မြန်မာဆိိုရိုးစကားများ　(၂၀၀)

■ ကုသိုလ်လည်းရဝမ်းလည်းဝ။
■ ကံဆိုးမသွားလေရာ မိုးလိုက်လို့ရွာ။
■ ကံမကောင်းအကြောင်းမလှ။
■ ကံရှိမှထင်ပေါ်၊ ဉာဏ်ရှိမှကျော်။
■ ကိုယ်ကကျူး၊ ကိုယ့်ဒူးမှမယုံရ။

■ ကိုယ်ကောင်းခေါင်းဘယ်မရွေ့။
■ ကိုယ်ထင် ခုတင်ရွှေနန်း။
■ ကိုယ်မွေးသည့်မျောက် ကိုယ့်ကိုယ်ခြောက်။
■ ကိုယ့်ကိုယ်ကိုယ်ဖော် သူတော်ခုနှစ်ပါး။
■ ကိုယ့်ငါးချဉ်ကိုယ်ချဉ်။

■ ကိုယ့်ပေါင်ကိုယ်လှန်ထောင်း။
■ ကိုယ့်အတတ်ကိုယ်စူး။
■ ကမ္ဘာမီးလောင်၊ သားကောင်ချနင်း။
■ ကောက်ညှင်းကမစေး၊ ဆန်ကြမ်းကစေး။
■ ကောက်ပင်ရိတ်လှီး၊ ရေစီးဖောင်ဆန်။

■ ကောင်းလျှင်စံ၊ ဆိုးလျှင်ခံ။
■ ကိုက်မနိုင်၊ ခဲမရ။
■ ကိုင်းကျွန်းမှီ၊ ကျွန်းကိုင်းမှီ။
■ ကျမြေကြီး၊ တက်ရွှေထီး။
■ ကျားကြီး၊ ခြေရာကြီး။

■ ကျားကြောက်လို့ရှင်ကြီးကိုး၊ ရှင်ကြီးကျားထက်ဆိုး။
■ ကျီစားသန် ရန်ဖြစ်။
■ ကျီးကန်းတောင်းမှောက်။
■ ကျူပင်ခုတ်၊ ကျူငုတ်မျှမကျန်စေနှင့်။

■ ကျောချမှ ဓားပြမှန်းသိ။
■ ကျော်တော့ လှေထိုးသား၊ ညားတော့လှေသူကြီး။
■ ကျောင်းနေကြာလို့ စာမတတ်။
■ ကြာကြာဝါးမှခါးမှန်းသိ။
■ ကြီးနိုင်ငယ်ညှင်း။

■ ကြီးလျှင်မှီ၊ ငယ်လျှင်ချီ။
■ ကြိုးစားကဘုရားဖြစ်။
■ ကြက်ကန်းဆန်အိုးတိုး။
■ ကြက်ချည်သောကြိုးနှင့် ဆင်ချည်သော်ပြတ်။
■ ကြက်မတွန်၍ မိုးမလင်း။

■ ကြက်မှာအရိုး လူမှာအမျိုး။
■ ကြောက်တတ်ရန်ကင်း။
■ ကြောင်အို၊ ကြွက်မလေး။
■ ကျွဲပါးစောင်းတီး။

■ ကြွက်သေတစ်ခု အရင်းပြု။
■ ခရီးလိုလျှင် လမ်းအိုလိုက်။
■ ခလုတ်ထိမှ အမိတ။
■ ခုစာကလေးကြော်၊ ခုဆီထမင်း။
■ ခုရေတွင်းတူး၊ ခုရေကြည်သောက်။

■ ခုရှုပ်မှနောင်ရှင်း။
■ ခဲလေသမျှ၊ သဲရေကျ။
■ ခေါ်တိုင်းလည်းမသွားနှင့်၊ တော်တိုင်းလည်းမကြွားနှင့်။
■ ခင်ရာဆွေမျိုး၊ မြိန်ရာဟင်းကောင်း။
■ ခုတ်ရာတခြား၊ ရှရာတလွဲ။

