နမ္မတူမြို့သည် ရှမ်းပြည်နယ်မြောက်ပိုင်းကျောက်မဲခရိုင်ရှိ နမ္မတူမြို့နယ်၏မြို့တစ်မြို့ဖြစ်သည်။နမ္မတူမြို့တွင် ကချင်၊ကရင်၊ရှမ်း၊ဗမာ၊ပလောင်၊တရုတ်စသည့်လူမျိုးများနေထိုင်ကျသည်။နမ္မတူမြို့ရှိ သတ္တုတွင်းလုပ်ငန်းကြီးသည် နမ္မတူမြို့ရှိလူတိုင်းအတွက်အားကိုးရာစက်ရံုတစ်ခုဖြစ်သကဲ့သို့ နိုင်ငံတော်အတွက်လဲ အထောက်အကူဖစ်စေခဲ့သည်။နမ္မတူမြို့နယ်ရှိ ဘော်တွင်း-ကျားစခန်း တွင်ရှိသော သတ္တုတွင်းကြီးသည် ဒုတိယအကြီးဆုံးသတ္တုတွင်းကြီးဖြစ်ခဲ့ဖူးသည်။နမ္မတူမြို့ရှိ သတ္တုတွင်းကြီးကြောင့် ဒုတိယကမ္ဘာစစ်မဖစ်ခင်အထိ နိုင်ငံခြားသားများပါလာရောက်နေထိုင်လုပ်ကိုင်ခဲ့ပီး အင်္ဂလိပ်လူမျိုးများ၏ အဆောက်အဦးလက်ရာများသည် ယခုတိုင်တည်ရှိနေသည်။နမ္မတူမြို့ရှိ မီးခိုး‌ေခါင်းတိုင်၊အ.လ.က(2) ကျောင်းကြီးနဲ့ အိမ်စိမ်းကြီး များသည် အင်္ဂလိပ်လူမျိုးများရဲ့လက်ရာများသာဖြစ်သည်။လွန်ခဲ့သည့်နှစ်ပေါင်းများစွာများတွင် နမ္မတူမြို့၌အရာရှိသားသမီးနဲ့ငွေကြေးချမ်းသားသူများသာ ကျောင်းတက်ခဲ့ရပီး တက်ရသည့်ကျောင်းတွင် အင်္ဂလိပ်လိုသာပြောဆိုခဲ့ရသည်။

ဒုတိယကမ္ဘာစစ်ဖစ်ပီးနှောင်းပိုင်းတွင် နမ္မတူမြို့ရှိ အဆောက်အဦးတော်တော်များ"ပျက်စီးခဲ့ပီးမီးခိုးခေါင်းတိုင်ကြီး အပါအဝင်ဖြစ်သောကြောင့် ထိုမီးခိုးခေါင်းတိုင်ကြီးသည် မြန်မာနိုင်ငံ၏စစ်လျော်ကြေးအဖစ် ယခုတိုင်ရရှိနေခဲ့သည်။

#Alex
#Knowledge

1D - Perfect ဆိုခိုင်းထားလို့🫶 ဝါးချတာလေးတွေသည်းခံပေးနော် မင်မင်သိပ်မရလို့

#Alex

ကိုယ့်တန်ဖိုးနဲ့ ကိုယ်ရှိတယ်
****

ကိုယ့်လုပ်ရပ်အပေါ်
မယုံကြည်ခဲ့တဲ့ သူတွေကို
ဘယ်တော့မှ ပြန်အောက်မကျို့နဲ့
ကိုယ့်မှာလဲ ကိုယ့်တန်ဖိုးနဲ့ကိုယ်ရှိတယ်။

ကိုယ့်ယုံကြည်မှုအပေါ်
သစ္စာဖောက်ခဲ့တဲ့ ချစ်သူကို
ဘယ်တော့မှ ပြန်လက်မခံနဲ့
ကိုယ့်မှာလဲ ကိုယ့်တန်ဖိုးနဲ့ကိုယ်ရှိတယ်။

