#Crd_to_hellosayawon
#Forward_Only
#for_heart
#Knowledge
#Ruby

သင့်ချစ်သူက သင့် နှလုံး ကို ကျန်းမာစေနိုင်ပါတယ်။

𒊹︎︎︎ သင့်အချစ်ရေးက သင့် နှလုံး ကို ဘယ်လိုကျန်းမာစေတာလဲ။

❥︎❦︎ ချစ်ခင်ရသူတွေနဲ့ အတူရှိနေတာက သွေးဖိအားကို ကျစေပါတယ်။

❥︎❦︎ ရင်ခုန်စရာ အတွေ့အကြုံလေးတွေကလည်း နှလုံးအတွက် Cardio Workoutပဲ ဖြစ်ပါတယ်။

❥︎❦︎ ပွေ့ဖက်ခြင်းက နှလုံးကို ကျန်းမာစေပါတယ်။

❥︎❦︎ ပေါ့ပေါ့ပါးပါးရယ်လိုက်တာက သွေးလည်ပတ်မှုကို ကောင်းစေပါတယ်။

❥︎❦︎ ရည်စားစာရေးတာက ကိုလက်စထရောကို ကျစေပါတယ်။

❥︎❦︎ ကောင်းမွန်တဲ့ ခံစားချက်တွေက နှလုံးသွေးကြောကျဉ်းရောဂါကို ကာကွယ်ပေးနိုင်ပါတယ်။

❥︎❦︎ လက်ကိုင်ထားတာက စိတ်ကို တည်ငြိမ်စေပါတယ်။



အချစ်ရေးနဲ့ သင့်နှလုံး

ပျော်ရွှင်ပြီး အဆင်ပြေနေတဲ့ အချစ်ရေးက သင့်နှလုံးကို ကျန်းမာစေပါတယ်။ စိတ်ဖိစီးမှုနည်းတာ၊ သွေးဖိအားကျတာ၊ သွေးကြောတွေကို ကျန်းမာစေတာ၊ သွေးလည်ပတ်မှုကောင်းတာ စတာတွေက နှလုံးကို ကျန်းမာစေတဲ့ အချက်တွေပဲ ဖြစ်ပါတယ်။ ဒီလိုမဟုတ်ဘဲ အဖုအထစ်တွေနဲ့ ဆက်ဆံရေးဆိုရင်တော့ စိတ်ဖိစီးမှုတွေများပြီး နှလုံးကျန်းမာရေး ထိခိုက်နိုင်တာကြောင့် မိမိနဲ့ မိမိအဖော်ကြားမှာ ကောင်းမွန်နဲ့ ဆက်ဆံရေးရအောင် ဖန်တီးယူသင့်ပါတယ်။


#Crd_to_hellosayawon
#Forward_Only
#Knowledge
#Ruby

Fast Heart Beat (နှလုံးခုန်မြန်ခြင်း)

Fast Heart Beat (နှလုံးခုန်မြန်ခြင်း) က ဘာလဲ။

နှလုံးခုန်မြန်ခြင်း ,သွေးခုန်နှုန်းမြန်ခြင်း , ကြိမ်နှုန်းမြန်ခြင်း ဆိုတာတွေက သင့်နှလုံးခုန်မြန်နေတာ ခုန်ချက်ကျော်လွန်တာတွေကို သိတဲ့ခံစားမှုဖြစ်ပါတယ်။ သင့်နှလုံးက ပုံမှန်မဟုတ်တဲ့ စည်းချက်နဲ့ ခုန်နေတာကို သင်ခံစားရတတ်ပါတယ်။ ဒီအခြေအနေက လည်ပင်းနဲ့ ရင်ဘတ်တွေမှာဖြစ်တတ်ပါတယ်။


နှလုံးခုန်မြန်ခြင်းက ဘယ်လောက်အဖြစ်များသလဲ

နှလုံးခုန်မြန်တာဟာ အဖြစ်များတဲ့ ရောဂါပါ။ အသက်အရွယ်မရွေးဖြစ်တတ်ပြီး ဖြစ်စေတဲ့အချက်တွေကိုလျော့ချခြင်းဖြင့် ကုသနိုင်ပါတယ်။ သင့်ဆရာဝန်နှင့်တိုင်ပင်ပါ။

လက္ခဏာများ

နှလုံးခုန်မြန်ခြင်းရဲ့လက္ခဏာတွေကဘာတွေလဲ

ယေဘုယျ လက္ခဏာတွေက :

• အသက်ရှူရခက်ခြင်း၊ မောခြင်း

• မူးဝေခြင်း

• ရုတ်တရက် နွမ်းနယ်ခြင်း

• နှလုံးခုန်သံ ပုံမှန်မဟုတ်ခြင်း

• ရင်ဘတ်အောင့်ခြင်း

• မတ်တပ်ရပ်ချိန်တွင် ခေါင်းမူးခြင်း

• မေ့မြောခြင်း

နှလုံးခုန်မြန်ရောဂါရှိသူ အချို့ဟာ လက္ခဏာမပြပဲ ကျန်းမာရေးစစ်ဆေးချိန်မှခုန်နှုန်းမြန်နေတာကိုသိရှိပါတယ်။