■ ချီးမွမ်းခုနှစ်ရက်၊ ကဲ့ရဲ့ခုနှစ်ရက်။
■ ချော်လဲ ရောထိုင်။
■ ချက်ဆို နားခွက်ကမီးတောက်။
■ ချင်းစိမ်းနှင့်မိဿလင်၊ သူကြင်မှ ကိုယ်ကြင်။

■ ချစ်တီးခေါင်းသန်းရှာ။
■ ချစ်တုန်းခင်တုန်း၊ တပြုံးပြုံး။
■ ချိတ် ချိတ်ချင်းမှ ချိတ်မိသည်။
■ ချိန်းလွန်းလျှင်မလာ။
■ ချုန်းလွန်းသည့်မိုးမရွာ။

■ ခြွေမှရံသည်။
■ ဂျပိုးလိပ်ဖြစ်။
■ ငါးကြင်းဆီနှင့် ငါးကြင်းကြော်။
■ ငါးခုံးမတစ်ကောင်ကြောင့် တစ်လှေလုံးပုပ်။
■ ငါးစိမ်းမြင်၊ ငါးကင်ပစ်။

■ ငါးပြေမဆားပက်သလို။
■ ငါးမြင်တော့ တံငါဆွေမျိုးမှန်းမသိ။
■ ငိုချင်လျက်လက်တို့။
■ ငိုအားထက် ရယ်အားသန်။
■ ငယ်ကချစ် အနှစ်တစ်ရာမမေ့သာ။

■ ငုတ်မိသဲတိုက်၊ တက်နိုင်ဖျားရောက်။
■ ငွေများတရားနိုင်။
■ စကားကျွံသော်နှုတ်မရ၊ ခြေကျွသော်နှုတ်ရ။
■ စကားချိုစေသူလိုစေ။
■ စကား စကားပြောပါများ၊ စကားထဲက ဇာတိပြ။

■ စကားဆို၊ တောင်လိုမမောက်နှင့်။
■ စကားဆိုသော် မတင်းနှင့်၊ တရားလိုသော် မငြင်းနှ၍့်။
■ စကားနောက် တရားပါ။
■ စကားလွန် ကျွန်ဖြစ်။
■ စပယ်ကောင်းလျှင် ပန်ချင်သူများသည်။

■ စာမတတ်လမ်းမှာဖတ်။
■ စားပြီး ခွက်မှောက်။
■ စားရကံကြုံတော့ မုတ်ဆိတ်ပျားစွဲ။
■ စားရမည့်အမဲ၊ သဲတရှပ်ရှပ်။
■ စုတတ်မှ အဖတ်တင်။

■ စိုသည့်လက်မခြောက်စေနှင့်။
■ စင်လိုလျှင်ဆေး၊ သိလိုလျှင်မေး။
■ စစ်မရောက်ခင်မြှားကုန်။
■ စစ်ရောက်မှ မြားချွန်၊ မိုးလွန်မှထွန်ချ။
■ စိတ်ပျိုကိုယ်နု။

■ စိန်နားကပ်ကြောင့်ပါးပြောင်။
■ စောင်ခြုံထဲကလက်သီးပြ။
■ စိုင်ကော်လို့ ခြုံပေါ်ရောက်။
■ ဆရာချင်းတူ၊ နည်းချင်းမတူ။
■ ဆရာထက်တပည့်လက်ဆောင်းထက်။
■ ဆရာမပြနည်းမကျ။

■ ဆရာများ၊ သားသေ။
■ ဆရာမှန် အလံစိုက်စရာမလို။
■ ဆရာလည်းဝေး၊ ဆေးလည်းပြယ်။
■ ဆုတောင်းတိုင်းပြည့်လျှင် လူပြည်လူပင်မရှိ။

■ ဆူးကျဖက်ပေါက်၊ ဖက်ကျဖက်ပေါက်။
■ ဆူးကမစူး၊ မဝါးကစူး။
■ ဆေးစက်ကျရာ အရုပ်ဖြစ်။
■ ဆေးလည်းအစာ၊ အစာလည်းဆေး။
■ ဆိုးတူကောင်းဖက်။

■ ဆင်ကျီစားရာ ဆိတ်မခံသာ။
■ ဆင်ပိန်ကြွဲလောက်
■ ဆန္ဒကြီးလျှင် ကြံသမျှပြီး။
■ ဆင်ပြာသည် လင်ပျောက်သလို။
■ ဆုပ်လဲစူး၊ စားလဲရူး။