ကိုယ့်စေတနာအပေါ်
ကျေးဇူးကန်းခဲ့တဲ့ သူတွေကို
ဘယ်တော့မှ လက်ဆွဲပြန်မနှုတ်ဆက်နဲ့
ကိုယ့်မှာလဲ ကိုယ့်တန်ဖိုးနဲ့ကိုယ်ရှိတယ်။

ကိုယ့်ခင်မင်မှုအပေါ်
အသုံးချခဲ့ဖူးတဲ့ မိတ်ဆွေကို
ဘယ်တော့မှ ပြန်မယုံကြည်နဲ့
ကိုယ့်မှာလဲ ကိုယ့်တန်ဖိုးနဲ့ကိုယ်ရှိတယ်။

ကိုယ့်နားလည်မှုအပေါ်
အခွင့်အရေးယူခဲ့တဲ့ သူတွေကို
ဘယ်တော့မှ ပြန်မယုံကြည်နဲ့
ကိုယ့်မှာလဲ ကိုယ့်တန်ဖိုးနဲ့ကိုယ်ရှိတယ်။

တန်ဖိုးရှိတဲ့အရာဆိုတာ
တန်ဖိုးသိသူရဲ့ ပတ်ဝန်းကျင်နဲ့
တန်ဖိုးနားလည်သူတွေရဲ့ အနားမှာပဲ
ရှိနေသင့်တယ်။

တန်ဖိုးမသိတဲ့ ပတ်ဝန်းကျင်နဲ့
တန်ဖိုးနားမလည်တဲ့ လူတွေအနားမှာရှိနေတဲ့အခါ
ကိုယ်ဟာတန်ဖိုးရှိပေမယ့်လဲ
အလိုလိုတန်ဖိုးမဲ့သွားလိမ့်မယ် ။


#Forward_Only
#credit
#Motivation
#Ruby

ကရင်ပြည်နယ်ကို ၁၉၄၇ ခုနှစ်၊ ဖွဲ့စည်းပုံအခြေခံဥပဒေပုဒ်မ (၁၈၀)၊ ပုဒ်မခွဲ (၁)အရ ဗြိတိသျှအစိုးရ လက်ထက်က သံလွင်ခရိုင်ရှိ ဖာပွန်၊ သထုံခရိုင်ရှိ ဘားအံနှင့် လှိုင်းဘွဲ၊ ကျိုက်ခမီခရိုင်ရှိ ကော့ကရိတ်နှင့် ကြာအင်းဆိပ်ကြီး၊ တောင်ငူခရိုင်ရှိ သံတောင်မြို့နယ်များကို စုစည်းပြီး ကရင်ပြည်နယ်ဟု ပြင်ဆင်သတ် မှတ်ခဲ့သည်။ ၁၉၆၄ ခုနှစ် ဧပြီ ၃ ရက်နေ့တွင် တော်လှန်ရေးကောင်စီ၏ ကြေညာစာအမှတ် (၅၁)အရ ကရင်ပြည်နယ် အား ကော်သူးလေပြည်နယ်ဟု ပြင်ဆင်သတ်မှတ်ခဲ့သည်။
၁၉၆၅ ခုနှစ် အောက်တိုဘာ ၅ ရက်နေ့တွင် ပြည်ထဲရေးဝန်ကြီးဌာန စာအမှတ်၊ (၆၁၈)ဖြင့် ကရင်ပြည်နယ်မှ ဘားအံခရိုင်ကို မြို့နယ် (၄)မြို့နယ်ဖြင့်လည်းကောင်း၊ အမိန့်ကြော်ငြာစာအမှတ်၊ (၆၉၇)ဖြင့် ကော့ကရိတ် ခရိုင်ကို မြို့နယ် (၃)မြို့နယ်ဖြင့်လည်းကောင်း ဖွဲ့စည်းခဲ့သည်။