စာရင်းထဲမပါဝင်တဲ့ လက္ခဏာတွေရှိနိုင်ပါတယ်။ ရောဂါတွေ့ရှိပါက ဆရာဝန်နှင့်တိုင်ပင်ပါ။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

အထက်ဖော်ပြပါ လက္ခဏာတွေရှိရင်ပြသင့်ပါတယ်။ လူတစ်ယောက်နဲ့တစ်ယောက် တည်ဆောက်ပုံမတူကြတဲ့ အတွက် သင့်အတွက်သင့်တော်မယ့် အခြေအနေကို ဆွေးနွေးပါ။

အကြောင်းရင်းများ

နှလုံးခုန်မြန်ခြင်းကို ဘာတွေကဖြစ်စေသလဲ

သင့်နှလုံးလုပ်ငန်းကို ပက်သတ်မှုရှိတဲ့ အရာတွေကနှလုံးမြန်ခြင်းကိုဖြစ်စေပါတယ်။

အဲ့အရာတွေကတော့ :

• နှလုံးရောဂါ

• မွေးရာပါနှလုံးရောဂါများ

• သွေးအားနည်းရောဂါ

• လေ့ကျင့်ခန်းပြင်းထန်စွာ လုပ်ခြင်း

• စိတ်ဖိစီးမှု

• သွေးပေါင်တက်ခြင်း

• ဆေးလိပ်သောက်ခြင်း

• အဖျား

• ခန္ဓါကိုယ်တွင်း ဓါတ်များမညီမျှမှုဖြစ်ခြင်း

• အရက်, ကဖိန်း, ကိုကင်း လွန်ကံျွစွာ သုံးစွဲခြင်း

• ဆေး ဘေးထွက်ဆိုးကျိုးများ

• သိုင်းရွှိက် ဂလင်းကြီးခြင်း တို့ဖြစ်ပါတယ်။

နှလုံးခုန်မြန်ခြင်း ဖြစ်နိုင်ခြေကိုဘာတွေက မြင့်တက်စေသလဲ

နှလုံးခုန်မြန်ခြင်းကိုဖြစ်နိုင်ချေ များစေတဲ့ အချက်တွေ ကတော့ :

• နှလုံးသွေးကြောရောဂါ

• နှလုံးရောဂါ

• သွေးတိုးရောဂါ

• အရက် ကဖိန်း လွန်စွာ သုံးခြင်း

• စိတ်ဖိစီးမှု

• သွေးအားနည်းရောဂါ

• မွေးရာပါနှလုံးရောဂါ

• နှလုံးရောင်ရမ်းတဲ့ အခြေအနေတွေ

• နာတာရှည် အဆုတ်ရောဂါ

• အသက် ( အသက်ကြီးလေ နှလုံးမြန်ခြင်းကိုဖြစ်နိုင်ချေ များလေ ဖြစ်ပါတယ်)

• မျိုးရိုးလိုက်ခြင်း တို့ဖြစ်ပါတယ်။



#Crd_to_hellosayawon
#Forward_Only
#Knowledge
#health
#Ruby

"ခွေးရူးကောင်းစား တစ်မွန်းတည့်"


ခွေးရူးသည် စိတ်ဖောက်ပြန်သဖြင့် လူများကို လိုက်လံကိုက်ရာအားလုံး ထွက်ပြေး တိမ်းရှောင် ကြရသည်တွင် တစ်ကောင်တည်းမင်းမူနိုင်သကဲ့သို့ရှိသော်လည်း တစ်မွန်း တည့်အချိန်မျှသာ ကြာ၍ လူအများက တုတ်၊ လှံ၊ အုတ်ခဲတို့ဖြင့် ဝိုင်းရံပစ်ပေါက်နှိမ်နင်းကြသဖြင့် သေဆုံးရ သည်ဟု ဆိုလိုသည်။ အရည်အစွမ်းမရှိဘဲ မောက်မာသူသည် ခေတ္တခဏ အခိုက်အတန့်မျှသာ မော်မောက်နိုင်၍ နောက်များမကြာမီ ဇာတိရုပ်ပေါ်၍ ပျက်စီးရမြဲဖြစ်သည်ဟု ဆိုလိုသည်။


#crd
#Forward_Only
#မြန်မာစကားပုံ
#Knowledge
#Ruby

"ဒေါင်းမှာအက၊ စောင်းမှာည"

ဥဒေါင်းတို့၏ လှပတင့်တယ်ခြင်းသည် အမြီးဖြန့်၍ ကသောအခါတွင်ဖြစ်သည်။ စောင်းသံတို့၏ သာယာခြင်းသည် တိတ်ဆိတ်သော အကာလ ညဉ့်အခါတွင်ဖြစ်သည် ဟု ဆိုလိုသည်။ အခါကာလ၊ နေရာဒေသသို့လိုက်၍ ကောင်းမြတ်သာယာတင့်တယ် ခြင်းသည် အထွတ်အထိပ်သို့ ရောက်သည်ဟုဆိုလိုသည်။


#crd
#Forward_Only
#မြန်မာစကားပုံ
#Knowledge
#Ruby

အိပ်မက်တွေအားလုံးက
လက်လှမ်းမီနိုင်ပါတယ်။
မင်းလုပ်ရမှာက ဆက်သွားနေဖို့ပါပဲ။

✍️ Ar Kii🐶
#Forward_Only
#Motivation