■ ဆောက်ဖြစ်မှ ကျောင်းတကာ။
■ ညီညာမှပြည်သာသည်။
■ ညားတော့ဈေးသည်၊ ရွယ်တော့မင်းမျိုး။
■ ညောင်ပင်လောက်လှူ၊ ညောင်စေ့လောက်ရ။
■ တစ်ကျမ်းတစ်ဂါထာ၊ တစ်ရွာတစ်ပုဒ်ဆန်း။

■ တစ်ချက်ခုတ်နှစ်ချက်ပြတ်။
■ တစ်ခါသေဖူး၊ ပျဉ်ဖိုးနားလည်။
■ တစ်နေ့တစ်လံ၊ ပုဂံဘယ်ပြေးမလဲ။
■ တပည့်မကောင်း ဆရာ့ခေါင်း။

■ တပည့်လိမ္မာဆရာအာပတ်လွတ်။
■ တပေါင်းတန်ခူး ဝမ်းမနူးနှင့်။
■ တစ်ရပ်တည်းနေ တစ်ရေတည်းသောက်။
■ တစ်ရွာ တစ်ကျီဆောက်။
■ တစ်ရွာမပြောင်း သူကောင်းမဖြစ်။

■ တစ်လှေထဲစီး တစ်ခရီးထဲသွား။
■ တစ်သားမွေး တစ်သွေးလှ။
■ တံငါနားနီး တံငါ၊ မုဆိုးနားနီး မုဆိုး။
■ တန်ခိုးထက်၊ လက်ခကြီး။
■ တန်လျှင်ဆေး လွန်လျှင်ဘေး။

■ တိတ်တိတ်နေသော် ထောင်တန်။
■ တုံးလဲ ထင်းဖြစ်။
■ တုံးဆိုတိုက်၊ ကျားဆိုကိုက်။
■ တောင်စဉ်ရေမရ။
■ တွေ့ကြုံဆုံကွဲ၊ မမြဲဓမ္မတာ။

■ ထမင်းကိုအကုန်စား စကားကိုအကုန်မပြောနှင့်။
■ ထမင်းကြမ်းက အငွေ့ထွက်။
■ ထူးမှမြတ်သည်၊ ရူးမှတတ်မည်။
■ ထင်ပေါ်လျှင်စင်တော်ကကောက်။

■ ထိုင်နေအကောင်းသား၊ ထသွားမှကျိုးမှန်းသိ။
■ ထွေးပြီးသားတံတွေး၊ မျိုမြဲမရှိ။
■ ဒါနသီလမပါ၊ ေ+သခါမှသိ။
■ ဒူးနေရာဒူး၊ တော်နေရာတော်။
■ ဒူးလောက်တင်မှ ရင်လောက်ကျ။

■ ဒေါသရှေ့ထားမှားတတ်သည်။
■ ဓမ္မာသောက အင်းဝရာဇာ။
■ နဂိုရှိမှ နကိုင်းထွက်။
■ နေနှင့်လရွှေနှင့်မြ။
■ နေမြင့်လေ အရူးရင့်လေ။

■ နေ့မြင်ညပျောက်။
■ နတ်နှင့်နဂါး မလှည့်စားနှင့်။
■ နောင်ခါလာ၊ နောင်ခါဈေး။
■ ပါးစပ်က ဘုရား၊ လက်က ကားယား။
■ ပုဆိုးခြုံထဲက လက်သီးပြ။

■ ပေးကမ်းနိုင်က ရန်ရှားသည်။
■ ပေးစရာမရှိ လျော်စရာရှိ။
■ ပညာရဲရင့် ပွဲလယ်တင့်။
■ ပညာရှိ သတိဖြစ်ခဲ။
■ ပညာရှိလျက် ဒေါသဖျက်။

■ ပညာရွှေအိုး လူမခိုး။
■ ပညာသယ်၊ ကြီးငယ်မဆိုသာ။
■ ပတ္တမြားရောင်ထက်၊ ပညာရောင်လက်။
■ ပုပ်မှပေါ်၊ ဟုတ်မှကျော်။