၁၉၇၂ ခုနှစ် ဩဂုတ်လ ၃ ရက်နေ့တွင် ပြည်ထဲရေးနှင့် သာသနာရေးဝန်ကြီးဌာန၏ အမိန့်ကြော်ငြာစာအမှတ် (၁၆၆)အရ ၁၉၇၂ ခုနှစ်၊ ဩဂုတ်လ ၇ ရက်နေ့မှစ၍ ခရိုင်၊ ခရိုင်ခွဲ၊ မြို့နယ်ခွဲများကို ပယ်ဖျက်ခဲ့သည်။ ထို့နောက် နိုင်ငံတော်ကောင်စီကာလတွင် (၁၉၄၇) ခုနှစ်၊ ဖွဲ့စည်းပုံအခြေခံဥပဒေ ပုဒ်မ (၁၀)၊ ပုဒ်မခွဲ (က)ဖြင့် ကော်သူးလေပြည်နယ်ကို ကရင်ပြည်နယ်ဟု ပြန်လည်သတ်မှတ်ခဲ့သည်။ နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့လက်ထက် ၁၉၉၂ ခုနှစ် အောက်တိုဘာလ ၇ ရက်နေ့တွင် ပြည်ထဲရေးဝန်ကြီးဌာန၏ အမိန့်ကြော်ငြာစာဖြင့် ကော့ကရိတ်ခရိုင်ရှိ မြဝတီမြို့နယ်ကို ခရိုင်အဆင့်ဆင့် တိုးမြှင့်ဖွဲ့စည်းခဲ့သည်။

၂၀၁၁ ခုနှစ် ဇန်နဝါရီလ ၁၂ ရက်နေ့တွင် ပြည်ထဲရေးဝန်ကြီးဌာန၏ အမိန့်ကြော်ငြာဖြင့် ဘားအံခရိုင် လက်အောက်ရှိ ဖာပွန်မြို့နယ်ကို ခရိုင်အဖြစ်အဆင့်တိုးမြှင့် ဖွဲ့စည်းခဲ့သည်။ ၂၀၂၂ ခုနှစ် ဧပြီလ (၃၀) နေ့တွင် ပြည်ထဲရေးဝန်ကြီးဌာန၏ အမိန့်ကြော်ငြာစာဖြင့် ကြာအင်းဆိပ်ကြီးမြို့နယ် နှင့် သံတောင်ကြီးမြို့နယ်တို့ကို ခရိုင် အဖြစ်တိုးချဲ့ဖွဲ့စည်းခဲ့သည်။ ကရင်ပြည်နယ်တွင် လက်ရှိ ခရိုင် ၆ ခရိုင်၊ မြို့နယ် ၇ မြို့နယ်၊ မြို့ ၁၈ မြို့၊ ရပ်ကွက် ၈၄ ရပ်ကွက်၊ ကျေးရွာအုပ်စု ၃၇၆ အုပ်စုနှင့် ကျေးရွာ ၂၀၆၃ ရွာ ပါဝင်ဖွဲ့စည်းထားရှိသည်။
#Venn
#Knowledge
#Crd

positive psychology အကြောင်း

Positive Psychology (အကောင်းမြင်စိတ်ပညာ) ဆိုတာကတော့ 1998 ခုနှစ်လောက်မှာ Martin Seligman ဆိုတဲ့ စိတ်ပညာရှင်က အသစ်ထပ်မံလေ့လာတွေ့ရှိခဲ့တဲ့ စိတ်ပညာနယ်ပယ်ခွဲတစ်ခုဖြစ်ပါတယ်။ အဲ့ဒီနှစ်တွေမတိုင်ခင်က စိတ်ပညာနယ်ပယ်က ပညာရှင်တွေဟာ စိတ်ပိုင်းဆိုင်ရာနဲ့ပတ်သက်တဲ့ ရောဂါတွေ၊ ပြဿနာတွေ၊ မကောင်းတဲ့အတွေးတွေကိုသာ အဓိကထား သုတေသနပြုလုပ်ခဲ့ကြပြီး လူတွေရဲ့ ဦးနှောက်ထဲက မကောင်းတဲ့အတွေးတွေကို ဘယ်လိုဖယ်ရှားကုသမလဲဆိုတာကိုပဲ လေ့လာခဲ့ကြတာဖြစ်ပါတယ်။

1998 နောက်ပိုင်းမှာမှ Martin Seligman ကအစပြုလို့ စိတ်ပညာရှင်တွေဟာ လူတွေရဲ့ ဦးနှောက်နဲ့ နှလုံးသားထဲမှာရှိတဲ့ အကောင်းမြင်စိတ်အကြောင်းကို လေ့လာခဲ့ကြပြီး လူနေမှုဘ၀နဲ့ အကောင်းမြင်စိတ် ဆက်စပ်ပုံတွေ၊ အကောင်းမြင်စိတ်အလုပ်လုပ်ပုံတွေနဲ့ ကောင်းကျိုးတွေကို လေ့လာခဲ့ကြရင်း Positive Psychologyဟာ ယနေ့ခေတ်မှာ တွင်ကျယ်လာတာဖြစ်ပါတယ်။
#Venn
#Knowledge
#Crd

ရူပဗေဒသည် သဘာဝတရား၏ သိပ္ပံပညာ ဖြစ်ပြီး စကြာ၀ဠာ၏ အခြေခံပစ္စည်းများအကြောင်း၊ ၎င်းတို့၏ တစ်ခုပေါ်တစ်ခု အားသက်ရောက်မှုနှင့် အပြန်အလှန်ဆက်နွယ်နေမှု ၎င်းတို့မှရလာသော အဆုံးသတ်ဖြစ်ပေါ်ချက်များကို ကိုင်တွယ်ဖြေရှင်းသော ဘာသာရပ်ဖြစ်သည်။

ရူပဗေဒ(physicsသည် ဒြပ်၀တ္ထုများ နှင့် လှုပ်ရှားမှုများကို လေ့လာသော ဘာသာရပ်ဖြစ်သည်။ ရူပဗေဒသည် နေရာ နှင့် အချိန်ကိုလည်း လေ့လာသည်။ ရူပဗေဒသည် စွမ်းအင်၊ အား၊ ၀တ္ထု နှင့် လျှပ်စစ်ဓာတ်ကို အသုံးပြုသည်။ ခြုံငုံပြောရလျှင် ရူပဗေဒသည် သဘာဝကို လေ့လာဆန်းစစ်မှုဖြစ်ပြီး ကျွန်ုပ်တို့၏ ပတ်ဝန်းကျင် အားလုံးကို နားလည်ရန်ပင်ဖြစ်သည်။

ရူပဗေဒဆိုသော စကားလုံးသည် ပါဠိဘာသာစကားမှ ဆင်းသက်လာခြင်းဖြစ်သည်။ (ရူပ = ရုပ်၊ ဗေဒ=ပညာ)ရုပ်ဝတ္ထုတွေအကြောင်း လေ့လာသော ပညာဟု အဓိပ္ပာယ်ဆောင်သည်။ ရူပဗေဒ၏ အဓိပ္ပာယ်ကို မြန်မာလို တိုက်ရိုက်ဖွင့်ဆိုပါက (ရူပ = ရုပ်ဝတ္တု၊ ဗေဒ = ခွဲခြမ်း စိတ်ဖြာသော ပညာ) ရုပ်ဝတ္တုများကို ခွဲခြမ်းစိတ်ဖြာ၍ လေ့လာသော ပညာရပ်ဟု ဆိုလိုသည်။ တနည်းအားဖြင့် သဘာဝသိပ္ပံပညာ ဖြစ်သည်။
#Venn
#Knowledge
#Crd