■ ပျော်ပျော်နေသေခဲ။
■ ပျောက်သောသူ ရှာလျှင်တွေ့၊ သေသောသူ ကြာလျှင်မေ့။
■ ပြဒါးတစ်လမ်း၊ သံတစ်လမ်း။
■ ပြင်လွန်းလျှင် ဖင်ချွန်း။

■ ပြည်တင်း မင်းမခံနိုင်။
■ ပွဲမဝင်ခင် အပြင်ကကျင်းပ။
■ ပွဲသွားကြော့ကြော့၊ ပွဲပြန်မော့မော့။
■ ဖုတ်လေတဲ့ငါးပိ၊ ရှိလေမှန်းမသိ။

■ ဖွဲကိုထောင်း၍ ဆံကောင်းမရ။
■ ဗိုလ်နေမြဲ၊ ကျားနေမြဲ။
■ ဘုမသိ၊ ဘမသိ။
■ ဘယ်သူမပြု၊ မိမိမှု။
■ ဘယ်သူသေသေ၊ ငတေမာ ပြီးရော။

■ ဘုန်းကြီးစာချ။
■ ဘုန်းကြီးအမှု ရွာပတ်။
■ မကောင်းကျောင်းပို့။
■ မခေါ်ချင်နေရ၊ မတော်ချင်မနေရ။
■ မစားရတပူပူ၊ စားရတဆူဆူ။

■ မစားရတဲ့အမဲသဲနှင့်ပက်။
■ မစားရ အညှော်ခံ။
■ မတူလျှင်မတုနှ၍့်။
■ မပို့ဘဲနှင့်မဲဇာရောက်။
■ မပြည့်သည့်အိုး ဘောင်ဘင်ခတ်။

■ မယားနေစ၊ ကြောင်သေမှ။
■ မရှိတာထက် မသိတာခက်။
■ မရှိလို့မလှူ၊ မလှူလို့မရှိ။
■ မသာတစ်ခေါက်၊ ကျောင်းဆယ်ခေါက်။
■ မသိသူကျော်သွား၊ သိသူဖော်စား။
■ မိကျောင်းမင်း ရေခင်းပြ။

■ မိအေးနှစ်ခါနာ။
■ မီးကြီးမီးနိုင်၊ ရေကြီးရေနိုင်။
■ မီစဉ်ကြည့်၍က။
■ မီးမရှိဘဲ မီးခိုးမထွက်နိုင်။
■ မုသားမပါ လင်္ကာမချော။

■ မိုးလွန်မှ ထွန်ချ။
■ ခင်းမယောက်ျား၊ ကမ်းနားသစ်ပင်။
■ မင်းမှာသစ္စာလူမှာကတိ။
■ မိန်းမမာယာ သဲကိုးဖျာ။

■ မုတ်ဆိတ်ပျားစွဲ။
■ မျက်နှာကြီးရာ ဟင်းဖတ်ပါ။
■ မျက်နှာလွှဲ၊ ခဲပစ်။

credit: :original uploader


#crd
#မြန်မာဆိုရိုးစကားများ(၂၀၀)
#Forward_Only
#Ruby

ခန္ဓာကိုယ်မှ အဆိပ်အတောက်ကိုဖယ်ရှားပေးနိုင်တဲ့အစားအစာ ၁၁မျိုး

၁။ နိုကိုဥ (Beetroot)

vitamins B3 ၊ B6 နဲ့ vitamin C ကြွယ်ဝစွာ ပါဝင်ပါတယ်။ သံဓာတ်၊ ဇင့် နဲ့ ကယ်လဆိယမ်လည်း ပါဝင်မှုကြောင့် သင့်ခန္ဓာကိုယ်ကို အဆိပ်အတောက်ကင်းစင်စေပါတယ်။ ခန္ဓာကိုယ်အတွက် ကောင်းမွန်စေတဲ့ဓာတ်ပေါင်းများစွာပါဝင်တာကြောင့် သင့်ခန္ဓာကိုယ်ကို အဆိပ်အတောက်ကင်းစင်စေဖို့ အကောင်းဆုံအစားအစာတစ်မျိုးပဲဖြစ်ပါတယ်။


၂။ သံပုရာသီး (Lemon)