အားလုံးပဲ မင်္ဂလာညချမ်းပါခဗျာ 🍀🌌

ဒီနေ့တော့ Bio Eco Physics နဲ့ Chemistry အကြောင်းကို ရှင်းပြသွားမှာဖြစ်ပါတယ်ဗျ

Biology (ဇီဝဗေဒ)

Bio ဆိုတာ သတ္တဝါတွေ အပင်တွေ ဆဲလ်တွေရဲ့အကြောင်းကိုလေ့လာတာပါ။ သတ္တဝါတွေရဲ့ ဖွဲ့စည်းပုံ အစိတ်အပိုင်း စတာတွေကို ခွဲစိတ်မယ် လေ့လာမယ်"အလားတူ အပင်တွေရဲ့ ဖြစ်တည်မှုတွေ ဒြပ်ဖွဲ့စည်းပုံတွေ သက်တမ်း မျိုးရိုးဗီဇ တွေကို သင်ကြားရတာမျိုးပါ။

လူတွေမှာဆိုရင် သွေးအမျိုးအစား ကိုယ်ခန္တာ စတာတွေကို အသေးစိတ်ကအစ သင်ကြားရတဲ့ ဘာသာပါ။ Bio ကို 10တန်းမှာ စတင်သင်ကြားရပါတယ်။

ဇီဝဗေဒပညာရပ်သည် ကြီးမားကျယ်ပြန့်သောဘာသာရပ်ဖြစ်တာကြောင့် ဘာသာခွဲငယ်များဖြင့် အသေးစိတ်ပိုင်းခြားလေ့လာနိုင်ပါတယ်ဗျ"

Bio ကို
သတ္တဗေဒ (zoology)
ရုက္ခဗေဒ (botany)
အဏုဇီဝဗေဒ (Microbiology)
Cytology(ဆဲလ်ဗေဒ ဝါ ကလပ်စည်းဗေဒ)
Genetics(မျိုးရိုးဗီဇဗေဒ)
Evolutionary biology(ဆင့်ကဲပြောင်းလဲခြင်းဗေဒ)
Taxonomy(ဇီဝမျိုးခွဲဗေဒ)
Ecology(ဂေဟဗေဒ) ဆိုပြီး ထပ်မံခွဲခြားထားပါတယ်။

ဒါပေမဲ့ Bio ကို ဆရာဝန် ဖြစ်ချင်တဲ့သူများ Eng ပိုင်နိုင်တဲ့သူများသာ ရွေးဖို့ recommeted ပေးချင်ပါတယ်ဗျ

Economy(စီးပွားရေး)

Eco ကတော့ စီးပွားရေးဘာသာပဲဖြစ်ပါတယ်"ငွေကြေးဖလှယ်မှုတွေ ကုန်စည်တန်ဖိုးတွေ တစ်နိုင်ငံနဲ့ တစ်နိုင်ငံ ငွေကြေး ဖလှယ်တာတွေ ငွေကြေးအသုံးဝင်မှုတွေ ငွေကြေးဖောင်းပွမှု ကို သင်ရတဲ့ ဘာသာမျိုးပါ"Eco မို့လို့ မြန်မာစာပဲဆိုပြီး အထင်တော့ မသေးလိုက်ပါနဲ့ ချားရဟတ်စီးရသလို ချာချာလည်သွားပါလိမ့်မယ်။

Eco မှာလဲ
စားသုံးသူ၏သုံးစွဲမှု့ (Consumer Spending)
ငွေကြေးလှဲလှယ်နှုန်း (Exchange Rate)
ရင်းနှီးမြှုပ်နှံမှု့တစ်ခု၏ ဂျီဒီပီ (GDP per capital)
စတော့ဈေးကွက် (Stock Market)
အတိုးနှုန်း (Interest Rate)
နိုင်ငံ၏အကြွေး(Government Debt)
ငွေကြေးဖောင်းပွမှု့နှုန်း (Rate of Inflation)
အလုပ်လက်မဲ့နှုန်း (Unemployment)
ကုန်သွယ်မှု့ဟန်ချက် (Balance of Trade) ဆိုပြီး စတဲ့အရာတွေ အားလုံးကိုသင်ကြားရတာပါ။

ကိုယ်က စီးပွားရေးသမား အောင်မြင်တဲ့ လုပ်ငန်းရှင်တစ်ယောက် ဖြစ်ချင်ရင် Eco သာ ရွေးချယ်လိုက်ပါ။

Physics(ရူပဗေဒ)

Physics ဆိုတာကတော့ အက်တမ် နဲ့ ဒြပ်ဆွဲအား တွေ အကြောင်းသင်တဲ့ ဘာသာရပ်ပါ"မြန်မာဆိုလို ရူပဗေဒ ပေါ့ ရူပဗေဒ (physics) က သင်္ချာကို အခြေခံပြီး စကြာဝဠာ(universe) အကြောင်းကို အရင်းခံအကျဆုံး ရှင်းပြနိုင်သော ဘာသာရပ်ဖြစ်ပါတယ်။

ဥပမာအားဖြင့် ဓာတုဗေဒ ဖြစ်စဉ်များအကြောင်းကို ရူပဗေဒ က မော်လီကျူးတွေ အက်တမ်အောက်အမှုန်တွေနဲ့ သဘောသတ္တိတို့ကို သုံးပြီး၊ မော်လီကျူး အချင်းချင်းကြား တုံ့ပြန်ပုံနိယာမများ သုံးပြီး ရှင်းပြနိုင်တဲ့ ဘာသာရပ်လဲ ဖြစ်ပါတယ်" ကမ္ဘာမြေကြီးရဲ့ ဆွဲအားတွေ စကြာဝဠာရဲ့ ဆွဲအားတွေ ဒြပ်မှုန်တွေ သံလိုက် တွေ တွင်းနက် တွေအကြောင်းကိုပါ ရူပဗေဒက သင်ကြားပေးနိုင်ပါတယ်။

Chemistry (ဓာတုဗေဒ)

Chemistry ကတော့ ဒြပ်ဝတ္တုတို့ရဲ့ ပါဝင်ပေါင်းစပ်ပုံ၊ ပုံသဏ္ဌာန်တွေ ဂုဏ်သတ္တိ များနဲ့အတူ ဓာတု ဓာတ်ပြုခြင်း ဖြစ်လာတဲ့အခါ ဖြစ်ပေါ်လာတဲ့ ပြောင်းလဲခြင်းတွေကို လေ့လာသော သိပ္ပံဘာသာရပ် တစ်ခုဖြစ်ပါတယ်။ဓာတုဗေဒ လို့လဲခေါ်ပါတယ်။

ဓာတုဗေဒက ရုပ်ဝတ္တု သိပ္ပံဘာသာရပ် ဖြစ်ပြီး အက်တမ်၊ မော်လီကျူး၊ ပုံဆောင်ခဲ နဲ့ အခြား စုပေါင်းထားတဲ့ ဒြပ်ပေါင်း၊ ဒြပ်နှော များမှာ ဓာတုဖြစ်စဉ်များ ဖြစ်ပေါ်ခြင်းနဲ့ ပတ်သက်တဲ့ စွမ်းအင် သဘောတရားများကို လေ့လာတဲ့ ဘာသာရပ်ဖြစ်ပါတယ်။

ဆေးဖော်တာ ဆေးကျိုချက်တာ တွေ နျူကလိယ ထုတ်လုပ်တာတွေ ဓာတုဆေးလုပ်တာတွေ စတာတွေကို သင်ကြားပေးတဲ့ ဘာသာရပ်လဲ ဖြစ်ပါတယ်"သိပ္ပံပညာရှင်ဖြစ်ချင်တယ်ဆိုရင်တော့ Chemistry ကို ပိုင်နိုင်အောင်သာ လေ့လာထားပါ

#Zewazoe
#Forward_only
#Knowledge