သင့်ခန္ဓာကိုယ်ထဲမှာ အက်ဆစ်ဓာတ်ပမာဏက ညီမျှနေဖို့လိုပါတယ်။ သံပုရာသီးကဲ့သို့ ချဉ်သောအသီးတွေက သင့်ရဲ့ခန္ဓာကိုယ်မှာ အဆိပ်အတောက်တွေ စစ်ထုတ်ပေးဖို့ ကူညီနိုင်ပါတယ်။


၃။ ကြက်သွန်ဖြူ (Garlic)

Antiseptic ဆိုတဲ့အစွမ်းပါဝင်မှုကြောင့် သင့်ရဲ့ခန္ဓာကိုယ်မှာ ရောဂါဖြစ်ပွားစေတဲ့ အဆိပ်အတောက်တွေကို ဖယ်ရှားပေးနိုင်ပါတယ်။


၄။ ပန်းသီး (Apple)

အာဟာရဓာတ်ပြည့်ဝပြီး အမျှင်ဓာတ်ပါဝင်မှုကြောင့် သင့်ခန္ဓာကိုယ်တစ်ခုလုံးကို သန့်စင်စေဖို့ အထူးကောင်းမွန်တဲ့အသီးအနှံဖြစ်ပါတယ်။


၅။ လက်ဖက်စီမ်း (Green tea)

လက်ဖက်စိမ်းရွက်က အစွမ်းထက်တဲ့ antioxidants တွေပါဝင်တာကြောင့် သင့်ခန္ဓာကိုယ်ကို အဆိပ်အတောက်ကင်းစေတဲ့ အစွမ်းရှိပါတယ်။


၆။ နနွင်း (Turmeric)

Curcumin ဆိုတဲ့ဓာတ်က နနွင်းမှာပါဝင်ပါတယ်။ ထိုဓာတ်ကြောင့် အဆိပ်အတောက်ကင်းစင်စေပါတယ်။


၇။ ဂေါ်ဖီထုပ် (Cabbage)

ဂေါ်ဖီထုပ်စားခြင်းက သင့်ရဲ့အူမကြီးလုပ်ဆောင်ချက်ကို ကောင်းမွန်စေပါတယ်။ အဲဒါကြောင့် ခန္ဓာကိုယ်မှာ အဆိပ်အတောက်တွေဖယ်ရှားပေးဖို့ ပိုပြီးလွယ်ကူစေပါတယ်။ အသည်းကိုလည်း သန့်စင်စေပါတယ်။


၈။ Flaxseeds

Flaxseeds မှာ အမျှင်ဓာတ်ကြွယ်ဝမှုကြောင့် အဆိပ်အတောက်တွေကို ဖယ်ထုတ်ပေးနိုင်ပါတယ်။


၉။ ကရိန်းဘယ်ရီသီး (Cranberries)

Antioxidants မြင့်မားစွာပါဝင်မှုကြောင့် ခန္ဓာကိုယ်ထဲက ရောင်ရမ်းခြင်းကို လျော့ကျစေပါတယ်။ ခန္ဓာကိုယ်တွင်းအဆိပ်အတောက်ကင်းစင်စေဖို့ ကူညီပေးနိုင်ပါတယ်။


၁၀။ အစိမ်းရောင် အသီးအရွက်များ

အစိမ်းရောင်အသီးအရွက်များမှာ ကလိုရိုဖီးလ် ကြွယ်ဝစွာပါဝင်တာကြောင့် အဆိပ်အတောက်တွေကိုဖယ်ရှားဖို့ အထောက်အကူဖြစ်စေပါတယ်။


၁၁။ နံနံပင် (Cilantro)

နံနံပင်က အဆိပ်အတောက်ကိုဖယ်ရှားရမှာ အရမ်းကိုအရေးပါတဲ့အစားအစာဖြစ်ပါတယ်။ သင့်ကိုယ်တွင်းအဂါၤတွေနဲ့ သွေးထဲက အဆိပ်အတောက်တွေကို ဖယ်ရှာပေးဖို့ ကူညီပေးနိုင်တဲ့ ဆေးဖက်ဝင်အပင်တစ်မျိုးဖြစ်ပါတယ်။



#crd
#Forward_Only
#Knowledge
#Ruby